Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Erdit Hazizaj akuzohet se ka dhënë informacione për grupet kriminale, ndërsa Shkëlzen Ruska për ndihmë ndaj një grupi tjetër në jug të vendit. Sa i përket Ervis Alisinaj, ai akuzohet për shpërdorim detyre. Sipas SPAK, të tre kanë dështuar të marrin masa për të ndaluar aktivitetin kriminal dhe kanë dëmtuar punën e policisë dhe besimin e publikut.
TIRANË- Prokuroria e Posaçme ka mbyllur hetimet dhe ka dërguar për gjykim tre ish-punonjës policie. Bëhet fjalë për, Erdit Hazizaj, Shkëlzen Ruska dhe Ervis Alisinaj, të cilët akuzohen për vepra si trafik droge, kultivim narkotikësh, pjesëmarrje në grup kriminal dhe shpërdorim detyre.
Sipas hetimeve, rezulton se në vitet 2019–2021 kanë vepruar grupe kriminale në Sarandë dhe në zonën Tepelenë–Gjirokastër, të përfshira në kultivimin dhe trafikun e kanabisit drejt Greqisë. Në njoftimin zyrtar thuhet se këto grupe kishin lidhje me punonjës të policisë, të cilët dyshohet se u jepnin informacione dhe ndihmonin aktivitetin e tyre.
Erdit Hazizaj akuzohet se ka dhënë informacione për grupet kriminale, ndërsa Shkëlzen Ruska për ndihmë ndaj një grupi tjetër në jug të vendit. Sa i përket Ervis Alisinaj, ai akuzohet për shpërdorim detyre. Sipas SPAK, të tre kanë dështuar të marrin masa për të ndaluar aktivitetin kriminal dhe kanë dëmtuar punën e policisë dhe besimin e publikut.
SPAK sqaron gjithashtu se kur anëtarë të grupit arrestoheshin nga agjencitë e zbatimit të ligjit, anëtarët e tjerë interesoheshin për ndihmën ekonomike të personave të arrestuar dhe sigurimin e mbrojtjes në proceset gjyqësore.
Një prej rasteve të trafikut të dokumentuar i përkët vitit 2020 është 1144.9 kg cannabis sativa të papërpunuar, 4.068 kg cannabis të përpunuar (çokollatë) dhe 0.916 kg cannabis i përpunuar (vaj), me vlerë rreth 1.700.000 euro. Kjo ngarkesë është bllokuar në Greqi.
Veprat penale të tre ish-policëve:
Erdit Hazizaj - “Trafikim i lëndëve narkotike”, “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, “Shpërdorim i detyrës”,
Shkëlzen Ruska - “Kultivim i bimëve narkotike”, “Grup i strukturuar kriminal”, “Kryerje e veprave penale nga organizata kriminale dhe grupi i strukturuar kriminal”, “Shpërdorim i detyrës”
Ervis Alisinanaj - “Shpërdorim i detyrës”
Njoftimi i SPAK:
SPAK dërgon për gjykim tre ish punonjës policie për lidhje me grupe të strukturuara kriminale në trafikun dhe kultivimin e narkotikëve Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr. 169/1 të vitit 2022, në ngarkim të të pandehurve:
Erdit Hazizaj, i akuzuar për kryerjen e veprave penale: “Trafikim i lëndëve narkotike”, e kryer në formë të veçantë të bashkëpunimit, atë të grupit të strukturuar kriminal, parashikuar nga nenet 283/a paragrafi i parë dhe 28/4 të Kodit Penal; “Grup i strukturuar kriminal”, e kryer në formën e pjesëmarrjes në një grup të strukturuar kriminal, e parashikuar nga neni 333/a paragrafi i dytë i Kodit Penal; “Kryerje e veprave penale nga organizata kriminale dhe grup i strukturuar kriminal”, e parashikuar nga neni 334 pika 1 i Kodit Penal; “Shpërdorim i detyrës”, e parashikuar nga neni 248 i Kodit Penal.
Shkëlzen Ruska, i akuzuar për veprat penale: “Kultivim i bimëve narkotike”, e kryer në formë të veçantë të bashkëpunimit atë të grupit të strukturuar kriminal, parashikuar nga nenet 284 paragrafi i parë dhe 28/4 të Kodit Penal; “Grup i strukturuar kriminal”, e kryer në formën e pjesëmarrjes në një grup të strukturuar kriminal, parashikuar nga neni 333/a paragrafi i dytë i Kodit Penal; “Kryerje e veprave penale nga organizata kriminale dhe grupi i strukturuar kriminal”, e parashikuar nga neni 334 pika 1 i Kodit Penal; “Shpërdorim i detyrës”, parashikuar nga neni 248 i Kodit Penal.
Të pandehurit Ervis Alisinanaj, i akuzuar për kryerjen e veprës penale: “Shpërdorim i detyrës”, e parashikuar nga neni 248 i Kodit Penal.
Ky proçedim penal është ndarë nga çështja penale nr.169 e vitit 2022. Nga hetimet e kryera rezulton se gjatë viteve 2019-2021, në zonën e Sarandës ka vepruar një grup i strukturuar kriminal i përfshirë në kultivimin dhe trafikimin e bimëve narkotike. Drejtuesi dhe organizatorët e këtij grupi dyshohet se janë shtetasit nën hetim, K.Q (alias J.H, alias J.Q) dhe E.A (alias K.A), Anëtarët e këtij grupi kishin detyra të përcaktuara për sigurimin, transportin dhe trafikimin e lëndëve narkotike nga Shqipëria drejt Greqisë.
Hetimet kanë dokumentuar rastin e trafikimit, më 7.3.2020 përmes pikës së kalimit kufitar në Qafë Botë, të një sasie prej 1144.9 kg cannabis sativa të papërpunuar, 4.068 kg cannabis të përpunuar (çokollatë) dhe 0.916 kg cannabis i përpunuar (vaj), me vlerë rreth 1.700.000 euro. Kjo sasi u është sekuestruar dy shtetasve italianë të dënuar në Greqi.
Kur anëtarë të grupit arrestoheshin nga agjencitë e zbatimit të ligjit, anëtarët e tjerë interesoheshin për ndihmën ekonomike të personave të arrestuar dhe sigurimin e mbrojtjes në proceset gjyqësore. Sipas hetimeve, anëtarët e këtij grupi të strukturuar kriminal kishin krijuar kontakte dhe lidhje shoqërore me punonjës të Policisë së Shtetit, për të bërë të mundur vijimësinë e aktivitetit kriminal.
I tillë është rasti i Erdit Hazizaj, në atë kohë mbante detyrën e specialistit në Sektorin e Hetimit në Mbulim, në Drejtorinë e Forcës së Posaçme Operacionale, i cili i ndihmonte drejtuesit e grupit të strukturuar kriminal me këshilla dhe informacione të vazhdueshme për zhvillimin e aktivitetit të kundraligjshëm.
Gjatë viteve 2019-2021, në zonën Tepelenë-Gjirokastër, ka vepruar një grup i strukturuar kriminal, i përfshirë në kultivimin e bimëve narkotike, nën drejtimin e shtetasit nën hetim, L.B (alias E.S), ndërsa pjesëtarët e grupit kishin detyra të ndara për kultivimin e bimës narkotike në zonën Tepelenë – Gjirokastër. Hetimet kanë dokumentuar rastin e datës 1.10.2020, në rrugën mes fshatit Dukaj dhe fshatit Salari (Tepelenë), ku Drejtoria Vendore e Policisë Gjirokastër zbuloi dhe sekuestroi 1360 bimë narkotike, me gjatësi 30-120 cm, në gjendje të njomë, me peshë totale 1280 kg. Sasia e bimëve narkotike ishte kultivuar nga ky grup kriminal.
Drejtuesi i tij kishte krijuar kontakte dhe lidhje shoqërore edhe me punonjës në Policinë e Shtetit, në rastin konkret, me të pandehurin Shkëlzen Ruska, i cili asokohe mbante detyrën e specialistit në Drejtorinë Vendore të Policisë Gjirokastër. Ai dyshohet se ka ndihmuar drejtuesin e grupit të strukturuar kriminal duke ofruar informacione dhe garanci për aktivitetin e kundraligjshëm.
Nga tërësia e provave të administruara rezulton se të pandehurit, Erdit Hazizaj, Shkëlzen Ruska dhe Ervis Alisinaj, në vazhdimësi, gjatë vitit 2020, në kundërshtim me detyrimet ligjore dhe funksionale, si punonjës të Policisë së Shtetit, kanë kryer veprime dhe mosveprime që kanë cenuar rëndë funksionimin e rregullt të strukturave policore, duke mos ndërmarrë masa për parandalimin dhe goditjen e veprimtarive kriminale në kultivimin dhe trafikimin e narkotikëve apo veprime të tjera të kundraligjshme.
Këto veprime, bazuar në hetimet e kryera, kanë sjellë pasoja të rënda për interesat e ligjshme të shtetit si dhe kanë cenuar besueshmërinë e Policisë së Shtetit përpara publikut dhe kanë dëmtuar ushtrimin e misionit të saj në garantimin e rendit dhe sigurisë publike, në zbatim të Kushtetutës dhe ligjit./Dosja.al
Foto ilustruese TIRANË- Gjykata e Tiranës ka dhënë vendimin për zyrtarët e Bashkisë së Tiranës dhe të...
foto ilustruese TIRANË- Drejtoria e Tatimeve ka njoftuar se i kanë sekuestruar një qytetari tetë automjete luksoz, pasi&...
GREQI- Jerasimo Korkuti, 31 vjeç nga fshati Gjashtë i Sarandës, dhe Andi Beqiri, 27 vjeç nga Konispoli, janë dy shqiptarët e...
pamjet PEQIN- Një aksident rrugor ka ndodhur ditën e sotme në Peqin. Bëhet me dije se një makinë është përpla...
DHËRMI- Inspektorati Kombëtar i Mbrojtjes së Territorit ndëshkon me masë administrative gjobë subjektin “Gjikuria”. ...
Në Tiranë u zhvillua *Mëngjesi i Lutjeve i Europës Juglindore, me moton “Faith and Liberty” *, organizuar nga një grup de...
foto ilustruese TIRANË- Ministria për Evropën dhe Punët e Jashtme ka reaguar për sulmin rus me dron në Galați të Rumanis...
TIRANË- Numri i përdoruesve të shërbimeve celulare në vend ngelet në stanjacion, pas një tendence disavjeçare në...
TIRANË- Sot vendi ynë do të ndikohet nga kushte atmosferike të qëndrueshme. Moti parashikohet me kthjellime dhe vranësira k...
Pamje nga aksidenti KUKËS- Një aksident rrugor ka ndodhur mbrëmjen e sotme në autostradën e Kombit, në vendin e quajtur Kolsh...
