SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
•Kosto totale e zgjedhjeve të 14 majit 2023-it shkon në 5.3 miliard lekë. Kryetari i Komisionit Qëndror të Zgjedhjeve, Ilirjan Celibashi deklaroi sot për mediat se 3 miliardë lekë është kostoja e projektit të votimit elektronik në gjashtë bashki të vendit, mirëpo ky proces shtoi ai varet tek dëshira e palëve dhe mundësia ekonomike. •Data 6 mars është afati i fundit i partive politike të regjistrohen në zgjedhje, jo më vonë se 70 ditë para datës së zgjedhjeve. • Fushata zgjedhore nis me datë 14 Prill. •Me 18 milionë eurot që ka planifikuar qeveria si buxhet për KQZ nuk mund të bëhet votim elektronik në më shume se 1 bashki, tha më tej kreu i KQZ-së. • I pyetur për votimin e emigrantëve, Celibashi u shpreh se këtë vit nuk mund të bëhet e nëse do duan që të votojnë, të vijnë në Shqipëri dhe të votojnë në qendrat përkatëse. •Kreu i KQZ, Ilirjan Celibashi është shprehur “se nuk ka asnjë lloj përgjigje”, kur u pyet se kush do përfaqësojë PD në zgjedhjet vendore, Sali Berisha apo Enkeled Alibeaj.
4 artikuj për këtë temë.
TIRANË- Kreu i KQZ-së, Ilirjan Celibashi pranoi se sistemi i votimit për emigrantët nuk është rregulluar. Në një konferencë me gazetarët, ai u shpreh se shqiptarët që jetojnë jashtë vendit duhet të vijnë në Shqipëri për të votuar. Celibashi deklaroi se mbase në vitin 2025 do të rregullohet ky problem.
Pyetja: Vota e emigrantëve, pati tentativa por nuk u bë dot. Në 14 maj 2023 emigrantët shqiptarë a do votojnë dot aty ku jetojnë?
Celibashi: Nuk është e garantuar dhe nuk ka rregullim, nëse duan që të votojnë duhet të paraqiten në qendrën e votimit. Do mundohemi që ta rregullojmë për zgjedhjet e 2025-ës.
TIRANË- Kryetari i Komisionit Qëndror të Zgjedhjeve, Ilirjan Celibashi nuk dha një përgjigje kur u pyet se cila Parti Demokratike do rregjistrohet në zgjedhjet lokale. Ai u shpreh se ende nuk e ka një përgjigje për këtë ndaj do duhet të presin deri në shpalljen e listave përfundimtare.
“Nuk kam asnjë lloj përgjigje, se si do të jetë situata me regjistrimit nuk e dimë. Do ishte jo etike dhe jo korrekte që vendimin ta prezantoja pa e marrë, kur kjo çështje do të jetë për t’u diskutuar do ekzistojë transparenca, për këtë çështje, por nuk është momenti, pastaj secili nga ne ka një opinion”, tha Celibashi.
TIRANË- Kreu i Komisionit Qëndror të Zgjedhjeve, Ilirjan Celibashi deklaroi se do përpiqen të votimin elektronik ta shtrijnë në 6 Bashki të vendit. Kjo sipas Celibashit, do të bëhet nëse do të ketë fond, i cili shkon në 3 mln lekë. Celibashi tha se në Vorë do të zhvillohet votimi elektronik, e nëse do ketë fonde do të realizohet edhe në Tiranë, Durrës, Vlorë, Elbasan, Shkodër dhe Fier.
'Në bashkinë e Vorës do të zhvillohet votimi elektronik. Kemi bërë një vëzhgim se në sa bashki do bëhet ky proces, do bëhet në 6 Bashki të tjera. Në ato të mëdha, Tirana, Durrësi, Vlora, Elbasani, Shkodra dhe Fieri. Ne kemi kërkuar nëse partitë politikë dhe nëse janë paratë, do të bëhet në këto bashki. Kostot shkojnë rreth 3 mld lekë, nëse do t'i kemi ato para, votimi elektronik do ta zhvillojmë në këto 6 Bashki, nëse nuk ka para nuk zhvillohet.'- u shpreh Celibashi.
TIRANË- Zgjedhjet lokale të vitit 2023 do të kenë një kosto prej rreth 5.3 miliard lekësh. Kështu deklaroi ditën e sotme kreu i Komisionit Shtetëror i Zgjedhjeve, Ilirjan Celibashi. Në një komunikim me mediat, ai bëri të ditur se në datën 27 mars të vitit 2023 përfundon afati për regjistrimin e kandidatëve dhe listave shumëemërore për këshillat bashkiak.
'210 mln lekë për pagat e komisionerëve. 3 mln është kosto e projektit të votimit elektronik. 5.3 mld lekë është kosto e zgjedhjeve.'- u shpreh kreu i KQZ-së.
Afati për regjistrimin e partive politike përfundon më 6 mars, ndërsa për regjistrimin e koalicioneve afati përfundon më 15 mars. Fushata zgjedhore fillon më 14 prill dhe do të mbarojë më 13 maj 2023.
“Në 6 mars përfundon afati i kërkesave për regjistrimin e partive politike, jo më shumë se 70 ditë nga data e zgjedhjeve. Më 15 mars 2023 përfundon afati i kërkesave për regjistrimin e koalicioneve. Më 27 mars përfundoni afati për paraqitjen e kandidatëve për kryetar bashkie si dhe listave shumëermërore për anëtarët e Këshillit Bashkiak. Më 14 prill fillon fushata zgjedhore. Në 8 maj përfundon afati për publikimin e sondazheve, më 13 maj përfundon fushata zgjedhore dhe nis heshtja zgjedhore. Në 2 maj 2023 është afati i fundit për vëzhguesit vendas përfshirë edhe mediat. Në 11 maj përfundon afati për vëzhguesit ndërkombëtar. Më 23 nëntor është afati për shpalljen e listëts paraprake të zgjedhësve, 30 ditë pas nxjerrjes . Në 15 mars 2023 përfundon afati për të kërkuar ndryshime në listën paraprake të zgjedhësve dhe më 9 prill shpallet lista përfundimtare e zgjedhësve”, tha Celibashi.
DEKLARATA E PLOTË:
Buxheti
Kostoja e zgjedhjeve të ardhshme sipas kërkesave që KQZ i ka kërkuar Qeverisë Shqiptare përmes Kuvendit të Shqipërisë, është 5.3 miliard lekë, nga të cilat:
1.Identifikimi Elektronik i Zgjedhësve (PEI) 603 milionë lekë
2.Projekti i Votimit dhe Numërimit Elektronik (PEVN) në 6 bashki 3 miliard lekë
3.Kamerat e monitorimit në qendrat e votimit 150 milionë lekë;
4.Kamerat e monitorimit dhe regjistrimit në vendet e Numërimit të Votave 124 milionë lekë;
5.Projekti i edukimit dhe informimit të zgjedhësve 202 milionë lekë;
6.Kostoja për pagesat e komisionerëve të niveleve të dyta dhe të treta 210 milionë lekë
Komisioni Qendror i Zgjedhjeve do të rekrutojë rreth 352 punonjës me kohë të pjesshme, të cilët do të angazhohen për aspekte të ndryshme të përgatitjes dhe administrimit të procesit zgjedhor. Gjithashtu, do të rekrutohen edhe operatorë të projektit të Pajisjeve Elektronike të Identifikimit të zgjedhësve (PEI) dhe operatorë të projektit të Votimit dhe numërimit elektronik (PEVN).
Plani i Punës
KQZ ka identifikuar dhe punuar për projektaktet të cilat duhet të miratohen për zgjedhjet e datës 14 Maj 2023.
Janë 122 akte të cilat do të miratohen nga të cilat:
1. 85 nga Komisioneri Shtetëror i Zgjedhjeve;
2. 37 nga Komisioni Rregullator.
Është përgatitur plani i punës dhe janë rreth 107 etapa të procesit zgjedhor dhe momente të rëndësishme të zgjedhjeve, prej të cilave rrjedhin 713 detyra konkrete për Administratën e KQZ-së. Ndjekja e ecurisë së këtyre etapave dhe detyrave konkrete do të bëhet përmes sistemit që KQZ ka ngritur për këtë qëllim.
Projekte/ Modulet
KQZ ka përgatitur rreth 13 projekte për digjitalizimin e aspekteve të ndryshme të procesit zgjedhor:
Projektet për digitalizimin:
1.Aplikacioni i Ri KQZ;
2.Moduli mbi financimin e partive/subjekteve
3.Moduli i regjistrimit të subjekteve zgjedhore
4.Moduli për akreditimin e vëzhguesve
5.Sistemi i menaxhimit elektronik të dokumenteve dhe akteve elektronike (e-aktet)
6.Moduli i rekrutimit të punonjësve të përkohshëm
7.Sistemi i menaxhimit të informacionit për qendrat e votimit dhe objektet zgjedhore
8.Gjurmimi i ankimeve zgjedhore dhe denoncimet
9 E-Administrata zgjedhore dhe linja e ndihmës për nivelin e dytë e të tretë të komisioneve zgjedhore
10. Moduli i informacionit zgjedhor (e-archive)
11. Infrastruktura fizike TIK e KQZ
Projekte të tjera:
1.Edukimi dhe informimi i zgjedhësve
2. Rritja e kapaciteteve logjistike të KQZ (Ndërtim dhe sistemi i menaxhimit të magazinës)
3.Programi i trajnimit të vazhduar të administratës zgjedhor dhe e-learning
Afatet
Disa nga afatet zgjedhore me interes për subjektet:
a.13 Janar 2023 - fillimi afatit për raportimin e institucioneve publike në lidhje me veprimtaritë me karakter publik që planifikojnë të zhvillojnë deri ditën e zgjedhjeve (DZ);
b.06 Mars 2023 - përfundon afati për paraqitjen e kërkesave për regjistrimin e partive politike;
c. 15 Mars 2023 - përfundon afati për paraqitjen e kërkesave për regjistrimin e koalicioneve - (jo më vonë se 60 ditë përpara DZ);
d. 27 Mars 2023 - përfundon afati për paraqitjen e kandidatëve për kryetar bashkie dhe listave shumemërore të kandidatëve për këshilltar - (jo më vonë se 50 ditë përpara DZ, shtyhet me dt 27 mars për shkak se data 25 është ditë e shtunë/dielë);
e.14 Prill 2023 - fillon fushata zgjedhore; (30 ditë para DZ);
f. 8 Maj 2023 – përfundon afati për publikimin e sondazheve – (5 ditët e fundit para datës së zgjedhjeve nuk mund të publikohen rezultatet e sondazheve zgjedhore);
g. 13 Maj 2023 - përfundon fushata zgjedhore dhe fillon heshtja zgjedhore.
Disa nga afatet zgjedhore me interes për vëzhguesit/median:
a. 02 Maj 2023 - afati i fundit për paraqitjen e kërkesave për vëzhguesit vendas;
b. 11 Maj 2023 - afati i fundit për paraqitjen e kërkesave për vëzhguesit ndërkombëtar; (jo më vonë se 72 orë para DZ).
Disa nga afatet zgjedhore me interes për zgjedhësit:
a. 23 Nëntor 2022 – shpallet lista paraprake e zgjedhësve (30 ditë pas dekretit)
b. 15 Mars 2023– përfundon afati për të kërkuar ndryshime në lsitën paraprake të zgjedhësve (60 ditë para DZ);
c. 9 Prill 2023 – shpallet Lista Përfundimtare e Zgjedhësve (35 ditë para DZ).
Administrimi i procesit
Procesi i pritjes së dokumenteve dhe regjistrimit të listave shumemërore të kandidatëve për kryetar bashkie dhe për këshillat bashkiakë do të administrohet nga Komisionet e Zonave të Administrimit Zgjedhor për 50 bashkitë të cilat kanë 1 KZAZ. Për 11 bashkitë të cilat kanë më shumë se 1 KZAZ, administrimi i procesit do të bëhet nga KQZ.