Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Në rritje ishin dhe eksportet e grupit makineri e pjesë këmbimi. Sektori që punon me material porositësi, kryesisht tekstile e këpucë ishte në të njëjtat nivele si një vit më parë.
TIRANË- Eksportet janë rritur lehtë në qershor për të dytin muaj radhazi. Ecuria e qershorit është ndikuar nga rritja e fortë e eksporteve të lëndëve djegëse drejt Kosovës si dhe shtimi i shitjeve të produkteve ushqimore në vendet e tjera. Në rritje ishin dhe eksportet e grupit makineri e pjesë këmbimi. Sektori që punon me material porositësi, kryesisht tekstile e këpucë ishte në të njëjtat nivele si një vit më parë.
Ndërsa në rënie të fortë vazhdojnë materialet e ndërtimit e metalet, të ndikuara nga frenimi i aktivitetit të Kurum. Të dhënat e INSTAT bënë të ditur se në Qershor 2025 eksportet e mallrave arritën vlerën 35 mld lekë, duke u rritur me 1,9 %, në krahasim me të njëjtën periudhë të një viti më parë dhe me 0,6 %, në krahasim me Maj 2025.
Sipas INSTAT, gjatë muajit Qershor 2025, në rritjen e eksporteve prej 1,9 %, pozitivisht kanë ndikuar grupet: “Minerale, lëndë djegëse, energji elektrike” me +9,7 pikë përqindje, “Ushqime, pije, duhan” me +3,1 pikë përqindje. “Negativisht ka ndikuar grupi: “Materiale ndërtimi dhe metale” me -6,2 pikë përqindje, etj.
Për 6 mujorin, tendenca mbetet pozitive. Eksportet, gjatë këtij gjashtëmujori janë rritur me 2,1 %, krahasuar me një vit më parë. Grupet që kanë ndikuar në rritjen vjetore të eksporteve, janë: “Minerale, lëndë djegëse dhe energji elektrike” me +8,6 pikë përqindje, “Ushqime, pije, duhan” me +1,2 pikë përqindje, etj. Ndërsa negativisht kanë ndikuar grupet: “Materiale ndërtimi dhe metale” me -6,1 pikë përqindje, “Produkte kimike dhe plastike” me -0,6 pikë përqindje, etj.
“Minerale, lëndë djegëse, energji elektrike” kanë kaluar si grupi më i madh eksportues në vend me 27.4% të totalit. Në vend të dytë kanë zbritur “tekstile e këpucë”, me 26.9% të totalit. “Ushqim, pije, duhan” është ngjitur si grupi i tretë, me 14.71%. “Materiale ndërtimi dhe metale” kanë zbritur në vend të katërt me 12.2%. “Makineri, pajisje dhe pjesë këmbimi” janë në vend të pestë me 9.8%.
Kosova “shpëton eksportet
Rritja e eksporteve është ndikuar nga Kosova, shitjet drejt të cilës u rritën me 72.5% në gjashtëmujor, e ndikuar kryesisht nga grupi “mineralet, lëndët djegëse e energjia”. Në vlerë, nga 4 miliardë që janë rritur eksportet në total në vlerë, shitjet e Kosovës janë zgjeruar me 14 miliardë lekë, për 6 mujorin, duke amortizuar rënien e eksporteve drejt shteteve të tjera, kryesisht drejt Italisë (-9.4 miliardë lekë), Maqedonisë së veriut (-2.1 miliardë lekë), Kroacisë (-1 miliardë lekë). Eksportet drejt Kosovës unë 17% të totalit në 6 mujorin 2025, nga 10% të njëj5ën periudhë të një viti më parë, duke u renditur e dyta pas Italisë (38.6%).
Lëndët djegëse, energjia e mineralet, rritja nga Kosova
“Minerale, lëndë djegëse e energji” është grupi me rritjen më të madhe në gjashtë muajt e parë të këtij viti. Për janar-qershor, eksportet arritën në gati 56 miliardë lekë, me një rritje prej 44% në krahasim me të njëjtën periudhë të një viti më parë.
Ndryshe nga vitet e mëparshme, kur efektin kryesor e kishin shitjet e Bankers Petroleum në Spanjës, ose energjia, ndikimin kryesor në këtë tendencë e ka dhënë Kosova, që ka pasur një zgjerim të fortë të shitjeve të grupmallit “Lëndët djegëse minerale, vajrat minerale dhe produktet e distilimit të tyre”.
Eksportet e këtij grupi janë 8.5 fishuar nga 2.2 miliardë lekë në 5 mujorin e 2024-s arritën në 19 miliardë lekë në 5 mujorin e 2025-s.
Eksportet e tekstile e këpucë kanë shënuar luhatje të shumta përgjatë muajve të parë të këtij viti, me rënie e rritje të lehta. Në qershor, ky grup ishte në stanjacion, me një rritje prej 0.1%.
Për gjashtëmujorin tendenca është negative, me një rënie prej 1.3% me bazë vjetore.
Ekspertët e tregut kanë pohuar se sezoni i prodhimit për veshjet dhe këpucët e stinës së dimrit sivjet është përqendruar në 4 muaj nga 5 muaj që zgjat zakonisht. Sezoni i prodhimit për veshjet e stinës së dimrit nga kompanitë e manifakturës sivjet nisi në muajin Prill dhe pritet të përfundojë më 15 Shtator.
Nga sektori është parashikuar një rritje eksportesh në nivelet 3 deri 5%, e ndikuar nga rritja e shitjeve në periudhën janar-shkurt 2025, krahasuar me vitin e kaluar. Këpucët janë produkti më i kërkuar, pas një rënieje në shitje gjatë viteve 2023 dhe 2024”.
Materiale ndërtimi dhe metale, tkurrje e fortë 33%
“Materialet e ndërtimit dhe metalet” kanë vijuar tendencën rënëse edhe këtë vit, të ndikuar nga reduktimi i aktivitetit të Kurum, përpunuesit të çelikut, që është një nga eksportuesit më të mëdhenj në vend.
Për gjashtë mujorin, ky grup ra me 33%. Sektori po vuan nga kërkesa e dobët rajonale dhe tkurrja e çmimeve.
Ushqime pije e duhan, përshpejtojnë rritjen
“Ushqime pije e duhan”, një nga grupet me ecurinë më të mirë vitet e fundit po shënon rritje. Në janar-qershor, ky grup u rrit me 8.5%, teksa në qershor zgjerimi u përshpejtua në 228%, si rrjedhojë e një sezoni të mbarë. Rritja është ndikuar nga riorganizimi i fermave të vogla ë ferma më të mëdha për eksporte, shtimi i kontratave dhe zgjerimi i zonave që eksportojnë, si dhe shtimi i investimeve në magazina e zgjerimi i tregjeve deri në vendet nordike. Këtë vit një produkt shtesë është lakra në pranverë, ndërsa ka ecuri të mirë dhe pjepri e shalqiri, të ndikuara dhe nga prodhimi i dobët i këtyre produkteve në Mesdhe si rrjedhojë e motit të nxehtë, sipas operatorëve.
Makineri, pajisje, pjesë këmbimi në stanjacion
“Makineri, pajisje, pjesë këmbimi” ishin grupi tjetër që nuk po rritet vitin e fundit. Ky grup po vuan zhvlerësimi i euros, rritja e kostove dhe mungesa e fuqisë punëtore. Për pesë mujorin grupi u rrit lehtë me 3.8%.
Në Qershor 2025 eksportet e mallrave arritën vlerën 35 mld lekë, duke u rritur me 1,9 %, në krahasim me të njëjtën periudhë të një viti më parë dhe me 0,6 %, në krahasim me Maj 2025. Importet e mallrave arritën vlerën 77 mld lekë, duke u ulur me 0,2 %, në krahasim me një vit më parë dhe me 1,5 %, në krahasim me Maj 2025. Defiçiti tregtar i këtij muaji është 41 mld lekë, duke u ulur me 2,0 %, krahasuar me Qershor 2024 dhe 3,2 %, në krahasim me Maj 2025.
Në këtë gjashtërmujor eksportet e mallrave arritën vlerën 203 mld lekë, duke u rritur me 2,1 %, ndërkohë importet e mallrave arritën vlerën 431 mld lekë, duke u ulur me 2,0 %, krahasuar me një vit më parë. Defiçiti tregtar arriti vlerën 228 mld lekë, duke u ulur me 5,4 %, krahasuar me të njëjtën periudhë të 2024.
Eksportet drejt Kosovës rriten 64.8% në qershor dhe 72.5% për 6 mujorin
Në muajin Qershor 2025, vendet me të cilët Shqipëria ka pasur rritje më të madhe të eksporteve, në krahasim me Qershor 2024 janë: Kosova (64,8 %), Gjermania (39,6 %), Greqia (18,1 %), etj.
Ndërsa vendet me të cilat eksportet kanë pasur uljen më të madhe, janë: Italia (6,2 %), Spanja (19,3 %). dhe Maqedonia e Veriut (21,6 %)
Gjatë këtij gjashtëmujori vendet me të cilët Shqipëria ka pasur rritjen më të madhe të eksporteve, në krahasim me një vit më parë, janë: Kosova (72,5 %), Greqia (8,6 %) dhe Gjermania (10,3 %).
Ndërsa vendet me të cilat eksportet kanë pasur uljen më të madhe, janë: Italia (10,7 %) dhe Maqedonia e Veriut (29,8 %). Në muajin Qershor 2025, vendet me të cilët Shqipëria ka pasur uljen më të madhe te importeve, janë: Italia (5,5 %), Turqia (12,1 %). dhe SHBA (4,0 %). Ndërsa vendet me të cilat importet kanë pasur rritjen më të madhe, janë: Kina (29,9 %), Greqia (1,3 %) dhe Gjermania (4,3 %)./ Monitor
Dervishi TIRANË- 40-vjeçarja, Fatmira Dervishi prej vitesh po vuan pasojat e djegies në këmbën e djathtë. Dervsihi q&e...
Foto GREQI- Detaje të reja janë zbardhur në lidhje me vrasjen me gjakftohtësi të profesorit 43-vjeçar polak ...
foto ilustruese PRISHTINË- Një gjykatë në Prishtinë e ka dënuar në mungesë me 15 vjet burgim për krime lufte k...
Foto TIRANË- Policia ka njoftuar se janë liruar hapësirat publike përreth stadiumit “Arena Kombëtare”. Në l...
foto ilustruese KOSOVË- Autoritetet kosovare janë duke e zhvilluar një aksion në lidhje me dyshimet për spiunazh, duke intensifiku...
Foto DURRËS- Një ngjarje e rëndë është regjistruar në Durrës që mund të rezultonte fatale për nj&eum...
foto ilustruese TIRANË- Seanca e sotme gjyqësore për dosjen “Plumbi i Artë” është shtyrë për n&eu...
Foto ITALI- Autoritet italiane kanë vënë në pranga dy shqiptarë. Ata u arrestuan në Breshia pasi u kapën në fl...
foto ilustruese KROACI- Një shqiptar është vënë në pranga nga policia kroate. Mësohet se shqiptari ishte shpallur n...
foto ilustruese DURRËS- Një aksident ka ndodhur paraditen e sotme në qytetin e Durrësit. Mësohet se një një automjet ti...
