Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Që nga e shtuna e datës 6 dhjetor, avionët e kompanisë nuk janë ngritur asnjëherë nga toka. Ndërsa në sistem biletat filluan të shiteshin duke filluar nga e marta (9 dhjetor), agjencitë e udhëtimit u njoftuan në moment të fundit që nuk do të ketë fluturime gjatë gjithë kësaj jave.
Air Albania, operatori kombëtar i fluturimeve ajrore, ku shteti ka 10% të aksioneve, ka anuluar fluturimet për gjithë këtë javë drejt Stambollit.
Që nga e shtuna e datës 6 dhjetor, avionët e kompanisë nuk janë ngritur asnjëherë nga toka. Ndërsa në sistem biletat filluan të shiteshin duke filluar nga e marta (9 dhjetor), agjencitë e udhëtimit u njoftuan në moment të fundit që nuk do të ketë fluturime gjatë gjithë kësaj jave.
Kjo bëri që shumë udhëtarë që kishin fluturime tranzit përmes Stambollit, të drejtoheshin në Prishtinë ose në Podgoricë, duke pasur kosto shtesë të udhëtimit deri në aeroportet e vendeve fqinjë. Ndërsa ata që kishin prerë biletat deri në Stamboll, teorikisht duhet të rimbursohen për kostot e biletave.
Burime nga Air Albania, thanë se pritet që fluturimet të rifillojnë të shtunën, por kjo mbetet sërish për t’u konfirmuar. Në faqe, kompania tregton bileta duke filluar nga dita e premte, me një fluturim në orën 18.20, ndërsa nga e shtuna janë dy fluturime në ditë, në orën 7:00 të mëngjesit dhe në 18:20 pasdite.
Burime nga Tirana International Airport thanë për “Monitor” se “Nuk kemi informacion nga Air Albania për ndërprerje. Ne jemi lajmëruar vetëm në rastet e anulimeve në mënyrë që të bëhet njoftimi i pasagjerëve”.
Kaosi me udhëtimet me Air Albania ka lënë vetëm një kompani që kryen fluturimet drejt këtij shteti, “Pegasus Airline”, që fluturon një herë ose dy herë në ditë, në varësi të kërkesës. Ndonëse përgjithësisht ku është një operator me kosto të ulët, biletat janë shtrenjtuar për ditët në vijim në 70-100 euro në një drejtim (pa valixhe), nga rreth 40-50 euro që i gjeje më parë. (në janar, vajtja vijon të jetë 40 euro, pa valixhe).
Air Albania përballonte një fluks të lartë të udhëtimeve drejt Stambollit me dy deri në tre fluturime në ditë, si për lidhje direkte për ata që udhëtojnë për tregti, turizëm e të tjera, ashtu dhe për faktin që aeroporti më i madh i Europës është një nyje e rëndësishme e tranzitit me gjithë botën.
Sipas të dhënave zyrtare nga Tirana International Airport, për vitin 2024 nga dhe drejt Stambollit nga Rinasi udhëtuan rreth 408 mijë pasagjerë, duke qenë destinacioni i gjashtë me trafikun më të lartë, pas Milano+Bergamo, Londrës, Romës, Bolonjës, Treviso, Piza.
Problemet me operatorit kanë filluar pasi Turkish Airlines ka njoftuar se ka vendosur të shesë gjithë pjesën e saj prej 49% në Air Albania dhe prej një javë nuk mundëson as shitjen e biletave tranzit përmes Air Albania.
Në mes të muajit nëntor, në një njoftim të publikuar në Platformën Turke të Transparencës Publike (KAP), Turkish Airlines deklaron: “Bordi ynë ka vendosur të shesë të gjithë pjesëmarrjen në Air Albania SHPK, në të cilën kompania jonë zotëron 49%. Zhvillime të rëndësishme do të ndajmë së shpejti me investitorët.”
Në vitin 2023 “Air Albania”, arriti të ishte operatori i dytë më i madh në vend, me 7% të tregut. Por, në vitin 2024 zbriti në vend të tretë, me një peshë prej 3.4% sipas numrit të pasagjerëve. Dominimi më i lartë i kompanisë u shënua në 2021-n, ku arriti të marrë 18% të tregut.
Më pas, Konkurrenca e “Wizz Air” dhe “Ryanair” ndikoi në aktivitetin e këtij operatori në destinacionet përveç Stambollit.
Kompania nuk ka dorëzuar asnjëherë bilanc. Sipas të dhënave nga Tatimet, qarkullimi vjetor i kompanisë ishte rreth 3.8 miliardë lekë në vitin 2021, për të arritur në rreth 5 miliardë lekë në vitin 2022 dhe 5.5 miliardë lekë në vitin 2023.
Në vitin 2024, të ardhurat janë rreth 4 miliardë lekë, sipas të dhënave indirekte nga Tatimet. Kompania ka rezultuar historikisht me humbje të larta, duke e kthyer atë sot në një shoqëri praktikisht të falimentuar.
Air Albania u themelua zyrtarisht më 16 maj 2018 si një partneritet publik-privat mes Shqipërisë dhe Turqisë.
Linja ajrore kishte si aksioner kryesor kompaninë turke Turkish Airlines (49,12%) dhe aksionet e mbetura i ndajnë ndërmarrja shtetërore shqiptare Albcontrol (~10 %) dhe një kompani private shqiptare MDN Investment (~41 %).
Kompania, që u promovua fort nga qeveria, kishte plane shumë ambicioze, si në zgjerimin e destinacioneve në Europë, me linja drejt Italisë, Britanisë, të cilat u realizuan përkohësisht, ashtu dhe ato përtej saj deri në SHBA. Kryeministri Rama tha një vit më parë në një takim me diasporën në SHBA se.
“Shqipëria ka aeroportin ndërkombëtar me rritjen më të madhe në Europë. Aktualisht aeroporti po negocion me kompaninë amerikane ‘Delta’ për të filluar fluturimet direkte nga Amerika në Shqipëri. Nuk e di se kur do përfundojë kjo negociatë. Ne po bëhemi gati të hapim edhe aeroportin ndërkombëtar të Vlorës, i cili do të jetë aeroporti me pistën më të gjatë në rajon.
Është bërë e tillë edhe për fluturimet transoqeanike dhe nga ana tjetër jemi duke diskutuar me kompaninë Air Albania, për të mundësuar më në fund një fluturim të drejtpërdrejtë të Air Albania. Fluturimin e parë kur do të ndodhë nuk jua them dot, por kur të ndodhë do ta bëjmë patjetër këtu në Nju-Jork” tha në atë kohë kryeministri Rama (26 Tetor 2024).
Në vend që të zgjerohej, kompania vetëm ka tkurrur udhëtimet. Një muaj më parë u mbyll linja drejt Milanos, tashmë dhe Stambolli nuk dihet se kur do të rifillojë./ Monitor
Foto ilustruese Pasi Komisioni Evropian publikoi raportin e tij vjetor të zgjerimit më 4 nëntor, duke dhënë vlerësime të...
Holta Zaçaj TIRANA- Ish-kryetarja e Gjykatës Kushtetuese, Holta Zaçaj, synon të rikthehet në një post të rë...
Foto ilustruese FIER- Një aksident ka ndodhur në fshatin Kraps të Fierit. Policia ka vënë në pranga shtetasin me i...
Foto ilustruese FUSHË KRUJË- Një operacion i zhvilluar nga Prokuroria e Posaçme Kundër Korrupsionit dhe Krimit të Organizua...
Foto ilustruese FUSHË KRUJË- Jani Çavo është një nga anëtarët e goditur nga SPAK në kuadër të nj&e...
Gilmando Dani TIRANË- 35-vjeçari që u shoqërua mbrëmjen e kaluar në polici për vrasjen e Gilmando Danit në R...
Aldo Gjini FUSHË KRUJË- Aldo Gjini është një nga emrat e përfshirë në operacionin e fundit të SPAK kund&e...
Oltion Bistri Mes vapës së rëndë të gushtit, vetëm pak javë pas arrestimit të bujshëm të ish-shefit t&eum...
Foto ilustruese FUSHË KRUJË- Prokuroria e Posaçme Kundër Korrupsionit dhe Krimit të Organizuar (SPAK) ka zhvilluar një...
Arrestimi para SPAK TIRANA- Islam Sefa, një ndër të arrestuarit që nga operacioni ndaj grupit kriminal "Rraja", të cilit i &e...
