Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
. “Stop” inskenon një rast në burgun e Fushë-Kosovës në Lushnje, ku kërkon takim me shef Matin. Ky i fundit u tregua “i mirëkuptueshëm” dhe la menjëherë një takim në një lokal.
TIRANË- Në redaksinë e emisionit “Stop” në Tv Klan kanë mbërritur disa denoncime për pazaret që bëhen nëpër burgje duke u shitur disa ditë leje të burgosurve me shuma të majme. “Stop” inskenon një rast në burgun e Fushë-Kosovës në Lushnje, ku kërkon takim me shef Matin. Ky i fundit u tregua “i mirëkuptueshëm” dhe la menjëherë një takim në një lokal.
Qytetari: Si je?
Polici: Faleminderit!
Qytetari: Është Mati aty?
Polici: Jo, është brenda.
Qytetari: Kur del? E thërret dot? E lajmëron dot?
Polici: Është në burg. Brenda në burg edhe drejtori nuk e thërret dot, jo unë.
Qytetari: E marr vesh. Po kur del?
Polici: Po tani mbaro punë, del ai. Kur të dalë atje, të them unë.
Qytetari: Si kalove?
Mati: Kush?
Qytetari: Unë! Unë! Ke mundësi të pimë ndonjë kafe? Ndonjë kështu?
Mati: Po s’kam… Lëre atë punë… Se s’kam kohë të merrem…
Qytetari: Po të bisedonim veç.
Mati: Për kë je ti?
Qytetari: Kam një njeriun tim aty brenda.
Mati: Hë, hë. Po mirë mo, se… Ça bën?
Qytetari: Të të pres…
Mati: Jeni bashkë juve?
Qytetari: Jo, unë jam vetëm.
Mati: Ik lart, se do vij lart!
Qytetari: Ok! Ku është kjo kafja këtu?
Mati: Ja kafja e parë që ikën lart, aty e ke.
Qytetari: Ok!
Mati: Një me çati e vogël.
Qytetari: Ok! Po të pres aty.
Kur iu kërkua disa leje për një person që kishte rënë në burg për hashash, Mati shumë i gatshëm, mori 700 euro dhe premtoi 5-7 ditë leje për personin në fjalë.
Mati: Ja, ulu aty!
Qytetari: Po ulem këtu edhe…
Mati: Ulu atje! Ku të doni!
Qytetari: Si je?
Mati: Mirë! Ça bën ti? Si kalove?
Qytetari: Unë s’të kam takuar ndonjëherë. Nuk të njihja.
Mati: Hë, s’ka gjë.
Qytetari: Me të pyetur kështu…
Mati: Mos e vrit mendjen!
Qytetari: Kam Gj. B.!
Mati: Ouuu..!
Qytetari: Edhe…
Mati: E mora vesh.
Qytetari: Ka rënë brenda për hashash.
Mati: Po Gj., i thashë unë dy javë para po s’më kuptoi, tani e mori vesh, rrinte me një T., në dhomë, e futa unë.
Qytetari: Për t’i siguruar 7 ditë leje.
Mati: 5 a 7, s’e di sa u japin tani, po u japin leje tani.
Qytetari: Në qoftë se na e rregullon…
Mati: Bëhet nami me radhë. Bëhet nami. Bëhet nami.
Qytetari: Na e rregullon dot?
Mati: Për leje. Unë di që nis me leje, po di dhe këtë tjetrën, që varet nga… Ne bëjmë, nesër i çojmë zakonisht, i çojmë të mërkurave. I aplikojmë, i çojmë lart. Dje i kam thënë drejtorit për një M.G. Erdhi qëparë e ëma, më takoi dhe do i bëhet letra nesër. Edhe unë u futa brenda, prisja të vinte G., të më thoshte ndonjë gjë, s’e pashë, iku, s’më foli edhe iku.
Qytetari: Unë kam ca lekë me vete. Domethënë, sa të të jap?
Mati: O vëlla! Sa lekë ke me vete?
Qytetari: 700 euro!
Mati: Bjeri!
Qytetari: Numëroji! I ke…
Mati: Në rregull!
Qytetari: 700 euro! Më thuaj kur që të vij ta marr unë!
Mati: Ai mund të… Ose do të dalë të… Ai mund të dalë ose të enjten pasdite, ose të premten paradite.
“Stop” dorëzoi paratë dhe e ndoqi çështjen deri në momentin e shumëpritur kur i burgosuri doli për disa ditë nga qelia.
Qytetari:Në çfarë ore të të marr unë?
Mati: Po nga ora 12, që të vijë…, që të na vijë konfirmimi. Ne i nisim nesër në 12-të. Ne i nisim që në mëngjes nesër. Nesër, të mërkurën, i nisim lart, të enjten na sjellin konfirmimin, ok. Është formale, po i thotë ky (drejtori) nisi, se i kam ok, se i ndajnë bashkë ata, në shqip, ca i çon ky, (drejtori) i nisin ata, i thotë ky (drejtori) ok, ok, ata dhe ai del të enjten mbasdite, në qoftë se do vini ta merrni pasdite, ose del të hënën… Të premten paradite. Në orën 8!
Qytetari:Unë të enjten në orën 1, të të shkruaj një mesazh?
Mati: Po, shkruaj!
Qytetari:Kur të vij, vetëm kaq do të shkruaj unë.
Mati: Në qoftë se do të them edhe unë ta kujtoj, se me mesazh e kam këtu. Në rregull!
Qytetari:Shefi! Faleminderit!
Mati: Asgjë shoku! Shëndet! Mirupafshim!
Qytetari:Mirupafshim! /tvklan.al
foto ilustruese TIRANË- Shefi i regjimit të brendshëm në Lushnje, është vënë në pranga mbrëmjen e so...
Tyler Robinsonit SHBA- Prokurorët në Utah të Shteteve të Bashkuara kanë ngritur të martën aktakuzë për vrasje ...
Paulin Harusha KANADA- Detaje të reja janë zbardhur lidhur me ekzekutimi e Paulin Harushës në Kanada. Bëhet me dije se ngjarj...
foto ilustruese TIRANË- Pasi kanë siguruar nisjen e ngarkesës dhe ekzaltimi duket të jetë në nivelet më të larta, E...
foto ilustruese TIRANË- Ervis Çela dhe Franc Çopja kanë një rol kryesor në të gjithë zinxhirin komandues të...
foto ilustruese TIRANË- Emisioni “Në Shënjestër” në News24, me autore gazetaren Klodiana Lala u rikthye këtë...
foto ilustruese TIRANË- Këshilli i Emërimeve në Drejtësi intervistoi sot kandidatët për të plotësuar vakanc&eu...
foto ilustruese VALBONË- Një ngjarje e rëndë ka ndodhur ditën e sotme në zonën malore të Valbonës, ku nj&...
pamje nga vendngjarja TIRANË- Sindi Allushi djali i Saimir Allushit kryetarit të njësisë administrative numër 12 është ...
pamje nga zjarri VLORË- Një makinë është shkrumbuar në bypassin e Vlorës, në segmentin që lidh qytetin m...
