Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Gjykata e Elbasanit rrëzoi kërkesën e Prokurorisë për të thirrur si dëshmitar në procesin gjyqësor ndaj Arbër Paplekajt, deputetin e Partisë Demokratike, Gazment Bardhin. •Organi i akuzës kërkoi dëshminë e Bardhit pasi në kohën që në Elbasan u vra Pjerin Xhuvani, ai ishte drejtues politik i qarkut për PD. •Kërkesa e Prokurorisë u rrëzua nga Gjykata me argumentin se akuza duhet ta kërkonte një dëshmi të tillë më herët dhe jo në këtë moment. •Në seancën e sotme janë thirrur si dëshmitarë edhe familjarët e Xhuvanit.• Pjerin Xhuvani u qëllua për vdekje në 21 Prill të vitit 2021 pak ditë para zgjedhjeve parlamentare të 25 Prillit.• Konflikti nisi pas dyshimeve se një person po shërndante para për përfitimin e votave. • Arbër Paplekaj ndodhet në qeli si autor i vrasjes ndërsa në hetim janë edhe 8 policisë të Elbasanit mes tyre edhe dy ish-nëndrejtorët Nikollaq Palla dhe Albert Nushi.
2 artikuj për këtë temë.
TIRANË- Gjykata e Elbasanit rrëzoi kërkesën e Prokurorisë së Elbasanit e cila kërkoi që deputeti i Partisë Demokratike, Gazmend Bardhi të thirret si dëshmitarë në seancën në ngarkim të Arbër Paplekajt, i akuzuar për vrasjen e Pjerin Xhuvanit, pak ditë para zgjedhjeve të 25 prillit.
Gjykata e arsyetoi këtë vendim, duke thënë se Bardhi duhet të ishte thirrur më herët në proces.
Gjatë seancës, prokurorët, Ritvan Sukaj dhe Platina Alickaj kërkuan që përveç 59 dëshmitarëve, të ishte i pranishëm edhe deputeti i PD-së, por pas tërheqjes për vendim, gjykata hodhi poshtë kërkesën e prokurorisë./Dosja.al
ELBASAN- Prokuroria e Elbasanit, kërkon që në seancën për vrasjen e Pjerin Xhuvanit, ku i pandehur është Arbër Paplekaj, të thirret edhe deputetin e Partisë Demokratike Gazment Bardhi. Ditën e sotme po zhvillohet seanca ku do të merren në pyetje disa nga 59 dëshmitarët për këtë ngjarje.
Si ndodhi vrasja?
Më 21 prill 2021, 4 ditë para zgjedhjeve parlamentare të 25 prillit, në Elbasan u vra Pjerin Xhuvani, përkrahës i Partisë Socialiste. Paplekaj ishte pjesë e një "SMV", strukture për Mbrojtjen e Votës e ngritur në Elbasan nga PD. Palekaj, ishte shoqërues i drejtuesit politik të PD-së të Elbasanit në atë kohë Gazmend Bardhi. Pas një sherri verbal pasi SMV dyshonte se Xhuvani ishte pjesë e një grupi që blinin vota, ndodhi vrasja ku mbeti i pajetë Xhuvani dhe u plagosën 4 persona të tjerë.
Të plagosurit ishin Paulo Vuksani, Emiljano Prenga, Eltjon Bodinaku dhe Xhensila Sota. Nga dita e arrestimit deri më sot në pranga është ish-oficeri i RENEA-s, Arbër Paplekaj i cili akuzohet se qëlloi për vdekje Xhuvanin dhe dhëndrin e tij, Eltjon Bodinakun. Nuk dihet ende kush qëlloi ndaj Emiljano Prengës dhe Paulo Vuksanit, të dy ish-policë. Paplekaj, një ish efektiv i RENEA u vetëdorëzua dhe pranoi krimin duke thënë se e kishte bërë goditjen pasi ishte qëlluar më parë me armë zjarri./Dosja.al
