VIDEO/ Rënia e regjimit të hekurt në Siri, statujat e Bashar Al Assad dhe babait të tij po shkatërrohen në të...
"Regjimi me propagandën e tij, fliste çdo ditë për demokratizimin," Berisha: Vriste çdo javë të rinjt&eum...
Dita e Rinisë/ Ambasada e SHBA në Tiranë: Sot shënohen 34 vjet që kur të rinjtë shqiptarë u ngritën...
Shpërthimi me tritol në Vlorë, lokali në pronësi të familjes së Bledar Birçajt, i ekzekutuar tre vite ...
• Kreu i Partisë Demokratike Sali Berisha ka deklaruar se mosbindja civile ka nisur nga ai, për të bindur qytetarët që kanë të bëjnë me një narko diktaturë. • I ftuar në emisionin 'Top Story' në Top Channel, Berisha duke komentuar shpalljen non grata nga SHBA, theksoi se ky veprim e ka rikthyer atë në skenën politike. • Berisha ka bërë një deklaratë të fortë për kryeministrin Edi Rama, duke thënë se ka qenë përdorues i Sky Ecc. • Për Raportin e Progresit të KE-s, Berisha tha se deklarata e ambasadori të BE, Silvio Gonzato për rezultatet e SPAK është gënjeshtër. • Për këtë Berisha ka sjell si shembull dhe disa përgjimeve të dosjeve ku një prej prokurorëve të SPAK komunikon me një eksponent të krimit. • Gjatë intervistës, Berisha ka deklaruar se ministrat nuk kanë pasur ndikim në tendera gjatë qeverisjes së tij. • I pyetur për Lulzim Bashën, Berisha tha se kërkonte të bënte koalicion me Ramën.
11 artikuj për këtë temë.
TIRANË- Kreu i Partisë Demokratike, Sali Berisha u shpreh se mosbindja civile deri në rrëzimin e diktaturës, ka 77 forma. Berisha i ftuar në emisonin 'Top Story' tha se pjesëmarrja është shumë e madhe dhe e vlerson jashtë mase.
Pjesë nga debati:
Berisha: Mosbindje civile deri në rrëzimin e diktaturës, ka 77 forma.
Sulo: Jo me 3 orë tek rreth rrotullimi i Shqiponjës,
Berisha: Nuk ikim, do rrimë 3 ditë, 3 javë.
Sulo: Kur është protesta e radhës?
Berisha: Pasnesër në Shkodër.
Sulo: Keni thënë që do rrëzoni Ramën me mosbindje civile
Berisha: Pjesëmarrja është shumë e madhe, e vlerësoj jashtë mase, është tjetër pjesëmarrje ajo që thoni ju. Perandori Adrian thotë…po kalonte në pyjet e Panonisë i ra një lisi me një sopatë, ata që ishin përrtheth prisnin që të rrëzohej me një të rënë, por Perandori u tha se nuk rrëzohej me një të rënë.
TIRANA- Kreu i PD-së, Sali Berisha bëri thirrje që të votohej për republikanët në zgjedhjet në Amerikë. I ftuar në emisionin "Top Story" live Berisha tha se kjo nuk është ndërhyrje në zgjedhje. Ai shtoi se do të jetë në bordin ekzekutiv të IDU.
Berisha: PD është e rafinuar me unionin demokrat republikan, u bëj thirrje të gjithë anëtarëve të PD të votojnë kandidatët e Partisë Republikane pa ndërhyrë në zgjedhje.
Analisti: Sapo bëtë ndërhyrje në zgjedhje.
Berisha: Asnjë ndërhyrje nuk bëra.
Analisti: Vutë një bast dhe do ta përdorni këtë pasazh në studion e Gridës nuk ka asgjë të keqe.
Berisha: As nuk do ta përdor, se thashë për ta përdor, por thashë të vërtetën, jemi në bordin ekzekutiv të IDU.
TIRANË- Kreu i Partisë Demokratike, Sali Berisha, u pyet se cila është strategjia e re e PD-së për zgjedhjet 2025, ku u përgjigj se do të jetë mosbindja civile, ndërsa shtoi se nuk ka zgjedhje, por farsë elektorale. Berisha i ftuar në emisionin 'Top Story' tha se lufta ndaj një diktaturë nuk është e lehtë.
Pjesë nga debati:
Rakipllari: Ju po shkoni në zgjedhje, çfarë keni menduar? Keni menduar ndonjë strategji të re?
Berisha: Po kemi menduar
Rakipllari: Cila është?
Berisha: Mosbindje civile. Këto nuk janë zgjedhje, janë farsë elektorale.
Rakipllari: Ju jeni kryetar i PD duhet ta çoni opozitën me fitore. A jeni duke e çuar në fitore apo në përplasje? Ku jeni duke e çuar opozitën doktor?
Berisha: Unë kam përjetuar një diktaturë, jam përballur me të dhe ajo ra. Lufta ndaj një diktaturë nuk është e lehtë
Rakipllari: Pra jeni në rezistencë…
Berisha: Prit një minutë! Kjo që bëjmë ne është ajo që duhet bërë. Do vazhdojmë deri në përmbysjen e saj. Të ardhme kjo diktaturë nuk ka. Ju garantoj që janë vetëm hapat e parë.
Vangjeli: Ju jeni në hapat e para doktor.,Nëse ai është në maratonë, ju jeni në hapat e parë.
Rakipllari: Ju bëni krahasim me Ramiz Alinë dhe e krahasoni sot kur këtë qeveri e mbështet SHBA, dhe ju jeni non grata nga Britania dhe SHBA. Unë them si do përballeni me bandat? Si do e sillni opozitën në pushtet?
Berisha: E kemi zgjidhur këtë. Ne bëjmë këtë betejë për çdo shqiptar. Në këtë histori nuk gjen dot një regjim që ketë larguar në një regjim 9 vjeçar mbi 1 milion qytetar. Diktatura do durim, guxim, por të ardhme nuk ka.
TIRANA- Kreu i Partisë Demokratike, Sali Berisha, ka lexuar sot disa përgjime në Sky Ecc, sipas tij lidhur me emrin e ish-ministrit të Brenshëm Taulant Balla. Berisha tha në emisionin "Top Story" se Bajrat në Shkodër kishin lidhje me Ballën.
Pjesë nga biseda në studio:
Analisti: Krimi në politikë ka njohur rritje të madhe vitet e fundit dua t’ju kujtoj se në 2003 kur ambasadori amerikan përmendi me emër grupin hakmarrja për drejtësi opinioni publik vrau frikën që kishte nga grupi. Ju po denonconi Bajrat dhe Troplinët çështja është që ju dhe partia akuzoni shumë herë që krimi ose përfaqësues të krimit emërojnë drejtorët e policisë.
Berisha: I emërojnë këta, ministrat, Taulant Balla është.
Analisti: Denoncimet politike kanë një kufi, duhet të kemi prova dhe detaje të mëtejshme për këtë.
Berisha: Të të jap provë, merr dhe lexo regjistrime dy vetë i vënë eksplozivin për ta ekzekutuar Lulzim kullën, eksplozivi e plagosi nuk vdiq, Taulant Balla merr në telefon anëtarin aktual të KLP dhe i thotë urgjent të lirohen dhe kjo ndodhi, a do të t’jap për Taulant Ballën, lexo çfarë thonë Bajrat kur merreshin me lojërat e fatit, e kemi tonin Taulantin. Çfarë e shtyn Gjokën t’i bëjë peshqeshe Spiro Gjokës, Elisës, ne dënojmë, denoncojmë sepse janë gjëma e këtij vendi.
TIRANË- Kryetari i Partisë Demokratike, Sali Berisha, tha se kreu i qeverisë Edi Rama ndihet i frikësuar, prandaj hedh akuza ndaj kundërshtarëve të tij politikë.
Berisha i futuar në emisionin Top Story, theksoi se asnjë zgjedhje nuk është fituar në formë të drejtë nga Rama, ndërsa solli në vëmendje edhe arrestimin e ish-deputetit Çyrbja.
Pjesë nga intervista:
Sulo: Në 2021 dhe 2023 Rama ka bërë fushatë me ju dhe Metën si dy figura që ai i quante lehtësisht të mundshme në fushatë, sondazhet e favorizonin, Rama është i interesuar t’ju mbajë juve në lojë apo t’ju burgosë? Nëse ju dhe Meta jeni në hetim atëherë del që Rama një nga tre kryeministrat që ka qeverisur këtë vend, ekspozohet më shumë. Pse do t’i leverdiste Ramës të ekspozohej?
Berisha: Po të mos kishte frikë Edi Rama nga Sali Berisha , Ilir Meta e të tjerë ndoshta do të dominonte pak më shumë urrejtjen e trashëguar për kundërshtarin. Rama ka kryer krime të rënda, nuk do të pranojë kurrë të dorëzojë pushtetin. Në të gjitha stadartet Edi Rama nuk ka fituar zgjedhjet.
Deputeti i Durrësit i kishte votat nga Abdylajt, Troplinët, Dervishët me shokë. Çyrbja një anonim absolut vendosej i treti në listë nga Rama pa pas marrë një premtim të votave, prisni, po shkoj më tutje. Nëse i fitonte zgjedhjet nuk do e linte opozitën pa asnjë qindarkë financim. Nëse i fitonte ato zgjedhje nuk do bënte atë që bëri me Pëllumb Gjokën, me Troplinët në Durrës dhe Shijak. Zgjedhjet në 2021 ishin një farsë.
TIRANA- Kreu i Partisë Demokratike, Sali Berisha ka bërë deklarata të forta sot ku tha se kryeministri Edi Rama ka qenë përdorues i Sky Ecc. I ftuar në emisionin"Top Story", Berisha tha se kreu i qeverisë ka pasur 3 telefona, 74 të tjerë i kishte në Kryeministri. Ai shtoi se bosët e organizatave të dëbuar u liruan një nga një sa erdhi Edi Rama në pushtet.
“Një nga sukseset historike të PD ka qenë eliminimi në 18 muaj pas ardhjes në pushtet të 206 grupeve dhe organizatave kriminale. Unë nuk them që s’ka pasur vrasje, por ka pasur një shtytje efeçentë të krimit si kurrë më parë. Bosët e organizatave të dëbuar u liruan një nga një sa erdhi Edi Rama në pushtet. Në Shkodër janë Bajrët, në Durrës janë Troplinët.
Keni dëgjuar të kapet qoftë 1 kg kokainë në Portin e Durrësit? Një kontejner që rastësisht kuptuan që ishte e çuan në bazë dhe më pas e çuan në skaner. Në 2 vite nuk është kapur asnjë kg kokainë në Portin e Durrës. Të besosh se kanë frikë të vijnë, është si të besoj rrethin katror.
Ndodhi një masakër në Shkodër dje. Kjo masakër është politikisht e lidhur me Ramën. Ka 6 muaj që banda e partisë së Ramës përgjak Shkodrën, bëri breshërinë në Bushat. Në shtator bënë antenat mes Shkodrës. Çfarë është kjo situatë? Është Pazar. Pra doni fakte të tjera? Keni dëgjuar për Ecc Sky, Rama ka pasur 2-3 prej tyre. E ka përdorur vetë”, tha Berisha.
TIRANA- Kryetari i Partisë Demokratike Sali Berisha u pyet sot nëse në qeverinë e tij nuk ka pasur asnjë ministër të korruptuar. I ftuar në emisionin "Top Story" Berisha u përgjigjur se u dënuan 630 zyrtarë, ndërsa shtoi se ministrat nuk kanë pasur ndikim në tendera gjatë qeverisjes së tij. Ai foli edhe për akuzat ndaj tij, ku tha se në gjithë këto vite oune, SPAK gjeti 100 mijë euro kursime dhe një apartament 40 metër katror.
Pjesë nga debati:
Analisti: Liberalizove vizat pas këtij raporti
Berisha: Prit një minutë! SKAP-i i partisë që merr doga 30 % më shumë se kardinalët në Vatikan, këta që tregtojnë. Për dy vite kulmore 2022-2023 janë dënuar 19 persona përfshi këtu krime të rënda, krime serioze për korrupsion. Pse kaq pak? Sepse në Task Forcë, Dumani nuk i mbyllte dot dosjet. Ajo Task Forcë me ato dosjet dënuan 630 zyrtarë të qeverisë së Sali Berishës. Cilido që ti hedhë shqiptarëve trutë gomarit, Berisha do bëjë gjithçka që do të thotë të vërtetën, sa i përket sondazheve, pyet ndonjë psikolog.
Analisti: Ai thotë që SPAK është organizatë kriminale.
Berisha: Të quaj disfatën sukses këtë nuk e bëj kurrë unë. Nëse Task Forca rriti të dënojë… do merrni raportet e Departamentit të Shtetit. Ka pasur një ligj atë kohë dhe ndalonte ministrat që të kishin asnjë ndikim në tendera.
Analisti: S’ka pasur ministra të korruptuar?
Berisha: Nuk kishte asnjë ministër që merrej me tendera. Fakti është ky, janë dënuar 630 punonjës zyrtarë..
Analisti: Po thoni që korrupsioni bëhej nga nivele të ulëta dhe jo të larta.
Berisha: Ja ku është niveli i lartë. Niveli i lartë është Sali Berisha, është ky skap që për këto vite gjeti 100 mijë euro kursime, një apartament 40 metër katror dhe gjeti pagesat e bëra nga vajza ime për shëndetin tim dhe të nënës së saj. Pagesa si hua të deklaruara. Pra ja ku e ke të lartin.
TIRANA- Kreu i Partisë Demokratike, Sali Berisha komentoi sot Raportin e Progresit 2024 për Shqipërinë. I ftuar live në një intervistë për emisionin 'Top Story' në Top Channel, Berisha tha se deklarata e ambasadori të BE, Silvio Gonzato “Puna e shkëlqyer e SPAK ka dhënë rezultate”, nuk është e vërtetë. Ai citoi disa prej përgjimeve të dosjeve ku një prej prokurorëve të SPAK komunikon me një eksponent të krimit.
"Në vitin e mbledhjes së kanabisin Donald Lu lëvdonte policinë për punën në vetëmohim që bënë kundër drogës, kur unë e denoncoja drogën dhe gjeneral ‘Lisi’ para Mc Gonigalit do të korruptohej, por Berisha mbronte interesin e vendit të tij.
Sali Berisha mbi bazë dokumentesh zyrtare të pamohueshme që disponon e ka shpallur Spak organizatë kriminale dhe pse e ka bërë këtë, mund t’i kisha marrë këtu me vete sonte dhe t’u lexoja disa nga regjistrimet ku prokurori i kërkon vrasësit ose trafikantit kaq e aq për t’ja ndryshuar krimin, për t’ja manipuluar dosjen, i SPAK-ut.
Jo komisioni meqenëse je aty, por në botë njeri që të më lëkundë mua në bindjet, se ai që tregton dhe bën pazar me vrasësin nuk është i lig sa vrasësi nuk ka, ai që i di këto dhe thotë, po po nuk jam i tillë. Kur kolegu i tij apo bosi i tij i thotë se ky prokuror ia tha na thuaj pak ti zotëri Duman, nga 19 pyetje që iu bënë Ymer Lalës i denoncuar nga Luftar Reci për vrasje nuk guxove t’i bësh pyetje për vrasje. Janë pak nga dosjet. Kam respekt për ambasadorin e BE-së, por më shumë kam për të vërtetën", tha Berisha.
TIRANA- Kryetari i Partisë Demokratike Sali Berisha komentoi sot shpalljen e tij si 'non-grata' nga Shtetet e Bashkura të Amerikës. Në një lidhje të drejtpërdrejtë për emisionin “Top Story” në Top Channel Berisha tha se shpallja 'non grata' e bëri qëtë rikthehej në skenën politike. Ai u ndal te masa ndaj tij “arrest në shtëpi”, ku tha se pasi dështuan me kontrollin e opozitës, zgjodhën arrestin e tij pa anjë provë dhe fakt.
“Nuk ka rëndësi për mua paragjykimi, ka rëndësi që unë të mos tërhiqem kurrë nga një kauzë e drejtë. Nëse dy vjet më parë apo edhe 3 vite, në këtë tezë Berishën e besonin një grup i vogël njerëz, sot ky grup është më i madh. Unë pata rastin në jetë të kem periudha më interesante në jetën e një njeriu, por kur unë u sanksionova për korrupsion, u thashë shqiptarëve dhe botës se ky është një vendim korruptiv.
Gazetari i Bild, i cili deklaroi se ekzistojnë dokumente që provojnë se McGonigal është i implikuar në dosjen Berisha. Ky ishte një grusht shteti kundër sovranitetit të një vendi anëtar të NATO. Të gjithë ne që kemi jetuar në diktaturë e dimë se sovraniteti i brendshëm i një vendi diktaturë nuk e ka populli, por e ka në duar diktatori.
Në Shqipëri u godit një njeri që nuk kishte funksione drejtuese në PD por ishte një avokat i qëndrueshëm i interesave të shqiptarëve. Më kthyen në skenën politike. Fakti që menduan ti jepnin vendit im një opozitë kukull, kjo bënte që Sali Berisha të mos pajtohej me këtë dhe i tha vetes 100 herë një thënie të vjetër “Zot më mbro nga miqtë, se nga armiqtë mbrohem vetë”. Pasi dështuan me kontrollin e opozitës zgjodhën arrestin tim pas asnjë provë", u shpreh Berisha.
TIRANA- Kreu i Partisë Demokratike, Sali Berisha, tha sot se mosbindja civile ka nisur nga ai. Në një intervistë në emisionin 'Top Story' në Top Channel, Berisha tha se të ftosh të tjerë për mosbindjen civile së pari duhet t'i bindësh ata se motivi qëndron. Ai shtoi se duhet t'i bindësh njerëzit se kauza që mbron është e drejtë dhe se kemi të bëjmë me një narko diktaturë.
"Ajo mosbindje civile ka nisur nga unë, duke lënë modestinë mënjanë dhe si koncept dhe si ide është në mënyrë të tillë që të jetë kundër është zbërthyer, sepse të ftosh të tjerë për mosbindjen civile së pari duhet t'i bindë ata se motivi qëndron, se kauza që mbron është e drejtë dhe ajo që unë jam me mundësitë e mia është se kemi të bëjmë me një narko diktaturë. Gjera që ti thua shpjegon apo mbron nuk zënë përgjegjësi fole në mendje dhe ndërmend të tjera kur unë kam informuar shqiptarët dhe vijoj të paraqes se Shqipëria ka në mendje më të keqe", tha Berisha.
