Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Ditën e sotme përkujtohen Dëshmorët e Kombit. •Në Ditën e Dëshmorëve të Kombit janë të shumtë emrat e të gjitha kohërave që kujtohen me mirënjohje jo vetëm për vlerat e përjetshme dhe kontributin që dhanë për çlirimin e vendit për një të ardhme më të mirë. •Kryeministri Edi Rama bëri homazhe te varrezat e dëshmorëve. Ai ishte i pranishëm në ceremoninë e nderimit të Dëshmorëve të Kombit së bashku me Lindita Nikollën dhe Erion Veliajn.•Nga ana tjetër, edhe kreu i Partisë së Lirisë, Ilir Meta kreu homazhe te Varrezat e Dëshmorëve në Çorovodë.
2 artikuj për këtë temë.
TIRANË- Kryeministri Edi Rama ishte i pranishëm në "Varrezat e Dëshmorëve", ndërsa i zunë pritë me fotot e Enver Hoxhës. Policia ka mbajtur larg “politikës” disa qytetarë të prezantuar si familjarë të personave që kanë luftuar, për shkak se një pjesë e tyre mbanin në dorë fotografi të ish-diktatorit Enver Hoxha.
Të pyetur pse ende pas kaq vitesh i thurin lavde një figure diktatoriale si ajo e Hoxhës, të pranishmit shprehen:
“Nuk janë të vërteta ato që keni parë, nuk na lënë që të hyjmë brenda policia. Ne na takon, se luftën e kanë bërë partizanët, Enver Hoxhën e mbaj se e ndriti vendin për 45 vjet me shkollim dhe me të gjitha gjërat, me ushtri, me armatim”, janë shprehur për mediat.
“Unë e mbaj dhe do ta mbaj, kam shkuar në punë ku ka qenë nevoja. Shtëpia ime ka qenë bazë lufte, ne nuk na kanë trajtuar hiç fare. Ky ishte burrë, na dha shkollë, na dha edukatë, na dha çdo gjë”.
Sikundër çdo vit, në "Ditën e Dëshmorëve", nuk mund të mungonin as nostalgjikët e Enver Hoxhës. Ata kanë zhvilluar homazhe në "Varrezat e Dëshmorëve", duke mbajtur në duar portrete të ish-diktatorit Enver Hoxha. /Dosja.al
TIRANË- Kryeministri Edi Rama ka kujtuar sot Ditën e Dëshmororëve. Kreu i qeverisë bëri homazhe mëngjesin e sotëm te varrezat e dëshmorëve. Së bashku me kryebashkiakun e Tiranës, Erion Veliajn dhe kryeparlamentaren Lindita Nikollën, vendosën kurora me lule në nder të të gjithë atyre dëshmorëve, të cilët sakrifikuan jetën për një Shqipëri të lirë.
Pas ceremonisë, Rama përshëndeti të pranishmit.
Nga ana tjetër, edhe përfaqësues të Partisë Komuniste nderuan sot të rënët e Atdheut me foton e ish-diktatorit, Enver Hoxha, banderola dhe yllin me pesë cepa. Kjo nuk është hera e parë, pasi në çdo festë komunistët kryejnë nderime e homazhe me foton e diktatorit.
5 Maji është një datë e rëndësishme historike për shqiptarët, pasi përkujtohen Dëshmorët e Kombit. Dita e Dëshmorëve u vendos të jetë 5 maji 1942, dita kur u vra nga fashistët, Qemal Stafa, i ri komunist aktivist i luftës Nacional Çlirimtare.
