"Me Lulin kur e keni lënë për foto?", Rama i përgjigjet komentuesit: Fizikisht nuk puqemi por zemrën e kemi të lid...
Njohu pavarësinë e Kosovës, Kurti zhvillon bisedë telefonike me presidentin e Kenias: I bëra një ftesë pë...
Bisedat në Signal/ Trump dhe zyrtarët thanë se gazetari gënjen, Goldberg poston artikullin e ri: Njerëzit duhet t'i sho...
"Nesër shpalosim programin Shqipëria 2030", Rama: Nuk jemi si ata që premtojnë pensione 500 euro dhe naftën 5 cent dhe ...
• Familjarët e 14-vjeçarit Martin Cani i cili humbi jetën pas një konflikti në shkollën “Fan Noli” dhe 12-vjeçarit Leo Sadiku i cili humbi jetën te spitali i QSUT-së, kanë dalë në protestë këtë të martë. • Ata janë mbledhur fillimisht në shkollën “Fan Noli” ku kanë vendosur lule të nder të kujtimit të Canit dhe më pas kanë shkuar para Ministrisë së Shëndetësisë. • Familjarë dhe të afërm kërkojnë drejtësi për zbardhjen e dy ngjarjeve të rënda. • Familjarët e Canit akuzojnë se në krim janë të përfshirë edhe persona të tjerë që sipas tyre vijojnë ende të jenë të lirë, ndërsa familjarët e Sadikut ngrenë akuza për neglizhencë nga ana e mjekëve të QSUT. • Motra e Leos, Anastasia Sadiku u shpreh se mjekësia shqiptare i vrau vëllanë. • Sadiku shtoi se QSUT nuk i bëri asnjë ekzaminim dhe se ata dalin me pretendime të rreme. • Ajo thekson se mjekët nuk i bënë të vëllait asnjë eko zemre, skaner apo një matje tensioni. • Anastasia ka shtuar se nuk do të ndalet derisa të gjejë drejtësi për të vëllanë. • Sipas saj mjekët i lënë fëmijët të vdesin dhe se kjo është Shqipëria. •Nëna e Leos gjatë fjalës së saj u shpreh se djali i saj plot ëndrra luftoi shumë për jetën e tij. •Ajo shtoi se një mjeke e la djalin e saj të mitur në mëshirë të fatit. •Sipas saj mjekja e ka lënë të ndjerin 7 orë me të vjella vetëm me një serum. •Roveta tha se do të vendosë drejtësi pasi ia ka premtuar djalit të saj në momentet e fundit të tij.
4 artikuj për këtë temë.
TIRANË- Nëna e Leos, Roveta Sadiku ka marrë pjesë në protestën e sotme që po zhvillohet para Ministrisë së Shëndetësisë. Nëna e të ndjerit falenderoi pjesëmarrësit të cilët u bashkuan me dhimbjen e saj. Nëna e Leos gjatë fjalës së saj u shpreh se djali i saj plot ëndrra luftoi shumë për jetën e tij.
Ajo shtoi se një mjeke e la djalin e saj të mitur në në mëshirë të fatit. Sipas saj mjekja e ka lënë të ndjerin 7 orë me të vjella vetëm me një serum. Ajo theksoi se nuk e solli djalin e saj të mjekohej në Tiranë për ta vrarë. Roveta tha se do të vendosë drejtësi pasi ia ka premtuar djalit të saj në momentet e fundit të tij.
"Unë jam mami i Leos dhe për Leon tim do luftoj deri në fundin e ditës sime të jetës. Ishte plot me endrra që ja ndërpretë jetën në mes. Ishte trim i vogël, luftoi shumë për jetën e tij, për një palo mjeke, që e ka emrin Jorgji, e ka lënë në mëshirë të fatit djalin tim. E ka lënë 7 orë duke vjellë, vetëm me një serum me ujë. Vetëm ma futën djalin në dhe, a ke fëmijë ti, mban përgjegjësi për atë që më ke bërë mua? Ti palo mjeke e të tjerë të Tiranës, nuk e dini çfarë krimi keni bërë, çfarë fëmije keni vrarë?!
Nuk e solla Leon në Tiranë për të ma vrarë, e kur po jepte shpirt në krahët e dajës së tij, atëherë kujtohet palo Jorgji, dhe kur Leo ishte në fund, eja më tha. Iku pa pikën e humanizmit e turpit. Ministria ku është, çfarë fëmijësh përkëdhel ti, kur ma përkedhele Leon tim, ma dogje djalin, ma përvëluat djalin.
Prokuroria të mos e neglizhojë rastin e Leos, jam e gatshme për çdo gjë për Leon tim, e kam rritur me sakrifica të mëdha. Prokuroria t’i përshpejtojë kërkesat që kemi bërë, jam një nënë e përvëluar, m’u përvëlua shpirti që ka ikur me Leon tim, me të vocklin tim…Ajo palo doktoreshë tha s’ka gjë, Leos i nxiheshin duart e ajo i thoshte e ka nga të ftohtët. E paaftë, ia them edhe në sy këto gjëra. Veshin rrobat e bardha kur si meritojnë. Me lekë i keni veshur ato rroba të bardha? Pres që drejtësia të vendosë për Leon, mami do vendosë vetë drejtësi për Leon e vet. Do luftojë për Leon e s’do lodhem kurrë, ia kam premtuar deri në momentin e fundit," tha nëna e Leos.
TIRANË- Një protestë po zhvillohet pasditen e sotme para Ministrisë së Shëndetësisë në lidhje me vdekjen e dy të rinjve Leo Sadikut dhe Martin Canit. E pranishme në këtë protestë është edhe motra e Leos, Anastasia Sadiku. Motra e të ndjerit gjatë fjalës së saj u shpreh se mjekësia shqiptare i vrau vëllanë.
Sadiku shtoi se QSUT nuk i bëri asnjë ekzaminim dhe se ata dalin me pretendime të rreme. Ajo thekson se mjekët nuk i bënë të vëllait asnjë eko zemre, skaner apo një matje tensioni. Anastasia ka shtuar se nuk do të ndalet derisa të gjejë drejtësi për të vëllanë. Sipas saj mjekët i lënë fëmijët të vdesin dhe se kjo është Shqipëria.
"Vëllai im ndërroi jetë, teksa disa mjekë nuk dinin të bënin punën. Mjekësia shqiptare më vrau vëllanë. Ata pa pikë mëshire vendosën ta vrisnin. QSUT nuk i bëri asnjë ekzaminim, ata dalin me pretendime të rreme. Ata nuk i kanë bërë një eko zemre, një skaner, një matje tensioni, si i bëjnë ato betime ata. Dhe sa fëmijë të tjerë do vriten si vëllai im?
Nuk do të ndalem derisa për vëllanë tim të gjej drejtësi. Ata e vranë Leon, nuk bënë asgjë. Mjekët nuk bënë asgjë. Si mund ta lësh një nënë pa bir, ku do të rritemi ne në këtë Shqipëri. I lënë fëmijët të vdesin, kjo është Shqipëria. Kur ky shtet do kujdeset për fëmijët?" tha motra e Leos.
TIRANË - Qytetarë dhe familjarë të 14-vjeçarit Martin Cani, i cili humbi jetën pas konfliktit në shkollën 9 vjeçare Fan Noli, kanë dalë në protestë këtë pasdite. Ata kanë mbledhur në ambjentet e shkollës teksa kanë vendosur edhe lule në nder të kujtimit të tij. Familjarët kanë kërkuar drejtësi për Canin. Ata kanë kërkuar zbardhjen e plotë të dinamikës së ngjarjes, pasi kanë dyshime se në krim janë përfshirë edhe persona të tjerë të cilët sipas tyre vijojnë të jenë të lirë.
Pas protestës para shkollës “Fan Noli”, protestuesit iu bashkuan tubimit qytetar para Ministrisë së Shëndetësisë për vdekjen e të miturit, Leo Sadiku.
Martin Cani humbi jetën mesditën e 18 nëntorit pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Përlleshaj dyshohet se ka qenë në klasë paralele me viktimën, në shkollën 9-vjeçare 'Fan Noli'. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj.
Autori ka nxjerrë thikën dhe ka qëlluar mbi 14-vjeçarin, Martin Cani. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, Luis Meçja i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili mori dëmtime në dorë dhe u trajtua në spital privat për disa ditë pas ngjarjes së rëndë.
TIRANË - Familjarët e 12-vjeçarit Leo Sadiku i cili ndërroi jetë në spitalin e QSUT-së, kanë dalë në protestë pasditen e kësaj të marte para Ministrisë së Shëndetësisë. Ata akuzojnë mjekët e spitalit për neglizhencë, dhe kanë kërkuar drejtësi për vdekjen e të miturit, duke kërkuar që të zbardhet ngjarja.
Motra e të miturit ka deklaruar se nuk është bërë asnjë ekzaminim ndaj 12-vjeçarit dhe se nuk është marrë ende asnjë masë për vdekjen e vëllait të saj. Ajo ka kërkuar që instancat përkatëse të zbardhin ngjarjen dhe përgjegjësit të vendosen para drejtësisë.
12-vjeçari, Leo Sadiku ndërroi jetë më 8 janar të këtij viti në Pediatrinë e QSUT-së. Ai fillimisht ishte shtruar në spitalin e Korçës me shenja të gripit më 28 dhjetor 2024 dhe la spitalin natën e Vitit të Ri. Gjendja e tij u përkeqësua dhe u rikthye në spital më 7 janar, me tension të lartë, glicemi të lartë, të vjella dhe temperaturë.
Mjekët e Korçës e dërguan në Pediatrinë e QSUT-së ku dhe ndërroi jetë. QSUT tha se shkak i vdekjes ishte miokarditi akut, një sëmundje e rrallë dhe e rrezikshme, e cila shoqërohet me shkallë të lartë vdekshmërie, ndërsa vetë familjarët e të miturit kanë ngritur akuza drejt mjekëve për neglizhencë.
