Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gazeta italiane thekson se klanet e Tiranës dinë të lidhen me politikanët për të marrë tendera dhe autorizime në këmbim të votave dhe favoreve.
ITALI- Gazeta italiane, IL MATTINO i ka kushtuar një artikull vendit tonë, ku tregon sesi Shqipëria u kthy në narko-shtet dhe si klanet shqiptare marrin tendera në këmbim të votave. IL MATTINO shkruan se përshkrimin “narkoshtet” për Shqipërinë nuk është aspak një ekzagjerim.
Një person i ’Ndranghetës, i vendosur në Romë ku njohu shumë mirë shqiptarët, rrëfen se shqiptarët janë të besueshëm, mizorë, seriozë dhe kanë vetëm një fjalë. Ai shprehet se kur bën marrëveshje me ta, nuk janë zhurmues, nuk bëjnë gjeste dhe shfaqje. Personi i ’Ndranghetës, thekson gjithashtu se shqiptarët kanë gjithçka, bar, heroinë, kokainë, AK-47, bomba dore, uzi, pushkë dhe pistoleta.
Ndërsa një tjetër i penduar, pasardhës i një prej familjeve më të fuqishme të ’Ndranghetës, thotë se klasnet shqiptarë kanë familje të pastra, marrin gjithçka në Evropë dhe Itali. Në artikull thuhet gjithashtu se në klanet shqiptare është e vështirë që dikush të pendohet dhe kanë një rrjet njerëzish të pafajshëm, në emër të të cilëve regjistrojnë gjithçka. Në fund, gazeta italiane thekson se klanet e Tiranës dinë të lidhen me politikanët për të marrë tendera dhe autorizime në këmbim të votave dhe favoreve.
Artikulli i Plotë i IL MATTINO:
Disa e përshkruajnë Shqipërinë si një “narkoshtet”, dhe duke lexuar dokumentet e hetimeve, ky nuk duket aspak një ekzagjerim. Gjithçka fillon pas rënies së regjimit komunist, nga vitet ’90 e tutje, kur shqiptarët, të varfër dhe të dëshpëruar, zbarkuan në Itali, duke ëndërruar “Lamerikën”, për të përdorur fjalën e Gianni Amelio. Disa prej tyre, sapo zbarkuan, ndërtuan një karrierë kriminale duke mësuar pranë mafiozëve, kamorristëve, ‘ndranghetistëve dhe anëtarëve të ‘Sacra Corona Unita’.
Ata lidhën një marrëveshje me klanet italiane dhe u bënë së pari skafistë dhe kontrabandistë, pastaj rrahës dhe vrasës me pagesë të krimit të organizuar, “e më pas trafikantë njerëzish dhe trafikantë droge që sot, shumë të fuqishëm, kontrollojnë qendra shpërndarjeje dhe porte në të gjithë botën”, shkruan gazetari investigativ nga Nola, Nello Troçhia, në librin ‘Invincibili’, ku, përmes dëshmive të gjyqtarëve, viktimave, hetuesve, ish-vrasësve, trafikantëve, narkotikëve dhe sipërmarrësve, rindërton historinë e klaneve shqiptare që e nisën nga Roma për të pushtuar botën.
Së pari filluan të trafikonin kanabis, pastaj heroinë, falë lidhjeve me mafian turke, dhe më në fund kokainë, për të cilën, thekson Nicola Gratteri, prokuror i përgjithshëm i Napolit, “janë bërë ndërmjetës ndërkombëtarë. Menaxhojnë pjesën më të madhe të kokainës të shitur në Evropë dhe kontrollojnë pothuajse të gjitha tregjet e drogës në Londër. Falë aleancës tregtare me ‘Ndranghetën, mafia shqiptare ka arritur të konsolidohet në Amerikën Latine, veçanërisht në Ekuador, Kolumbi dhe Brazil”.
Si tek klanet kalabreze, edhe tek ato shqiptare është e vështirë që dikush të pendohet; mbizotëron familja e ngushtë. Ata kanë një rrjet njerëzish të pafajshëm, në emër të të cilëve regjistrojnë gjithçka. Lëvizin në heshtje, nën sipërfaqe, dhe janë mizorë pa mëshirë. Gjatë luftës së Secondigliano-s, midis 2003 dhe 2005, mes Di Lauro dhe ndarësve, thuhej se të parët kishin një grup shqiptarësh që, pas vrasjes, u prisnin kokat viktimave.
Një person i ’Ndranghetës, i vendosur në Romë ku njohu shumë mirë shqiptarët, rrëfen për ta: “Janë të besueshëm, janë mizorë, janë seriozë, kanë vetëm një fjalë. Kanë më shumë besueshmëri se kamorristët. Kjo është një tipar thelbësor. Kur bën marrëveshje me ta, nuk janë zhurmues si romanët, nuk bëjnë gjeste, nuk bëjnë shfaqje. Oferta e tyre është e gjerë dhe e favorshme. Kanë gjithçka: bar, heroinë, kokainë, AK-47, bomba dore, uzi, pushkë, pistoleta”.
Një tjetër i penduar, pasardhës i një prej familjeve më të fuqishme të ’Ndranghetës, thotë: “Narkosit shqiptarë kanë familje të pastra, marrin gjithçka në Evropë dhe Itali. Kanë regjistruar te njerëz të besuar piceri, hotele, restorante, plazhe. Cikli i ndërtimit të paligjshëm nuk është më i yni. Ata sjellin pesëdhjetë familje fatkeqe dhe blejnë gjithçka. Kanë një ushtri njerëzish në emër të tjerëve. Pa harruar se në vendin e tyre riciklojnë dhe bëjnë çfarë duan”.
Klanet e Tiranës dinë të lidhen me politikanët për të marrë tendera dhe autorizime në këmbim të votave dhe favoreve: parabola kriminale e bosëve shqiptarë, “ngjitja e këtij lloji të veçantë mafie na prek të gjithëve. Sepse nga Ekuadori në Itali, nga Evropa në Dubai, në krim valëvitet një flamur, dhe është shqiptar”./Dosja.al
droga e sekuestruar ITALI- Një shqiptar është arrestuar nga policia italaine, pasi akuzohet posedimi të lëndëve narkotik...
Hugerta, Pellumb dhe Hysen Meta DURRËS- Hysen Meta, që vrau babain e tij dy vitë më parë, në bashkëpunim me motr&eu...
pamje nga vendngjarja ITALI- Një aksident tragjik ka ndodhur mbrëmjen e së mërkurës në provincën e Bolonjës, ...
foto ilustruese DURRËS- Erald Cani, Ergi Kadiu, Taulant Beqja dhe Emirjan Beqja janë katër personat e arrestuar lidhur me vrasjen e dy...
foto ilustruese DURRËS- Policia ka zbardhur dinamikën e vrasjes së dyfishtë një ditë më parë (22 tetor) ...
pamje nga vendngjarja DURRËS- Katër persona janë arrestuar nga policia e Durrësit lidhur me vrasjen e dyfishtë në Manzë....
Agron Alija KANADA- Mjeku shqiptar në Kanada, Agron Alija, ka ndërruar jetë si pasojë e një aksidenti me automobilistik. Lajmin p&...
foto ilustruese TIRANË- Qeveria e Shqipërisë ndryshoi për të treten herë ketë vit buxhetin e shtetit, duke reduktuar m&...
pamje nga takimi TIRANË- Kryeministri Edi Rama ka ndarë foto nga pjesëmarrja e tij në Samitin e Procesit të Berlinit, i mbajtur dj...
pamje nga vendngjarja KUKËS- Një aksident i rëndë ka ndodhur gjatë natës në afërsi të ish-“Turizmit...
