Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Përgjimet në një pjesë të dosjes hetimore të siguruar nga Syri.net tregohet se janë hedhur para në një nga mediat kombëtare, që gazetarët mos të ndjekin nga afër apo raportojnë një protestë të organizuar nga punëtorët e "Bankers" kundër drejtuesve të shoqërisë. Kjo protestë e zhvilluar për kushtet e vështira të punës, u raportua vetëm nga mediat online dhe një pjesë e televizioneve si News 24 apo RTSH.
TIRANË- Prokuroria e Fierit ka zbardhur në dosjen hetimore të kompanisë "Bankers Petroleum", skemën se si shoqëria paguante miliona lekë mediave kombëtarë, për të mos raportuar protestat e organizuar nga punëtorët e tyre apo zërat kritikë.
Përgjimet në një pjesë të dosjes hetimore të siguruar nga Syri.net tregohet se kanë paguar para ndaj "Top Channel" dhe "Tv Klan", që gazetarët mos të ndjekin nga afër apo raportojnë një protestë të organizuar nga punëtorët e "Bankers" kundër drejtuesve të shoqërisë.
Kjo protestë e zhvilluar për kushtet e vështira të punës, u raportua vetëm nga mediat online dhe një pjesë e televizioneve si News 24 apo RTSH. Në dosjen e prokurorisë thuhet se administratori i shoqërisë, personi nën hetim Hongping Xiao ka bërë përpjekje që kjo protestë të mos pasqyrohet nga mediat kryesore në vendin tonë. Më poshtë janë të pasqyruara edhe disa nga pagesat për mediat gjatë periudhës 2020-2025.
PJESË NGA DOSJA:
Me vendimet përkatëse për lejim përgjimi të këtij trupi gjykues në cilësinë e gjyqtarit të hetimeve paraprake, është lejuar përgjimi i bisedave dhe komunikimeve telefonike të numrit celular 0694014216 në përdorim të personit nën hetim Hongping Xiao, i cili gjatë kësaj periudhe, rezulton të ketë qenë mjaft aktiv në drejtim të përmbushjes së angazhimeve që ka marrë përsipër si dhe evidentohet përpjekja e tij për të mos publikuar protestën e punëtorëve të tij, më datë 01.05.2025.
Nga përmbajtja e bashkëbisedimit të tij më datë 29.04.2025 me shtetasen Laura Dashi (poseduese e numrit celular 0692030715) reflektohet ky shqetësim dhe, bën çdo përpjekje për të penguar publikimin e lajmit. Nga këqyrja rezulton se, më datë 01.05.2025 punëtorët e shoqërisë "Bankers Petroleum Albania Ltd" kanë protestuar për kushtet e vështira të punës së tyre, protestë e cila është adresuar kundër drejtuesve të shoqërisë. Nga ana tjetër, administratori i shoqërisë personi nën hetim Hongping Xiao ka bërë përpjekje që kjo protestë të mos pasqyrohet nga mediat kryesore në vendin tone, e biseda e zhvilluar më datë 29.04.2025, tregon pikërisht këtë qëllim dhe, është sa vijon:
Personi - A- Është shtetasi Hongping Xiao
Personi -B- Është bashkëbiseduesi i tij shtetasja L. Dashi
Personi B: Po, përshëndetje
Personi A: Përshëndetje
Personi B: Si jeni?
Personi B: Nuk jam mirë, që nga...po, një pyetje e shpejtë në lidhje me këto media për 1 majin, ke siguruar që Top Channel nuk do të vije?
Personi B: Jo, nuk do të vijë, sepse...qartë që nuk do të vije.
Personi A: Po, mund të më sigurosh këtë?
Personi B: Po. po. Për Top Channel, mund të të siguroj.
Personi A: Dhe kështu, ka tre media që janë përmendur në fillim, apo jo?
Personi B: Në cilin fillim?
Personi A: Sindikata na dha informacion që tre prej tyre do te vijnë. Top Channel nuk do të vijë, dhe dy të tjerat, mund të kujtosh?
Personi B: Nuk e di
Personi A: Pra, mund të sigurosh që Top Channel nuk do të vije, apo jo?
Personi B: Absolutisht, sepse kemi kontratë, është 100% e sigurt. Do të kontaktoj edhe të tjerët. por nuk dua t'i kontaktoj ata të parët. Kjo është ideja. Deri tani nuk kam asnjë informacion. kështu që në momentin që ata na kontaktojne, do t'jua them menjëherë.
Personi A: Ok
Personi B: Absolutisht! Po nga ana juaj, keni ndonjë informacion?
Personi A: Jo, mendoj që në fillim janë përmendur tre, do të gjej mesazhin që besoj se e kam ndarë me ty.
Personi B: Po, sipas mesazheve ata thonin News 24, që është Fokus. Po, është Syri, që është televizioni opozitar, dhe Klan, nëse nuk gaboj, por për Klan ende kemi kontratën, por kemi këtë situatë...
Personi A: Nëse mund të sigurosh që Top Channel dhe Klan nuk do të përfshihen, eshtë e gjitha.
Personi B: Po, e di. Por me Klan kemi një situatë delikate, kështu që do të kontaktoj absolutisht. Do të flas me ta, do t'u them se do të rregullojmë gjërat, por nuk e di. Ndoshta ata mund të informojnë edhe të tjerët, por do t'jua bëj me dije nëse kam ndonjë informacion. Ok, a ka diçka tjetër?
Personi A: Jo, jo, për momentin jo.
Personi B: Ok, ok. Faleminderil.
Personi A: Ok
Nga këqyrja e kryer më datë 14.05.2025 në platformat kryesore të internetit, përfshirë Google, YouTube dhe faqet zyrtare të mediave shqiptare, rezulton se protesta e punonjësve të shoqërisë "Bankers Petroleum Albania Llt", më datë 1 Maj 2025 ka qenë një ngjarje reale dhe e raportuar kryesisht në disa media online dhe kanale televizive si "Syri.net", "Neës 24", "RTSH" dhe "Almakos.com", etj. Ndërsa mediat si "Top Channel", "TV Klan" etj, nuk kanë raportuar këtë protestë të sindikatës së punonjësve.
Ndërsa nga këqyrja e kryer më datë 21.05.2025, rezulton se media të ndryshme si "Top Channel" apo "Tv Klan", etj, kanë marrë përgjatë viteve 2020-2025 pagesa që varjojnë nga 26.346.090 e deri në 55,132,715 lekë, për reklama, hapësira publicitare, spote, kronika, etj, në një kohë që kjo kompani operon në treg pa rivalë, etj. Pra, reklamimi i aktivitetit të saj në një treg pa konkurent është vetëm shtim i pajustifikuar i shpenzimeve dhe ulje e fitimeve që deklaron si kompani. Ne këtë mënyrë, dyshohet se mundohet me këto investime të pengojë publikimin e lajmeve negative rreth aktiviteti të saj, të pamundësojë përcjelljen e protestave të punëtorëve të saj, etj.
E njējta situatë nga komunikimet e shtetasit Hongping Xiao për raportet me mediat dhe përpjeket e tij për të fshehur veprimtarinë e paligishmëritë shoqërisë "Bankers Petroleum Albania Ltd" del edhe nga bisedat e zhvilluara prej tij disa ditë më parë se biseda e mësipërme. Konkretisht bisedat e datës 24.04.2025 ora 07:43:21 AM dhe 07:54:21 AM me përdoruesen e numrit celular 06970....
Biseda është sa vijon:
Personi -A- Eshtë shtetasi Hongping Xiao;
Personi - B- Është bashkëbiseduesi i tij;
Personi A: Mirëmëngjes.
Personi B: Mirëmëngjes.
Personi A: Je në zyrë?
Personi B: Po shkoj atje. Jam te sheshi Skënderbej.
Personi A: Ke më shumë se 10 minuta?
Personi B: Jo, jo 10 minuta. Por po.
Personi A: Si je? Duhet të të pyes fillimisht, si je?
Personi B: Po, kjo është traditë shqiptare në gjithë botën.
Personi A: Ok harrova çfarë doja të thoja. Ka dy gjëra për të cilat kam nevojë për ndihmën tënde, me prioritet. E para është kontrata me Top Channel. Ta kam përcjellë. Ata nuk pranojnë të ndryshojnë periudhën e kontratës. Janë shumë të fortë. Jemi përplasur me njëri-tjetrin për tre muaj, dhe në fund nuk kisha asnje rrugë tjetër veçse të ulem, dhe duket sikur në këtë moment do të dëmtojmë menjëherë Bankers-in. Nuk jam i sigurt nëse ke ndonjë ide, si mund të provojmë të zgjasim pak periudhën e kontratës, sepse kemi shpenzuar para. Tani jemi në fund të prillit, dhe kemi shpenzuar para për tetë muaj. E kupton çfarë dua të them?
Personi B: Po. Ç'të them? Nuk kam ndonjë ide. Nëse ata mund ta zgjatin periudhën, të zgjasim kontratën deri më 31 mars.
Personi A: Ata nuk pranojnë. Me kanë kthyer përgjigje me email dhe do ta të përcjell tani Gjithsesi, për Top Channel, nuk mendoj se mund të negociojmë më, sepse kemi tre muaj që negociojmě dhe ata duan ta publikojnë. Duan të bëjnë një program televiziv për Bankers në fundjave.
Personi B: Ok, por a do të mbulojnë ata këto tre muaj që nuk kanë dhënë asnjë shërbim? Dua të them...
Personi A: Në fakt, vitet e fundit, nuk e di çfarë ndodhi me Top Channel, por shumicën e rasteve e mbulojnë, e mbulojnë me heshtje, e mbulojnë me maska. E kupton çfarë dua të them?
Personi B: Por ata kanë bërë ndonjë raport, ndonjë lajm?
Personi A: Jo,jo. Për tre muajt e fundit, jo. Nuk kam përdorur asnjë TV. jo.
Personi B: Pra, ajo që përkufizon kontrata me Top Channel eshtë që ata duhet të japin shërbim gjatë gjithë periudhës sepse ne i paguajmë me një shumë të përgjithshme.
Personi A: Po, e di. Nuk jam i sigurt nëse ke ndonjë dokument mbështetës nga e kaluara, por unë muk kam asgjë. Mendoj se Laura ka, sepse...
Personi A: Mund të flasësh me të në mëngjes kur të shihemi. Sepse ata duan që kontrata të mbyllet perpara dates 30. Besoj se kanë përgatitur një program dhe po presin vetëm përgjigjen time. Me kanë dërguar një email që më kërcënon. "Jemi duke përgatitur një program për taksën ushtrimit, 120 milionë që Bankers është ngarkuar, dhe pse nuk është ekzekutuar?" Kjo është shumë e ashper.
Personi B: Kjo është mënyra si punojnë ata. Jo vetëm ata.
Personi A: E di, e di si punojnë, por desha të nxjerr ndonjë përfitim më shumë për kompaninë. por deshtova në momentin e fundit. Gjithsesi, kam arritur diçka ndërkohë - në fillim donin 400 euro, dhe në fund ra në 185.
foo ilustruese DIBËR-Gykata e Dibrës ka caktuar masës e sigurisë "Shtrimi i përkohshëm në një spital psikiatrik" p&...
foo ilustruese TIRANË- Një 57-vjeçare është arrestuar ditën e sotme në Tiranë, në kuadër të o...
arben rakipi, ulsi manja, holta zacaj TIRANË- Zyrtarët e lartë aktualisht nën akuzë për veprën penale të korrupsion...
Foto ilustruese SERBIA- Autoritetet serbe kanë arrestuar edhe një tjetër shtetas kosovar, njoftoi të martën Ministria e Punëv...
Enver Bajraktari PRISHTINË- Janë publikuar pamjet nga vendi ku u gjet i varrosur Enver Bajraktari, i cili ishte raportuar i zhdukur nga fami...
Foto ilustruese TIRANA- Një 38-vjeçar është arrestuar në Tiranë pasi dyshohet se vodhi 1 automjet në mesnatë...
Foto ilustruese PEQIN- Një vatër zjarri është regjistruar sot në zonën e Grykshit, në Peqin, nga ku mësohet se &eum...
foto ilustruese KOLONJË- Një bombolë ka shpërthyer ditën e sotme në Kolonjë. Si pasojë e shpërthimit &eu...
foto ilustruese TIRANË- Një 21-vjeçar është arrestuar nga policia e Tiranës, pasi dyshohet se me identitet të rre...
Klodian Steli TIRANA- Personi në foto është Klodian Steli 36-vjeçari i shpallur në kërkim si i dyshuar se ka vend...
