Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Sipas Berishës, PD-ja në pushtet do ta bëjë të paligjshme këtë amnisti dhe personave që do të përfitojnë prej saj do t’i kërkojë burimin e të ardhurave.
TIRANË- Kryetari i Partisë Demokratike Sali Berisha përshëndeti sot vendimin për të hapur negociatat me Shqipërinë. Në një deklaratë për mediat, Berisha nga selia e PD ai i bëri thirrje kryeministrit Edi Rama që të tërhiqet nga projekti i amnistisë fiskale. Sipas Berishës, PD-ja në pushtet do ta bëjë të paligjshme këtë amnisti dhe personave që do të përfitojnë prej saj do t’i kërkojë burimin e të ardhurave.
"Unë iu bëj thirrje qeverive të vëndeve anëtare dhe Komisionit Europian të insistojnë gjer në fund kundër miratimit të këtij ligji, që dëshmon lidhjet e tmerrshme të regjimit të Edi Ramës me organizatat kriminale brenda dhe jashtë vendit. Përndryshe, PD angazhohet para partnerëve tanë se, me të ardhur në pushtet ajo do të invalidojë aministinë fiskale e kriminale të Edi Ramës dhe do të vendosë para ligjit të gjithë personat që kanë përfituar nga kjo amnisti, duke u kërkuar origjinën e të ardhurave. Emrat e këtyre personave do t’u jepen një për një, po ashtu organeve fiskale e të drejtësisë së vendeve perëndimore që të përndiqen dhe atje nëse kanë eventualisht vendqëndrime në BE apo Britaninë e Madhe, SHBA, Kanada, etj. Si përfundim, edhe njëherë i shpreh mirënjohje BE së për hapjen e negocjatave, turp bukashkalit Edi Rama nëse ai nuk tërhiqet nga legalizimi i parave që mafia shqiptare ka grumbulluar kriminalisht jashtë dhe brenda vendit,"-tha Berisha.
DEKLARATË E PARTISË DEMOKRATIKE, KRYETARI I PD, SALI BERISHA:
Për hapjen e negociatave me BE-në.
Tiranë, më 18 korrik 2022
Këto ditë, do të mbahet Konferenca e parë e Qeverisë Shqiptare me Komisionin Europian, akt që shënon hapjen e negociatave midis Shqipërisë dhe Bashkimit Europian, hapje që me terma konkrete ndodh në një kohë të dytë, pas konferencës së parë. Me këtë rast, në emër të Partisë Demokratike, e cila ka qenë dhe mbetet lokomotivëe proceseve të integrimit, shpreh mirënjohjen më të thellë dhe falenderimin më të përzemërt për Komisionin Europian dhe vëndet anëtare të BE-së për vendimin e tyre fisnik dhe miqësor ndaj Shqipërisë, aspiratave të shqiptarëve për integrimin e plotë të vendit të tyre në BE, si e ardhmja më e shkëlqyer e këtij vendi. Me këtë rast, siguroj BE-në, Komisionin dhe vëndet anëtare se, Partia Demokratike sot në opozitë do të mbështesë dhe nesër në pushtet do të ndërmarrë dhe miratojë çdo akt, vendim, ligj dhe reformë të nevojshme për avancimin e procesit të integrimit të vendit në BE. Unë, jam sot këtu gjithashtu për t’i kërkuar Edi Ramës, publikisht që në përgjigje të këtij vendimi fisnik të vëndeve anëtare dhe Komisionit Europian, të mos guxojë të provokojë partnerët tanë por të deklarojë menjëherë se, ai heq dorë përfundimisht nga ligji i aministisë fiskale, kundër të cilit është shprehur haptas Komisioni Europian; janë shprehur qartë dhe vende anëtare të BE, qoftë dhe me karriget bosh në takimin e tij të fundit; janë shprehur kundër edhe parnerët tanë jashtë BE-së; janë shprehur kundër Dhomat e Biznesit të SHBA, Gjermanisë, Francës, Turqisë dhe dhomat e biznesit shqiptar. Edi Rama duhet të kuptojë se problemi më madhor që vëndet anëtare të BE-së dhe partnerët tanë kanë me Shqipërinë është kriminaliteti shqiptar dhe eksportimi i tij në vendet të tjera. Legalizmi i parave të krimit të shqiptarëve është mesazhi më i keq që iu dërgohet këtyre vendeve, agjensive të tyre të zbatimit të ligjit dhe inkurajimi i madh për organizatat kriminale shqiptare. Nga ana tjetër, unë iu bëj thirrje qeverive të vëndeve anëtare dhe Komisionit Europian të insistojnë gjer në fund kundër miratimit të këtij ligji, që dëshmon lidhjet e tmerrshme të regjimit të Edi Ramës me organizatat kriminale brenda dhe jashtë vendit. Përndryshe, PD angazhohet para partnerëve tanë se, me të ardhur në pushtet ajo do të invalidojë aministinë fiskale e kriminale të Edi Ramës dhe do të vendosë para ligjit të gjithë personat që kanë përfituar nga kjo amnisti, duke u kërkuar origjinën e të ardhurave. Emrat e këtyre personave do t’u jepen një për një, po ashtu organeve fiskale e të drejtësisë së vendeve perëndimore që të përndiqen dhe atje nëse kanë eventualisht vendqëndrime në BE apo Britaninë e Madhe, SHBA, Kanada, etj. Si përfundim, edhe njëherë i shpreh mirënjohje BE së për hapjen e negocjatave, turp bukashkalit Edi Rama nëse ai nuk tërhiqet nga legalizimi i parave që mafia shqiptare ka grumbulluar kriminalisht jashtë dhe brenda vendit.
Amnistia Fiskale është deklaruar nga qeveria si mundësia për të legalizuar paratë e të gjithë emigrantëve shqiptarë. Pasi u refuzua dhe u kundërshtua publikisht herën e parë që u propozua, u rikthye edhe njëherë me Këshillimin Kombëtar. Sipas projektligjit që ëshët prezantuar deri më tani, shteti u jep mundësinë emigrantëve që të legalizojnë deri në dy milionë euro.
Në rastet kur subjektet deklaruese duan t’i transferojnë shumat e deklaruara jashtë vendit para këtij afati, ndaj tyre parashikohet penalitet në masën 30% të shumës së transferuar. Nëse subjektet vendosin t’i investojnë pasuritë e deklaruara në tituj shtetëror, bono thesari apo obligacioni jo më të vogla se 2-vjeçare, Banka e Shqipërisë do të mbajë një tatim prej 5% të shumë totale për investimet e bëra në 4-mujorin e parë prej hyrjes në fuqi të ligjit dhe 7% pas kësaj periudhe kohore.
Projektligji parashikon në mënyrë jo shumë bindëse se politikanët dhe familjarët e tyre të afërt nuk do të mund të përfitojnë, por në kushtet e “familjarëve të afërt” kanë vendosur kriterin e gjendjes civile “në çastin e hyrjes në fuqi të këtij ligji.” Shqipëria konsiderohet si një vend me rrezik të lartë për pastrimin e parave dhe me mekanizma të dobëta ligjzbatuese për identifikimin, hetimin dhe sekuestrimin e parave të pista.
Foto ilustruese DURRËS- Një 28-vjeçar është shpallur në kërkim nga policia e Durrësit pasi ka grabitur një s...
Pamje nga Komisioni i Sigurisë TIRANË- Ndryshimet ligjore në Policinë Ushtarake janë miratuar në Komisonin e Sigurisë.&n...
Albert Meça dhe Elsa Kareçi TIRANË- Komisioni i Pavarur i Kualifikimit ka konfirmuar në detyrë, prokuroren e Tiranës, Els...
Pamje nga Durrësit DURRËS- Personat me aftësi të kufizuara po përballen me një situatë të rënduar ekonomiko-s...
Pamje nga Durrësit DURRËS- Kontejneri me banane që kishte ardhur nga Ekuadori për llogari të “Bana King” në Porti...
Foto ilustruese TIRANË- Ministria për Evropën dhe Punët e Jashtme ka njoftuar se për shkak të sulmit kibernetik ndaj platform...
Policia e Gjirokastres GJIROKASTËR- Policia e Gjirokastrës ka vënë në pranga 2 shtetas të cilët pas një sherri p&eu...
Pamje nga vendi i ngjarjes KRUJË- Një zjarr ka përfshirë një sipërfaqe të madhe pylli mëngjesin e sotëm në...
Foto ilustruese TIRANË- Policia e Tiranës ka arrestuar 2 persona pasi pas një konflikti kanë plagosur me sende të forta dy pë...
Pamje nga vendi i ngjarjes TIRANË- Detaje të reja janë zbardhur nga ngjarja e rëndë që tronditi vendin ditën e djeshme d...
