Ankorohet në Shëngjin anija me emigrantët e parë, Policia e Shtetit: Janë marrë të gjitha masat për sigu...
Plagosja në Vorë, policia me reagim zyrtar: Tre personat e përfshirë në konflikt ndodhen në spital 15 Tetor, 19:0...
Hapja e grup-kapitullit të parë/ Gonzato: Integrimi të konsiderohet nga politika si prioritet kombëtar strategjik! Orban: Sh...
"Telefonova Ramën pas tërmetit!" Hapja e negociatave me BE-në për grup-kapitullin e parë, Varhelyi: Pa zgjerimin Europa...
•Zhvillime të reja nga lufta Izrael-Palestinë. •Pas përfundimit të armëpushimit, lufta mes palëve ka nisur sërish. •Ushtria izraelite ka njoftuar se ka rifilluar operacionet e saj kundër lëvizjes palestineze Hamas në Rripin e Gazës. •Ai akuzoi Hamasin për shkeljen e kushteve të një armëpushimi që kishte qenë në fuqi që nga 24 nëntori duke hapur zjarr në territorin izraelit. •Sipas mediave palestineze, sektorët veriorë të Rripit të Gazës po bombardohen. •Një zëdhënës i ministrisë së Shëndetësisë i drejtuar nga Hamas njofton se 6 palestinezë u vranë të premten në mëngjes në një sulm ajror izraelit në qytetin Rafah, një qytet në Gazën jugore. •Ndërkohë, dy fëmijë u vranë në sulmet ajrore në qytetin e Gazës në veri.
7 artikuj për këtë temë.
SHBA- Sekretari amerikan i Shtetit, Antony Blinken, u largua nga Izraeli pas përfundimit të pauzës humanitare dhe pasi ushtria izraelite rifilloi sulmet në Gaza. Në lajmin e televizionit shtetëror izraelit KAN, thuhet se Sekretari amerikan i Shtetit, Blinken, i cili vizitoi Izraelin, përfundoi vizitën e tij në Izrael pak minuta pas rifillimit të përleshjeve në Gaza.
Thuhet se Blinken, i cili u largua nga Izraeli pas rifillimit të sulmeve në Gaza me përfundimin e pauzës humanitare mëngjesin e sotëm, shkoi në Emiratet e Bashkuara Arabe (EBA).
Ai pritet të marrë pjesë në Samitin e OKB-së për Klimën që do të mbahet në EBA. Blinken mbërriti në Izrael dje si pjesë e turneut të tij të tretë në Lindjen e Mesme që nga 7 tetori, raporton media turke Anadolu.
Duke folur në konferencën për media në Tel Aviv dje pas kontakteve të tij në Izrael dhe Palestinë, Blinken deklaroi se ata po punojnë për të zgjatur "pauzën humanitare" dhe shkëmbimin e të burgosurve midis Izraelit dhe Hamasit.
IZRAEL- Kryeministri izraelit, Benjamin Netanyahu shprehet se Hamasi nuk ka pranuar të lirojë pengje të tjera, dhe se në këtë mënyrë ka shkelur kushtet e armëpushimit.
“Hamasi nuk i liroi të gjitha gratë pengjet siç ishte rënë dakord dhe sulmoi Izraelin me raketa këtë mëngjes”, thuhet në reagimin zyrtar.
Më tej, zyra e tij shton se Izraeli mbetet i përkushtuar për arritjen e objektivave të tij të lirojë pengjet, të eliminojë Hamasin dhe të sigurojë që Gaza kurrë nuk do të përbëjë kërcënim për banorët e Izraelit. Sipas Izraelit, Hamasi ka lëshuar një raketë në territorin e izraelit duke shkelur kështu armëpushimin.
IZRAEL- Sistemi i mbrojtjes raketore të Izraelit kapi një raketë të lëshuar nga Gaza. Ushtria izraelite e deklaroi këtë rreth një orë para përfundimit të armëpushimit me Hamasin.
“Pas raportit fillestar në lidhje me tingujt e sirenave në komunitetet pranë Rripit të Gazës, sistemi i mbrojtjes ajrore IDF (Forcat e Mbrojtjes së Izraelit) raporton se ka kapur një raketë të lëshuar nga Rripi i Gazës”, thuhet në llogarinë zyrtare të Telegram.
GAZA- Mëngjesi i së premtes shënoi vazhdimin e negociatave intensive për të vazhduar pauzën e luftimeve mes Izraelit dhe Hamasit në Gaza, ndërsa një zyrtar i lartë izraelit ritheksoi planet për të rifilluar luftën nëse grupi militant palestinez nuk pranon të lirojë më shumë pengje. Pas dy zgjatjeve të pauzës së luftimeve të minutës së fundit, Izraeli dhe Hamasi shënuan të enjten ditën e shtatë të një armëpushimi të ndërmjetësuar nga Katari ndërsa u liruan tetë pengje nga Hamasi dhe 30 të burgosur palestinez nga Izraeli. Pauza shënoi edhe rritjen e ndihmave të dërguara në Rripin e Gazës.
Ndërmjetësuesit nga Egjipti dhe Katari, të cilët arritën marrëveshjet e mëparshme, po punojnë për të negociuar një armëpushim dy ditor, njofton media shtetërore egjiptiane. Mark Regev, këshilltar i kryeministrit izraelit Benjamin Netanyahu, tha se Izraeli ishte i hapur për të vazhduar armëpushimin nëse Hamasi angazhohej për lirim e pengjeve të tjera. Izraeli më parë pati caktuar lirimin e dhjetë pengjeve në ditë për të mundësuar vazhdimin e pauzës së luftimeve. “Jemi gati për të gjitha alternativat, ndryshe rifillojmë betejën”, tha ai për kanalin CNN.
Përpara skadimit të armëpushimit të mëparshëm herët të enjten, Hamasi dhe krahu i tij i armatosur, Xhihadi Islamik palestinez, i vunë luftëtarët e tyre në gatishmëri për luftë. Ndërsa Hamasi mban më pak pengje izraelite gra dhe fëmijë, Hamasi mund të kërkojë vendosjen e kushteve të reja për të liruar burrat izraelitë, përfshirë ushtarët. Grupi militant mund të kërkojë lirimin nga Izraelit të të burgosurve meshkuj palestinezë. Deri tani, tre të burgosur palestinezë janë liruar për çdo peng izraelit.
Një nga negociatorët kryesorë të Katarit, diplomati i karrierës Abdullah Al Sulaiti, i cili ndihmoi ndërmjetësimin e armëpushimit përmes negociatave maratonë, pranoi në një intervistë të fundit për agjencinë e lajmeve Reuters se mundësitë janë të vogla për një armëpushim. Shkëmbimi i së enjtes çoi në 105 numrin e pengjeve të liruara nga Hamasi dhe 240 palestinezë të liruar nga Izraeli.
Armëpushimi ka mundësuar dërgimin e ndihmave humanitare në Gaza pasi pjesa më e madhe e territorit bregdetar prej 2.3 milionë banorësh është kthyer në rrënoja si rezultat i sulmit izraelit. Më shumë karburant dhe 56 kamionë me furnizime humanitare u futën në Gaza të enjten, tha ministria e mbrojtjes e Izraelit dhe Shoqëria Palestineze e Gjysmëhënës së Kuqe. Por dërgesat e ushqimit, ujit, furnizimeve mjekësore dhe karburantit mbeten shumë më të vogla se nevojat, thonë punonjësit e ndihmave.
Gjatë vizitës së tretë në Lindjen e Mesme që nga fillimi i luftës, Sekretari amerikan i Shtetit, Antony Blinken u pajtua se fluksi i ndihmave në Gaza nuk ishte i mjaftueshëm. Kryediplomati amerikan tha se i kishte thënë zotit Netanyahu se Izraeli nuk mund të veprojë në Gazën jugori siç kishte vepruar në veri./VOA
GAZA- Një zëdhënës i ministrisë së Shëndetësisë i drejtuar nga Hamas njofton se 6 palestinezë u vranë të premten në mëngjes në një sulm ajror izraelit në qytetin Rafah, një qytet në Gazën jugore.
Ndërkohë, dy fëmijë u vranë në sulmet ajrore në qytetin e Gazës në veri, tha agjencia e lajmeve, duke cituar Fadel Naim, një mjek në spitalin Al-Ahli. Fill pas skadimit të armëpushimit, Hamasi rinisi sulmin, ndërkohë, ushtria izraelite raportohet se i është kundërpërgjigjur.
IZRAEL- Hamas do të vendosë vlera më të mëdha mbi pengjet para se të marrë parasysh lirimin e tyre. Në të njëjtën kohë, Hamas do të jetë i interesuar të nxjerrë vlerë maksimale nga masa e madhe e pengjeve ende të mbajtur, me një fokus kryesor në zgjatjen e ndërprerjes së luftës për sa më gjatë të jetë e mundur, shkruan Skynews.
Edhe numrat e vogël të pengjeve ushtarake mund të jenë të çmuar për Hamasin dikur mbajti një ushtar IDF për katër vjet dhe pranoi një këmbim me mbi 1000 të burgosurve palestinezë. Një nga ata të liruar në këmbim ishte Yahya Sinwar, i cili tani është kreu i Hamas në Gazë. Ndërkohë, Izraeli do të jetë i interesuar të mbajë presion mbi Hamas për të siguruar një rrjedhë të vazhdueshme të lirimeve të pengjeve, me kërcënimin e nisjes së sulmit në tokë.
Izraeli do të jetë i interesuar të rifillojë sulmin nëse bisedimet për lirimin e pengjeve bllokohen për të treguar vendosmërinë, edhe nëse ka ndërprerje të mëtutjeshme në përgjigje të përparimeve të mëtejshme me këmbimin e pengjeve në ditë dhe javët e ardhshme.
IZRAEL- Armiqësitë kanë rifilluar në Rripin e Gazës pas skadimit të armëpushimit mes Hamasit dhe Izraelit në orën 7 të mëngjesit të sotëm.
Ushtria izraelite ka njoftuar se ka rifilluar operacionet e saj kundër lëvizjes palestineze Hamas në Rripin e Gazës. Ai akuzoi Hamasin për shkeljen e kushteve të një armëpushimi që kishte qenë në fuqi që nga 24 nëntori duke hapur zjarr në territorin izraelit.
Sipas mediave palestineze, sektorët veriorë të Rripit të Gazës po bombardohen.
Më herët IDF njoftoi se sistemi i mbrojtjes ajrore Iron Dome kapi një raketë të lëshuar nga Rripi i Gazës, duke shkaktuar aktivizimin e sirenave të mbrojtjes ajrore në zonat përreth enklavës palestineze. Përgjimi "i suksesshëm" i raketës erdhi afërsisht një orë para skadimit të marrëveshjes së armëpushimit të 24 nëntorit.
Nuk ka pasur asnjë reagim nga Hamasi deri më tani, asnjë përgjegjësi.
Sipas rrjetit shtetëror të Izraelit Kan TV, është hera e parë që aktivizohen sirenat e mbrojtjes ajrore që nga hyrja në fuqi e armëpushimit. Chahal, ushtria izraelite, tha se ishte e dyta - duke kujtuar se një tjetër raketë ishte hedhur menjëherë pas fillimit të armëpushimit.
Në të njëjtën kohë, dëshmitarët okularë i thanë AFP se dëgjuan avionë luftarakë dhe dronë që fluturonin në pjesën veriore të Rripit të Gazës, ndërsa Agjencia e Lajmeve Shebab, e cila konsiderohet e afërt me Hamasin, foli përmes Telegramit për të shtëna me armë zjarri dhe shpërthime në këtë zonë.
As palët dhe as Katari, i cili ndërmjetëson mes tyre, nuk njoftuan vazhdimin e marrëveshjes.
Gazeta amerikane Wall Street Journal raportoi më herët, duke cituar burimet e saj në diplomacinë egjiptiane, se Izraeli dhe lëvizja islamike palestineze Hamas, në pushtet në Rripin e Gazës, ranë dakord të zgjasin armëpushimin për të tetën ditë, në mënyrë që të të lehtësojë lirimin dhe pengjet e tjera izraelite në këmbim të lirimit të të burgosurve palestinezë. /Dosja.al
