Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Qëllimi është të garantohet siguria e plotë e kampit të MEK në Manzë, një nga objektet më të ruajtura në Shqipëri.
MANZË- Ajo që në dukje ngjan si një kontroll i beftë në banesat e 11 personave dhe automjetet e tyre, vjen në vazhdën informacioneve të shërbimeve sekrete vendase dhe të huaja , të cilat vlerësojnë se vendi ynë është në rrezik nga agjenturat e huaja dhe celula që do t’u interesonte destabiliteti dhe sulmet në kampin “ASHRAF 3” në Manzë.
Një sërë agjentësh të antiterrorit dhe të shërbimit sekret, siç bëjnë me dije burimet e Gazetasi.al, kryejnë prej kohësh shërbime monitorimi të posaçme ku dhe raportohet çdo lëvizje e dyshimtë dhe profil i personave për të cilët autoritetet e zbulimit mbajnë regjistra dhe dosje të veçanta.
Qëllimi është të garantohet siguria e plotë e kampit të MEK në Manzë, një nga objektet më të ruajtura në Shqipëri.
Që prej vitit 2013, aty nisi mbërritja e opozitës iraniane dhe në Shqipëri pasoi një furtunë shpalljesh “non grata” të iranianeve që konsiderohen si të rekrutuar nga Garda Revolucionare.
Burimet e antiterroit, i thanë Gazetasi.al se shërbimi sekret iranian ka rekrutuar edhe disa shtetas shqiptarë që mbahen nën vëzhgim dhe që kanë kryer lëvizje në favor të iranianëve të paguar nga qeveria iraniane.
Çfarë thuhet zyrtarisht dhe nën zë?
Dosja që po qëndron e hapur prej 2018-ës, bazohet mbi informacionin fillestar, që në rrugë operative vlerësoi se mund të kishte një sulm të mundshëm në Shqipëri.
Nga informacionet, dyshohej se sulmi mund të kryhej ndaj funksionarëve të MEK-ut, ndaj vendbanimeve të tyre kolektive, të tilla si kompkesi “Vitrinat” në atë kohë, apo edhe ndaj selisë që në atë kohë po ndërtohej për të mbledhur në një vend të përbashkët të gjithë muxhahedinët me seli në Manzë.
Informacioni sinjalizoi se diçka e tillë mund të ndodhte gjithashtu gjatë festës së Sulltan Novruzit që do të organizohej nga organizata e MEK.
Gjatë survejimit në 22 mars 2018, në ambjentet e kryegjyshatës Botërore Bektashiane, u shoqëruan në Policinë e Tiranës katër shtetasit e huaj me shtetësi iraniane, të dyshuar si një celulë terroriste: Sed Mohamed, Alavi Gonabadi, Firouz Zenjanabi dhe Mohamed Aladin.
Të katërt ata deklaruan se ishin gazetarë dhe se kishin udhëtuar në Shqipëri për të ndjekur Sulltan Novruzin për t’i raportuar më pas në televizionet e vendit të tyre në Iran.
Sipas asaj që iu tregua Gazetasi.al, pothuajse një muaj më pas minstri i Brendshëm i shpalli persona “non grata” dhe urdhëroi largimin e tyre nga Shqipëria. Të katër ata e kanë të ndaluar që të hyjnë në vendin tonë për 15 vitet e ardhshme.
Por informacionet në muajt në vijim, filluan të bëhen akoma më shqetësuese kur sërish antiterrori dhe shërbimi sekret vendas i alarmuar, përcolli informacione se forcat e sigurisë iraniane, të qaujtura IRGC ose Garda Revolucionare, po bënin plane për të eleminuar MEK-un të vendosur disa kilometra larg kryeqytetit shqiptar dhe që ka në të vërtetë ruajtje absolute nga shteti shqiptar.
Muxhahedinët nisën të vijnë për herë të parë gjatë vitit 2013, pas një marrëveshjeje midis qeverisë shqiptare në atë kohë me kryeministër Sali Berishën.
Si persona me statusin “nën rrezik jete“, shpërngulja e tyre zgjati deri në vitin 2018 dhe aktualisht aty numërohen 2.500 anëtarë të OMPI/ MEK.
Sipas burimeve të Gazetasi.al, rreth 400 anëtarë të MEK-ut u shkëputën nga baza e përbashkët, ndërsa nga regjistrat dhe survejimi, rezulton se pothuajse 300 të tjerë e përdorën Shqipërinë si trampolinë dhe bazuar në sistemin TIMS, ata janë larguar drejt Evropës.
Të dhënat zyrtare sipas antiterrorist, janë se 13 të tjerë po planifikojnë të largohen ilegalisht, kurse 35 të tjerë marrin ndihmë nga MEK.
Por raporti i SPAK që nisi kontrollet, tregon se 20 të tjerë që ishin pjesë e kampit dh që janë shkëputur prej andej, janë të infilturuar nga Shërbimi Sekret Iranian dhe Garda Revolucionare, “Sepah Pasdaram” për të dhënë informacione mbi MEK në Manzë.
Si të dyshuar, janë pikërisht shtetasit që iu kontrolluan shtëpitë me qira, ambientet e shoqatës që ata kanë krijuar dhe automjetet që ata kontrolluan dhe konkretisht bëhet fjalë për: Hasan Heyrani, Mehdi Soleiman, Golam Shekhari, Melad Behashti, Abdurraman Mohamedian, Hasan Shabba, Sefraz Rahimy, Mohamod Degan, Mohamed Sedighi.
SPAK është i bindur se mes provave që ka sekuestruar, më të rëndësishmit janë aparatet e celularëve, pajsijet elektronike, tabletat, pajisjet regjistruese dhe trasnmetuese, si dhe disa shkresa që do t’i nënshtrohen hetimeve të mëpasshme.
Marrë nga Gazeta Si
Foto ilustruese TROPOJË- Një turist serb, i identifikuar me inicialet si G.S ka ndërruar jetë në majat e thepisura të Va...
Foto ilustruese VLORË- Një74-vjeçare e identifikuar me inicialet H.SH ka mbetur e plagosur pasi rreth orës 12:45 ësht&eu...
Lavdërim Tufa Lavdërim Tufa, i cili vuajti një dënim prej 20 vitesh si autori i masakrës së Kartodromit, ku viktima mbetë...
Pamje brenda shtëpisë TIRANË- Janë siguruar foto që tregojnë ambientet e brendshme të shtëpisë ku banonin muxh...
SPAK TIRANË- Zbardhen detaje të reja nga kontrolli i Prokurorisë së Posaçme (SPAK) në banesat e disa ish-muxhahedistëv...
Momenti i shoqërimit në Komisariat TIRANË- Një 29-vjeçar është arrestuar nga Policia e Tiranës pasi nëpë...
Foto ilustruese TIRANË- Dy 45-vjeçarë janë arrestuar nga policia e Tiranës, pasi dyshohet se u kanë vjedhur portofolat qyte...
Richard Grenell TIRANË- Ish-emisari presidencial i SHBA-së për dialogun Kosovë-Serbi, Richard Grenell, ndodhet në Tiranë ku d...
Momenti i shoqërimit në Komisariat DIBËR- Gentian Sula 25 vjeç, banues në Dibër dhe Ardit Topozi 20 vjeç, banues n...
Foto ilustruese ITALI- Dy shqiptarë lexuan reklamën e saj në një faqe eksortash dhe e morën në telefon dhe caktuan&...
