Iu gjet në makinë armë dhe tritol/ Zbardhet identiteti i 39-vjeçarit shqiptar të arrestuar në Athinë, ishte...
"Mirënjohje Orban-it për mbështetjen e palëkundur"/ Rama: Nënshkruam dy marrëveshje bashkëpunimi 11 Tetor, 1...
Djali iu vra në atentatin në Memaliaj, nëna e Marsel Çelës: Sapo kishte ardhur nga Gjermania, autorët të gj...
Dyshohet se ka shpërdoruar detyrën, Jurgis Çyrbja paraqitet në SPAK i shoqëruar nga avokatja e tij 11 Tetor, 09:57 ...
•Dy sulmuesit serbë të arrestuar në veri të Kosovës të dielën e 24 shtatorit janë sjellë sot në Gjykatën Themelore të Prishtinës, të cilët akuzohen për krime të rënda ndaj rendit kushtetues të Republikës së Kosovës. •Gjykata ka caktuar paraburgim për dy të dyshuarit. •Nga ana tjetër, Lista Serbe njofton se ka shpallur tre ditë zie për vdekjen e serbëve terroristë në Banjskë të Zveçanit. •Ndërkohë kontrollet vijojnë në veri, ku Policia e Kosovës ka publikuar edhe listën e mjeteve dhe arsenalit të armëve të konfiskuara në veri të vendit gjatë aksionit në fshatin Banjskë. Sendet e konfiskuara të cilat u përkisnin grupit terrorist, përfshijnë automjetet e llojeve të blinduara, qindra armë të llojeve dhe kalibrave të ndryshëm, uniforma dhe pajisje logjistike. •Gjithashtu Ministri i Punëve të Brendshme, Xhelal Sveçla, ka publikuar disa pamje të grupit terrorist që sulmoi Policinë e Kosovës, ku thotë se shihet edhe nënkryetari i Listës Serbe, Milan Radojçiç, i cili është shpallur non grata nga SHBA dhe Britania e Madhe. •Autoritetet në Kosovë, Shqipëri dhe ndërkombëtarët dënuan sulmin e serbëve ndaj patrullës së policisë, ku humbi jetën efektivi Afrim Bunjaku dhe u vranë 4 sulmues serb. Ata bënë thirrje për vënien e autorëve para drejtësisë dhe kthimin në tryezën e dialogut.
14 artikuj për këtë temë.
KOSOVË-Ministri i punëve të brendshme të Kosovës, Xhelal Sveçla ka komentuar situatën në veri pas sulmit kundër policisë së Kosovës, duke theksuar se kushdo që do tentojë të futet në territorin e Kosovës, jashtë rregullave normale të një shteti sovran do të arrestohet.
Gjatë intervistës së tij për në Euronews Albania, Svelça nuk përjashtoi as presidentin serb Aleksandër Vuçiç.
“Kushdo që futet në republikën e Kosovës, jashtë rregullave normale të një shteti sovran, ai është subjekt i ligjit. Aleksandër Vuçiç është një agresor në raport me republikën e Kosovës. Posaçërisht ai do të arrestohet, nëse futet në territorin e republikës së Kosovës pa lejen e republikës së Kosovës. Nuk ka këtu çfarë të diskutohet dhe as çfarë të vihet në dyshim. Kjo është një sjellje normale e çdo shteti sovran dhe do të ishte jo vetëm papërgjeshmëri por edhe dështim i gjithë institucioneve nëse kjo ndodh e ne nuk marrim ndërveprime. Ne jemi votuar për t’i shërbyer shtetit të pavarur dhe sovran të shtetit të Kosovës, për ta fuqizuar atë duhet që rendi dhe ligji të veprojnë”,-tha Xhelal Sveçla.
KOSOVË-Me pranga në duar dhe kokë-poshtë, kështu dalin nga gjykata të akuzuarit për sulme terroriste në Banjskë të Zveçanit.
Gjykata Themelore në Prishtinë ka caktuar masën e paraburgimit prej 30 ditësh ndaj të akuzuarve B.S dhe D.M. Në këtë seancë, është shqyrtuar kërkesa e Prokurorisë Speciale për caktimin e masës së paraburgimit ndaj të dyshuarve.
Gjithashtu Gjykata Themelore Prishtinë caktoi gjatë orëve të mëngjesit masën e paraburgimit për një tjetër sulmues serb i identifikuar me inicialet V.T., pas seancës dëgjimore e cila u mbajt në hapësirat e Qendrës Klinike Universitare të Kosovës (QKUK).
Më 24 shtator, në orët e hershme të mëngjesit, Policia e Kosovës u sulmua nga një grup personash të maskuar dhe të armatosur ndërsa po shkonte për të hetuar bllokimin e një rrugë nga dy kamionë pa targa në Banjskë. Si pasojë, u vra polici i Kosovës Afrim Bunjaku, ndërsa disa policë të tjerë u plagosën.
Pasi qëlloi ndaj zyrtarëve policorë, grupi i armatosur u strehua në manastirin e Banjskës, ndërsa përleshjet me policinë e Kosovës vijuan. Gjatë shkëmbimit të zjarrit, policia vrau tre sulmues të nacionalitetit serb, ndërsa arrestoi gjashtë të tjerë./Dosja.al
KOSOVË- Ministri i Punëve të Brendshme, Xhelal Sveçla, ka publikuar disa pamje të grupit terrorist që sulmoi Policinë e Kosovës, ku thotë se shihet edhe nënkryetari i Listës Serbe, Milan Radojçiç, i cili është shpallur non grata nga ShBA dhe Britania e Madhe.
Svelça sqaron se personi që shihet në video duke folur me radiomarrës është Radojçiç. Ai është në krye të grupit të terroristëve duke i drejtuar ata.
“Harta e sulmit terrorist po qartësohet çdo ditë: Aleksandër Vuçiç përmes Listës Serbe, dhe këta përmes nënkryetarit të tyre Radojçiq, kanë ndërmarrë veprimin terrorist kundër rendit juridik dhe kushtetues të Republikës së Kosovës duke tentuar të destabilizojnë Republikën tonë. Pra, LS e sheh pjesëmarrjen e saj në Kosovë vetëm në mënyrë terroriste. Ata dështuan”, thuhet në postimin e Sveçlës.
KOSOVË- Kërkimet për sfondin e shkallëzimit të rrezikshëm të situatës në veri të Kosovës vazhdojnë, ndërkohë zhvillimet e fundit në rajon janë vendosur në fokus të mediave gjermane.
Gazeta "Frankfurter Allgemeine Zeitung" analizon gjakderdhjen në veri të Kosovës në një analizë të Michael Martens me titull "Vuçiq hedh poshtë pjesëmarrjen e Serbisë në trazira". "Versioni i Vuçiqit, që shteti serb nuk ka të bëjë asgjë me trazirat bie ndesh me faktin që autorët ishin të armatosur rëndë dhe të mirëorganizuar. Ata kishin madje edhe një automjet të blinduar. Tek këto nuk kanë qasje civilët në Kosovë, në një kohë që në veri vija e strukturave kriminale dhe shtetërore është shumë e lëvizshme. Që kjo po i bëhet gjithnjë e më e qartë edhe botës jashtë, duket në prononcimin e të ngarkuarit të BE për Politikën e Jashtme, Josep Borrell, që bëri të ditur në platformën X, se BE e dënon "sulmin e neveritshëm kundër efektivëve të policisë ashpërsisht."
Kurse gazeta "taz" nën titullin "Problematiku quhet Vuçiç" boton një koment të Erich Rathfelder për shkallëzimin e situatës në Kosovë, në të cilin theksohet, se "Serbia edhe njëherë e ashpërson gjendjen në Ballkan, në Kosovë. "Njeriu problematik i vërtetë quhet Aleksandar Vuçiç dhe është presidenti serb. Ai ndjek pa mëshirë qëllimet e veta, pa gatishmëri për kompromis. Për të do të thotë dobësi pranimi i kompromisit. Ai nuk do të kuptojë, se po dështon strategjia e tij, të arrijë të ketë Asociacionin e Komunave Serbe në Kosovë por të mos e njohë Kosovën.[...]Vuçiq di të ushtrojë durim dhe i shikon diplomatët e Europës si idiotë të vlefshëm, që mund t'i mbajë varur deri sa të jetë e vendosur lufta e Ukrainës. Fiton Rusia, fiton edhe ai në Kosovë."
"Nuk kemi vetëm një krizë politike, por edhe një krizë sigurie"
Më tej "taz" ka publikuar edhe një intervistë të martën mbi zhvillimet në Kosovë me politologun, Vedran Džihić nga Instituti për Politikën Ndërkombëtare në Vjenë, që kërkon që perëndimi të ndalë politikën e durimit kundrejt Serbisë. "Një shkëndijë dhe kontrolli humb", thekson Vedran Džihić, duke iu referuar tensioneve të larta mes Kosovës e Serbisë, që janë më të lartat në 20 vitet e fundit. "Do të jetë e nevojshme edhe një rritje e prezencës së trupave të KFOR-it. Ne nuk kemi vetëm një krizë politike, por edhe një krizë sigurie. Kufijtë duhet të forcohen dhe të mbikqyren më intensivisht grupet kriminale."
Edhe gazeta zvicernane "Neue Zürcher Zeitung" i kushton vëmendje zhvillimeve në Kosovë. "Brukseli dhe kryeqytetet e tjera duhet t'ia bëjnë shumë shpejt të qartë Beogradit dhe Prishtinës, se çfarë duhet të bëjnë. Në të vërtetë ata e dinë. Sepse për pikat themelore për përmirësimin e marrëdhënieve kanë rënë dakord të dyja palët dy herë [...] Brukseli dhe BE duhet me të gjitha mjetet diplomatike dhe ato të presionit financiar të bëjnë që palët t'i zbatojnë premtimet e marra. Kosova ndërkohë është nën sanksione. Nëse Beogradi nuk e ndryshon qëndrimin e tij, ka ardhur kohë për masa ndëshkuese edhe kundër Serbisë. Shumë e dhimbshme do të ishte shfuqizimi i liberalizimit të vizave (në rast të Kosovës mos heqja e tyre).
Por BE nuk ka vetëm shkopin në dorë, por edhe karotën: Ndihma e shpejtë për projekte infrastrukturore dhe një konferencë donatorësh janë shpërblime që i duhen të dyja palëve. Tani kërkohet ritëm. BE ka humbur shumë kohë në Ballkan. Nuk ka më shumë kohë pas ndryshimit të situatës strategjike. Para neoimperializmit rus dhe sfidës së Kinës, BE ka trumbetuar se do të mësojë gjuhën e pushtetit. Tani BE duhet ta shqiptojë atë."
Marrë nga DW
KOSOVË- Seanca dëgjimore në Gjykatën Themelore në Prishtinë ndaj dy të dyshuarve për sulmin terrorist në Banjskë ka përfunduar. Sulmuesit serb janë lënë në paraburgim.
Dushan Maksioviç mësohet se është një nga të arrestuarit për sulmin terrorist në Kosovë.
Nga fillimi i aksionit e deri më tani janë konfirmuar katër serb të vrarë dhe gjashtë të arrestuar. Gjithashtu është kapur edhe arsenal armësh, ndërsa disa sulmues të tjerë tashmë njoftohet se janë larguar nga fshati Banjskë.
KOSOVË- Deputetja britanike, Alicia Kearns ka reaguar pas sulmit terrorist në veri të vendit ndaj Policisë së Kosovës, gjersa theksoi se trendi i kohëve të fundit i ndëshkimit të Kosovës dhe përkëdheljes ndaj Aleksandar Vuçiçit, gjithnjë e më autokratik po çon në një cikël dhune, paqëndrueshmërie dhe keqdashjeje.
Në një postim në X, deputetja tha se duhet të ndërmerren veprime tani për të parandaluar përshkallëzimin e mëtejshëm dhe për të siguruar një të ardhme paqësore për të gjithë në Ballkan.
"Shumë fakte që duhen vërtetuar pas vrasjes së një polici kosovar, por mosndëshkimi ngjall përbuzje për sundimin e ligjit dhe rendit, kështu që llogaridhënia është prioritet krahas një rivlerësimi urgjent për të vendosur drejtësinë dhe ekuilibrin në qendër të qasjes ndërkombëtare ndaj dialogut Serbi-Kosovë. Trendi i kohëve të fundit i ndëshkimit të Kosovës dhe përkëdheljes ndaj Vuçiçit gjithnjë e më autokratik po na çon më thellë në një cikël dhune, paqëndrueshmërie dhe keqdashjeje, ndërsa drita në fund të tunelit e normalizimit dhe anëtarësimit në BE për të dy vendet errësohet gjithnjë e më shumë”, tha ajo.
Më tej Kearns shtron pyetjen se si financohen, armatosen dhe si kanë transportuar armë në dhe përreth Kosovës dhe nga kush i marrin udhëzimet e tyre. Ajo po ashtu thekson se Mbretëria e Bashkuar, si anëtare e QUINT-it duhet të marrë një rol më aktiv në dialogun e paqes ndërmjet Serbisë dhe Kosovës, ndërsa nga KFOR-i kërkon shtimin e trupave në Kosovë.
KOSOVË- Dy serbët e dyshuar për terrorizëm kanë mbërritur në Gjykatën Themelore të Prishtinës, ku do të mbahet seanca për sulmin ndaj Policisë së Kosovës në Banjskë.
Në imazhet e siguruara ata shihen teksa janë sjellë në Pallatin e Drejtësisë nën masa të shtuara të Policisë së Kosovës.
Dy të arrestuarit akuzohen për vepra penale kundër rendit kushtetutës në Kosovë dhe Prokuroria Speciale ka kërkuar 30 ditë paraburgim.
SERBI-Lista serbe ka shpallur 3 ditë zie për serbët që mbetën të vrarë nga shkëmbimi i zjarrit me policinë e Kosovës në veri, ku humbijetën gjithashtu dhe një polic i Kosovës.
“Në mjediset serbe në territorin e Kosovës do të anulohen të gjitha ngjarjet argëtuese të organizuara nga organet dhe institucionet e vetëqeverisjes lokale dhe flamujt e Republikës së Serbisë në të gjitha institucionet do të ulen në gjysmështizë”-thuhet në njoftimin e Listës serbe.
Grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë. Tre trupat e serbëve u gjetën në të njëjtën ditë, ndërsa i katërti një ditë më vonë.
KOSOVË- Në vijim të kontrolleve në veritë Kosovës është gjetur një autoblindë e braktisur e grupit terrorist serb që sulmoi policinë në zonën malore të Banjskës. Në këtë autoblindë janë gjetur një sasi e armatimit të llojeve të ndryshme.
Autoblinda ndodhet ende në zonë. Kujtojmë se pak më parë Policia e Kosovës ka bërë prezantimin e armatimit që u gjet pas sulmit terrorist të grupit serb.
Çfarë ndodhi në veri të Kosovës?
Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë. Tre trupat e serbëve u gjetën në të njëjtën ditë, ndërsa i katërti një ditë më vonë. Ndërkohë gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi./Dosja.al
ITALI- Shefi i diplomacisë italiane Antonio Tajani paralajmëroi përforcimin e pranisë së trupave të NATO-s në kufirin Kosovë-Serbi, për të parandaluar përleshjet e mëtejshme, mes shqetësimeve për ripërtëritjen e dhunës në rajon.
Ai e bëri këtë paralajmërim në rrjetin X, i njohur deri vonë si Twitter, në të cilin tha se ka biseduar me presidentin e Serbisë Aleksandër Vuçiç dhe me kryeministrin e Kosovës Albin Kurti, duke u bërë thirrje për inkurajim të dialogut mes palëve.
L'???????? protagonista di pace nei #Balcani. Ho parlato con Pres. Vucic e con PM Kurti. Ho chiesto ad entrambi di favorire il dialogo tra le parti. D'accordo con @GuidoCrosetto lavoriamo per rafforzare la presenza di KFOR al confine tra Serbia e Kosovo e prevenire ulteriori scontri.
— Antonio Tajani (@Antonio_Tajani) September 25, 2023
“Në marrëveshje me (ministrin Italian të Mbrojtjes) Guido Crosetto ne punojmë për të forcuar praninë e KFOR-it në kufirin ndërmjet Serbisë dhe Kosovës dhe parandalimin e përleshjeve të mëtejshme”, thuhet në postim.
Paralajmërimi pasoi përleshjet e së dielës në fshatin Banjskë në veri të Kosovës, ku një grup personash të maskuar dhe me uniforma ushtarake sulmoi policinë e Kosovës duke vrarë një oficer dhe plagosur një tjetër. Grupi më pas hyri me forcë në manastirin ortodoks në fshatin Banjskë duke vazhduar të qëllojë mbi policinë. Përleshja përfundoi kur shumica e sulmuesve u arratisën. Tre nga sulmuesit e armatosur mbetën të vrarë, ndërsa gjashtë veta u arrestuan.
Sulmi u cilësua si akt terrorist nga institucionet e Kosovës dhe diplomatët perëndimorë. Kryeministri Kurti tha se grupi i armatosur kishte mbështetjen e autoriteteve në Serbi, ndërsa presidenti serb Aleksandar Vuçiç, mohoi çfarëdo lidhjeje me grupin. Të hënën i dërguari i evropian për bisedimet Kosovë-Serbi, Miroslav Lajçak dhe këshilltarët diplomatikë të udhëheqësve të Francës, Gjermanisë dhe Italisë, si dhe i dërguari i posaçëm amerikan për Ballkanin Perëndimor, Gabriel Escobar, diskutuan për situatën në Kosovë dhe bisedimet mes palëve.
“Këshillime të ngjeshura dhe shumë thelbësore me këshilltarët kryesorë diplomatikë (të Francës, Emmanuel) Bonne, (të Gjermanisë, Jens) Plotner, (të Italisë, Francesco) Talo dhe të dërguarin Escobar. Diskutuam për hapat e ardhshëm në zbatimin e Marrëveshjes drejt normalizimit dhe situatën në veri. Mirënjohës për mbështetjen e tyre”, shkroi zoti Lajçak.
Zyrtarë të BE-së thanë se ai është vënë në përpjekje për takime të reja në Prishtinë dhe Beograd në orvatje për ripërtëritjen e bisedimeve, raundi i fundit i të cilave që u mbajt më 14 shtator në Bruksel, nuk shënoi ndonjë përparim.
Sulmi i së dielës shënon një nga ngjarjet më të rënda në Kosovë që nga përfundimi i luftës së viteve 1998-1999 që mori fund me ndërhyrjen e NATO-s për t’u dhënë fund mizorive të forcave serbe në Kosovë. Nëntë vjet pas përfundimit të luftës Kosova shpalli pavarësinë e saj me mbështetjen e Shteteve të Bashkuara dhe vendeve kryesore perëndimore, por kundërshtohet nga Serbia dhe aleatja e saj Rusia.
Marrë nga VOA
KOSOVË- Emisari i qeverisë gjermane, Manuel Sarrazin, bëri thirrje nga Prishtina që të gjendet sa më parë një zgjidhje për zbatimin e marrëveshjes së dakorduar me Serbinë në kuadër të dialogut.
Zhvillimet e ditës së diel (24.09.2023) dhe sulmi terrorist mbi policinë e Kosovës, bëri që qeveria gjermane të dërgojë në Kosovë të ngarkuarin për Ballkanin Perëndimor, Manuel Sarrazin. Emisari gjerman, gjatë ditës së hënë (25.09.2023), takoi në Prishtinë udhëheqësit kryesorë të institucioneve dhe partitë politike opozitare. Sarrazin tha, se erdhi në Kosovë për të shprehur "solidaritetin dhe ngushëllimet për vrasjen e policit të dielën në Banjskë të Zveçanit”, duke e dënuar - siҫ tha - “sulmin kriminal dhe terrorist ndaj Policisë së Kosovës”. Ai bëri thirrje "që të gjendet sa më parë një zgjidhje për zbatimin e marrëveshjes së dakorduar me Serbinë”.
"Është e qartë se nëse dëshironi ta zgjidhni çështjen e sigurisë në kohë afatgjatë ne duhet të kemi një dialog të suksesshëm dhe përfshirja në dialog dhe normalizimi midis Kosovës dhe Serbisë mund të jetë një ndër gurët e themelit të zhvillimit në të ardhmen. Nuk duhet ta ndalojmë këtë tani, ne duhet ta vazhdojmë më tutje, të mundohemi të gjejmë një zgjidhje që të zbatojmë marrëveshjen e Ohrit dhe të kemi një dialog të suksesshëm”, deklaroi Sarrazin, pas takimit me kryeministrin Kurti.
I dërguari gjerman në Prishtinë takoi edhe presidenten e Kosovës, Vjosa Osmani, ku sipas një njoftimi nga zyra e presidentes "është biseduar për zhvillimet e fundit në veri të Kosovës pas sulmit terrorist të grupeve kriminale serbe që rezultoi me vdekjen e një polici dhe lëndimin e disa tjerëve”.
"Veprimet terroriste dhe akti i agresionit në veri janë të orkestruara dhe zbatuara nga struktura të mbështetura nga Beogradi. Veprimet e tilla përbëjnë cënim të sovranitetit dhe integritetit territorial të Republikës së Kosovës dhe për këto veprime duhet sanksionuar Serbia”, thuhet në një njoftim nga zyra e presidentes.
Lajçak: “Konsultime intensive dhe shumë thelbësore”
Manuel Sarrazin u shpreh, se për gjetjen e një rruge përpara, do të angazhohet edhe emisari i Bashkimit Evropian për dialogun Kosovë-Serbi, Miroslav Lajçak. Ky i fundit sulmin ndaj policisë së Kosovës e cilësoi "akt frikacak e në kundërshtim me parimet e paqes dhe të bashkëpunimit”.
"Ky sulm i tmerrshëm thekson më tej domosdoshmërinë e diplomacisë dhe dialogut parandalues, nënvizuar gjatë javës së kaluar, kur mora pjesë në javën e nivelit të lartë të Asamblesë së Përgjithshme të OKB-së në Nju Jork. Në margjinat e OKB-së, fola me drejtues dhe kolegë të shumtë nga e gjithë bota. Në një mënyrë apo tjetër, të gjithë theksuam rëndësinë e dialogut dhe bashkëpunimit”, ka shkruar Lajçak. Gjatë ditës së hënë, Lajҫak njoftoi se ka mbajtur “konsultime intensive dhe shumë thelbësore”, për situatën në veri të Kosovës me këshilltarët e lartë të liderëve evropianë dhe ata të SHBA-ve.
"Bisedova me këshilltarët e liderëve francezë, gjermanë e italianë, dhe Escobarin për hapat e ardhshëm në implementimin e Marrëveshjes për rrugën drejt normalizimit dhe situatën në veri të Kosovës”, shkroi Lajҫak. Gjatë ditës së martë në Bruksel do të takohen ambasadorët e vendeve të Bashkimit Evropian për të diskutuar për situatën më të re në Kosovë. Thuhet se Miroslav Lajҫak, së shpejti planifikon t'i vizitojë Kosovën dhe Serbinë, ndonëse nuk është konfirmuar akoma kjo vizitë.
Marrë nga DW
SERBI- Mëngjesin e së dielës, në fshatin Banjskë u vra një polic i Kosovës dhe katër serbë. Tre trupat e serbëve u gjetën në të njëjtën ditë, ndërsa i katërti një ditë më vonë.
Tre serbët e vrarë janë:
-Igor Milenkoviq (50-vjeo) ishte baba i dy fëmijëve dhe punonte si shofer i ambulancës në Qendrën Klinike dhe Spitalore të Mitrovicës së Kosovës.
-Stefan Nedeljkoviq (31-vjeç) ishte nga Zveçani.
-Bojan Mijailović, i cili gjithashtu vdiq dje, para disa muajsh është bërë baba.
Sipas të dhënave të fundit, njëri nga serbët e plagosur që i është nënshtruar një operacioni në Prishtinë është në gjendje stabile, ka thënë Qendra Klinike Universitare e Kosovës.
Çfarë ndodhi të dielën e 24 shtatorit?
Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë, ndërsa gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi./Dosja.al
KOSOVË-Sot në Gjykatën Themelore në Prishtinë do të mbahet seanca edhe për dy të pandehurit pjesë e grupit terrorist serb në Banjskë, të cilët të dielën sulmuan Policinë e Kosovës, e për pasojë u vra polici Afrim Bunjaku.
Mbrëmjen e djeshme (25 shtator) Gjykata Themelore në Prishtinë, ka caktuar masën e paraburgimit për të arrestuarin Vlladimir Toniç, i dyshuar për vepra të rënda kundër rendit kushtetues dhe sigurisë së Republikës së Kosovës.
Gjykata Themelore në Prishtinë, Departamenti Special ka mbajtur seancën dëgjimore në hapësirat e Qendrës Klinike Universitare të Kosovës ( QKUK), duke vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit në çështjen penale kundër të pandehurit V.T, i dyshuar për vepra të rënda kundër rendit kushtetues dhe sigurisë së Republikës së Kosovës nga neni 126 i KPKS – së dhe kryerja e veprave terroriste nga neni129 i Kodit Penal të Republikës së Kosovës.
Çfarë ndodhi në veri të Kosovës?
Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë. Tre trupat e serbëve u gjetën në të njëjtën ditë, ndërsa i katërti një ditë më vonë. Ndërkohë gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi./Dosja.al
KOSOVË- Policia e Kosovës ka publikuar listën e mjeteve dhe arsenalit të armëve të konfiskuara në veri të vendit gjatë aksionit në fshatin Banjskë ku u vra dhe një efektiv i policisë së Kosovës.
Gjatë konferencës së organizuar ditën e djeshme, janë ekspozuar sendet e konfiskuara të cilat u përkisnin grupit terrorist, automjetet e llojeve të ndryshme përfshirë të blinduara, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov, granata dore, dronë, municion të kalibrave të ndryshëm, radiolidhje, telefona dhe kartela, mjete pune, harta dhe uniforma ushtarake, targa, dokumentacione të ndryshme etj.
"Referuar situatë së tensionuar dhe rrethanave të krijuara nga sulmet e vazhdueshme terroriste, zyrtarët policorë në vetëmbrojtje janë detyruar të përdorin armët e zjarrit, ku gjatë shkëmbimit të zjarrit tre sulmues janë vrarë, ndërsa janë arrestuar dy sulmues të tjerë. Po ashtu janë arrestuar edhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë" thuhet në njoftimin e policisë së Kosovës.
