Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Artan Lame thotë se shtetit vetë s’i ka pasur të legalizuara objektet.
TIRANË- Si çdo e shtunë, edhe sot kreu i Kadastrës, Artan Lame ka ndarë mendimin për një çështje që lidhet me institucionin që ai drejton. Lame ka komentuar në 'Facebook', vendimin e marrë ditën e djeshme në mbledhjen e fundit të qeverisë për këtë sezon sa i takon legalizimit të objekteve shtetërore. Duke kritikuar procedurat që ka ndjekur deri më tani shteti, ku iu ka kërkuar qytetarëve të tij që të legalizojnë banesat, Lame thotë se shtetit vetë s’i ka pasur të legalizuara objektet. Po ashtu, ai shton se vetëm 4 vitet e fundit shteti ka nisur regjistrimin e pronave të veta, të cilat në shumicë janë “pa letra”.
Artan Lame thotë: 90% e objekteve fetare të katër besimeve, të ndërtuara përgjatë tre dekadave janë pa leje. “[…] për fat të mirë legalizimi i tyre ka ecur bajagi mirë, pasi rreth 70% e tyre janë legalizuar këto vitet e fundit (840 kisha, xhami e teqe të legalizuara deri tani).
REAGIMI I LAMES
NE VENDET E ÇUDITSHME EDHE PUNËT E MBARA BËHEN SË PRAPI. Në vendet e çuditshme, si kjo Shqipëria jonë e lashtë, edhe punët e mbara bëhen së prapi. Ja t’ju jap një shembull taze fare. Dje ishte mbledhja e fundit e Qeverisë përpara pushimeve. Pas mbledhjes, siç është adeti, dolën ministrat dhe njëri pas tjetrit bënë publike vendimet më të rëndësishme të marra gjatë kësaj mbledhjeje. Midis vendimeve të miratuara (por që nuk i binte radha për t’u bërë publik para gazetarëve) ishte dhe një nga ato vendimet me ato emrat e zymtë burokratikë: “Vendim numër datë, për një ndryshim në vendimin numër datë, për përcaktimin e rregullave, etj, etj”. Shkurt, thelbi është që ky vendim përcakton procedurat për legalizimin e objekteve shtetërore. Ëëëëëë?! Po, po, për legalizimin e objekteve shtetërore, sepse deri sot kishte dispozita për regjistrimin e pronave shtetërore, por puna ngecte pasi shumica e tyre ishin edhe të pa legalizuara. Eëëëëë”?! Si, si, nuk janë të regjistruara pronat shtetërore?! Po, është e vërtetë, vetëm tre-katër vitet e fundit Shteti Shqiptar e ka marrë seriozisht regjistrimin e pronave të veta. Po le të kthehemi tek vendimi i sotëm i Qeverisë. Pyetja e parë që do bënte kushdo është: Ç’i kërkon shteti miletit të legalizohet, kur vetë shteti qenka për t’u legalizuar? Epo ky është fakti dhe, e rëndësishme është që edhe këtë çështje më në fund Shteti Shqiptar e mori seriozisht. Natyrisht siç bëhen gjithmonë gjërat në Shqipëri, së prapthi. Sepse logjika e thjeshtë ta donte që, kur i hyri punës së legalizimeve, vetë Shteti Shqiptar sefte të legalizonte zyrat e veta dhe pastaj të legalizonte miletin. Mirëpo sipas traditës arbërore “hip se të vrava zbrit se të vrava”, në këtë rast të gjithë do na hidheshin në fyt duke na thënë që pse s’bëni në fillim punët e miletit pastaj tuajat, ndaj e bëmë së prapi, pra bëmë sefte shtëpitë e miletit dhe tani po zëmë të bëjmë të shtetit.
Para disa ditësh, kontatori i legalizimeve arriti shifrën e 250.000 legalizimeve. Tani na duhet të merremi seriozisht me këtë absurdin tjetër të tranzicionit, faktin që Shteti Shqiptar ka 30 vjet që shumicën e ndërtimeve të veta i ka pa leje ndërtimi dhe, për të kryer çdo proçedurë të mëtejshme me to, i duhet që paraprakisht t’i fusë në proçesin e legalizimeve. Janë mijëra godina shtetërore të ndërtuara përgjatë këtyre tre dekadave me investime publike, për to janë bërë tendera, për të tjera janë marrë hua apo donacione nga organizma ndërkombëtare dhe askush nuk ka vrarë mendjen t’i pajisë me leje ndërtimi, megjithëse nga viti 93’ ligji e kishte të detyrueshme këtë gjë. Bëhet fjalë për godina administrative, shkolla, spitale, për qendra të ndryshme, magazina, tregje, institucione, e plot e plot të tjera si këto. Aq groteske është situata, sa që edhe dy nga organet kryesore të Drejtësisë së Re, na janë drejtuar ditët e fundit zyrtarisht për t’i ndihmuar, pasi nuk kanë asnjë letër për godinën në të cilën janë vendosur. Po të doni që ta rëndoj dorën, mund të them edhe që 90% e objekteve fetare të të katër besimeve, të ndërtuara përgjatë këtyre tre dekadave, janë ndërtuar pa leje, por për fat të mirë legalizimi i tyre ka ecur bajagi mirë, pasi rreth 70% e tyre janë legalizuar këto vitet e fundit (840 kisha, xhami e teqe të legalizuara deri tani).
I them të gjitha këto, jo për të qenë pjesë e skemës “pupupu, si e lanë ata, e shiko çfarë bëmë ne”, por për t’ia thënë njëri-tjetrit në sy të vërtetën tonë, që kjo është shoqëria shqiptare që ka prodhuar këtë shtet, që të paktën pak nga pak po përpiqet të sistemojë dhe të disiplinojë veten.
Jetlira Elezi ELBASAN- Kjo është 37 vjeçarja, Jetlira Elezi e cila u gjet e vdekur ditën e sotme brenda banesës së saj n&eu...
Ambulance VLORË- Një 54 vjeçare ka ndërruar jetë ditën e sotme në Vlorë. Mësohet se gruaja me inicialet I.Y,...
Foto ilustruese “Po më dukesh vajzë e mirë dhe dua të të ndihmoj”, ky ishte premtimi që i ishte bërë va...
pamje nga banesa ELBASAN- Detaje të tjera kanë dalë nga vrasja e 37-vjeçares Jetlira Elezi në orët e para të...
Pamje nga arrestimi KORÇË- Klajdi Asllani ishte porositur për të kryer një vrasje. Kështu njofton policia e shtetit, pas ar...
Gjykata e Strasburgut FRANCË- Gjykata e Strasburgut ka rrëzuar kërkesën e Hasan Bucit për rivlerësim të d...
TIRANË- Kompania 'Alba Exotic Fruits' do vijojë të qëndrojë nën sekuestro. Kështu ka vendsur Gjykata e Lartë, e c...
Babai i Jetlira Elezit ELBASAN- Ky është momenti kur babai i Jetlira Elezit, e cila u qëllua me thikë për vdekje nga partneri i sa...
Qytetaret ne proteste LAÇ- Qytetarët e Laçit kanë dalë në protestë ditën e sotme, për shkak të r...
Foto nga zjarret TIRANË- Ministria e Mbrojtjes ka bërë bilancin e situatës së zjarreve në vend. Me anë të nj&e...
