Arritjet në prodhimin dhe diversifikimin e burimeve të energjisë/ Rama në Fier: Burimet njerëzore të paguhen si n&...
Vrasja e Antonio Karafilit/ Flet e ëma e Kejsi Spahillari: Vajza më ka thënë që nuk ka asnjë lidhje me kët&e...
"Lidhen me korrupsionin dhe krimin e organizuar!" Bashkëpunimi me SPAK/ Kryeprokurori Çela: Gjatë 2024, i kemi kaluar për ...
U tha se do takonte djalin e Trump, Rama: Këta kënetarët e Kosovës kanë të tjera nota melodike kur i përputhe...
• Kryeministri Edi Rama deklaroi sot live në rrjetet sociale në rubrikën "Sy m'sy" se procedura për mbylljen e TikTok në celularë ka përfunduar. • Ai paralajmëroi qytetarët që të bëjnë kujdes dhe të mos përdorin VPN falas pasi këto të fundit janë të rrezikshme. • Rama tha se TiKTok së shpejti do të vijë në Shqipëri për të paraqitur planin për rritjen e sigurisë për fëmijët e adoleshentët. • Rama tha sot live në rrjetet sociale se Partia Socialiste ishte ajo që e bëri reformën në drejtësi. • Rama përsëriti se më parë shpata e drejtësisë ishte në zyrën e kryeministrit. • Ai shtoi se duke votuar PS-në Shqipëria ka shanse për të hyrë në Bashkimin Europian.• Rama gjatë fjalës së tij në rrjetet sociale ka folur në lidhje me pagën mesatare. • Rama u shpreh se kur mori detyrën para mesatare në shtet ishte 372 euro. • Sipas tij paga minimale ishte 157 euro dhe tani ka shkuar 400 euro. • Më tej ai theskoi se në qershor do të rrisin pagën minimale në 500 euro. • Ndërkohë në fuqi kjo rritje do të hyjë në fuqi në 2026. • Rama theksoi se e ardhmja e vendit dhe e integrimit në BE do të vendoset më 11 maji. • Kryeministri Edi Rama iu përgjigj live sot një komentuesi që i tha se më 11 maj "do të marrin Noc Rrokun." • Rama i tha komentuesit se mund të zhgënjehet dhe se tifozllëkun ka kohë ta bëjë. • Ai shtoi se pasaportën europiane mund t'u japë vetëm Partia Socialiste. • Kryeministri Edi Rama shprehu sërish sot sot besimin se Shqipëria do të bëhet pjesë e Bashkimit Europian. • Live në rrjetet sociale, Rama tha se ky besim ka bazë në ndryshimet e fundit dhe kërkesat e Europës për zgjerim. • Ai theksoi se Shqipëria është në të njëjtin nivel me Malin e Zi, i cili ka nisur negociatat për integrimin që në vitin 2012. • Sipas tij, të dyja shtetet janë afër për të hyrë në BE, dhe kjo mund të ndodhë shumë shpejt.
9 artikuj për këtë temë.
TIRANË- Kryeministri Edi Rama gjatë fjalës së tij në rrjetet sociale ka replikuar me një komentuesit i cili u shpreh se ndryshimet në Shkodër nuk i ka bërë bashkia. Rama në përgjigjen e tij ka ironizuar ndjekësin duke i thënë se të gjitha ndryshimet në Shkodër i ka sjellë koha dhe natyra.
Ai më tej ka shtuar se Shkodra ka qenë katastrofë më paërpara dhe ndryshimet i solli kryebashkiaku Benet Beci me PS-në. Rama nuk ka nguruar ti japë ndjekësit një këshillë që ta lërë atë përti duke nënkuptuar PD-në pasi i bëjnë qytetarët qesharakë.
"Natyrën e kishte Shkodra para se të ndërronte drejtim bashkia, apo nuk e kishte. Liqenin e kishte Shkodra apo nuk e kishte? Po Bunën e kishte apo nuk e kishte, po kalanë e kishte apo nuk e kishte? Çfarë nuk kishte Shkodra nga natyra që i ka sot. të gjitha. Po pse numri i turistëve u rrit në mënyrë të jashtëzakonshme qysh kur Benet Beci mori drejtimin e Shkodrës, apo meqë e fituam ne Shkodrën edhe natyra filloi të buzëqeshë. Po ca është ky muhabet.
Për të gjitha ndryshimet, i ka sjellë koha, i ka sjellë natyra. Pse nuk e pranoni që kur Shkodrën e kishte partia jote, se ke në profil edhe vulën, Shkodra ishte katastrofë, vajta të shih kantierin e shkollës në mes të qytetit, ishte e pabesueshme që ajo shkollë ekzistonte akoma në Shqipëri në mes të një qyteti. Ishte e mbaruar, si ka në ndenjur aty fëmijët, si. Edhe më tregon mua e bëri natyra, e solli koha. Jo nuk e solli koha ndryshimin në Shkodër, e solli Benet Beci me PS. Lërë atë parti se ajo parti të bën edhe qesharak. Shihe se ca të detyron të flasësh," tha Rama.
TIRANA- Kryeministri Edi Rama iu përgjigj një komentuesi i cili shkroi për linjat hekurudhore. Rama theksoi se Tiranë-Durrës është drejt përfundimit. Ai shtoi se kur kanë marrë qeverisjen e gjetën buxhetin gropë, ndërsa tha se nuk kishte rrugë për të shkuar deri në aeroport.
“Ne nuk bëjmë trena, bëjmë hekurudha. Tiranë-Durrës është drejt përfundimit, janë një sërë projektesh të tjera që janë pjesë e mandatit të katërt. A ju kujtohet si ka qenë rruga nga aeroporti në Tiranë, a e mbani mend si ka qenë, nuk kishim rrugë për të shkuar në aeroport, më diskutoni tani hekurudha, e kishim buxhetin gropë, kompanitë rrinin me një këmbë si gjysmagjeli, se nuk i kishte paguar më qeveria për kontrata. Ça po më thua nuk bën ti tren, hekurudhat i kemi nisur do t'i bëjmë se kemi marrë financime nga Europa, bankat europiane”, tha Rama.
TIRANË- Kryeministri Edi Rama gjatë fjalës së tij në rubrikën "Sy m'Sy" i është përgjigjur komenteve të qytetarëve. Gjatë fjalës së tij Rama ka pikasur një koment në të cilin pyetej a ishtë mërzitur për mikun e tij Dodik ndaj të cilit autoritetet boshniake kanë lëshuar udhërarrest.
Rama teksa i përgjigjej komentuesit nuk ka kursyer ironitë teksa i thotë qytetarit me emrin Arsim se po flet si pa arsim. Ai shtoi se duhet të dihet se e gjithë kjo histori për miqtë çetnikë është një budallallëk me brir. Rama më tej theksoi se kjo e bën ndjekësin dhe të tjerët si ai shumë qesharakë.
Komentuesi: A jeni mërzitur që të të iku miku yt i dashur Dodik, po të ikin miqtë dalëngadalë dhe duhet të mbash pak zi.
Rama: Është një pjesë juaja atje në Kosovë, që sikurse themi ne nga anët tona, që nuk mbush. Nuk mbush e nuk mbush, kështu që nuk kam fare çfarë i bëj dhe nuk jam fare i keqardhur, sepse është e kotë të përpiqesh t’i bindësh. Por, është një pjesë që nuk është shumica.
Fatkeqësisht ekziston, por edhe fatmirësisht ekziston se nuk mund të jemi të gjithë njësoj. Secili ka mendimin e vet. Por ti Arsim, që duhet Arsim, por flet si pa arsim, duhet ta dish që e gjithë kjo historia e miqve të miq çetnikë është një budallallëk me brirë dhe të bën ty dhe të tjerët si ti shumë qesharakë.
TIRANA- Kryeministri Edi Rama shprehu sërish sot sot besimin se Shqipëria do të bëhet pjesë e Bashkimit Europian. Live në rrjetet sociale, Rama tha se ky besim ka bazë në ndryshimet e fundit dhe kërkesat e Europës për zgjerim. Ai theksoi se Shqipëria është në të njëjtin nivel me Malin e Zi, i cili ka nisur negociatat për integrimin që në vitin 2012. Sipas tij, të dyja shtetet janë afër për të hyrë në BE, dhe kjo mund të ndodhë shumë shpejt.
"Arsyet se pse e kam këtë besim, janë ato që mund të shohësh dhe ti. Është situatë e re për Europën, Europa kërkon të zgjerohet. Europa thotë se deri më 2027 duam të mbyllim negociatat me Shqipërinë. Negociatat për tre vjet nuk ka bërë vaki. Mali i Zi ka që më 2012 që ka hapur negociatat.
Jemi krah për krah me Malin e Zi dhe do hyjmë në BE. Tek mundësia e parë, jemi ne dhe Mali i Zi. Më 11 maj e vendosni këtë punë. Ne duhet të vrapojmë, nuk duhet të ndalemi në asnjë mënyrë. Je i majtë apo i djathtë, ec drejt, në mes e ke numri 5. Detyrimi ynë është që Shqipërisë dhe ty të të japim pasaportën e BE", tha Rama.
TIRANË- Kryeministri Edi Rama gjatë fjalës së tij në rrjetet sociale i është përgjigjur komenteve të ndjekësve. Një qytetar e pyet Ramën se kur e ka lënë e Lulzim Bashën që të bëjnë një foto teksa shton se po pyet për një shok në diasporë.
Rama ka pikasur këtë koment dhe nuk ka nguruar që ti përgjigjet komentuesit të cilit nuk i ka kursyer ironinë. Ai i përgjigjet duke i thënë se a e do foton me autograf të përbashkët të tyre ndërsa e ka cilësuar komentuesin shoku në diasporë. Sa i përket Bashës, Rama u shpreh se fizikisht nuk puqen por zemrën e kanë të lidhur.
Pjesë nga fjala e Ramës:
Qytetari: Me Lulin kur e keni lënë për foto se pyet një shok në diasporë?
Rama: E do me autograf të përbashkët shoku në diasporë?! Për foton nuk e di se fizikisht nuk puqemi, por zemrën e kemi të lidhur. Jemi të lidhur me zemër se kështu fizikisht nuk puqemi me njëri-tjetrin. Nuk jemi larg syve dhe larg zemrës, jemi larg syve dhe sytë në zemër.
TIRANA-Kryeministri Edi Rama iu përgjigj live sot një komentuesi që i tha se më 11 maj "do të marrin Noc Rrokun." Rama i tha komentuesit se mund të zhgënjehet dhe se tifozllëkun ka kohë ta bëjë. Ai shtoi se pasaportën europiane mund t'u japë vetëm Partia Socialiste.
"Kam frikë se do zhgënjehesh se po bën tifozin, ndërkohë që duhet të bësh njeriun e interesuar për të marrësh atë që të takon nga 11 maji. Është të investosh për pasaportën europaine dhe ta marrësh atë pasaportë.
Tifozllëkun ke kohë ta bësh, po atë pasaportën merre, mos e lë. Dhe atë pasaportë ta jep vetëm ky që po të flet bashkë me partinë te numri 5", tha Rama.
TIRANË- Kryeministri Edi Rama gjatë fjalës së tij në rrjetet sociale ka folur në lidhje me pagën mesatare. Rama u shpreh se kur mori detyrën para mesatare në shtet ishte 372 euro. Sipas tij paga minimale ishte 157 euro dhe tani ka shkuar 400 euro.
Më tej ai theskoi se në qershor do të rrisin pagën minimale në 500 euro. Ndërkohë në fuqi kjo rritje do të hyjë në fuqi në 2026. Rama theksoi se e ardhmja e vendit dhe e integrimit në BE do të vendoset më 11 maji.
"Kur ne morëm detyrën, paga mesatare në sektorin publik, në shtet ishte 372 euro dhe që sot, vitin 2024 e mbyllëm me 1000 euro pagën mesatare. Referoju INSTAT-it. Kemi bërë një rritje shumë të lartë. Paga mesatare të përgjithshme, e kombinuar në sektorin publik dhe sektorin privat ishte 322 euro, e kemi sot 830 euro paga mesatare sot në Shqipëri, e përgjithshmja.
Pagën minimale e kishin 157 euro, e kemi 400 euro dhe me vendim, siç e kam thënë, në qershor do ta bëjmë 500 euro, do hyjë në efekt nga janari i 2026. Shumica e bizneseve e kanë më të lartë. Kush nuk do të dëgjojë, nuk dëgjon. Kush nuk do të shikojë është më keq se ai që nuk fiton. Do ta shohim më 11 maj se çfarë do të vendosë populli. Ajo që të takon më 11 maj, është të investosh për pasaportën europiane e Shqipërisë," tha Rama.
TIRANA- Kryeministri Edi Rama tha sot live në rrjetet sociale se Partia Socialiste ishte ajo që e bëri reformën në drejtësi. Rama përsëriti se më parë shpata e drejtësisë ishte në zyrën e kryeministrit. Ai shtoi se duke votuar PS-në Shqipëria ka shanse për të hyrë në Bashkimin Europian.
"Nëse ka një betejë madhore, të përditshme, më e vështira që askush nuk e ka marrë përsipër, është beteja me drejtësinë. Nëse ka sot një moment në historinë tonë, kur barazia para ligjit po synohet me vepra, është ky moment. Qysh prej 1912 kur Shqipëria krijoi shtetin e vet të pavarur, deri kur ne bëmë reformën në drejtësi, shpata e ndëshkimit, ishte në këtë zyrë. E kishin trashëguar njëri pas tjetrit, të parët e kësaj pune. Duke votuar PS, do e garantojmë këtë gjë. Ne do futemi në BE”, tha Rama.
TIRANA- Kryeministri Edi Rama deklaroi sot live në rrjetet sociale në rubrikën "Sy m'sy" se procedura për mbylljen e TikTok në celularë ka përfunduar. Ai paralajmëroi qytetarët që të bëjnë kujdes dhe të mos përdorin VPN falas pasi këto të fundit janë të rrezikshme. Rama tha se TiKTok së shpejti do të vijë në Shqipëri për të paraqitur planin për rritjen e sigurisë për fëmijët e adoleshentët.
"Procedura për mbylljen e TikTok ka përfunduar për telefonat Smart. Të gjithë ta dinë që mënyra për t’iu shmangur bllokimit duke përdorur VPN falas është shumë e rrezikshme sepse dihet botërisht se hakerat bëjnë namin në grabitjen e të dhënave të telefonit.
Duroni pa TikTok disa kohë deri kur të përfundojnë edhe programin e përbashkët kompaninë TiKTok e cila së shpejti do të vijë në Shqipëri për të paraqitur planin për rritjen e sigurisë për fëmijët e adoleshentët në mënyrë që të gjithë të jeni të lumtur, kompania, prindërit, fëmijët, mësuesit por edhe ne", tha Rama.
