Tragjedi në Turqi/ Përfshihet nga flakët një hotel në provincën Bolu, humbin jetën 66 pushues, plagosen 51 të tjerë, arrestohen 4 persona

Hoteli

TURQI- Zjarri që shpërtheu në orët e para të së martës në një hotel në vendpushimin e skive Kartalkaya të provincës Bolu, Turqi, rezultoi me vdekjen e 66 personave dhe plagosjen e 51 të tjerëve. Videot e telefonave celularë kapën skena tronditëse, me vizitorët që lidhnin çarçafë për t'u zbritur nga dritaret, ndërsa të tjerët bërtisnin për ndihmë. Dy nga viktimat u vranë pasi u hodhën nga ndërtesa në panik, tha guvernatori.

Baris Salgur, një punonjës në një hotel aty pranë, përshkroi se kishte dëgjuar zëra dhe ndihmonte për të shpëtuar njerëzit.

“Pashë njerëz që bërtisnin nga dritaret. Para se të arrinte zjarrfikësja, dy gra u hodhën nga katet e sipërme ”, tha ai.

Instruktori i skive Nejmi Kepcetutan tha se ai ndihmoi në shpëtimin e rreth 20 vizitorëve. Ai tha tymi ishte mbytës dhe njerëzit e kishin të vështirë të gjenin daljen e emergjencës. Detaje tragjike dhanë edhe dëshmitarë të tjerë, si Ali Atmaja, i cili po përpiqej të ndihmonte ata që hidheshin nga dritaret për t'i shpëtuar zjarrit.

“Ne vendosëm shtresa, me gjithë përpjekjet tona na humbën shumë jetë para syve”, tha ai.

Prokuroria e Bolou nisi menjëherë një hetim gjyqësor, duke caktuar gjashtë prokurorë dhe një ekip ekspertësh prej pesë anëtarësh për të përcaktuar shkaqet e zjarrit. Sipas mediave turke, në kuadër të hetimeve janë arrestuar 4 persona, mes të cilëve edhe pronari i biznesit.

Presidenti Recep Tayyip Erdogan shprehu keqardhjen e tij të thellë, duke siguruar se hetimi do të vazhdojë pa ndërprerje për të caktuar përgjegjësinë.  Zjarri përkoi me pushimet e shkollës, kohë kur shumë familje vizitojnë qendrën e skive për aktivitete dimërore. Në momentin e ngjarjes në hotel ndodheshin 234 persona.

pamje nga vendngjarja

TURQI- Rritet bilanci i viktimave nga zjrri që përfshiu hotelin në një vendpushim skish në Turqinë perëndimore. Autoritetet bëjnë të ditur se numri i viktimave ka shkuar në 66 dhe numri i të plagosurve në 51. Siç raportohet ekipet e shpëtimit po kërkojnë ende në hotel për të mbijetuar, duke rritur mundësinë që numri i të vdekurve të rritet. 

Zjarri ra rreth orës 3:30 të mëngjesit me kohën lokale, kur shumica e banorëve ishin në gjumë. Në përpjekje për tu evakuuar, disa banorë lidhën çarçafët së bashku për të bërë një litar që e përdorën për të zbritur në një kat më të ulët, treguan pamjet video. 

Shkaku i zjarrit mbetet ende i paqartë. Pamjet televizive treguan tym që dilte nga një ndërtesë e përshtatur nga male të mbuluara me borë. Dhjetra ekipe shpëtimi dhe zjarrfikëse u dërguan në zonë nga qytetet përreth. Zjarri ka rënë në katin e restorantit dhe ndërsa në hotel ndodheshin 234 persona.

pamje nga vendngjarja

TURQI- Një zjarr ka përfshirë një hotel në vendpushimin e skive Kartalkaya, në provincën Bolu të Turqisë veriperëndimore, duke shkaktuar të paktën 10 viktima dhe 32 të plagosur.

“Sot në orën 03:27 ka rënë zjarr në një hotel në vendpushimin e skive në Kartalkaya për fat të keq numri i të vdekurve ka arritur në dhjetë dhe numri i të lënduarve në 32”, njoftoi ministri përmes X.

Zjarri shpërtheu në katin e katërt të hotelit 11-katësh dhe zjarrfikësit po punojnë ende për ta shuar atë, tha për transmetuesin shtetëror TRT guvernatori i Bolu-s, Abdulaziz Aydin.

Ai tha se ende nuk dihen shkaqet e zjarrit dhe autoritetet janë duke kryer hetimet. Ai shtoi se zjarri ka rënë në dyshemenë e restorantit dhe ndërsa në hotel ndodheshin 234 mysafirë. Pamjet e transmetuara nga mediat lokale, përfshirë TRT, tregojnë flakët që kanë përfshirë çatinë dhe katet e sipërme të hotelit.