Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në kuadër të projektit “Ngritja e kapaciteteve për menaxhimin e integruar të kufirit”- me vlerë 6 milionë euro, Departamentit të Policisë Kufitare në Policinë e Shtetit, nga sot i shtohen 5 mjete të reja lundruese, patrulluese dhe 2 automjete për mbikëqyrjen e kufirit të gjelbër.
TIRANË- Departamentit të Policisë Kufitare në Policinë e Shtetit, në kuadër të Programit Kombëtar IPA 2018, të financuar nga Bashkimi Europian dhe të zbatuar nga Qendra Ndërkombëtare për Zhvillimin e Politikave të Migracionit (ICMPD), i janë shtuar 5 mjete lundruese, patrulluese dhe 2 automjete për mbikëqyrjen e kufirit të gjelbër, të cilat do të mundësojnë që Policia Kufitare të ushtrojë kontrolle dhe inspektime në det të hapur, të ndërmarrë operacione kërkim-shpëtimi në det, si dhe të kryejë procedura të kontrollit kufitar për mjetet lundruese, turistike dhe/ose të huaja, në det të hapur, pa u dashur të paraqiten në porte për t’i kryer keto procedura.
Fjala e Drejtorit të Përgjithshëm të Policisë së Shtetit, Drejtues Madhor Gledis Nano, në ceremoninë e dhurimit të mjeteve të reja lundruese dhe automjeteve për mbikëqyrjen e kufirit të gjelbër.
I nderuar Ministër, z. Çuçi,
I nderuar z. Hupin,
I nderuar z. Pluim (Drejtor i MDC),
I nderuar z. Erzen (Drejtues i Programit BMS),
Të nderuar përfaqësues të ambasadave të Francës, Mbretërisë së Spanjës, SHBA-së, Gjermanisë dhe Italisë,
Të nderuar përfaqësues të Agjencisë Turke për Bashkëpunim dhe Koordinim, të EBCGA-së (Frontex), OSBE-së dhe IOM-së,
Sot është një ditë e rëndësishme, në funksion të rritjes së sigurinë detare, rrjedhimisht edhe të sigurisë në tërësi.
Jemi në portin më të madh në vend dhe njëkohësisht në një objekt strategjik, përsa i përket zhvillimit shumëdimensional të vendit. Nga ky port, strukturat e Policisë së Shtetit, në bashkëpunim me agjencitë e tjera të zbatimit të ligjit, kanë bërë të mundur sekuestrimin e qindra kilogramëve kokainë dhe heroinë, bllokimin e mallrave kontrabandë, goditjen e rasteve të shumta të falsifikimit të dokumenteve dhe të krime të tjera ndërkufitare.
Në kuadër të projektit “Ngritja e kapaciteteve për menaxhimin e integruar të kufirit”- me vlerë 6 milionë euro, Departamentit të Policisë Kufitare në Policinë e Shtetit, nga sot i shtohen 5 mjete të reja lundruese, patrulluese dhe 2 automjete për mbikëqyrjen e kufirit të gjelbër.
Ky projekt u financua nga Bashkimi Europian, përmes Programit Kombëtar IPA 2018 dhe zbatohet nga Qendra Ndërkombëtare për Zhvillimin e Politikave të Migracionit (ICMPD).
Shtimi i këtyre mjeteve lundruese dhe atyre të mbikëqyrjes së kufirit të gjelbër, do të mundësojnë që Policia Kufitare të ushtrojë kontrolle dhe inspektime në det të hapur, bazuar në informacione apo analizën e riskut, të ndërmarrë operacione kërkim-shpëtimi në det, si dhe do të mundësohet kryerja e procedurave te kontrollit kufitar për mjetet lundruese, turistike të huaja, në det të hapur, pa u dashur të paraqiten në porte për t’i kryer keto procedura.
Gjithashtu, instalimi i 2 radarëve të teknologjisë bashkëkohore do të mundësojë identifikimin e mjeteve të lundrimit të të gjitha përmasave, në të gjithë zonën që ata do të mbulojnë, që përbëjnë zona me rrezikshmëri të lartë për trafiqe të paligjshme.
4 sistemet e mbikëqyrjes së kufirit, 2 prej të cilëve janë të pajisur edhe me radarë, përfaqësojnë një teknologji mjaft të avancuar për parandalimin dhe goditjen e krimit ndërkufitar dhe të emigracionit të parregullt. Këto sisteme, që operojnë ditën dhe natën dhe që janë të afta të identifikojnë vendndodhjen e saktë të një objekti apo personi, përveçse mundësojnë mbikëqyrjen e kufirit në zona rurale të pamundura për t’u patrulluar me prezencë fizike policore, përbëjnë një mundësi shumë të mirë për riplanifikimin e burimeve njerëzore dhe logjistike.
Të nderuar donatorë e partnerë,
Kontributi i secilit prej nesh për sigurinë detare është nga një pikë, por së bashku bëjmë një oqean.
Trafiqet nëpërmjet detit nuk i rezervohen vetëm mjeteve të mëdha e të komplikuara të lundrimit. Çdo mjet lundrues mund të bëhet shtrat krimi. Për të parandaluar dhe luftuar veprimtraritë kriminale që kanë vendngjarje detin, secili, i vetëm, e ka të pamundur, sepse askush nuk është mjaftueshëm i fortë, as mjaftueshëm i pajisur, për ta luftuar i vetëm krimin. Por kur jemi bashkë asgjë nuk është e pamundur.
Për ne, strukturat garante të sigurisë dhe rendit publik, forca e bashkëpunimit qëndron te secili prej bashkëpunëtorëve tanë që ndan të njëjtat parime dhe sfida me ne dhe gjithashtu, forca e secilit prej bashkëpunëtorëve qëndron te bashkëpunimi midis nesh, për të përmbushur objektivat e përbashkët.
Të nderuar të pranishëm,
Policia e Shtetit është angazhuar maksimalisht në realizimin e prioriteteve, në dobi dhe në interes të ruajtjes së sigurisë publike dhe të bashkërendimit të punës edhe me partnerët, në bazë të programeve më inovative, mbi të cilat mbështetet puna e Policisë, në Shqipëri, në vendet e rajonit, në ato të Bashkimit Europian e më gjerë.
Asnjë retorikë nuk do të mund të kishte dhe as nuk ka vlerë dhe as ndikim në shoqëri, nëse ajo nuk vjen e realizuar nëpërmjet hapave konkretë.
Në këtë periudhë të punës, së bashku, kemi hedhur hapa të tillë, që më pas do të shndërrohen në gjurmë dhe udhërrëfyes për brezat që do të na pasojnë në këtë mision aspak të lehtë.
Policia e Shtetit, përveç arritjeve të shënuara këto kohë, në drejtim të luftës ndaj kultivimit të bimëve narkotike, krimit të organizuar, shkeljeve dhe kundërvajtjeve ligjore, po tregon një largpamësi dhe aftësi konkrete edhe përsa i përket menaxhimit të projekteve të përbashkëta me partnerët ndërkombëtarë, duke sjellë risi dhe përfshirje të qëndrueshme në këto hapësira që i krijojnë jo vetëm kushte bashkëkohore infrastrukturës policore, por edhe frymëmarrje më të gjerë të gjithë strukturave të Policisë së Shtetit.
Pikërisht, kjo strategji e ndërmarrë me hapa të shtruar por të sigurtë, do të na sjellë një të ardhme të qëndrueshme në këtë drejtim.
Aktualisht, agjencitë më të njohura ligjzbatuese në nivel global, Policinë shqiptare nuk e shikojnë dhe vlerësojnë si një hallkë të shkëputur nga zhvillimet dhe politikat ndërkombëtare, por e konsiderojnë si partnere dhe forcë kontributore në kauzën madhore, për të pasur një botë më të paqtë dhe të mbizotëruar nga humanizmi dhe vlerat e tij më të qëndrueshme.
Në përfundim, dua të theksoj se këto mjete që sot po i përfitoi Policia e Shtetit, unë do t’i cilësoja si “Mjete të përbashkëta, për beteja të përbashkëta”.
Sot bashkëndajmë mjetet, nesër do të bashkëndajmë rezultatet që do të marrim prej përdorimit të tyre, sepse deti nuk është vetëm pasuri kombëtare, por është një terren i mirëfilltë jetësor, i cili ka nevojë për kontrolle të vazhdueshme e logjistikë bashkëkohore, që të mos shndërrohet në një terren kriminal.
Policia e Tiranës TIRANË- Tre persona janë vënë në pranga pasi akuzohen për vepra të ndryshme penale. Në njoft...
Pakoja me drogë TIRANË- Një punonjëse poste është vënë në pranga pasi ka kaluar pa skanuar një pako q&eum...
Pamjet brenda dhomës që u përfshi nga flakët FIER- Dosja.al ka arritur të sigurojë videon brenda dhomës së imazheri...
Policia TIRANË- Një 40-vjeçar është arrestuar nga policia në Tiranë. Personi me inicialet T.XH, dyshohet se n&eum...
Evis Kushi TIRANË- Ministrja e Arsimit, Evis Kushi bëri të ditur ditën e sotme se do të rriten me 6% pagat e të gjithë p...
Fermerët Fermerët e Vodicës në Poliçan po shkojnë drejt falimentimit për shkak të mungesës së tregut d...
Foto ilustruese DURRËS- Dhe pse jemi në mes të një sezoni turistik OSHEE ka njoftuar se një pjesë e qytetit bregdetar ka mbet...
Shtëpia e djegur ITALI- Një shqiptar në Itali pasi u mbyll brenda në shtëpi i vuri asaj flakën dhe dhunoi Karabinierët k...
TIRANË- Drejtori i varrezave të Tufinës, Eliodor Ndini ka rënë në prangat e policisë këtë të mërkur&eum...
Daniel Vermeulen TIRANË- Ky është Daniel Vermeulen. Një shtetas holandez që prej më shumë se 3 muajsh drejton shoqë...
