Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË – Drejtori i Departamentit të Policisë Kriminale, Tonin Vocaj ka dalë në një konferencë për shtyp në lidhje me operacionin e kryer në disa shtete, mes të cilave edhe në Shqipëri për goditjen e katër grupeve kriminale në fushën e trafikut të emigrantëve të paligjshëm.
Në fjalën e tij, Vocaj u shpreh se në kuadër të këtij aksioni të përbashkët mes Shqipërisë, Italisë dhe Greqisë, u bë i mundur arrestimi në vendin tonë i 25 personave, 18 prej të cilëve shqiptarë dhe 7 shtetas të huaj, të gjithë të përfshirë në këtë rrjet të mirëorganizuar.
Sipas Vocajt, të arrestuarit i merrnin nga 5 deri në 10 mijë euro për person emigrantëve të paligjshëm, me qëllim dërgimin e tyre në vendet e Bashkimit Evropian, ndërsa shtoi se janë sekuestruar mjete lundruese, skafe, një anije velierë dhe sende të ndrysyhme që përdoreshin nga trafikantët për kryerjen e transportit të emigrantëve.
Deklarata e Tonin Vocaj:
“Policia e Shtetit, sot ka finalizuar operacionin “ASTROLABIO”, duke ekzekutuar vendimet e Gjykatës së Posaçme të Shkallës së Parë Kundër Korrupsionit dhe Krimit të Organizuar, për 18 shtetas shqiptarë dhe të huaj. Operacioni u shtri në Tiranë, Durrës, Fier dhe Vlorë. Ky operacion është në sinkron me autoritetet gjyqësore dhe ato të zbatimit të ligjit shqiptare, italiane dhe greke, në kuadër të një Skuadre të Përbashkët Hetimore (JIT), e krijuar midis Prokurorisë së Posaçme Kundër Korrupsionit dhe Krimit të Organizuar në Shqipëri, Seksionit Antimafia të Prokurorisë së Lecces, Itali, dhe të Prokurorisë së Përgjithshme të Apelit Athinë, Greqi, me koordinimin e EUROJUST (AJA) dhe ndihmën e EUROPOL-it, të cilët kanë zhvilluar ditën e sotme, një operacion të përbashkët për ekzekutimin e 47 masave të sigurimit personal të miratuara lidhur me hetimet e zhvilluara në kuadër të kësaj Skuadre të Përbashkët Hetimore. Operacioni është zhvilluar njëkohësisht në tri shtetet që janë pjesë e skuadrës dhe në disa vende të tjera. Gjatë hetimeve të kryera nga Skuadra e Përbashkët Hetimore (JIT) është dokumentuar fakti se pjesëtarët e katër grupeve kriminale ushtronin në bashkëpunim ndërmjet tyre, aktivitetin kriminal të kontrabandimit të personave të ndryshëm nga Lindja e Mesme, me destinacion Italinë e Jugut dhe në vijim drejt vendeve të tjera të BE-së. Pjesëtarët e këtyre grupeve kriminale, pasi siguronin persona të ndryshëm, kryesisht në Irak, Siri, Egjipt e vende të tjera, kundrejt një shpërblimi monetar që varionte nga 5000 deri në 10000 euro, i kontrabandonin ato në rrugë tokësore dhe detare, duke iu mundësuar kalimin në mënyrë të paligjshme nga njëri shtet në tjetrin, me destinacion përfundimtar vendet e BE-së. Nga hetimi i përbashkët i kryer janë dokumentuar 30 episode kontrabandimi, me 1120 emigrantë. Nga hetimet e kryera në Shqipëri, nga shërbimet e Policisë Gjyqësore në Drejtorinë e Përgjithshme të Policisë së Shtetit dhe agjencive të tjera ligjzbatuese, në bashkëpunim të ngushtë dhe me udhëheqjen e Prokurorisë së Posaçme Kundër Korrupsionit dhe Krimit të Organizuar SPAK, janë dokumentuar shtatë episode kontrabandimi të personave nga Lindja e Mesme, të kryera në Tiranë, Korçë, Gjirokastër, Elbasan, Fier, Vlorë dhe Sarandë. Janë kapur në flagrancë edhe personat e kontrabanduar për të kaluar kufijtë shtetërorë në mënyrë të paligjshme, si dhe është dokumentuar aktiviteti kriminal i këtij grupi të strukturuar. Gjithashtu janë sekuestruar mjete lundruese (skafe), një anije velierë, automjete, si dhe sende të ndryshme, të cilat shërbenin për kontrabandimin e personave në rrugë tokësore dhe nëpërmjet detit. Pas kërkesës së paraqitur nga Prokuroria e Posaçme Kundër Korrupsionit dhe Krimit të Organizuar, me vendimin për caktim masash sigurimi të dhënë nga gjyqtari i Gjykatës së Posaçme të Shkallës së Parë për Korrupsionin dhe Krimin e Organizuar, është urdhëruar arrestimi i 25 personave në Shqipëri, si pjesë e një grupi të strukturuar kriminal, nga të cilët 18 janë shtetas shqiptarë dhe 7 shtetas të huaj (palestinez, irakianë, iranianë, egjiptianë dhe turq). Hetimet e kryera nga kjo Skuadër e Përbashkët Hetimore (JIT) kanë konfirmuar dhe një herë faktin se vetëm një bashkëpunim i ngushtë ndërmjet autoriteteve gjyqësore dhe ligjzbatuese të shteteve të ndryshme mund të garantojë sukses dhe efektivitet në luftën kundër krimit të organizuar ndërkombëtar. Në këtë kontekst theksojmë gjithashtu kontributin dhe ndihmën e dhënë në hetimet e kryera nga kjo Skuadër e Përbashkët Hetimore (JIT), nga shërbimet e Zyrës së Ekspertëve të Sigurisë Tiranë të Shërbimit të Bashkëpunimit Ndërkombëtar të Policisë Italiane, si dhe nga Projekti i Bashkimit Europian “Countering Serious Crime in the Western Balkans – CSCWB IPA 2019”, u shpreh Tonin Vocaj.
SPAK, në bashkëpunim me autoritetet greke dhe ato italiane kanë zhvilluar një operacion me qëllim ekzekutimin e 47 masave të sigurimit personal për disa persona, të cilët kontrabandonin emigrantë të paligjshëm nga Lindja e Mesme, duke përfituar nga 5-10 mijë euro për person. Mësohet se deri më tani në pranga kanë rënë 18 shqiptarë dhe 7 të huaj, ndërsa vijon aksioni për kapjen e personave të tjerë të përfshirë në këtë trafik, ndërsa rezulton se, nga hetimi i përbashkët i kryer janë dokumentuar 30 episode kontrabandimi të 1 120 emigrantëve.
LAJMI KRYESOR: Trafik emigrantësh/Shkatërrohen 4 grupe, Vocaj: Në pranga 18 shqiptarë dhe 7 të huaj
(e.h/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË – Në zonën e ‘5 Majit’ në Tiranë njofohet se po tentohet që të kryhet shembja e shtëpisë së radhës, pjesë e projektit të Bashkisë së Tiranës për Rin...
TIRANË– Ditën e sotme është duke u zhvilluar seanca e Vettingut në ambientet e KPK, për ish-gjyqtaren e Elbasanit, Enkeleda Kapedanin. Në një moment ...
TIRANË – Një e moshuar, e cila nuk pranonte të dilte nga banesa e saj, e projektuar për tu shembur te ‘5 Maji’, është nxjerrë me forcë, duke u tërhequr zva...
TIRANË – Genc Tafili, i ekstraduar vetëm pak ditë më parë nga Gjermania, si i akuzuar për vrasjen e ish-kryepolicit të Shkodrës, Arben Zylyftari, ka kërkua...
TIRANË– Nëna e të riut i cili u arrestua nga forcat Shqiponja në Tiranë është shprehur se nuk e di se ku do ta kalojnë natën. Mes lotësh ajo thotë se...
TIRANË– Kjo është ajo që u filmua nga i riu, Ledion Mziu, tashmë i arrestuar pasi kundërshtoi prishjen e banesave në zonën e ‘5 Majit’ në...
TIRANË– Ndërkohë që banorët e “5 Majit” përplasen me forcat e policisë pasi janë të gatshëm të mbrojnë me jetë banesat e tyre që po u she...
TIRANË – Policia e Shtetit ka publikuar pamjet e aksionit të arrestimit të 25 personave, mes të cilëve 18 shqiptarë dhe 7 të huaj, në kuadër të një operaci...
TIRANË– Ky është momenti kur punonjësit e IKMT dhe policia tentojnë të futen në një banesë në zonën e ‘5 Majit’ në Tiranë, për të nxjerrë...
FIER – Gerand Zacelli, i riu të cilit i ati tentoi ti fuste sot drogë në qelinë e burgut në Fier, nuk është një emër i panjohur për Policinë, pasi ai është arre...
