Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kandidatura e Prodës ndodhet mbi tavolinën e kryeministrit për t’u zyrtarizuar. Ai pritet të zëvendësojë Muhamet Rrumbullakun, drejtuesin jetëgjatë të Policisë së Shtetit, i cili u largua me dorëheqje në fillim të shtatorit.
TIRANË- Mes një liste të shkurtër prej pesë kandidatësh të hënën, ministri i Brendshëm, Ervin Hoxha i propozoi kryeministrit Edi Rama emrin e Ilir Prodës për postin e drejtorit të Përgjithshëm të Policisë së Shtetit.
Kandidatura e Prodës ndodhet mbi tavolinën e kryeministrit për t’u zyrtarizuar. Ai pritet të zëvendësojë Muhamet Rrumbullakun, drejtuesin jetëgjatë të Policisë së Shtetit, i cili u largua me dorëheqje në fillim të shtatorit.
Proda është një oficer me karrierë 19-vjeçare në Policinë e Shtetit, i cili prej vitit 2021 shërben në Elbasan, fillimisht si zv.drejtor për hetimin e krimeve dhe më pas si drejtor i Drejtorisë Vendore të Policisë. Ngjitja e tij drejt postit të kreut të Policisë së Shtetit nuk është megjithatë një proces pa pikëpyetje.
Si drejtues i Policisë së Elbasanit dhe pjesë e aksionit ndërkombëtar për ekzekutimin e urdhër-arresteve ndaj anëtarëve të grupit kriminal Çopja, Proda është pjesë e një grupi zyrtarësh të policisë dhe Byrosë Kombëtare të Hetimit, të cilët po verifikohen nga Prokuroria e Posaçme nën dyshimin e dekonspirimit të operacionit.
Dyshimet për dekonspirim u ngritën pasi nga 33 urdhër- arreste të lëshuara kundër njërës prej organizatave kriminale më të rrezikshme në vend, u ekzekutuan vetëm 13 masa sigurie ndërsa pjesa tjetër i shpëtoi prangave.
Organizata drejtohet nga vëllezërit Franc dhe Hajdar Çopja dhe sipas hetimeve të Prokurorisë së Posaçme, është përgjegjëse për vrasjen e shtatë personave dhe plagosjen e dy të tjerëve mes viteve 2018-2020, ndërsa përpiqej të eleminonte grupin kundërshtar Alibej përmes kontraktimit të vrasësve me pagesë. Grupi i Çopjave akuzohet gjithashtu për trafikimin e sasive të mëdha të kokainës dhe pastrimin e miliona eurove në sektorin e ndërtimit.
Prokuroria e Posaçme konfirmoi hetimin në proces për dekonspirim, por u tregua e rezervuar për t’iu përgjigjur pyetjeve për verifikimin e Prodës dhe përgjigjen që SPAK i kishte kthyer Ministrisë së Brendshme për figurën e tij.
“Nuk kemi asnjë informacion për të ndarë me median, pasi çështja është nën hetim,” tha SPAK përmes një zëdhënëseje.
I kontaktuar nga BIRN përmes telefonit, Proda pranoi se telefoni i tij celular ishte aktualisht i sekuestruar si pjesë e hetimit dhe po i nënshtrohej ekspertimit, për rrethana që ai tha se nuk mund t’i bënte publike për të “mos cënuar sekretin hetimor”.
Proda shtoi gjithashtu se janë sekuestruar dhe telefona të oficerëve dhe drejtuesve të tjerë të policisë, si dhe të hetuesve të Byrosë Kombëtare të Hetimit.
“Operacioni kishte të bënte vetëm me ekzekutimin e urdhër-ndalimeve, ndërsa hetimet për organizatën kriminale në fjalë u kryen nga vetë Prokuroria e Posaçme,” tha Proda.
Ministria e Brendshme dhe Kryeministria e mbrojtën procesin e konkurimit, ndërsa shtuan se verifikimi i pastërtisë së figurës ishte kryer për të gjithë kandidatët e kualifikuar nga Komisioni i Posaçëm dhe një sërë institucionesh ligjzbatuese, përfshirë edhe SPAK.
“I pyetur paraprakisht në nisje të procedurës nga Komisioni i Posaçëm për konkursin në fjalë, SPAK ka referuar me shkrim se nuk ka asnjë hetim në proces për asnjë nga kandidatët në garë, përfshirë edhe kandidatin për të cilin pyesni,” tha zëdhënësja e kryeministrit, Manjola Hasa.
“Në këtë pikë jemi në kuadrin e hamendësimeve apo spekulimeve dhe jo të ndonjë prove apo fakti që mund të konsiderohet serioz, për të ngritur hipoteza që cenojnë figurën e kandidatit të propozuar nga Ministri i Brendshëm për Drejtor të Përgjithshem të Policisë së Shtetit,” shtoi Hasa, duke theksuar se konkursi ka qenë transparent dhe i monitoruar nga misionet ndërkombëtare pranë Ministrisë së Brendshme./Reporter.al
Foto ilustruese DURRËS- Gjykata e Durrësit ka caktuar masën e sigurisë “arrest me burg” për 3 prej punonjësv...
Foto ilustruese FIER- Agjencia e Mbikëqyrjes Policore ka zbatuar urdhërin e Prokurorisë për ekzekutimin e vendimit të Gjykat&...
Foto ilustruese TIRANA- Ministria e Mbrojtjes e Shqipërisë i është përgjigjur kërkesës së autoriteteve greke p...
Foto ilustruese TIRANA- Një shqiptar sot pritet që të jetojë mesatarisht rreth 80-vjeç, sipas të dhënave të Kombe...
Foto ilustruese TIRANA- Veriu i Shqipërisë bashkë me Rajonin e Vanit në Turqi rezultojnë të jenë më të varfrit...
Foto ilustruese TIRANA- Ditën e sotme vendi ynë do të vijojë të ndikohet nga kushte atmosferike të qëndrueshme p&eu...
28-vjeçarja e plagosur SHKODËR- Më 24 Gusht 2024, në një rrethinë të Shkodrës rreth orës 22:30 një kami...
foto nga sulmet IZRAEL- Ambasada shqiptare në Izrael ka reaguar pas sulmit të fundit me raketa balistike nga Irani. Në njoftimin e ambasad&e...
Foto ilustruese TIRANË- Një shqiptar sot pritet që të jetojë mesatarisht rreth 80 vjeç, sipas të dhënave të ...
foto ilustruese TIRANË- Vajza të huaja të moshave dhe profileve të ndryshme ushtrojnë prostitucion lirisht në çdo qyte...
