Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– 2 vrasje të mbetura në tentativë dhe një seri grabitjesh e krimesh të tjera janë zbardhur nga Policia e Shtetit dhe Prokuroria e Tiranës e Kurbinit. Në kuadër të operacionit “Storm” (Stuhia) janë prangosur 5 persona, 2 të tjerë janë në hetim, ndërkohë që 1 tjetër është shpallur në kërkim. Sot, një konferencë për mediat, Drejtori i Policisë Vendore, Lorenc Paganika dhe kryeprokurorja e Tiranës, Elisabeta Imeraj, kanë dhënë detaje lidhur me hetimet. Në pranga kanë rënë porositësi por edhe realizuesit e atentati të bërë nga punonjësit të Hidrovorit në Lezhë në 17 gusht të 2021 ndaj Alfred Gjokës.
Për “kokën” e tij Robert Laçi kishte paguar 20 mijë euro, por fatmirësisht Ibrahim Difaj dhe Ilirian Feçi, dështuan në përmbyshjen e misionit të tyre, për arsye që ende nuk janë bërë me dije për publikun. Ndërkohë që në pranga kanë rënë edhe tre personat që më 14 janar qëlluan me armë zjarri ndaj patrullës së Policisë së Shtetit në Fushë Krujë. Por kjo ngjarje u bë sot me dije nga Policia, pasi ditën që kishte ndodhur, u raportua si një aksident i thjeshtë. Edhe në këtë ngjarje, protagonist është sërish Ibrahim Difaj, një grua me inicialet E.V., të cilët ishin së bashku në makinë me Shpëtim Krajëm, që ende nuk është prangosur por është shpallur në kërkim nga Policia.
Pasi nuk iu bindën sinjalit për ndalim, ata humbën kontrollin e mjetit dhe pësuan aksident. Por kur kanë dalë dhe kanë qëlluar me armë në drejtim të policëve, të cilët më pas duke përfituar nga errësira janë larguar duke braktisur mjetin. Shkëmbimi i zjarreve nuk u bë me dije nga Policia e Shtetit. Po ashtu, Difaj dhe Kraja janë autorë edhe të 2 vjedhjeve të 2 makinave, një Mercedes-Benz në Vorë dhe një Volksëagen Touran në Kurbin. Në po të njëjtën ditë që kishin vjedhur Volksëagen Touran, ato kanë grabitur edhe një shtetas gjerman që sapo kishte zbritur nga autobusi në një autostradë.
Të arrestuar nga Policia
Ibrahim Difaj, 31 vjeç, banues në Kurbin
Damjan (Besmir ) Lleshaj (Prela), 34 vjeç, banues në Mamuras, Kurbin, i dënuar më parë për vjedhje
Robert Laci, 52 vjeç, banues në Fushë-Krujë
Ilirian Feçi, 47 vjeç, banues në Durrës, i dënuar në Itali, për grabitje të bankave dhe trafikim të lëndëve narkotike;
Erion Mulaj, 30 vjeç, banues në Durrës.
Nën hetim nga Policia
Janë proceduar në gjendje të lirë shtetasit: M. M., 67 vjeç, banues në Durrës dhe E. V., 30 vjeçe, banues në Kurbin.
Të shpallur në kërkim
Shpëtim Kraja, 35 vjeç, banues në Shkodër, i shpallur në kërkim për veprën penale “Vjedhja”.
NGJARJET E ZBARDHURA NGA POLICIA:
20 mijë euro për vrasje! Operacioni ‘Storm’, PAMJET nga arrestimi i grupit kriminal
U dha se ishte aksident! Tentuan të vrasin efektivët në Krujë, pse e fshehu Policia
U fsheh! Mes tyre e një grua, grupi që tentoi të eliminonte policët në Fushë-Krujë
Atentati dështoi në Fushë Kuqe!”Koka” e kujt do hiqej për 20 mijë€, kapet porositësi
NJOFTIMI I PLOTË:
Tiranë
Finalizohet operacioni policor i koduar “STORM”.
Zbardhen dy vrasje të mbetura në tentativë, dy vjedhje të automjeteve dhe vjedhje të sendeve personale dhe portofolit të një shtetasi që kthehej nga Gjermania. Vihen në pranga 5 shtetas, shpallet në kërkim 1 shtetas dhe 2 të tjerë procedohen në gjendje të lirë. Sekuestrohen veshje të ndryshme që dyshohet se përdoreshin për kryerjen e vjedhjeve, dy automjete të vjedhura, targa automjetesh të vjedhura, një armë gjahu, municion luftarak, 13 aparate celulare dhe sende të tjera të vjedhura. Në kuadër të punës hetimore për zbardhjen e ngjarjeve kriminale të ndodhura më parë, si rezultat i një pune policore dhe procedurale të pandërprerë disajavore, duke përdorur dhe metodat speciale të hetimit, nga Sektori i Krimeve të Rënda ndaj Jetës dhe Pronës në Drejtorinë Vendore të Policisë Tiranë, Sektori i Forcës së Posaçme Operacionale në DVP Tiranë, në bashëpunim me Seksionin e Hetimit të Krimeve në Komisariatin e Policisë Kurbin (DVP Lezhë), mbështetur nga Forcat Speciale FNSH dhe RENEA, nën drejtimin e Prokurorisë së Rrethit Gjyqësor Tiranë dhe Kurbin, është finalizuar me sukses operacioni policor i koduar “STORM”. Si rezultat i këtij operacioni është bërë e mundur kapja dhe ndalimi i shtetasve: – Ibrahim Difaj, 31 vjeç, banues në Kurbin; – Damjan (Besmir ) Lleshaj (Prela), 34 vjeç, banues në Mamuras, Kurbin, i dënuar më parë për vjedhje; – Robert Laci, 52 vjeç, banues në Fushë-Krujë; – Ilirian Feçi, 47 vjeç, banues në Durrës, i dënuar në Itali, për grabitje të bankave dhe trafikim të lëndëve narkotike; Është arrestuar në flagrancë shtetasi Erion Mulaj, 30 vjeç, banues në Durrës. Janë proceduar në gjendje të lirë shtetasit: M. M., 67 vjeç, banues në Durrës dhe E. V., 30 vjeçe, banuesë në Kurbin. Gjithashtu, është shpallur në kërkim shtetasi Shpetim Kraja, 35 vjeç, banues në Shkodër, i shpallur në kërkim për veprën penale “Vjedhja”. Nga puna e bërë deri tani rezulton se këta shtetas, në bashkëpunim me njëri-tjetrin, në kohë dhe vende të ndryshme, janë autorë të dyshuar të ngjarjeve si më poshtë: – “Vrasja e mbetur në tentativë e punonjësve të Policisë” e kryer në bashkëpunim, “Armëmbajtja pa leje”, “Mosbindja ndaj urdhrit të punonjësit të policisë”, ngjarje e ndodhur më datë 14.01.2022, në Fushë-Krujë, autor të dyshuar të të cilës janë shtetasit Ibrahim Difaj, Shpetim Kraja dhe shtetasja E. V. Më datë 14.01.2022, në Qafë Kashar, shërbimet e Policisë i kanë bërë shenjë ndalimi një mjeti, drrejtuesi i të cilit nuk ka ndaluar dhe është larguar në drejtim të Fushë Krujës. Në tentativë për t’u larguar, mjeti është përplasur më një bordurë dhe personat që ndodheshin në mjet, kanë dalë duke qëlluar me armë zjarri në drejtim të punonjësve të Policisë dhe duke përfituar nga errësira janë larguar duke braktisur mjetin.
– “Vrasja” e mbetur në tentativë e shtetasit A. Gj., ndodhur më datë 17.08.2021, në vendin e quajtur fshati Adriatik, Fushë Kuqe. Autorë të dyshuar të kësaj ngjarjeje janë shtetasit Ibrahim Difaj, Ilirian Feçi dhe Robert Laci. Më datë 17.08.2021, shtetasit Ibrahim Difaj dhe Ilirian Feçi, kundrejt pagesës 20000 euro, të bërë nga shtetasi Robert Laci, kanë tentuar të vrasin shtetasin A. Gj.
– Vjedhje e automjetit tip “Mercedes-Benz”, në pronësi të shtetasit I. M., ndodhur më datë 11.01.2022 në Vorë. Autorë të dyshuar janë shtetasit Ibrahim Difaj dhe Shpetim Kraja. – Vjedhje e automjetit tip “Volkswagen Touran, në pronësi të shtetasit J. M., ndodhur më datë 25.01.2021, në lagjen nr. 5 Laç, Kurbin. Autorë të dyshuar janë shtetasit Ibrahim Difaj dhe Shpetim Kraja.
– Vjedhja e sendeve të shtetasit A. D., më datë 25.01.2021, rreth orës 05:00, në autostradë, tek nënkalimi i Patokut, në lagjen nr. 6 Laç, Kurbin. Pasi ka zbritur nga autobusi me të cilin kishte ardhur nga Gjermania, shtetasit i kanë vjedhur portofolin dhe një telefon celular. Autorë të dyshuar janë shtetasit Ibrahim Difaj dhe Shpetim Kraja.
– Vjedhja e disa produkteve ushqimore në dyqanin e shtetasit K. C., më datë 26.01.2022, në vendin e quajtur Malbardhe-Fushë, Milot. Autorë të dyshuar janë shtetasit Ibrahim Difaj dhe Shpetim Kraja. Materialet i kaluan për hetime të metejshme, Prokurorisë pranë Gjykatës së Shkallës së Parë Tiranë, në ngarkim të shtetasve: – Ibrahim Difaj, Damjant Lleshaj dhe Shpëtim Kraja, për veprat penale “Vrasja e punonjësve të Policisë, e mbetur në tentativë, e kryer në bashkëpunim, “Armëmbajtja pa leje”, “Mosbindja ndaj urdhrit të punonjësit të policisë” dhe “Vjedhja”; – Erion Mulaj, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe municioneve”; E. V., për veprën penale “Moskallëzim krimi”; – M. M. për veprën penale “Prodhimi dhe mbajtja pa leje e armëve të gjuetisë dhe sportive”.
Gjithashtu materialet i kaluan për hetime të mëtejshme dhe Prokurorisë pranë Gjykatës së Shkallës së Parë Kurbin, në ngarkim të shtetasve: – Ibrahim Difaj, Ilirian Feçi dhe Robert Laci, për veprat penale “Vrasja me paramendim” e kryer në bashkëpunim, e mbetur në tentativë”, “Armëmbajtja pa leje”, si dhe në ngarkim të shtetasit Ibrahim Difaj dhe shtetasit të shpallur në kërkim Shpëtim Kraja, për veprat penale ”Vjedhja” e kryer në bashkepunim, më shumë se një herë. Garantojmë qytetarët se strukturat e Policisë së Shtetit, nën drejtimin e Prokurorive respektive dhe në bashkëpunim me strukturat e tjera ligjzbatuese, po punojnë intensivisht për zbardhjen e ngjarjeve të tjera kriminale të ndodhura më parë, dhe shumë shpejt do kemi rezultate të tjera. Ftojmë qytetarët që të mbështesin strukturat e Policisë dhe të denoncojnë në Komisariatin Dixhital dhe në numrin pa pagesë 112 duke garantuar anonimat të plotë e të sigurt dhe një reagim të mënjehershëm e të panashëm.
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Disa efektivë të Policisë së Shtetit janë qëlluar me armë zjarri teksa ndodheshin në krye të detyrës, por disa javë më parë lajmi u raportua ...
Kolegji i Posaçëm i Apelimit, KPA shpalli të enjten vendimin e lënies në fuqi të vendimarjes së Komisionit të Pavarur të Kualifikimit, KPK për konfirmimi...
TIRANË– 3 persona janë vënë në prangat e Policisë së Shtetit janë vënë në pranga pasi akuzohen për vrasje të mbetur në tentativë ndaj uniformave blu ...
TIRANË– 20 mijë euro janë paguar për të bërë eliminimin e Alfred Gjokën, disa muaj më parë në zonën e Fushë Kuqes. Ibrahim Difaj dhe Ilirian Fe&ccedi...
LEZHË– Avokati i Florian Përvathit, Andi Duraj ka dhënë deklaratën e tij për mediat pasi doli nga Gjykata e Lezhës. Ai sqaroi se viktima e parë është...
VLORË– Arbër Shollaj është vënë në pranga nga policia e Vlorës pasi akuzohet për veprat penale “Vrasja me dashje” mbetur në tentativë dhe “Armëmbajtj...
SERBI – Një sasi e madhe droge prej 300 kg u sekuestrua nga policia serbe në zonën e Tërnocit të Madh. Lajmi u konfirmua nga Ministri i Brendshëm serb Ale...
TIRANË– E moshuara e cila ka mbetur e pastrehë pas shembjes së banesës së saj te zona e ‘5Majit’ është bërë pjesë e protestës së banorëve...
TIRANË– Partia Socialiste duket se do të dalë publikisht me 6 emrat e saj, kandidatët zyrtarë që do të garojnë në zgjedhjet e pjesshme lokale të 6 ma...
TIRANË– Komisioneri Shtetëror i Zgjedhjeve, Ilirjan Celibashi ka rikujuar ditën e sotme kryetarët e njësive të qeverisjes vendore ku do të zhvillohen...
