SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
•Moti i keq me reshje shiu dhe stuhi ka krijuar problemet e para në disa qytete •Si pasojë e reshjeve përmbytje ka pasur në Vlorë, Lezhë, Pukë dhe Rrëshen. Dëme ka pasur edhe në Fushë Arrëz, ku si pasojë e reshjeve të shumta është dëmtuar një banesë në fshatin Dardhë të njësisë administrative Blerim. •Autoritetet në Pukë kanë nisur punë për rregullimin e problematikave ndërsa në aksin Rrëshen-Bukmirë, ende nuk ka asnjë ndërhyrje. •Në Dhërmi ka dalë nga shtrati përroi i Gjikurisë, ç'ka ka shkaktuar përmbytje pranë ish-vilave qeveritare. •Në Vlorë ka patur problematika me mungesën e furnizimit me energji elektrike •Probleme me energjinë kanë pasur gjithashtu edhe zonat e Selenicës dhe Orikumit. •Lundrimi detar për të gjitha mjetet vijon të mbetet i bllokuar. • Në Theth ka pasur prurje të shumta në lumin e Shalës por pa pasoja të rënda. Autoriteti Rrugor Shqiptar ka informuar se në Tamarë-Vermosh, Hani Hotit-Tamarë dhe në Valbonë, ka rënie gurësh e inertesh në trup të rrugës nga km 3 deri në km 10. • Tashmë, aksi Bogë-Theth, i cili kishte probleme për shkak të prurjeve të përrenjve në trup të rrugës është pastruar dhe aksi është i kalueshëm. •Moti pritet të përmirësohet në fund të javës.
6 artikuj për këtë temë.
SHKODËR- Moti i keq ka sjellë dhe rënie gurësh në aksin rrugor Prekal-Breglumi si dhe në rrugën e Dukagjinit. Dëme ka pasur edhe në Fushë Arrëz, ku si pasojë e reshjeve të shumta është dëmtuar një banesë në fshatin Dardhë të njësisë administrative Blerim. Në Theth ka pasur prurje të shumta në lumin e Shalës por pa pasoja të rënda.
Në Vaun e Dejës ka bllokim të disa rrugëve për shkak të prurjeve të lumit Gjadër. Reshjet e dendura kanë sjellë përmbytje në Lezhë, Shëngjin e Vlorë gjithashtu.
LEZHË- Moti i keq ka krijuar vështirësi në qarkullimin e mjetevë në Lezhë. Në Shëngjin, uji ka vërshuar nëpër rrugë, duke krijuar vështirësi në lëvizjen e automjeteve dhe këmbësorëve.
Për shkak të motit, janë dëmtuar linjat elektrike dhe per pasojë kanë ngelur pa energji elektrike fshatrat e Zadrimës. Grupet e punës të OSHEE ndodhen në terren për riparimin e defekteve dhe rikthimin sa më parë të energjisë.
TIRANË- Autoriteti Rrugor Shqiptar ka njoftuar qytetarët se aktualisht në vend janë tre akse më problematike, pas reshjeve të shiut. Në Tamarë-Vermosh, Hani Hotit-Tamarë dhe në Valbonë, ka rënie gurësh e inertesh në trup të rrugës nga km 3 deri në km 10. Po ashtu, ARRSH informon se në aksin Bogë-Theth, ka pasur probleme me prurjen e përrenjve në trup të rrugës mirëpo, tashmë janë pastruar dhe aksi është i kalueshëm pa probleme.
NJOFTIMI I ARRSH:
Reshje me intensitet kanë përshkuar të gjithë vendin gjatë natës Në Rajonin Verior reshjet kanë qenë me intensitet më të lartë duke sjellë rënie gurësh e inertesh në trup të rrugës si, në: Tamarë-Vermosh, Hani Hotit-Tamarë, në Valbonë nga km 3 deri në km 10 Në aksin Bogë-Theth ka pasur probleme me prurjet e përrenjve në trup të rrugës tashmë janë pastruar dhe aksi është i kalueshëm pa probleme Kontraktorët e mirëmbajtjes me mjete e punëtorë janë në terren pa ndërpreje për të mbajtur gjendjen e akseve në normalitet
PUKË- Vendi është prekur nga një stuhi reshjesh e cila do të jetë prezente në territorin shqiptar për disa ditë. Në Pukë, shirat e dendur kanë shkaktuar dëme në disa akse rurale si dhe kanë dëmtuar dhe elementë të tjerë të infrastrukturës rrugore.
Në disa fshatra raportohen të demtuara ura, linja ujësjellësi dhe mullinj bloje.
Reshjet e shiut do të vijojnë të jenë intensive në vend sot dhe nesër. Nga e enjtja pritet që të ketë një përmirësim të kushteve meterologjike.
RRËSHEN- Reshjet e shiut kanë krijuar probleme në akset rrugore. Në aksin Rrëshen-Bukmirë ka pasur rrëshqitje në disa pjesë të tij si pasojë e vërshimit të ujërave dhe inertet e kanë bërë të pakalueshme lëvizjen e automjeteve të vogla.
Situata është problematike për banorët të cilët duan që të lëvizin nga një anë në tjetrën. Kjo sjell dhe rrezikun për izolimin e fshatrave të njësisë administrative Kaçinar në Mirditë
Deri më tani nuk ka pasur asnjë ndërhyrje nga ana e institucionet për të kryer zhbllokimin e rrugës.
VLORË- Reshjet e shiut kanë krijuar probleme të shumta në jug të vendit. Në Dhërmi, përroi i Gjikurisë ka dalë nga shtrati, duke shkaktuar përmbytje dhe duke shkatërruar urën pranë ish vilave qeveritare.
Në Vlorë nuk ka patur problematika veç mungesës së furnizimit me energji elektrike. Probleme me energjinë kanë pasur gjithashtu edhe zonat e Selenicës dhe Orikumit. Ende vijon të jetë i pezulluar lundrimi detar për të gjitha mjetet.
Reshjet e shiut do të vijojnë të jenë intensive në vend sot dhe nesër. Nga e enjtja pritet që të ketë një përmirësim të kushteve meterologjike.