Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Në reagim thuhet se nga ky ligj përfitojnë ato qytetarë LGBTI që janë subjekt i dhunës dhe diskriminimit sistematik, të faktuar nga raporte në polici dhe organe kompetente, për shkak të orientimit seksual ose identitetit gjinor dhe që, si pasojë, ndodhen në kushte të pafavorshme ekonomike dhe sociale.
TIRANË- Aleanca e komunitetit LGBTI është shprehur se ligji për strehimin social për individët që i përkasin komunitetit LGBTI është në fuqi. Në reagim thuhet se nga ky ligj përfitojnë ato qytetarë LGBTI që janë subjekt i dhunës dhe diskriminimit sistematik, të faktuar nga raporte në polici dhe organe kompetente, për shkak të orientimit seksual ose identitetit gjinor dhe që, si pasojë, ndodhen në kushte të pafavorshme ekonomike dhe sociale.
Në deklaratë, aleanca i është përgjigjur edhe komenteve të Pano Sokos dhe Adriatik Lapajt, të cilët shprehen se ekzistenca e personave LGBTI kërcënon konceptin e familjes. Pyetjes së Sokos, përfaqësues i Nismës Thurje, "Pse duhet të paguhen me taksat e mia këto persona?", aleanca i përgjigjet duke i thënë se këta persona janë taksapagues në vendin tonë, ashtu si çdo qytetar tjetër.
"Kërcënimi i vërtetë për familjen shqiptare nuk vjen nga dy njerëz që duhen dhe luftojnë për të jetuar të lirë, të barabartë dhe me dinjitet. Kërcënimi vjen nga korrupsioni që ka deformuar çdo marrëdhënie dhe sens drejtësie në këtë vend, nga mungesa e shtetit ligjor dhe politikat sociale që nuk janë gjithëpërfshirëse." ishte dhe përgjigja e përfaqësueses së komunitetit LGBTI, Xheni Karajt për deklaratat e Lapajt.
REAGIMI I PLOTË:
Që nga viti 2018, është në fuqi Ligji Nr. 22/2018 për Strehimin Social, ku në Nenin 16 të këtij ligji thuhet qartë: Ndihmohen individët që i përkasin komunitetit LGBTI dhe që janë viktima për shkak të orientimit seksual ose identitetit gjinor, bazuar në vendimet e organeve kompetente, sipas legjislacionit për mbrojtjen nga diskriminimi.
Pra, përfitojnë nga kjo politikë ata qytetarë LGBTI që janë subjekt i dhunës dhe diskriminimit sistematik – të faktuar nga raporte në polici dhe organe kompetente - për shkak të orientimit seksual ose identitetit gjinor dhe që, si pasojë, ndodhen në kushte të pafavorshme ekonomike dhe sociale. Këtu përfshihen persona LGBTI të dhunuar dhe përzënë nga shtëpitë nga familjarët e tyre, apo ata që nuk mund të gjejnë punë për shkak të diskriminimit dhe nuk kanë mundësi të sigurojnë të ardhura për nevojat bazike, siç është strehimi.
Në vijim, dua të adresoj një tjetër koment të bërë nga Pano Soko, gjithashtu përfaques i Nismës Thurje, i cili pyet: "Pse duhet të paguhen me taksat e mia këto persona?" dhe përmend "shenjtërinë e familjes," duke sugjeruar se ekzistenca e personave LGBTI është kërcënim për familjen.
Duhet të kujtojmë se paratë e taksapaguesve përdoren për mirëqenien e të gjithë qytetarëve, përfshirë edhe komunitetet e margjinalizuara. Programet sociale që synojnë të sigurojnë një jetë me dinjitet për personat LGBTI nuk janë ndryshe nga ato që mbështesin gratë, fëmijët, personat me aftësi të kufizuara, apo pakicat racore dhe etnike. Kundërshtimi ndaj pjesëmarrjes së personave LGBTI në këto programe bie ndesh me vlerat e barazisë dhe drejtësisë mbi të cilat është ndërtuar shoqëria dhe sistemi ynë demokratik.
Personat LGBTI janë qytetarë, taksapagues dhe kontribuues në ekonominë e vendit, ashtu si çdo qytetar tjetër. Programet sociale ekzistojnë për të mbrojtur dhe mbështetur grupet më vulnerabël dhe të margjinalizuara, duke siguruar që të gjithë të kenë mundësi të barabarta dhe të gëzojnë të drejtat themelore të njeriut.
Pyetja që duhet të bëni si politikanë nuk është "Pse duhet të mbështesim me taksat tona personat LGBTI?" por "Si mund të sigurohemi që çdo qytetar, pavarësisht tipareve si orientimi seksual, etnia, gjinia apo aftësitë ndryshe, të jetojë me dinjitet?"
Xhepat e Panos do përfitonin shumë nëse Pano do nxiste një frymë që nuk krijon kosto në shoqëri.
Retorika populiste e kërcënimit të familjes përdoret edhe nga Adriatik Lapaj, i cili shkruan në Facebook: "Kush sulmon konceptin e familjes meriton vetëm neverinë tonë. Rroftë familja! Rroftë nëna! Rroftë babai!"
Nëse mesazhi këtu është se ekzistenca e orientimit të ndryshëm seksual rrezikon familjen, atëherë i kujtoj Panos, Adriatikut, dhe shokëve të tyre se ne, personat LGBTI, ashtu si ju, kemi ardhur në jetë nga prindërit tanë—nënat dhe baballarët që na kanë rritur me dashuri dhe sakrifica. Fatmirësisht, shumë prej tyre i bëjnë ballë përditë miopisë së të tjerëve dhe përfaqojnë fëmijët e tyre, mbrojnë familjen e tyre dhe nuk i flakin tutje që t’i mbyllin gojën komshies apo për një grusht vota. Ne i konsiderojmë prindërit tanë të shenjtë dhe jemi thellësisht mirënjohës për gjithçka që kanë bërë për ne. Me të njëjtën dashuri dhe sakrifica me të cilat jemi rritur prej tyre, kemi krijuar edhe ne familjet tona, të cilat, për shkak të politikanëve frikacakë si ju, nuk gëzojnë asnjë të drejtë ligjore.
Kërcënimi i vërtetë për familjen shqiptare nuk vjen nga dy njerëz që duhen dhe luftojnë për të jetuar të lirë, të barabartë dhe me dinjitet. Kërcënimi vjen nga korrupsioni që ka deformuar çdo marrëdhënie dhe sens drejtësie në këtë vend, nga mungesa e shtetit ligjor dhe politikat sociale që nuk janë gjithëpërfshirëse. Familjeve shqiptare u kanë ikur dhe vazhdojnë tu ikin fëmijët jashtë vendit për një jetë më të mirë, çuditërisht, atje ku qytetarët LGBTI gjithashtu gëzojnë trajtim më të drejtë se këtu.
Si politikanë të rinj, ju keni marrë përsipër të sillni një frymë të re politike, të bazuar në vlera demokratike. Por Shqipëria NUK BËHET me retorika të tilla përjashtuese dhe diskriminuese që vetëm thellojnë ndasitë dhe dëmtojnë si familjen ashtu edhe kohezionin shoqëror.
Është e qartë për mua që, këto qëndrime që mbani vijnë nga paragjykimet tuaja të brendshme dhe nga bindja populiste se sulmimi i komunitetit LGBTI do t'ju sjellë më shumë vota. Por, duke na sulmuar neve, ju nuk do të humbisni vetëm votat tona, por edhe ato të familjeve tona, miqve tanë, aleatëve tanë dhe çdo personi që është i lodhur nga modeli i vjetër i politikave përçarëse.
Unë, si dhe shumë të tjerë, pyesim veten: Nëse ju tregoni këto tendenca shtypëse dhe autoritare ndaj një prej grupeve më vulnerabël të shoqërisë pa qenë ende pjesë integrale e politikës, si do të përdornit pushtetin tuaj nëse do të ngjiteshit më lart politikisht?
Foto ilustruese TIRANA- Autoriteti Rrugor Shqiptar ka njoftuar fituesit paraprakë të tre kontratave të tjera lidhur me mirëmbajtjen e r...
Foto ilustruese TIRANA- Një 21-vjeçar është arrestuar ndërsa një 15-vjeçar, vëllai i tij, është ...
Safet Gjici ELBASAN- Gjykata e Elbasanit vendosi të shtyjë për në datën 11 nëntor 2024, në orën 13:00, seanc&...
Kampi LEZHA- Anija "Libra e Marinës" është nisur drejt Shqipërisë për të sjellë grupin e parë të emi...
Egli Proga dhe Denis Mece KORÇË- Gjykata e Korçës ka lënë në fuqi masën e sigurisë arrest me burg p&e...
Eduart Kapri TIRANA- Prokuroria e Posaçme ka mbyllur hetimet për ish-kryebashkiakun e Pogradecit, Eduart Kapri dhe ka dërgu...
Foto ilustruese TIRANA- Rregullorja për hapjen e garës për drejtuesit e rinj të policisë vendore do të miratohet më...
Foto ilustruese TIRANA- Gjykata Administrative e Tiranës ka pranuar një padi të kryekomisar Pal Marku ku kërkohe...
Foto ilustruese FIER- Një 26-vjeçar është arrestuar në Fier pasi ka shkaktuar një aksident ku mbetën të plag...
Foto ilustruese SHKODRA- Një 16-vjeçar nga Afganistani që mbahej me forcë dhe shfrytëzohej për punë, ësht&eu...
