Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Organet e drejtësisë që duhet të kopsisin shkresat e personave që vuajnë dënimet në burgjet evropiane, “harruan” në sirtarë vendimin për vuajtjen e dënimit të Sali Allushit nga Shushica e Elbasanit.
ELBASAN- Fiks Fare denoncoi mbrëmjen e së enjtes një problematikë në sistemin e drejtësisë, ku një qytetar ka bërë dy herë burg për të njëjtin dënim në Gjermani dhe Shqipëri. Organet e drejtësisë që duhet të kopsisin shkresat e personave që vuajnë dënimet në burgjet evropiane, “harruan” në sirtarë vendimin për vuajtjen e dënimit të Sali Allushit nga Shushica e Elbasanit. Ata e detyruan që të bënte edhe 13 muaj e 20 ditë burg në Shqipëri, megjithëse e kishte kryer dënimin në Gjermani dhe ishte liruar me kusht.
Por, përveç këtij burgu të padrejtë, pasi lirohet nga burgu në Shqipëri, jeton i lirë dhe 10 muaj më pas, kur donte të rinovonte pasaportën, i thonë se ke edhe “1 muaj burg për të kryer, pasi je dënuar në 2015-ën”, kohë kur ka qenë në Gjermani. Por, nëse ishte në burg, a nuk e shihnin dot këto institucione?! Ato e detyruan që të kthehej në burg, megjithëse përgjatë 10 viteve janë miratuar një mori amnistish.
Në redaksinë e emisionit investigativ u ankua Sali Allushi, i cili thotë se ka qenë i dënuar në vitin 2013 nga Gjykata e Elbasanit me 7 vite e 6 muaj burg me akuzën e shpërndarjes së lëndëve narkotike. “Gjatë kohës që u dha vendimi unë ndodhesha në Shqipëri, por kishte një afat 3 ditor dhe u largova dhe shkova në Gjermani. Pas 3 muajsh më arrestuan në Gjermani. Atje më doli emri që do të ikja në Shqipëri, do të ekstradohesha.
I bëra dhe gjykata u bind se unë duke qenë se isha edhe kryeplak këtu, kisha bërë edhe marrëveshje të mira dhe të këqija me ndarjet e tokave, dhe ato e morën parasysh që unë dënimin ta vuaja në Gjermani. Prokuroria e Elbasanit, ajo e përgjithshme dhe Ministria e Drejtësisë e pranuan që ta kryeja dënimin në Gjermani. Atje më dënuan me të njëjtin dënim 7 vite e 6 muaj burg. Këtë dënim e kreva në Gjermani dhe dokumentet i ka Ministria e Drejtësisë” thotë qytetari.
Denoncuesi thotë se me kërkesë të tij, pasi kreu 2 të 3 e dënimit, u depërtua në Shqipëri dhe pjesa e mbetur e dënimit iu kthye me kusht. “I kam letrat që nëse do të kthehem në Gjermani këtë dënim ta kryeja atje. Jam në juridiksionin e shtetit gjerman akoma deri sa të mbarojë dënimi i plotë. Unë kam ardhur në datën 1 shkurt 2023 në Shqipëri, i dëbuar. Vij në Rinas dhe më thonë je dënuar 7 vite e gjysmë.
I them e kam mbaruar dënimin urdhëroni i kisha dokumentet dhe askush s’i merrte parasysh. Më mbajtën 10 ditë në paraburgim, pa më nxjerrë në gjykatë dhe në asnjë send dhe më çuan në Fier. Dhe në Fier kërkoja masat e dënimit për çfarë jam në burg dhe përse, pasi s’duhet të isha në burg” pohon ai. Më tej shton se, iu ekzekutua vendimi i mëparshëm i 2013-ës dhe dënimi s’ishte hequr fare nga sistemi.
Fiksi shkoi në Prokurorinë e Elbasanit, ku rezulton sipas dokumenteve se ky shtetas ishte arrestuar në Shqipëri në datën 1 shkurt të vitit 2023 dhe ka qëndruar plot 13 muaj e 20 ditë në burgun e Fierit. Ai është liruar në datën 20 mars 2024. Dhe sipas një shkrese, kjo prokurori pranon se është bërë një gabim.
“Në burgun e Fierit kam qëndruar 13 muaj e 20 ditë burg. Jam liruar në 20 mars 2024. Vetë Gjermania më tha se e ke kryer! Edhe ministria e Drejtësisë Shqiptare ka firmosur që ta kryej dënimin atje, apo edhe Prokuroria e Elbasanit, ti çfarë kërkon. Mua më mbajtën 13 muaj e 20 ditë pa asnjë fakt. U shkrova vetë autoriteteve gjermane. Ata i kanë thënë që për çfarë e mban këtë njeri në burg, e ka kryer në Gjermani. Po tani si më liroi prokurori mua, po të shikosh dinamikën e prokurorit, unë kam edhe 6 vite burg. Si më liroi mua ai?!” pyet ai, teksa asnjë s’e pranon fajin. As prokuroria dhe as burgu.
Çuditë e drejtësisë me Sali Allushin nuk përfundojnë këtu! Pasi bëri 13 muaj e 20 ditë burg të padrejtë, ai u prangos sërish, 8 muaj pas lirimit. Arsyeja ishte se duhet të vuante edhe një dënim të marrë në vitin 2014. “Drejtësia shqiptare ka probleme të vetat. Po në vitin 2014-2015 unë isha dënuar 1 muaj burg për organizim të lojërave të fatit. Unë gjatë kësaj kohe isha në Gjermani. Kur isha në Burgun e Fierit më vjen se isha i dënuar 1 muaj plus për lojëra fati. Por më 20 mars 2024 mua më liroi prokurori një Neritan Hoxha, prokurori i Elbasanit” thotë ai.
Qytetari shton se, i skadoi pasaporta dhe shkoi për t’a rinovuar në Policinë e Elbasanit.
“Aty në polici më thanë se ke 1 muaj burg. Unë u thashë se unë isha në burg, për çfarë s’më mbajtët po më nxorët?! Më 4 dhjetor 2024, pas 10 muajsh që u lirova, më vijnë te shtëpia dhe më marrin. Më thonë se ke edhe 1 muaj burg. Shkova prapë dhe e bëra nga 4 dhjetori 2024 deri më 4 janar 2025. S’e kuptoj si funksionon shteti në këtë rast. S’më mbajtën në Fier dhe më çuan në Rrogozhinë pastaj” vijon ai.
Fiksi kërkoi Prokurorisë së Elbasanit se kush prokuror e ka pasur këtë çështje dhe përse ky shtetas është mbajtur 13 muaj e 20 ditë burg megjithëse dënimin e kishte kryer në shtetin gjerman?! Në përgjigje akuza thotë se “referuar praktikës së ekzekutimit në lidhje me këtë shtetas, na prokurori i ekzekutimeve, me urdhrin datë 20 mars 2024 është urdhëruar lirimi i menjëhershëm nga vuajtja e mëtejshme e dënimit me burgim 7 vite e 6 muaj burg”.
Akuza e Elbasanit nuk shkruan se përse e liroi dhe a e kishte kryer këtë dënim në Gjermani. Madje nuk përmendi as emrin e prokurorit dhe veprimet e munguara për sqarimin e të gjithë dënimit. Por, në këtë dokument që po shikoni, i cili është urdhri i lirimit, prokuroria pranon se, pasi Sali Allushi bëri 13 muaj e 20 ditë burg në Shqipëri, dënimi i marrë në vitin 2013 ishte kryer në Gjermani!
Ndërkohë, Fiksi e pyeti organin e prokurorisë edhe për dënimin e tij me 1 muaj burg. Akuza përgjigjet se Sali Allushi u dënua në korrik 2015 dhe u arrestua në datën 4 dhjetor 2024. Por, a nuk ishte në burg deri në mars 2024 dhe përse nuk e kreu në Fier! Për këto gabime, qytetari është mbajtur “peng” nga sistemi i drejtësisë. Veprimet e munguara të një sërë institucionesh i kanë privuar lirinë, duke e kryer burgun për të njëjtën vepër penale dy herë në dy shtete të ndryshme; Gjermani dhe Shqipëri.
“Unë kërkoj që kjo të bëhet si shembull. Prokuroria të veprojë me argumente me fakt, si unë të bëj 6 vite e gjysmë burg në Gjermani, për çfarë arsye nuk bëhen veprimet?! Ka marrë vendim shteti gjerman, unë do t’i drejtohem edhe autoriteteve ndërkombëtare. I jam drejtuar edhe gjykatës për burg të padrejtë se prokurori e pranon se e ka kryer burgun në Gjermani. Po për çfarë më mbajte 13 muaj? Për neglizhencë se nuk pastron dot sistemin se s’dinë se si punohet” përfundon ai./ TCH
foto ilustruese ELBASAN- Aurel Mehja, dhëndri i ish-kryebashkiakut të Elbasanit, Qazim Sejdinit, është arrestuar ditën e sotm...
Foto ilustruese BURREL- Detaje të reja janë zbardhur në lidhje me aksidentin e regjistruar pasditen e sotme në aksin Burrel-Klos. N&eum...
Foto ilustruese BURREL- Një aksident i rëndë është regjistruar pasditen e sotme në në aksin Burrel-Klos. Raportohet...
DELVINË - Një vatër zjarri është aktivizuar pasditen e sotme në zonën mbi Varrezat e Dëshmorëve në qytetin e...
foto ilustruese ITALI- 23-vjeçari shqiptar Mikea Zaka, është dënuar nga autoritet italiane me 20 vite burg, për vrasjen e&n...
Foto ilustruese ITALI- Autoritetet italiane kanë vënë në pranga 5 persona pasi ndaj tyre ishin lëshuar udhërarreste nga ...
viktimat e aksidentit FUSHË-KRUJË- Ngjarja tragjike e aksidentit në mesnatën e datës 19 mars që i mori jetën 4 të ...
Foto ilustruese KOSOVË- Raporti Botëror i Lumturisë i Rrjetit për Zhvillim të Qëndrueshëm të OKB-së ka listuar...
foto ilustruese BULQIZË- Një aksident rrugor me pasojë vdekjen ka ndodhur ditën e sotme rreth orës 15:50 në Bulqizë n&eu...
foto ilustruese GJIROKSATËR- Një 16-vjeçar u arrestua nga policia, pasi tentoi të grabisë një pikë të këmbim...
