"Ishin zgjedhjet e para që u dënuan nga ndërkombëtarët ende pa u zhvilluar", Berisha: Beteja kundër farsës elektorale është një proces
Berisha: Raporti paraprak i vëzhguesve dëshmoi farsën elektorale! Paralajmëroj Ramën që të mos bëjë...
Berisha: Raporti paraprak i vëzhguesve dëshmoi farsën elektorale! Paralajmëroj Ramën që të mos bëjë...
I arrestuar për plagosje dhe trafik droge, kush ishte Emir Dedja, 29-vjeçari që u ekzekutua në Durrës 20 Maj, 08:11 ...
Trump flet me Zelenskyyn para telefonatës me Putinin, biseda zgjati vetëm disa minuta 19 Maj, 18:50 REL: Trump nis t...
GJKKO dërgoi dosjen "Partizani" për gjykim, Gjokutaj: Do të ecet me gjykim të zakonshëm, ja pse nuk e kemi kërkuar...
• Kryeministri Edi Rama ka zhvilluar pasditen e sotme një takim me gratë dhe vajzat në qytetin e Lezhës. • Rama gjatë fjalës së tij tha se Shqipëria ka ndryshuar falë Partisë Socialiste duke shtuar se kjo gjë vihet re në pjesëmarrjen e grave në vendimmarrje. • Ai shtoi më tej se gratë e vajzat shqiptare nuk 'janë më pas dere' por janë pjesë e qendrës së vendimmarrjes dhe pjesë e jetës së përditshme të PS. • Kryeministri theksoi se shumë vite më pare ishte e paimagjinueshme një pjesëmarrje e tillë nga gratë që ndajnë bindjet. • Rama, nuk i ka kursyer batutat teksa theksoi se janë mërzitur një pjesë e burrave pse i ka quajtur “çyrykë”. • Ai shtoi se e ka vetëm me ata burra që hidhen me kokë në kënetë. • Kryeministri me batuta theksoi se PS ka mbështetjen më të madhe të grave dhe vajzave dhe të të rinjve dhe do t’i mjaftonin vetëm gjysma e burrave për të fituar. • Ai tha se vendi ynë renditet në listën e OKB-së në vendin e pestë për pjesëmarrjen e grave në vendimmarrje. • Ai shtoi se Shqipëria është e 23 në formonin ekonomik botëror për pjesëmarrjen e grave dhe vajzave. • Rama para takimit me gratë zhvilloi takime edhe me përfaqësues të bizneseve në Lezhë. • Ai theksoi se turizmi po përjeton një hov të madh. • Rama tha se gara është për cilësinë dhe përthithjen e turistëve, të cilët kanë mundësi të konsumojnë më shumë. • Kryeministri shtoi se këtë investime do ta kthejnë bregdetin e Lezhës në një prej oazeve më të frekuentuara në Mesdhe. • Rama tha se rritja e vlerës së pasurisë do të jetë gjithmonë edhe më e madhe dhe me hyrjen në BE vlera e pasurisë së patundshme dyfishohet menjëherë. • Gjithashtu Kryeministri tha se të gjitha ato biznese që nuk kanë bërë deklarim të të ardhurave të deklarojnë të ardhurat e para 5 viteve duke mos marrë asnjë penaliteti dhe duke paguar 5% për këto të ardhura.
7 artikuj për këtë temë.
LEZHË-Kryeministri Edi Rama takimit me gratë socialiste nuk la pa ironizuar Kryedemokratin Sali Berishën, të cilin e quan “buf të kënetës”. Gjatë fjalës së tij ai tha se Bufi i kënetës për vite te tëra ka qenë buf i Partisë së Punës. Ndër të tjera Rama theksoi se Kalaja nga brenda merret vetëm me gratë. Po ashtu nuk munguan as batuta nga Rama i cili tha se gjyshi rrotullohet në varr kur sheh nipin që voton për bufin e kënetës.
"Bufi i kënetës, buf i Partisë së Punës, vite e vite të tëra. Ata e kanë kollaj që ta shohin në rregull për gjyshin. Po nuk e di që gjyshi i shkretë atje rrotullohet në varr kur shikon nipin që shkon voton për bufin e kënetës.
Ajo që duhet nga ju, na duhet që të flisni dhe mos i ndaheni gjithë rrethit familjar, kunatave sidomos se ato janë të rrezikshme. Mos iu ndani rrethit familjar, mos iu ndani shoqeve qe keni në punë dhe duhet të organizoni komplotin më të madh që i është burrave ndonjëherë. Se burrat socialiste e dinë vetë, puna është tju marrin kalanë nga brenda atyre të tjerëve. Kalaja nga brenda merret vetëm me gratë," tha Rama.
LEZHË- Kryeministri Edi Rama gjatë takimit me gratë socialiste në Lezhë tha se vetëm Partia Socialiste mund t’i mbyllë negociatat për anëtarësim në BE në vitin 2027. Gjatë fjalës së tij Rama u shpreh se 11 maji është mundësi zgjedhjeje për shqiptarët, nëse do jenë me PS në BE, apo me kënetën. Sipas tij nëse nuk është PS dhe nëse nuk është vetë në detyrë, Shqipëria nuk shkon me asnjë tjetër në BE.
“Ne kemi shumë rrugë për të bërë, por ka shumë rëndësi që gratë shqiptare të kuptojnë sesa themelore është që më 11 maj populli shqiptat t’i kapërcejë kufijtë që ndajnë njerëzit në zgjedhje. 11 maji është takimi i dytë me historinë i shqiptarëve. Takimi i parë ka qenë 1991-1992, ku shqiptarët, në mënyrë dërrmuese, votuan PD. Në mars, nëz gjedhjet e përgjithshme, populli kuptoi që ai ishte momenti.
Ky ishte 22 marsi. Sot, 11 maj është momenti, vendi ku populli të marrë një vendim, për t’i vazhduar pa mdalur, pa ndërprerë negociatat për anëtarësim, apo për të ngatërruar mes nesh, popullit shqiptar dhe BE, kënetën dhe moçalet, që janë një mundësi zgjedhjeje në 11 maj. Këtë duhet të ndajnë njerëzit. Nëse nuk është PS dhe nëse nuk jam unë në detyrë, Shqipëria nuk shkon me asnjë tjetër në BE, për një kohë më të gjatë nga sa mendojmë ne sot”, theksoi ai.
LEZHË- Kryeministri Edi Rama gjatë takimit me gratë dhe vajzat në Lezhë tha se vendi ynë renditet në listën e OKB-së në vendin e pestë për pjesëmarrjen e grave në vendimmarrje. Gjatë fjalës së tij Kryeministri tha se sipas OKB Shqipëria është në vend të pestë për pjesëmarrjen e grave. Gjithashtu Rama tha se Shqipëria është e 23 në formonin ekonomik botëror për pjesëmarrjen e grave dhe vajzave.
“Kjo pamje këtu ishte e paimagjinueshme. Ishte e paimagjinueshme që PS të kishte një prani të tillë grash. Kishte shumë zona kur më bën shumë përshtypje se nuk kishte gra. Por, hapë pas hapi kemi arritur që të bëjmë diçka historike dhe për mua është arsyeja më e madhe për të qenë krenar. Sot gratë dhe vajzat nuk janë më diku ne cep apo pasdere, por janë qendër e vendimmarrjes dhe pjesë e PS.
E kemi nisur dikur me 10-12% në Këshillin Bashkiak dhe zgjedhje pas zgjedhjesh arritëm që të kishim 50% dhe këtë gjë arritëm që ta imponojmë me ligj. Prej disa vitesh e kemi Shqipërinë në 5 e parë të OKB-së për nivelin e lartë të numrit të grave.
Shqipëria është e 23 në formonin ekonomik botëror për pjesëmarrjen e grave dhe vajzave. Rezultatet që kemi janë arritur për këtë fakt se i kemi angazhuar shumë gratë, dhe negociatat për BE i drejtojnë dy gra. Pjesa më e madhe e negociatorëve janë gra dhe qershia mbi tortë është skuadra që kemi këtë vit, kemi 71 gra në skuadër. Në listën e mbyllur 52 gra”, tha Rama.
LEZHË- Kryeministri Edi Rama, nuk i ka kursyer batutat gjatë takimit me gratë në Lezhë. Gjatë fjalës së tij Rama tha se janë mërzitur një pjesë e burrave pse i ka quajtur “çyrykë”, ndërsa shtoi se e ka vetëm me ata burra që hidhen me kokë në kënetë. Kryeministri me batuta theksoi se PS ka mbështetjen më të madhe të grave dhe vajzave dhe të të rinjve dhe do t’i mjaftonin vetëm gjysma e burrave për të fituar.
“Janë mërzit si u thotë Rama gjysmat e burrave janë çyryk, mbase janë më shumë, por unë them gjysmat. Nëse S’do ishin çyrykë e di ku ishte Shqipëria sot? Se burrat e kanë pas në dorë për një kohë shumë të gjatë. A është normal një burrë që shkon dhe hidhet në kënetë me kokë? Kush thotë se nuk është çyryk, duket të deklarojë se nuk është me kënetën por me BE.
Nëse thotë që jam me kënetën e ka thënë me fjalët e veta që është çyryk. Tani do t’u vijë keq? Ç’a të them unë. Këta nuk e pranojnë humorin, janë një gjendje të të marrin me libër shpie, dhe u duket një gjë normale, po t’ua kthesh me të njëjtën mënyrë nuk është se u bën shumë përshtypje, por po të bësh humor me ta çmenden. Kështu ua dhashë recetën sesi ta diagnostikoni nëse është çyryk apo jo. Këta as nuk e pranojnë. Unë e pranoj, unë pa gruan time jam ndërtim pa leje”, tha Rama.
LEZHË- Kryeministri Edi Rama ka zhvilluar një takim me gratë dhe vajzat në qytetin e Lezhës ditën e sotme. Teksa mbante fjalimin e tij, Rama tha se Shqipëria ka ndryshuar falë Partisë Socialiste duke shtuar se kjo gjë vihet re në pjesëmarrjen e grave në vendimmarrje.
Rama tha më tej se gratë e vajzat shqiptare nuk 'janë më pas dere' por janë pjesë e qendrës së vendimmarrjes dhe pjesë e jetës së përditshme të PS. Kryeministri shtoi se shumë vite më pare ishte e paimagjinueshme një pjesëmarrje e tillë nga gratë që ndajnë bindjet.
PJESË NGA FJALIMI:
“E vërtetë është që Shqipëria është grua Europa është grua, edhe në Lezhë më shumë gra ka, përveç Kurbinit që është burrë. Por edhe Kurbini që është burrë, hajër pa vetëm me një grua. Ju falenderoj shumë për këtë pamje të bukur, por këtu ka disa që kanë qenë në rrugëtimin tonë qysh kur unë erdha në krye të PS, dhe jam i bindur që e ndajnë me mua bindjen se jo shumë vite më parë, kjo pamje këtu ishte e paimagjinueshme.
Ishte e pamigjinueshme që PS dhe kur nuk e bënte dot PS të tjerët as nuk llogariten fare të kishte një prani të tillë grash. Kur e kemi nisur këtë rrugëtim kur u zgjodha kryetar i PS dhe bëja vizitat e para nëpër organizata kishte zona të tëra ku më bënte përshtypje mungesa totale e grave. Kur i pyesja ku janë gratë më thoshin s’ka gra kënej. Dhe unë që nuk duroja u thosha po juve kush ju ka pjellë mor burra.
Edhe kështu hap pas hapi ne arritëm të bëjmë diçka që në këndvështrimin tim është historike. Ka shumë arsye për të qenë krënar për këtë që keni bërë së bashku për PS. Arsyeja më e madhe e krenarisë time është fakti që sot gratë dhe vajzat nuk jan më mbas dere, por janë pjesë e qendrës së vendimmarrjes dhe pjesë e jetës së përditshme të PS”, tha Rama.
LEZHË- Kryeministri Edi Rama, gjatë takim me përfaqësues të bizneseve në Lezhë tregoi planet e ardhshme të qeverisë. Gjatë fjalës së tij Rama tha se rritja e vlerës së pasurisë do të jetë gjithmonë edhe më e madhe dhe me hyrjen në BE vlera e pasurisë së patundshme dyfishohet menjëherë. Gjithashtu Kryeministri tha se të gjitha ato biznese që nuk kanë bërë deklarim të të ardhurave të deklarojnë të ardhurat e para 5 viteve duke mos marrë asnjë penaliteti dhe duke paguar 5% për këto të ardhura.
“Rritja e vlerës së pasurisë këtu do të jetë gjithmonë edhe më e madhe. Me hyrjen në BE vlera e pasurisë së patundshme dyfishohet menjëherë. Qasja ndaj pronës ndryshon për shkak se ata që janë pjesë e BE-së bëhen më të interesuar të investojnë.
Për pak ditë do kemi një aktivitet me biznes, për të shpjeguar një plan për paqen fiskale, që nënkupton një marrëveshje mes qeverisë dhe biznesit për kontributin. Nëse biznesi dhe qeveria bien dakord që për vitet e ardhme unë si biznes do paguaj këtë që kam punuar vitin e kaluar plus rritjen ekonomike, atëherë institucionet marrin përsipër që nuk do kesh asnjë kontroll burokratik.
Deklarimi i të ardhurave prej 5 vitesh, ti deklarojnë pa marrë asnjë lloj penaliteti dhe duke paguar vetëm 5% mbi ato të ardhura. Kjo është një iniciativë e fortë për biznesin, por dhe për shtetit që të gjitha të ardhurat të dalin në dritë. Janë dhe disa elemente që do diskutohen për gjobat e prapambetura etj. Nuk është për këtë muaj dhe në Qershor do fillojmë procesin”, tha kryeministri Rama.
LEZHË- Kryeministri Edi Rama, gjatë takim me përfaqësues të bizneseve në Lezhë theksoi se turizmi po përjeton një hov të madh. Gjatë fjalës së tij Rama tha se gara është për cilësinë dhe përthithjen e turistëve, të cilët kanë mundësi të konsumojnë më shumë. Kryeministri tha gjithashtu se këtë investime do ta kthejnë bregdetin e Lezhës në një prej oazeve më të frekuentuara në Mesdhe.
“Në dy vite e fundit, sidomos, posaçërisht vitin e fundit ne po shohim projekte ambicioze që po na vijnë ne në Këshillin Kombëtar të Territorit dhe me iniciativë të njerëzve të këtyre territoreve. Trashëguam një model turizmi të prapambetur dhe problematik. Tani po i lë vendin një modeli tjetër, ku bazohet me ide dhe investime cilësore. Vlera e këtij bregdeti, vlera e gjithë këtyre territoreve, por edhe vlera e shtuar që do të sjellë turizmi do jetë ku e ku më e lartë se sa sot.
Gara jonë sot dhe për të nesërmen është por cilësinë, jo për sasinë. Ne arritëm vjet në 12 milionë turistë. Kjo është një shifër, që do të rritet ende. Ne na duhet që këtë sasi të mbajmë dhe ta fuqizojmë nga pikëpamja e vlerës që na sjellë më shumë cilësi. Duhet të krijojmë hapësira për turistët që konsumojnë më shumë dhe në këtë bregdet janë mundësitë për ti harmonizuar që të dyja.
Jam i bindurit se këtë bregdet ta kthejmë në një nga bregdetet më të frekuentuara, por edhe në një bregdet me vlerë të shtuar të Mesdheut. Turizmi ka marrë hov të shtuar," tha Rama.
