Përplasjet në Veri, Kurti: Në demokraci s'ka vend për dhunë fashiste. Reagime edhe nga Tirana: Serbia mos të provokojë!
Takimi me zyrtarin e BE-së/ Osmani: Bandat kriminale të mbështetura nga Vuçiçi kanë qëllim destabilizimin...
Takimi me zyrtarin e BE-së/ Osmani: Bandat kriminale të mbështetura nga Vuçiçi kanë qëllim destabilizimin...
foto ilustruese Përplasen dy makina në aksin Gjirokastër-Jorgucat, plagosen tre persona 30 Maj, 10:55 P&e...
Nuredin Dumani del nga burgu, shoqërohet drejt GJKKO-së, sot do dëshmojë sot për 4 vrasjet në Durrës 30 Maj,...
Deputetja britanike bën deklaratën e fortë: Serbia furnizon bandat, armët fshihen në kisha dhe zhvendosen me ambulanca ...
• Kryetari i PD, Sali Berisha iu kërkoi deputetëve këmbëngulje në Kuvend për të ngritur Komision Hetimor në lidhje me çështjen McGonigal. • Ai akuzoi kryeministrin se është pjesë e kësaj çështjeje ndërsa shtoi se beteja e grupit të PD duhet të vazhdojë për të mundësuar hetimin e çdo zyrtari të korruptuar. • Për këtë, ai tha se duhet hequr neni për parashkrimin,pasi sipas tij, kjo pikë shpëton zyrtarët nga hetimi për shkeljet që kryejnë kur janë në detyrë.
4 artikuj për këtë temë.
TIRANE- Kryetari i Partisë Demokratike, Sali Berisha akuzoi kryetarin e bashkisë Cërrik, Andis Salla se ka dhënë tendera për njerëz të afërt me familjen e tij. Berisha tha se ai imiton Ramën ndërkohë që ligji për tenderat përcakton qartë kushtet e konfliktit të interesit.
Sali Berisha: Ju dëgjoni se kreu aktual i bashkisë shpërndan tendera për familjarët e tij. Ky imiton Edi Ramën. Baxhanaku i Edi Ramës ka fituar qindra tendera, në një kohë kur ligji e përjashton atë nga tenderat.
Familjarët e kryeministrit nuk mund të marrin pjesë në tendera. Në asnjë tender publik nuk mund të marrë pjesë një familjar i kryeministrit. Kjo nuk ndodh në një vend demokratik, sepse ai përdor influencën e njeriut të tij kryeministër për të fituar me të padrejtë, ndaj dhe ligji i përjashton ata. Ligji quhet ‘ligji i konfliktit të interesit’. Ky ligj nuk ekziston për Edi Ramën. Fangu i tij, që quhet baxhanaku, fiton direkt me dhjetëra e dhjetëra tendera. Thjeshtra e tij, dhe unë e di që e ëma revoltohet me mua kur ja përmend, dhe unë nuk dua të ja përmend, se nuk dua të përmend një vajzë, por i them zonjës, hiqe të mos marrë pjesë në tendera./Dosja.al
TIRANE- Kryetari i Partisë Demokratike, Sali Berisha akuzoi kryeministrin Edi Rama se ishte pjesë e grupit gjobëvënës së ish-agjentit të FBI, Charles McGonigal. Në një deklaratë për media nga mbledhja e grupit të PD, Berisha tha se Rama është përfshirë në një gjobëvënie që thuhet se arrin deri në 50 milionë euro. "Edi Rama e ka vendin aty ku e ka McGonigal sot. Nuk mund të shpëtojë nga drejtësia, ndaj dhe ne do insistojmë në ngritjen e komisioneve“, u shpreh Berisha.
Sali Berisha: Përsëri vazhdon bllokimi i komisionit hetimor për aferën Rama-McGonigal.
Kjo është një aferë që kundërmon dhe dalin vazhdimisht fakte dhe dëshmi të reja.
Edi Rama, së bashku me Oleg Deripaskën, është faktor kryesor i korruptimit të shefit të kundërzbulimit të FBI, Charles McGonigal. Edi Rama ka kryer një seri aktesh të dënueshme, qoftë në ligjet e SHBA, qoftë në ato të Shqipërisë. Afera McGonigal është Uotergejti i këtij shekulli. Edi Rama kontraktoi kryezbuluesin e SHBA si vrasës me pagesë të opozitës shqiptare. Edi Rama, ka shumë të dhëna se u bë pjesë e ekipit gjobëvënës të McGonigal. Muk ka asnjë vend tjetër në botë në të cilën drejtësia të mos thotë asnjë fjalë, megjithë denoncimeve publike të dy biznesmenëve të njohur.
Drejtësia është në vorbullën e aferës McGonigal. Sepse nuk mund të kuptohet që këta gjobëvënës, këta plaçkitës, qarkullojnë të lirë me avionë dhe helikoptera, në një kohë kur vendi i tyre është aty ku e kanë vendin të gjithë gjobëvënësit. Por ata këtë sistem e kishin vendosur me miratim të Edi Ramës. Ne nuk heqim dorë nga funksioni ynë kushtetues i kontrollit të ekzekutivit dhe institucioneve në përputhje me ligjet. Edi Rama ka shkelur të gjitha ligjet e vendit. Ai është i implikuar në gjobëvënie që thuhet se arrin deri në 50 milionë euro. Jo vetëm në Shqipëri, por edhe në Kosovë. Edi Rama e ka vendin aty ku e ka McGonigal sot. Nuk mund të shpëtojë nga drejtësia, ndaj dhe ne do insistojmë në ngritjen e komisioneve.
Dy muaj më parë, në Shqipëri u publikua aktakuza e FBI për ish-zyrtarin e arrestuar tashmë Charles McGonigal. Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal./Dosja.al
TIRANË- Kryetari i Partisë Demokratike, Sali Berisha deklaroi ditën e sotme se asnjë zyrtar nuk do shpëtojë pa u ndëshkuar nga krimet. Gjatë mbledhjes së grupit të PD-së, u shpreh se një ligj që është shumë i rëndësishëm është ai i parashkrimit. Berisha shtoi se parashtrimi qshtë një amnisti për hajdutët dhe kjo nuk mund të ekzistojë për zyrtarët e lartë.
"Ligji tjetër, jashtëzakonisht i rëndësishëm që pret, është ligji i parashkrimit. Parashkrimi është një amnisti për hajdutët dhe kjo nuk mund të ekzistojë për zyrtarët e lartë. Qytetarët e tjerë le të gëzojnë këtë të drejtë, por zyrtarët e lartë nuk duhet ta gëzojnë në asnjë mënyrë.
Sepse siç e shihni, heqja e imunitetit ka zero efekt, kur tjetri ka kontroll total mbi drejtësinë.
Ne duhet të marrim çdo masë që askush që e kryen korrupsion, të mos shpëtojë deri në ditën e fundit të jetës së tyre."-tha Berisha.
TIRANË- Kryedemokrati Sali Berisha është 'ngatërruar' këtë mëngjes duke e sjëllë Masakrën e Lumës 100 vite më vonë, në 2013-n, vit që kreun e Partisë Demokratike e rrëzoi nga pushteti dhe raportet flisnin për 'masakër zgjedhore'. Këtë mëngjes, vetëm 30 minuta para nisjes së seancës plenare në Kuvend, Berisha mblodhi grupin parlamentar dhe foli për nismat e PD-së që bllokohen nga maxhoranca.
Por, bëri një 'lapsus frojdian' teksa fliste për Masakrën e Lumës, pasi në vend që të thoshte 1913, tha 2013. Të pranishmit në tryezë e korrigjuan dhe kryedemokrati kërkoi ndjesë.
Pjesë nga biseda:
Sali Berisha: Genocidi serb ka hyrë në traktatet monografikë të genocideve si Genocidi i Lumës. Aty në Lumë, në vitin 2013, më falni. Po, në vitin 2013, kanë krye krimet më monstruoze, në një fshat kanë djegur e ekzekutuar mbi 600 banorë, në Topojan. Në Pobreg mbi 420. Barbaritë serbe në Lumë dhe zonat përreth kanë tronditur botën në atë kohë. Komisioni i krijuar, i përbërë nga personalitetet më të shquar, ka konkluduar se barbaritë e Lumës ngjiten në nivelin e Genocidit, janë genocid.
Salla: 1913
Sali Berisha: Edi Rama bllokon...
Salla: 1913
Sali Berisha: Pse, sa thashë unë?
Salla: 2013
Sali Berisha: Aaa, më falni, 1913, në tetor, në vjeshtën e 1913-s.
