"Do t’i japim Selisë së Kryegjyshatës një status të ngjashëm me Vatikanin!" Ideja për krijimin e shteti...
EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
Ndahet nga jeta Kryepeshkopi Anastas Janullatus 25 Janar, 07:42 Ndarja nga jeta e Kryepeshkopit Anastas, reagon Këshilli ...
Sterilizmi dhe situata te Onkologjiku/ Berisha: Inceneratorët janë organizatë kriminale dhe koka e kësaj organizate ësh...
• Kryetari i Partisë Demokratike, Sali Berisha ka zhvilluar ditën e sotme një konferencë me gazetarët në selinë blu. • Berisha e ka nisur fjalën e tij, duke dënuar sulmin e ndodhur mbrëmjen e djeshme në kanalin e ujit në Veri të Kosovës. • Ai e cilësoi ngjarjen si akt terrorist, ndërsa akuzoi Beogradin si fajtor të shpërthimeve të dy ditëve të fundit në Kosovë. • Kryedemokrati u shpreh se kjo situatë është edhe në interesin e Kremlinit që sipas tij, kërkon që krahas fronit të luftës në Ukrainë, të ketë edhe një konflikt tjetër në Ballkan. • Berisha në konferencë më pas ka trajtuar çështjen e dosjes hetimore të operacionit të SPAK për goditjen e bandës kriminale të Suel Çelës në Elbasan. 7 Berisha tha se dosja po manipulohet, pasi sipas tij 1 ton e gjysëm drogë nuk futenin dot në vend pa pasur një garanci të fortë politike. • Sipas tij e njëjta gjë ndodhi në Xibrakë, ku theksoi sërish se garanti atje ishin kryeministri Edi Rama dhe vëllai i tij. • Ish-kryeministri tha se në dosje janë të përfshirë biseda të gjata të ministrit Taulant Balla për blerje votash dhe tenderash abuzivë. • Gjatë fjalës së tij Berisha e cilësoi këtë dosje hetimore si "Metamorfoza 4". • Lideri i opozitës deklaroi se ka dokumente për politikanë të lartë të implikuar në dosje "Toyota Yaris", ndërsa paralajmëroi se shumë shpejt këto dokumente do t'i paraqesë edhe për gazetarët. • Berisha akuzoi SPAK se u përpoq "të blinte heshtjen e tij" me dosjen e ish-kompleksit Partizani. • Sipas tij pas 4 vitesh hetime u vërtetua se ministri Taulant Balla ka bërë kallëzim të rremë dhe se Fletoret Zyrtare faktonin se ai trualli ishte i pronarëve përkatës. • Berisha shtoi se Gjykata Kushtetuese vërtetoi se ai nuk ka kryer asnjë vendim nominal, të cilat tha se kryeministri Edi Rama i ka me dhjetëra.
5 artikuj për këtë temë.
TIRANË- Kreu i PD-së, Sali Berisha tha se SPAK u përpoq "të blinte heshtjen e tij" me dosjen e ish-kompleksit Partizani. Sipas tij pas 4 vitesh hetime u vërtetua se ministri Taulant Balla ka bërë kallëzim të rremë dhe se Fletoret Zyrtare faktonin se ai trualli ishte i pronarëve përkatës.
Berisha shtoi se Gjykata Kushtetuese vërtetoi se ai nuk ka kryer asnjë vendim nominal, të cilat tha se kryeministri Edi Rama i ka me dhjetëra.
"Skrapi i partisë, mendonte se me dosjen e klubit ‘Partizani’, fund e krye manipulim kriminal i tyre, do të mund të më impononim mua të heshtja. Po mund të ndodhte kurrë? Unë kur i kam shkruar Sekretarit të Shtetit, Antony Blinken; Z. Sekretar kur të gjesh një provë të vetme dhe çdo qeveri tjetër e botës, të korrupsionit të Sali Berishës, paraqite se unë jap dorëheqjen. Çfarë doli nga hetimi 4 vjeçar i tyre. Doli turpi i tyre. Doli se, Taulant Balla ka bërë kallëzim të rremë, se toka ishte shpronësuar, në një kohë që Fletoret Zyrtare faktonin se toka nuk ishte shpronësuar. Fletoret Zyrtare faktonin që në atë kohë se toka ishte e këtyre pronarëve, pikë për pikë.
Mashtruan gazetarët dhe mediat se, ky ka bërë vendime për të favorizuar ata, e dini se çfarë i thanë Gjykatës Kushtetuese? Jo nuk ka bërë sepse nuk ekziston asnjë vendim nominal. Asnjë. Edi Rama ka me dhjetëra vendime nominale, Sali Berisha asnjë. Por thanë kanë përfituar dhe ata. Dëgjoni tani llogjikë kriminale. Pra, në këtë kontekst, sigurisht u përpoqën, menduan se, aty ka kështu e ashtu. Tani mos shtyj më tutje, por u treguan tutkunë, u treguar turp njerëz. E kupton ti që një njeri amniston krimin elektoral, por ai është armik i betuar i pluralizmit dhe PD-së. Nuk ka armik më të egër. Ai është i barabartë në krim me Edi Ramën. Në të gjitha dosje, Bajrëve, Pëllumb Gjokës, gjysma është dosje elektorale edhe Altin Dumani i mbyll për partinë e tij. E garantoj se do të dënohet për to dhe nuk ka forcë në botë që të pengojë ndëshkimin e tij për këto akte.", tha Berisha.
TIRANË- Kryedemokrati Sali Berisha tha në konferencën e sotme se ka dokumente për politikanë të lartë të implikuar në dosje "Toyota Yaris". Ai paralajmëroi se shumë shpejt këto dokumente do t'i paraqesë edhe për gazetarët. Berisha akuzoi kreun e SPAK, Altin Dumanin se "fle mbi dosje kriminale" dhe se bashkëpunon me Ymer Lalën.
"Gjithçka disponon Sali Berisha, do të ua paraqesë ju. Po kam dokumente për politikanë të lartë, direkt të implikuar dhe unë do ti paraqes para jush. Unë ju thashë, sepse shumë e drejtë pyetja e shtruar. Pse e quan Skapin organizatë kriminale, është gjë shumë e rëndë, apo s’është. Nuk mund ta quaja kurrë nëse nuk do të kisha ato dokumente. Nuk shkon.
Kurse ai është kreu i një organizate kriminale se fle mbi to. Fle mbi to se e kanë kapur mat me Ymer Lalën, për arsye se Luftar Reçi e ka denoncuar Ymer Lalën për vrasje dhe zotëria e tij në 19 pyetje si ka bërë asnjë pyetje për vrasjen dhe e ka ekzauruar nga vrasja. Pra ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre.", tha Berisha.
TIRANË- Kryetari i Partisë Demokratike, Sali Berisha ka trajtuar ditën e sotme në konferencën për mediat, dosjen e operacionit të SPAK për goditjen e bandës së Suel Çelës.
Berisha thotë se në dosje është emri i Gentiana Sharrës, e cila ka biseda të gjata për tendera me ministrin Taulant Balla. Për ketë të fundit tha se ka biseda edhe me Mario Çelën, vëllain e kreut të grupit kriminal të Elbasanit. Sipas Berishës, në këto biseda flitet edhe për atë vetë.
"Tani të marrim pak, cila është piramida e vërtetë e krimit. Absolutisht përfshin gjyqtarët, por përfshin dy herë më shumë prokurorët. Kjo është e vërteta. Por ku janë prokurorët. Prokurorët janë në Skap. 5 prokurorë të Elbasanit janë në Skap o zotëri. Kjo është e turpshme. A ju kujtohet ajo gjyqtarja e Tik Tokut, Enkelejda. Por si Enkelejda në hotelin e tyre është hedhur dhe përdredhur dhe Millonaj, me nja 5 të tjera e të tjerë. Pra këtu na del se përveç Suel Çelës dhe 3-4 të tjerëve që janë të njohur aty, fajin e kanë e paskan gazetarët, se ka më shumë gazetarët. E kanë futur dhe Flamur Vezaj, sikur paska biseduar me Artan Hoxhën. Është totalisht një përdorim hakmarrës politik i dosjes.
E keni dhe emrin e asaj një Gentiana Sharra aty, në dosje është. Ajo ka me kilometra biseda për tendera më Taulant Ballën. U arrestua në Belgjikë një Mario, vëllai i Suelit, ai ka kilometra të tëra me Taulant Ballën, biseda dhe për Sali Berishën. Po.
Pra, prokurorët hiqen nga dosja, Taulanti që është marrë me çdo, thotë ajo që do ja bëjmë si Ravikut, por në akuzë ka qenë Taulant Balla që ka porositë dhe janë djegur, është gjykatësi dhe prokurori me emër janë, Kreshnik quhet ky, që ka vendosur bashkë me gjykatës, djegien e dokumenteve ku shkruhej, Taulanti ka porositë vrasjen. Po ekziston procesverbali është i botuar në mediat shqiptare procesverbali.
Dhe na del tani se Elton Qyno, Artan Hoxha. Gjer tani edhe Artan Hoxha, rezulton kriminel sepse ka publikuar foton e Edi Ramës me Çapajt. Po ta lexoni. Problemi i tij është se, i dhanë foton Çelajt tek Çapajt dhe fotoja u publikua. Pra shkallë ekstreme manipulimi dosje, një krim i paimagjinueshëm. E them këtu dhe e kam bindje absolute. Sigurisht që këta janë keqbërës, vrasës dhe duhet të përballen patjetër me ligjin, por është mbështetja politike, është shfrytëzimi i tyre nga politika, ai që shumëfishon potencialin e tyre kriminal. Ai që shumëfishon. E në këtë kontekst është herë më shumë kriminel Taulant Balla se çdo anëtar tjetër i bandës së Elbasanit. Ka qenë mbrojtja e tij që u ka bërë atyre të mundshme projektet e zeza. E njëjta gjë për bandat e Durrësit, e njëjta gjë për bandat e Shkodrës. Pra shkrirja në nji, një sipërmarrje të përbashkët shtet-organizata kriminale është shkaku i sundimit të tyre.", tha Berisha.
Kryedemokrati tha se kreu i SPAK po fsheh krimin e bërë nga ministri Balla, që sipas tij ka kërkuar vota nga anëtarët e bandës së Elbasanit. Gjatë fjalës së tij Berisha e cilësoi këtë dosje hetimore si "Metamorfoza 4".
"Tani marrim gjë tjetër, më të rëndësishme. Siç del dhe në dosje, thuhet se Taulanti na kërkon vota. Por ka akt më kriminal më të shëmtuar se ai i Altin Dumanit që e fsheh këtë. S’keni në dosje ju, çfarë aktiviteti elektoral-kriminal kanë zhvilluar bandat. Thotë; Taulanti na do për vota, është e regjistruar aty. Po kaq, e do për vota për partinë e Dumanit, sepse Dumani ka vendosur të amnistojë krimin e shëmtuar elektoral duke shkelur kushtetutën dhe ligjet e vendit. Pra kjo është dosja metamorfoza, le ta quajmë, e 4-5, por është shkalla më ekstreme e manipulimit të një dosje.
Dënoj publikimin se të fshehësh të gjithë aktivitetin kriminal elektoral të Taulant Ballës me bandat dhe të nxjerrësh aty bisedat që paska bërë Flamur Vezaj, të cilat Flamuri i mohon tërësisht dhe unë i besoj plotësisht, se nuk ka pse të gënjejë, ti paraqesësh ato është përpjekje se si e si, të largosh vëmendjen nga faktori më kryesor, kriminal në Shqipëri, që është politika dhe eksponentët kryesorë të krimit që janë Taulant Balla dhe Edi Rama me grupin e tyre.", u shpreh ai.
TIRANË- Kryetari i Partisë Demokratike, Sali Berisha ka folur në konferencën e sotme me gazetarët lidhur me dosjen hetimore të operacionit të SPAK për goditjen e bandës së Elbasanit
Berisha tha se dosja po manipulohet, pasi sipas tij 1 ton e gjysëm drogë nuk futenin dot në vend pa pasur një garanci të fortë politike. Sipas tij e njëjta gjë ndodhi në Xibrakë, ku theksoi sërish se garanti atje ishin kryeministri Edi Rama dhe vëllai i tij.
"Çështja tjetër që dua të paraqes sot para jush është dosja e Elbasanit. Dosja e Elbasanit përfaqëson aktin më të shëmtuar të narkodrejtësisë shqiptare të kontrolluar totalisht nga narkoqeveria. Krimet e bandës së Elbasanit, bandave të Elbasanit, të themi të vërtetën nuk është një bandë, por janë 2-3 ose më shumë, tashmë janë universalisht të njohura. Për të patur qytetarët një ide, përveç vrasjeve të shumta që kanë ndodhur midis tyre, banda për të cilën është publikua dosja, banda e Suel Çelës, del se kishte të porositura 1500 kg kokainë nga Ekuadori dhe Hollanda.
Shqipëria është vend kryesor i shpërndarjes së kokainës në Europë. Por të besoj se 1 ton e gjysëm kokainë do të vinin për kokën e Suel Çelës, do të thotë të besosh mashtrimin. Një sasi e tillë kolosale nuk vinte kurrë pa garantin e fortë politik. Ne e pamë në Xibrakë, garanti në Xibrakë ishin Edi Rama dhe Olsi Rama. Ishin të implikuar Olsi, në mënyrë evidente. Por të besoj se për Suel Çelën do të dërgoheshin 1500 kilogram kokainë, do të thotë të tallesh me veten tënde. Ata dërgoheshin dhe janë dërguar dhe destinacioni nuk është i shpifur, sepse prapa tyre qëndronte Taulant Balla dhe udhëheqja më e lartë e PS.
Pse unë e quajta dosjen një manipulim monstruoz të të vërtetave të manipulimit të kriminalitetit në Elbasan. Sepse publikut shqiptar i paraqiten si autorë kryesorë një grusht emrash, dy gjyqtarë, tre gazetarë, vetëm e vetëm për ta mashtruar publikun.", tha Berisha.
TIRANË- Kryetari i Partisë Demokratike, Sali Berisha po zhvillon ditën e sotme një konferencë me gazetarët në selinë blu. Berisha e ka nisur fjalën e tij, duke dënuar sulmin e ndodhur mbrëmjen e djeshme në kanalin e ujit në Veri të Kosovës.
Ai e cilësoi ngjarjen si akt terrorist, ndërsa akuzoi Beogradin si fajtor të shpërthimeve të dy ditëve të fundit në Kosovë. Kryedemokrati u shpreh se kjo situatë është edhe në interesin e Kremlinit që sipas tij, kërkon që krahas fronit të luftës në Ukrainë, të ketë edhe një konflikt tjetër në Ballkan.
“Së pari dua të dënon me forcën më të madhe, aktet terroriste në Zubin-Potok, Zveçan të furnizimit me ujë të qytetarëve të Kosovës, por edhe institucionet e Kosovës në ato territore. Këto akte terroriste të cilat zhvillohen pas shpalljes nga presidentja e Kosovës të datës së zgjedhjeve dhe shprehjes së vullnetit të Listës Serbe për marrjen pjesë në këto zgjedhje, kanë synim madhor destabilizimin e atij rajoni dhe dekurajimin e serbëve, për të marrë pjesë në proceset demokratike, në Kosovë në vendin e tyre.
Këto akte janë një aktakuzë e rëndë e Beogradit, i cili kërkon me çdo kusht një zonë konfliktuale të re, kërkon me çdo kusht, destabilizimin e Kosovës. Natyrisht një skenar i tillë, është skenar tipik i Rusisë së vogël, që i shkon në interesin më të madh edhe të Kremlinit. Situata në Kosovë, kriza e konservuar në Kosovë, është rrjedhojë e qëndrimeve fund e krye konfliktuale të Beogradit, synimit të tij për të mbajtur shtetin serb në Kosovë dhe për të zmadhuar siç shprehej vetë Vuçiçi Serbinë, duke nënkuptuar këtë zmadhim me territoret e Kosovës. Kjo situatë është në interesin më të mirë të Kremlinit, i cili kërkon që krahas fronit të luftës në agresionin që bëri ndaj Ukrainës, të ketë edhe një konflikt tjetër në Ballkan, po në interesa të tij.”, tha Berisha.
