6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Sot u vendos të pranohet pjesërisht kërkesa e ILD e cila ka konstatuar shkelje gjatë kryerjes së detyrës me vendimin për të ulur me dy vite dënimin për të dënuarin Arben Grori.
TIRANË- Këshilli i Lartë Gjyqësor ka pezulluar për tre muaj nga detyra gjyqtarin e Gjykatës së Elbasanit, Taulant Taga. Ky i fundit akuzohet se i ka ulur dy vite burg, të dënuarit Arben Grorit. Sot u vendos të pranohet pjesërisht kërkesa e ILD e cila ka konstatuar shkelje gjatë kryerjes së detyrës me vendimin për të ulur me dy vite dënimin për të dënuarin Arben Grori. Edhe pse ILD kishte kërkuar shkarkim të gjyqtarit, KLGJ vendosi të pranojë pjesërisht kërkesën duke vendosur një masë të përkohshme pezullimi.
Sipas hetimit të ILD-së, në dhënien e vendimit magjistrati nuk i është referuar fakteve në aktet e dosjes, por ka parashtruar në mënyrë të dukshme fakte dhe rrethana të shtrembëruara vetëm për t’iu përshtatur plotësimit të kërkesave formale ligjore.
NJOFTIMI:
Këshilli i Lartë Gjyqësor gjatë seancës së sotme dëgjimore ka pranuar pjesërisht kërkesën e Inspektorit të Lartë të Drejtësisë për procedim disiplinor ndaj gjyqtarit T.T., të Gjykatës së Rrethit Gjyqësor Elbasan për shkelje disiplinore të kryera, në gjykimin e kërkesës me objekt ulje dënimi, për një të dënuar me burgim të përjetshëm. Këshilli i Lartë Gjyqësor caktoi masën pezullim nga detyra për 3 muaj me të drejtën e përfitimit të pagës minimale për magjistratin. Inspektori i Lartë i Drejtësisë kishte kërkuar procedim me masën “ shkarkim nga detyra” ndaj gjyqtarit T.T. Nga analiza ligjore e fakteve të mbledhura gjatë hetimit disiplinor ndaj gjyqtarit T.T., Inspektori i Lartë i Drejtësisë kishte konkluduar në raportin hetimor, se nga ana e magjistratit janë konstatuar veprime/mosveprime të kryera në kundërshtim me ligjin “Për trajtimin e të dënuarve me burgim dhe të paraburgosurve” i ndryshuar, të cilat kanë sjellë si pasojë të drejtpërdrejtë përfitimin e padrejtë të uljes së dënimit në masën 720 ditë për të dënuarin me burgim të përjetshëm (A.G.), si dhe cënimin e prestigjit të magjistratit në veçanti dhe cënimin e besimit të publikut te drejtësia. Sipas hetimit të ILD-së, në dhënien e vendimit magjistrati nuk i është referuar fakteve në aktet e dosjes, por ka parashtruar në mënyrë të dukshme fakte dhe rrethana të shtrembëruara vetëm për t’iu përshtatur plotësimit të kërkesave formale ligjore. Në analizën e vendimmarrjes 4 vjecare të magjistratit (2017-2021), me objekt ulje dënimi, Inspektori i Lartë i Drejtësisë ka konstatuar se ndryshe ka vepruar gjyqtari në dhënien e 155 vendimeve të tjera, ku në 7 kërkesa nga të dënuar me “Burgim të përjetshëm” janë respektuar kriteret formale ligjore. Në përfundim të hetimeve Inspektori i Lartë i Drejtësisë kishte konkluduar se veprimet/mosveprimet e magjistratit T.T., përbëjnë shkelje shumë të rëndë disiplinore, që diskreditojnë pozitën dhe figurën e gjyqtarit gjatë ushtrimit të detyrës dhe i kërkoi KLGJ-së caktimin e masës disiplinore “Shkarkim nga detyra”, për magjistratin për shkeljet disiplinore të parashikuara nga neni 102, pika 1, shkronjat “dh” dhe neni 102 pika 2 germat “b” , “c” të Ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”.
Gjyqtari shkeli ligjin, pasi i uli 720 ditë të dënuarit me burgim të përjetshëm Arben Grori. 46-vjeçar Grori është një emër i njohur për drejtësinë, pasi vuan dënimin për dy vepra penale. Ai është deklaruar fajtor nga drejtësia italiane për vrasjen e Naim Zyberit në 6 gusht 1997 në spitalin San Paolo, Milano, vrasësit të vëllait të tij, Artur Grori. Ndërkohë është akuzuar dhe dënuar me 15 vite burg në Shqipëri për trafik droge.
Pamje nga gjykata DURRES- Dy punëtorët e kompanisë së eksportit të frutave Zico Shpk e njohur edhe si BanaKing, Altin Muhamet...
Pamje nga seanca sot DURRES-Sot në Gjykatë kanë dalë sot për njohjen e masës së sigurisë 20 të arrestuari...
FUSHË KRUJË- Tre të rinjtë e dinin që po ndiqeshin. Brilant Martinaj, Diklen Vata dhe Besmir Hoxha e kishin pikasur mjetin identik me...
Foto ilustruese DURRES- Prokuroria e Durrësit i ka sekuestruar pamjet filmike në terminalin e Konteinerëve nga Porti i Durrësit q&...
Zjarr DURRËS- Zjarri në Gjirin e Lalëzit në Durrës vazhdon të jetë aktivë për të tretën ditën, ...
Ilir Beqja TIRANË- Për gati më shumë se 8 orë, ish-ministri i Shëndetësisë, Ilir Beqja dha shpjegime para he...
Trifon Murataj dhe Bana King DURRES- Dosja sjell përfundimet paraprake të Prokurorisë së Durrësit në hetimet e çë...
Foto ilustruese DURRES- Prokuroria e Durrësit ka arritur të zbulojë skemën e plotë të lëvizjes së konteinerit me ba...
Foto ilustruese BULQIZË- Një minator ka humbur jetën teksa ishte në krye të detyrës. Policia informon se 52-vjeçari me...
Dhoma e avokatise TIRANË-Ditën e sotme ka përfunduar afati 10-ditor i vendosur nga Këshilli i Përgjithshëm i Dhomës s&eu...
