EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
Ndarja nga jeta e Kryepeshkopit Anastas Janullatos/ "Shkak funksionimi i pamjaftueshëm i shumë organeve", Kisha Ortodokse: I përj...
Sterilizmi dhe situata te Onkologjiku/ Berisha: Inceneratorët janë organizatë kriminale dhe koka e kësaj organizate ësh...
"QSUT-në duam ta bëjmë në 5 vitet e ardhshme qendër ekselence teknologjike!" Rama: Kemi 10-fishuar fondin për barn...
• Komisioni i Monitorimit të AP të Këshillit të Evropës vijon punimet në Kuvendin e Shqipërisë me temën "Veprimet e gjithëpërfshirëse, luftën ndaj korrupsionit: Politika dhe Instrumente". • Ministri i Drejtësisë, Ulsi Manja, foli me superlativa për SPAK-un. • Manja thekson se krijimi i SPAK është një hap i rëndësishëm në luftën kundër korrupsionit dhe krimit të organizuar. • Sipas tij ky institucion ka arritur të hetojë dhe dërgojë në gjyq figura të larta të politikës dhe administratës, si ish-presidentë, ish-kryeministra, ministra, dhe deputetë.• Kjo ka kontribuar në forcimin e besimit në sistemin e drejtësisë dhe në perceptimin tashmë se askush nuk është mbi ligjin. • Në këtë tyrezë, kreu i SPAK, Altin Dumani, foli për luftën kundër korrupsionit ku tha se Prokroria e Posaçme është në vijën e parë të kësaj lufte. • Ai shtoi se sa i takon çështjeve me natyre korruptive SPAK ka ushtruar hetimet. Sipas Dumanit, Prokuroria e Posaçme marrë informacion nga vepra të ndryshme penale nga media, apo nga shoqëria civile apo qoftë edhe nga politika me denoncimet e bëra. • Dumani tha se data e krijimit të SPAK deri tani janë sekuestruar një total prej 150 mln euro asete. • Sipas tij, nga hetimet ka rezultuar që zyrtarë të lartë kanë lidhje me krimin organizuar. • Dumani vuri në dukje rëndësinë e bashkëpunimit ndërkombëtar, i cili ka qenë një faktor kyç në sukseset e hetimeve, veçanërisht kur hetimet janë fokusuar te lidhjet e krimit të organizuar me zyrtarët e korruptuar. • Ai u ndal gjithashtu tek investimet në teknologji moderne dhe digjitalizimin si mjete të fuqishme për të luftuar korrupsionin dhe si të dobishme në procesin e hetimeve. • Ai theksoi se sfida kryesore mbetet ruajtja e pavarësisë institucionale të SPAK. • Kreu i SPAK, Altin Dumani mori pjesë sot në Komisionin e Monitorimit të AP të Këshillit të Europës, ku ngriti një shqetësim në lidhje me statusin e prokurorit të Prokurorisë së Posaçme pas përfundimit të mandatit 9-vjeçar. • Ai tha se kanë propozuar ndryshimet e nevojshme për të rishikuar dhënien e mundësisë që të rikandidojnë për të vazhduar të jenë prokurorë të SPAK dhe jo zgjatje automatike të mandatit. • Dumani shtoi se SPAK ka paraqitur disa shqetësime që shpresojmë të gjejnë zgjidhjen ligjore nga Kuvendi.
9 artikuj për këtë temë.
TIRANA- Komisioni i Monitorimit të AP të Këshillit të Evropës vijon punimet në Kuvendin e Shqipërisë me temën "Veprimet e gjithëpërfshirëse, luftën ndaj korrupsionit: Politika dhe Instrumente". Ministrja për Shtetin Administratën Publike dhe Antikorrupsionin, Adea Pirdeni foli në këtë tryezë lidhur me aktet e korrupsionit në administratën publike dhe monitorimin e tyre nga institucionet përkatëse.
Pirdeni tha se antikorrupsioni është një proces në progres dhe se gjatë dy viteve të fundit Drejtoria e Antikorrupsionit ka administruar rreth 1200 ankesa, dhe se nga këto 1200 ankesa është vlerësuar nëse do merren masa të natyrë institucionale.
Më tej ministrja tha se fakti që ka ende boshllëqe apo flamuj të kuq në administratën publike do të thotë se Antikorrupsioni do të jetë më i qartë dhe konkret në objektivat e tij të mëtejshme. Ajo tha se ka nisur procesi për finalizimin e strategjisë së re të antikorrupsionit, një dokument që u konsultua publikisht për gjatë 3 muajve.
Pjesë nga fjala e ministres:
Që prej 2015 Shqipëria ka një strategji kundër korrupsionit. Ka një komunitet i cili mblidhet në bazë mujore dhe vjetore ku analizohen të gjitha gjetjet që janë përmbledhur nga të gjitha institucionet përgjegjëse në luftën kundër korrupsionit si në drejtim të ndalimit, në drejtim të parandalimit, në drejtim të monitorimit të fenomeneve të korrupsionit, dhe në drejtim të ndërgjegjësimit. Në bazë të strategjisë institucionet kanë disa detyra që i kenë marrë vetë përsipër për të cilat raportojnë në mënyrë periodike.
Eficenca e masave të ndërmarra bëhet përkundrejt indikatorëve të vendosur në disa fusha. Kemi nisur procesin dhe jemi drejt finalizimit të strategjisë së re të antikorrupsionit një dokument që u konsultua publikisht për gjatë 3 muajve. Jemi të qartë se vitet e fundit ka pasur rritje të ndjeshme për të rritur historikun e hetimeve, ndëshkimeve penale…
Është punë në progres. Nuk mund të pretendojmë se kemi fituar të gjitha betejat kundër korrupsionit, asnjë shtet në botë nuk e pretendon këtë. Sidomos nëse merr parasysh faktin që të gjitha dimensionet që merr korrupsioni sot janë më komplekse dhe përgjigja është po aq komplekse. Ne kemi mekanizma periodikë se si masim monitorimin, raportet e strategjisë janë online. Natyrisht ky vit ka qenë vit reflektimi mbi çfarë është bërë dhe çfarë nuk është bërë. Fakti që ka ende flamuj të kuq në mënyrës se si operon administrata publike na bën të jemi më të qartë në objektivat tona
Janë një sërë institucionesh që kanë funksione monitoruese. Drejtoria e antikorrupionit në një periudhë kohe 2 vjeçare ka administrua rreth 1200 ankesaa, nga këto 1200 ankesa është vlerësuar nëse do merren masa të natyrë institucionale, nëse ne do të rekomandojmë që institucioni duhet të marrë masa disiplinore ndaj personave ndërgjegjes. Nga 20323 deri 2024 diku te 46 raste të dorëzuara në prokurori për çështje që kanë të bëjnë me shpërdorimin e detyrës ose raste korruptive.
TIRANË- Kreu i SPAK, Altin Dumani gjatë fjalës së tij në Komisionin e Monitorimit të AP të Këshillit të Europës konfirmoi se grupet kriminale shqiptare janë prezente në vendet e Amerikës Latine, konkretisht në Ekuador. Dumani gjithashtu tha se bashkëpunimi me vendet e Amerikës Latine është i vështirë, por SPAK ia ka dalë të ketë kontakte, të shkëmbejë informacione dhe të ndërtojë hetime kundër grupeve kriminale shqiptare.
"Kemi ndihmuar autoritetet e Ekuadorit në hetimet që ata po bëjë ndaj grupeve kriminale shqiptare, siç po hetojmë bashkërisht në drejtim të grupeve kriminale shqiptare. Patjetër, bashkëpunimi me Ekuadorin dhe vendet e tjera të Amerikës Latine është i vështirë, por ne si SPAK ia kemi dalë të kemi kontakte, të shkëmbejmë informacione dhe të ndërtojmë hetime kundër grupeve kriminale shqiptare. Këtë e kemi bërë me shumë shtete të Amerikës Latine. E kemi bërë me Brazilin, Argjentinën, Kolumbinë dhe vende të tjera ku ka grupe të krimit të organizuar shqiptar," tha Dumani.
TIRANË- Drejtuesja e Byrosë Kombëtare të Hetimit, Aida Hajnaj, foli sot nga Kuvendi i Shqipërisë për punën që BKH po bën kundër korrupsionit dhe krimit të organizuar. Hajnaj tha gjithashtu se BKH është një ndër sukseset e reformës në drejtësi, ndërsa theksoi se qëllimi kryesor i këtij institucioni është ndërtimi i një shteti ligjor.
Gjithashtu ajo tha se BKH ka marrë aksese në 19 databaza të institucioneve të ndryshme si dhe ka nënshkruar disa marrëveshje bashkëpunimi me disa institucione shtetërore. Më tej Hajnaj tha se lufta kundër korrupsionit nuk mund të bëhet e copëzuar, por duhet të jetë e përditshme, duke kërkuar bashkëpunim të të gjithë mekanizmave institucionale brenda vendit dhe sigurisht me partnerët ndërkombëtare.
"BKH është agjencia më e re e zbatimit të ligjit në Shqipëri në luftën kundër korrupsionit dhe krimit të organizuar ka gjetur një mbështetje të vazhdueshme për bashkëpunim. Reforma në drejtësi krijoi strukturën e posaçme kundër korrupsionit që përbëhet nga Prokuroria e Posaçme Kundër Korrupsionit dhe BKH dhe një ndër qëllimet e kësaj është lufta kundër korrupsionit. BKH ka marrë aksese në 19 databaza të institucioneve të ndryshme si dhe ka nënshkruar disa marrëveshje bashkëpunimi me disa institucione shtetërore. Por mbetet akoma si sfidë marrja e aksesit edhe në një pjesë tjetër të databazave të institucioneve shtetërore.
Korrupsioni si fenomen godet sundimin e ligjit duke prekur cilësinë e jetës së qytetarëve tanë, shkatërron shoqërnië dhe çon në fenomene të rrezikshme prandaj dhe ne duam ta ndalim. Jemi të përkushtuar për ndërtimin e një shteti ligjor, i cili i trajton të gjithë të barabartë para ligjit, askush nuk mund të jetë para ligjit dhe vullneti ynë për të punuar për shtetin e së drejtës është real. Lufta kundër korrupsionit nuk mund të bëhet e copëzuar, por duhet të jetë e përditshme, duke kërkuar bashkëpunim të të gjithë mekanizmave institucionale brenda vendit dhe sigurisht me partnerët tanë ndërkombëtare. Si drejtuese e BKH më duhet të pranoj modestis t ngritjen e BKH që është një ndër sukseset e reformës në drejtësi," tha Hajnaj.
TIRANË- Kreu i SPAK, Altin Dumani, foli sot nga Kuvendi për luftën kundër korrupsionit duke deklaruar se SPAK nuk mund ta luftojë i vetëm.
Gjatë fjalës së tij, Dumani u bëri thirrje institucioneve të tjera përgjegjëse në luftën kundër korrupsionit dhe për këtë shprehu gatishmërinë për të bashkëpunuar. Dumani theksoi se lufta kundër korrupsionit nuk është vetëm një detyrë ligjore, por edhe një përpjekje e përbashkët morale dhe shoqërore
“SPAK nuk mund të luftojë i vetëm korrupsionin. Ka nevojë për bashkëpunimin e institucioneve të tjera përgjegjëse në luftën kundër korrupsionit, shprehim gatishmërinë tonë për të bashkëpunuar. Beteja kundër korrupsionit dhe krimit të organizuar nuk është vetëm detyrë ligjore, por përpjekje e përbashkët morale dhe shoqërore. Efektiviteti ynë dhe bashkëpunimi janë thelbësore për këtë luftë”, tha Dumani.
TIRANA- Kreu i SPAK, Altin Dumani mori pjesë sot në Komisionin e Monitorimit të AP të Këshillit të Europës, ku ngriti një shqetësim në lidhje me statusin e prokurorit të Prokurorisë së Posaçme pas përfundimit të mandatit 9-vjeçar. Ai tha se kanë propozuar ndryshimet e nevojshme për të rishikuar dhënien e mundësisë që të rikandidojnë për të vazhduar të jenë prokurorë të SPAK dhe jo zgjatje automatike të mandatit. Dumani shtoi se SPAK ka paraqitur disa shqetësime që shpresojmë të gjejnë zgjidhjen ligjore nga Kuvendi.
Pjesë nga fjala e Dumanit:
Një shqetësim i bërë publik është mungesa e përcaktimit të qartë ligjor në lidhje me statusin e prokurorit pas përfundimit të mandatit të tyre. Mandati është 9 vite dhe pas 9 vite Prokurorët e SPAK kthehen në vendin ku kanë qenë më parë. Ne kemi propozuar ndryshimet e nevojshme për të rishikuar dhënien e mundësisë që të rikandidojnë për të vazhduar të jenë prokurorë të SPAK dhe jo zgjatje automatike të mandatit.
SPAK ka paraqitur disa shqetësime që shpresojmë të gjejnë zgjidhjen ligjore nga Kuvendi. Sfida e parë është ruajtja e pavarësisë institucionale të SPAK. Kemi një kornizë ligjore që siguron pavarësinë institucionale të SPAK dhe kjo pavarësi është një ndër shkaqet që SPAK është i suksesshëm.
TIRANA- Kreu i SPAK, Altin Dumani mori pjesë sot në Komisionin e Monitorimit të AP të Këshillit të Europës, ku tha se puna e institucionet që drejton nuk konsiston vetëm në pritjen e kallëzimeve, por ka qenë një punë proaktivë për vënien para përgjegjësis të kujtdo.
Dumani vuri në dukje rëndësinë e bashkëpunimit ndërkombëtar, i cili ka qenë një faktor kyç në sukseset e hetimeve, veçanërisht, sipas tij, kur hetimet janë fokusuar te lidhjet e krimit të organizuar me zyrtarët e korruptuar.
Ai u ndal gjithashtu tek investimet në teknologji moderne dhe digjitalizimin si mjete të fuqishme për të luftuar korrupsionin dhe si të dobishme në procesin e hetimeve. Dumani theksoi se sfida kryesore mbetet ruajtja e pavarësisë institucionale të SPAK.
Pjesë nga fjala e Dumanit:
Ne nuk kemi qenë pasiv që rri e pret kallëzimet, por kemi qenë proaktivë duke ndërmarrë procedime penale me qëllim vënien para përgjegjësisë të kujtdo. Megjithëse hetojmë krimin e organizuar, masa e sigurisë arrest në burg në kërkesat zë vend 49% të totalit. Numri total i paraburgosurve është më pak 9% të të paraburgosurve në Shqipëri.
Kemi investuar dhe në mjet dhe teknologji bashkëkohor që janë sukses në hetim. Sukses bashkëpunimi ndërkombëtar, në hetimet tona kur ka qenë fokus krimi ka pasur dhe zyrtar të korruptuar pjesë të krimit. 2020-2023 janë krijuar 32 skuadra të përbashkëta hetimore. Kemi marrëveshje bashkëpunimi dypalëshe, për çështje konkrete me shumicën e vendeve anëtare të BE-së. Në 2024 i është kushtuar vëmendje forcimit me vendet homologe.
Kemi marrëdhënie të shkëlqyera me Malin e Zi. Përpara kemi sfida. Prokuroria ka paraqitur disa shqetësime që shpresojnë të gjejmë zgjidhje ligjore. Sfida e para ruajtja e pavarësisë institucionale të SPAK besoj se kjo pavarësi është një ndër shkaqet që SPAK ka filluar të jetë i suksesshëm në ndjekjen e veprave penale.
Shqetësim mungesa e statusit ligjor i prokurorëve të SPAK pas përfundimit të mandatit. Pas 9 vitesh kthehen në vendin më parë para se të bëheshin pjesë e SPAK. Kemi dhënë propozimet tona që të shihet dhënia e mundësisë që të kandidojnë të jenë pjesë e SPAK. Vlerësojmë për rritjen e pragut 500 euro. Çdo akt korruptiv mbi këtë shumë bën kompeten SPAK. Kërkojmë që ky marzh të rritet dhe të fokusohemi tek çështjet më të ndjeshme.
TIRANË- Ministri i Drejtësisë, Ulsi Manja, foli me superlativa për SPAK-un në Kuvend, ku po zhvillohet takimi i Komisionit të Monitorimit të Këshillit të Europës. Në këtë seminar publik me temë “Veprimet gjithëpërfshirëse në luftën ndaj korrupsioni”. Manja thekson se krijimi i SPAK është një hap i rëndësishëm në luftën kundër korrupsionit dhe krimit të organizuar.
Sipas tij ky institucion ka arritur të hetojë dhe dërgojë në gjyq figura të larta të politikës dhe administratës, si ish-presidentë, ish-kryeministra, ministra, dhe deputetë. Kjo ka kontribuar në forcimin e besimit në sistemin e drejtësisë dhe në perceptimin tashmë se askush nuk është mbi ligjin.
"Procesi ka rikthyer besimin tek drejtësia. Krijimi i një sistemi të pavarur është faktor për sundimin e ligjit. Kemi sfida, e para është që ky process të mbyllet me sukses duhet që KPA, ta mbyll këtë proces me të njëjta standard që ka ndjekur procesi i vettingut. Organet e tjera kushtetuese të sistemit të drejtësisë, përfshirë dhe drejtuesi i SPAK të vazhdojnë me të njëjta standarde të reformës. Një risi e reformës ishte krijimi i SPAK. Është kthyer sot në model suksesi në luftë ndaj korrupsioni dhe krimit. Është ndër institucionet më të besueshme. Rezultatet e punës flasin qartë. Dua të sjell në vëmendje që SPAK ka në hetim dhe ka ulur në gjykim figura të njohura, ish presidentë, ish kryeministra, ministra dhe deputetë dhe zyrtarë. Pasuritë e zyrtarëve po sekuestrohen dhe konfiskohen. Krimi është vënë në shënjestër dhe janë goditur një numër i konsiderueshëm. Mesazhi i qartë askush mbi ligjin dhe çdokush do gjykohet sipas ligjit," tha Manja.
Më tej, ministri thekson rëndësinë e digjitalizimit si një mjet të fuqishëm në luftën kundër korrupsionit dhe përmirësimin e transparencës në administratën shtetërore. Gjithashtu ai tha se në fillimin e vitit të ardhshëm pritet të bëhet operacional regjistri digjital i zyrtarëve shqiptarë që do të krijojë një mundësi të rëndësishme për monitorimin dhe kontrollin e veprimtarisë administrative të zyrtarëve. Po ashtu Manja tha se kjo nismë pritet të rrisë transparencën dhe të përmirësojë llogaridhënien për veprimtarinë noteriale dhe proceset ligjore.
"Digjitalizimi armë e fuqishme. Për të luftuar korrupsioni, me anë të platofirmës e-albania, ul ndërveprimin me zyrtarët dhe ul hapësirat për korrupsion. Ministria e Drejtësisë në fillim të vitit do bëjë operacional regjistrin digjital zyrtar shqiptar. Rrit transparencën e veprimtarisë noteriale. Edhe ky regjistër digjital mundësi e zvogëlimit të hapësirave për korrupsion. Rruga që kemi përpara ka sfidat e veta. Kemi bërë hapa. Për konsolidimin më të mëtejshëm duhet të zgjidhim vakancat në gjyqësor. Duhet të rrisim trajnimet për gjyqtarët dhe prokurorët. E nevojshme që gjyqtarë dhe prokuror të vazhdojnë me trajnime. Sfidë mbetet denoncimi publik. Duhet të rritet angazhimi i shoqërisë civile si mbikqëyrës i reformave. Lufta kundër korrupsionit, është angazhim i gjithë shoqërisë. Është betejë për të ardhmen e brezave që vijnë. Kemi bërë hapa, sfida dhe lufta me korrupsion është betejë e rëndësishme. Jemi në rrugën e duhur pse jo në vitin 2030 të jemi anëtar i BE, si angazhim me reformat," tha ai.
TIRANA- Kreu i SPAK, Altin Dumani mori pjesë sot në Komisionin e Monitorimit të AP të Këshillit të Europës, ku i shpreh se një nga shtyllat e suksesit për institucionin që ai ka qenë bashkëpunimi ndërkombëtar. Dumani tha se data e krijimit të SPAK deri tani janë sekuestruar një total prej 150 mln euro asete. Sipas tij, nga hetimet ka rezultuar që zyrtarë të lartë kanë lidhje me krimin organizuar.
“Krahas ushtrimit të ndjekjes penale, në fokus të SPAK është edhe identifikimi dhe konfiskimi i produkteve te veprës penale si për subjekte që janë ndjekur penalisht për veprën penale të korrupsionit dhe krimit të organizuar. Nga data e krijimit të SPAk deri ditën që flasim kemi sekuestruar një total asesh 150 mln euro.
Një shtyllë e suksesit të SPAK ka qenë bashkëpunimi ndërkombëtar. Në të gjitha hetimet tona ku në fokus ka qenë krimi i organizuar kemi gjetur lidhje të këtij të fundit edhe me zyrtarë të cilët janë korruptuar apo janë bërë pjesë e grupeve të krimit të organizuar. SPAK nuk mund të luftojë i vetëm korrupsionin dhe ka nevojë për bashkëpunim. I kemi bërë thirrje dhe shprehim gatishmërinë për bashkëpunim”, tha Dumani.
TIRANA- Komisioni i Monitorimit të AP të Këshillit të Evropës vijon punimet në Kuvendin e Shqipërisë me temën "Veprimet e gjithëpërfshirëse, luftën ndaj korrupsionit: Politika dhe Instrumente". Në këtë tyrezë, kreu i SPAK, Altin Dumani, foli për luftën kundër korrupsionit ku tha se Prokroria e Posaçme është në vijën e parë të kësaj lufte.
Ai shtoi se sa i takon çështjeve me natyre korruptive SPAK ka ushtruar hetimet. Sipas Dumanit, Prokuroria e Posaçme marrë informacion nga vepra të ndryshme penale nga media, apo nga shoqëria civile apo qoftë edhe nga politika me denoncimet e bëra.
"Këto sfida janë themelore për shtetin e së drejtës. Prokuroria e Posaçme është në vijën e parë të kësaj lufte. Pavarësia institucionale dhe kapacitetet njerëzore dhe teknike kanë dhënë rezultate konkrete. Sa i takon luftës kundër korrupsionit SPAK ka ushtruar ndjekjen penale ndaj përfaqësuesve të ndryshme të pushtetit ekzekutiv, anëtarëve të kuvendit gjithashtu edhe me pushtetin gjyqësor, avokatë, gjyqtarë dhe funksionarë të policisë së shtetit, dhe për kryetarë apo ish kryetarë bashkish.
Kemi bërë të mundur të godasim organizata kriminale të trafikimit të lëndëve narkotike. Sa i takon çështjeve me natyre korruptive SPAK ka ushtruar hetimet. Prokuroria e Posaçme marrë informacion nga vepra të ndryshme penale nga media, apo nga shoqëria civile apo qoftë edhe nga politika me denoncimet e bëra", tha Dumani.
