Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Segmenti Vlorë-Sarandë është një mundësi e mirë për biznes me përkatësisht 21% (4.5 mijë) dhe 15% (3.2 mijë) të listimeve totale. Në Durrës ishin të listuara gati 3 mijë apartamente.
TIRANË- Tirana është kryeqendra e vendit dhe një destinacion i pashmangshëm për turistët. Durrësi është shumë pranë Tiranës dhe tërheq me bregdetin dhe kulinarinë.
Vlora dhe sidomos Saranda me Ksamilin, që krahasohet me Maldivet, janë bërë të famshme në mediat e huaja. Gjirokastra e Berati janë të njohura për arkitekturën e veçantë, Korça për natyrën e stilin e jetesës. Shkodra po bëhet një trend së fundmi.
“Konkurrenca” mes qyteteve për të tërhequr sa më shumë turistë është rritur së fundmi dhe po ashtu potenciali për biznes. Shumë banorë kanë liruar shtëpitë e tyre për t’ua dhënë me qira turistëve, apo të tjerë kanë marrë ambiente për t’i kthyer në struktura akomoduese.
Sipas të dhënave të AIRDNA, njësia analitike e platformës së qiradhënies Airbnb, të bëra të disponueshme për “Monitor”, nga 21.3 mijë njësi banuese që ishin të listuara për t’u dhënë me qira, rreth 22% e tyre (rreth 4.8 mijë) ishin në Tiranë.
Segmenti Vlorë-Sarandë është një mundësi e mirë për biznes me përkatësisht 21% (4.5 mijë) dhe 15% (3.2 mijë) të listimeve totale. Në Durrës ishin të listuara gati 3 mijë apartamente.
Kryeqyteti arrin të konkurrojë për numër turistësh, por jo për çmimet e qirave ditore. Të dhënat e AirDNA tregojnë se e ardhura në një ditë është më e ulëta nga destinacionet e tjera të preferuara.
Në kryeqytet, çmimi maksimal i qirasë ditore arrin në 50 euro në muajt e verës dhe në pjesën tjetër të vitit është rreth 40 euro. Më i larti është në zonën Vlorë-Sarandë, duke arritur deri në 96 euro në gusht.
Edhe Durrësi në verë është konkurrues, me qira ditore deri në 85 euro.
Kërkesa parashikohet të jetë e lartë edhe këtë vit. “Pritet një rritje e interesit për qira afatshkurtër dhe, që tani, janë bërë shumë rezervime për sezonin e verës, për shembull te PikHost, rreth një e treta e totalit të rezervime të parashikuara”, thotë Bledi Hoti, nga agjencia që merret me dhënien e apartamenteve me qira ditore.
“Kërkesa ka qenë më e lartë për pronat me karakteristika specifike, si vila luksoze apo rurale. Sezonaliteti mbetet një problem kryesor, si dhe pronat me çmime shumë të ulëta. Po ashtu, po vërehen investime më serioze në sektor”, shton ai.
Tirana, e ardhura mesatare, rreth 750 euro/muaj
Në Tiranë, ata që japin shtëpinë me qira nëpërmjet platformës Airbnb kanë gjeneruar 21 milionë euro të ardhura në 2024, me një dyfishim në krahasim me vitin e mëparshëm dhe 7 herë më të lartë se në vitin 2021.
Numri i njësive të listuara është rritur gjithashtu me shpejtësi, duke arritur në 4.7 mijë në fund të vitit 2024, nga më pak se 1 mijë në fillim të 2021.
Norma e zënies është rreth 40-50%, që do të thotë që vetëm 15 ditë ose më pak apartamenti është i zënë, duke arritur maksimumi në 60% në muajt e verës.
Net-qëndrimet kanë ardhur në rritje, duke kulmuar në 83 mijë në tetor 2024, por shtimi i stokut ka bërë që të ketë gjithnjë e më shumë ofertë në Tiranë, duke mos mundësuar shtrenjtimin e çmimeve.
Niveli më i lartë në kryeqytet u arrit në maj 2022, në 55 euro/muaj, por më pas çmimet u luhatën në 40 euro/muaj dhe në verë, jo më shumë se 50 euro.
Teksa vetëm gjysmën e kohës këto njësi akomoduese nuk janë të zëna, fitimi neto është përgjithësisht sa gjysma e çmimit ditor.
P.sh., në janar 2024, çmimi mesatar ishte rreth 40 euro dhe apartamenti ishte i prenotuar për 38% të muajit (11-12 ditë), çka bën që fitimi neto të jetë rreth 15 euro.
Fitimi më i lartë mujor neto është në gusht e shtator, me rreth 30 euro.
Mesatarja e thjeshtë për Tiranën për 2024 është 25 euro/ditë, me një kthim mujor prej rreth 750 eurosh.
Vlora dhe Saranda, rekord të ardhurash prej 37 mln euro
Ndryshe nga Tirana, në Vlorë dhe Sarandë qiradhënësit kanë arritur të marrin çmime më të mira gjatë muajve të verës, duke shfrytëzuar interesin e lartë që ka për këto zona bregdetare. AirDNA i raporton së bashku Vlorën dhe Sarandën.
Të ardhurat në këto dy qytete arritën rekordin e 37 milionë eurove në 2024, me rritje prej 65% me bazë vjetore.
Nga këto, rreth 22 milionë euro i gjeneroi Vlora dhe 15 milionë euro, Saranda. Kjo shumë e dy qyteteve më të preferuara bregdetare është sa 43% e të ardhurave totale që qiramarrësit fituan nëpërmjet Airbnb në të gjithë vendin.
Në gusht, një njësi banimi jepej me qira përmes Airbnb mesatarisht 95 euro/ditë në Vlorë ose Sarandë, më e larta në të gjithë vendin dhe në korrik, 92 euro.
Gjatë muajve të tjerë, përveç janar-marsit, qiraja luhatej midis 60-80 euro/ditë.
Apartamentet në verë ishin të zëna në 60% të kohës. Më të larta janë dhe fitimet neto, që arrijnë në rreth 60 euro në korrik e gusht. Në periudhën jashtë sezonit, kthimi është i ulët, në 15-20 euro.
Në zonën e Durrësit dhe të Golemit është më e zhvilluar industria hoteliere, që tërheq turizmin e organizuar, kryesisht nga Polonia, Çekia por dhe shtete të tjera të Europës.
Për shkak të numrit të lartë të apartamenteve në bregdet, edhe qiradhënia është kthyer në një biznes të mirë. Të ardhurat gjithsej nga qiradhënia përmes Airbnb arritën në 12 milionë euro, me zgjerim 150% me bazë vjetore. Numri i njësive të listuara arriti në rreth 3 mijë në dhjetor 2024, nga 544 në janar 2021.
Çmimet ditore janë rritur ndjeshëm sidomos në pikun e sezonit. Në gusht 2024, një njësi banuese me qira ditore kushtonte 85 euro, nga 75 euro në të njëjtën periudhë të një viti më parë, duke qenë e dyta më e shtrenjta pas Vlorës e Sarandës, nga qytetet e raportuara nga AirDNA.
Në verë, më shumë se 60% e muajit është e zënë nga pushuesit.
Fitimi neto në muajt e verës arrin në 50-55 euro, ndërsa gjatë muajve të tjerë luhatet nga 15-30 euro/ditë.
Qytetet e tjera, rritet preferenca për Shkodrën
AirDNA ka të dhëna të detajuara dhe për Shkodrën, Korçën dhe Beratin.
Shkodra rezulton të jetë kthyer në një qytet të preferuar për turistët në tre vitet e fundit, duke ia kaluar për të ardhura nga qiraja dukshëm Korçës dhe Beratit.
Kryeqendra e Veriut gjeneroi 3.1 milionë euro të ardhura nga qiradhënia në 2024, përkundrejt 900 mijë euro Berati dhe 750 mijë euro, Korça.
Në vitin 2021, të tre këto qytete ishin pak a shumë në të njëjtat nivele.
Në muajt e verës, si rrjedhojë e atraksioneve të shumta turistike që ka Shkodra, nga deti te mali, qiraja ditore arrin në 70 euro, me një fitim neto prej 35 euro, duke ia kaluar dhe kryeqytetit.
Në muajt e tjerë, kthimi ulet në 10-20 euro në ditë, por qiraja ditore nuk zbret nën 55-60 euro.
Dhjetori është muaji më i zhurmshëm për Korçën, kur Krishtlindjet dhe festat e fundvitit tërheqin shumë turistë vendas e të huaj. Fitimi neto arrin në 25 euro në ditë, ndërsa dhe në korrik e gusht, është mbi 20 uro.
Për muajt e tjerë, kthimi është mesatarisht 8-10 euro. Çmimet e qirave ditore në Korçë variojnë nga 45 euro në 70 euro në dhjetor.
Më me pak leverdi rezulton qiradhënia në Berat, ku ndonëse çmimi për natë është rreth 40 euro, fitimi neto ditor është më i ulëti nga të gjitha qytetet e raportuara, me vetëm 5-20 euro./MONITOR
foto ilustruese KOSOVË- Njëzetetetë subjekte politike me 1.280 kandidatë, konkurrojnë për mbështetjen e rreth dy milion&...
TIRANË- Shërbimi Meteorologjik Ushtarak bëri të ditur se për ditën e dielë vendi ynë do të ndikohet nga kush...
Foto ilustruese KOSOVA- Premtimet nga politikanët e Kosovës për gjatë 30 ditë fushate, po shihen me shumë dyshime e kritika n...
foto ilustruese KOSOVË- Komisioni Qendror i Zgjedhjeve në Kosovë ka shpërndarë materialin zgjedhor, përfshirë dhe flet&e...
Pamje nga grabitja SELANIK - Detaje të reja kanë dalë në dritë nga ngjarja që ka ndodhur në Selanik ku dy persona me ori...
Pamje nga protesta TIRANË - Tre efektivë policie mbetën të lënduar gjatë protestës së mbajtur këtë pasdit...
Momenti TIRANË- Kapsolle dhe tymuese janë hedhur gjatë protestës që po mbahet këtë pasdite te Kryeministria. Në mom...
TIRANË - Një incident është regjistruar në protestën e opozitës që po mbahet këtë pasdite te kryeministria. ...
protesta TIRANË- Mijëra qytetarë dhe mbështetës të opozitës kanë mbushur pasditen e sotme sheshin para kryeministri...
Protestuesi TIRANA- Një pensionit i cili i është bashkuar sot protestë së opozitës ka thënë se në vend&nb...
