Dështon atentati me snajper në Durrës, Nerjaku u qëllua sa doli nga "Benz"-i, s'e kapi plumbi

Policia e Durrësit

DURRËS- Policia e Durrësit ka dalë me një njoftim zyrtar në lidhje me atentatin e dështuar një ditë më parë në Durerës. Në njoftim, policia bën me dije se plumbi i qëlluar nga një person që ndodhej brenda një makine, ka kapur mjetin e parkuar në zonën e plazhit. Makina ku ka rënë plumbi, sipas Policisë së Durrësit, është në pronësi të personit me inicialet B. A., 52 vjeç, banues në Maqedoninë e Veriut. Ajo që bën përshtypje është se në njoftim nuk përmendet fare Akil Nerjaku, i cili u raportua se ishte shënjestra e atentatit me snajper.  

Në drejtim të Besnik alias Akil Nerjaku është qëlluar në momentin që ai ka dalë nga mjeti i blinduar "Mercedes Benz", tip "G Class". Por, Nerjaku u shpëtoi plumbave. Nuk dihet arsyeja se përse Policia e Durrësit po e mban të fshehtë sulmin e organizuar ndaj këtij personi që rezulton se është me precedentë të mëparshëm penalë. 

Njoftimi nga Policia e Durrësit:

Më datë 12.09.2022, rreth orës 12:00, në lagjen nr. 13, Durrës, në rrugën “Pavarësia”, është qëlluar një herë, me armë zjarri, në drejtim të një automjeti të parkuar, në pronësi të shtetasit B. A., 52 vjeç, banues në Maqedoninë e Veriut. Si rezultat i veprimeve të shpejta hetimore dhe profesionale është bërë i mundur identifikimi i automjetit me të cilin ka lëvizur personi që ka qëlluar në drejtim të automjetit të parkuar. Vijon puna intensive për kapjen e autorit. Për arsye hetimi, nuk bëjmë me dije të dhëna të tjera. Theksojmë se në momentin e të shtënës me armë, në automjet nuk ka qenë asnjë person. Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon punën për zbardhjen dhe dokumentimin e plotë të rrethanave të ngjarjes.

TIRANË- Besnik alias Akil Nerjaku ka rrëfyer para grupit hetimor se personat që donin ta sulmonin ndodheshin brenda një furgoni. Në dëshminë e dhënë, Nerjaku është shprehur se furgoni po lëvizte në anën tjetër të rrugës dhe se snajperisti e ka qëlluar sapo ai ka zbritur nga makina e blinduar e llojit ‘Mercedes Benz” tip “G Class”.

Por, plumbi nuk ka kapur shënjestrën, pasi ka përfunduar në një automjet që lëvizte në këtë zonë, me targa të Maqedonisë së Veriut. Policia e Durrësit nuk ka dhënë asnjë detaj në lidhje atentatin e dështuar.

Policia

DURRËS- Akil Nerjaku, personi që i shpëtoi një atentati me snajpër është qëlluar në momentin që ka dalë nga automjeti i blinduar G-Class. Mesditën e djeshme, kohë kur dhe ka ndodhur ngjarja, Nerjaku ka qenë duke lëvizur në afërsi të zonës së quajtur “Rrota e kuqe” në Durrës.

Ai është qëlluar me snajper nga brenda një furgoni sapo ka dalë nga mjeti i blinduar, por plumbi nuk e ka kapur. Plumbi ka përshkruar një tjetër automjet me targa të huaja që ishte i parkuar në të njëjtën zonë.

Policia e Durrësit

DURRËS- Akil Nerjaku është personi që i ka shpëtuar një atentati në Durrës. Ngjarja ka ndodhur një ditë më parë në zonën e plazhit të qytetit bregdetar. Nerjaku ka qenë duke lëvizur në këtë zonë në momentin që është qëlluar më një plumb nga një armë që dyshohet se ka qenë snajper. 

Por, plumbi ka kapur një mjet të rastit dhe Nerjaku ka shpëtuar. Vetë Nerjaku ka deklaruar ka se dyshime që të jetë qëlluar nga një furgon, i cili ka qenë duke lëvizur në anën tjetër të rrugës. Policia e Durrësit nuk ka dhënë asnjë detaj në lidhje me atentatin e dështuar.