Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sipas Prokurorirë dyshohet se viktima dhunohej nga bashkëshorti i saj, Xhemal Loka i cili është arrestuar pas ngjarjes.
DURRËS- Pas ngjarjes së rëndë të regjistruar pak ditë më parë ku 41-vjeçarja, Bedrie Loka i dha fund jetës Prokuroria e Durrësit ka reaguar në lidhje me hetimet e deri tanishme. Sipas Prokurorirë dyshohet se viktima dhunohej nga bashkëshorti i saj, Xhemal Loka i cili është arrestuar pas ngjarjes.
Këto dyshime nga Prokuroria kanë rezultuar pas deklaratave të marra nga familjarët e të ndjerës dhe nga kqyrja e telefonave celularë. Gjithashtu nga veprimet e të tjera hetimore ka dyshime të bazuara në prova se Xhemal Loka ushtronte dhunë fizike dhe psikike ndaj të 41-vjeçares e cila e çoi në marrjen e një vendimi aq të rëndë.
Gjithashtu në njoftim bëhët me dije se nga kontrollet e kryera në banesë është gjetur e mbështjellë me peshqir në kotecin e pulave një armë dhe 114 fishekë.
Njoftimi i plotë:
Sipas prokurorisë më datë 05.01.2024, është regjistruar procedimin penal nr. 26, të vitit 2024 për veprën penale të “Shkaktimit të vetëvrasjes” parashikuar nga neni 99 i Kodit Penal, pasi më datë 02.01.2024, në Sallën Operative të Stacionit të Policisë Manzë, Durrës, ka mbërritur njoftimi se shtetësja B. L., ka konsumuar lëndë të dyshuar fotoksinë në banesën e saj dhe është dërguar me urgjencë nga familjarët e saj fillimisht në Spitalin Rajonal Durrës e më pas në Qendrën Spitalore Tiranë”. Me marrjen dijeni për sa më sipër, është realizuar këqyrja e banesës së familjes ku jetonte e ndjera, ku “në katin e parë të banesës janë gjetur një shishe plastike me ujë dhe disa kapsula me tub cilindrik të dyshuar fotoksinë, të cilat dyshohet se i ka konsumuar kjo shtetase. Pavarësisht faktit se gjendej e shtruar pranë Qëndrës Spitalore Universitare (QSU) “Nënë Tereza” Tiranë dhe nën kujdesin e mjekëve, më datë 03.01.2024, shtetësja B.L. ndërroi jetë si pasojë e komplikacioneve shëndetësore.
Menjëherë më pas, ky material hetimor është regjistruar si procedim penal dhe nën drejtimin e prokurorisë është bërë e mundur kryerja e veprimeve hetimore nga policia gjyqësore mbi bazën e të cilave u krye ndalimi i të dyshuarit Xh.L., si i dyshuar për kryerjen e veprave penale të “shkaktimi i vetëvrasjes”, kryer në dëm të shtetases B. L., parashikuar nga neni 99 i Kodit Penal, “mbajtja pa leje dhe prodhimi i armëve, armëve shpërthyese dhe i municionit”, kryer nëpërmjet mbajtjes së armëve në banesë, parashikuar nga neni 278/4 i Kodit Penal, “mbajtja pa leje dhe prodhimi i armëve, armëve shpërthyese dhe i municionit”, kryer nëpërmjet mbajtjes së municioneve luftarake, parashikuar nga neni 278/3 i Kodit Penal; Nga deklarimet e marra familjarëve të të ndjerës, nga kqyrja e telefonave celularë si dhe veprimeve të tjera hetimore ka dyshime të bazuara në prova se i ndaluari ushtronte dhunë fizike dhe psikike ndaj të ndjerës, keqtrajtim i cili ka qenë sistematik dhe që dyshohet të kenë cuar të ndjerën në vetvrasje.
Gjithashtu, bazuar në këtë dinamikë të evidentimit të faktit penal të ndodhur, më datë 06.01.2024, është kqyrur banesa e familjes Loka, ku rezultoi se “në kotecin e pulave në anën jugore të banesës … gjendet e mbështjellë me peshqir një armë zjarri automatike “PPS”, me krehër, pa fishek, pjesët e lëvizshme të rregullta e me gjilpërë të rregullt, me numër arme “89-0579”, si dhe “në këtë vend janë gjetur 114 copë fishekë, model ’54, kalibër 7.62mm dhe 4 katër fishekë model ’56, kalibër 7.62mm”, të cilat, pasi u sekuestruan me cilësinë e provës materiale, u dërguan pranë Institutit të Policisë Shkencore Tiranë për t’ju nënshtruar ekzaminimit teknik balistik.
Për sa më sipër nga ana e Prokurorisë pranë Gjykatës së Shkallës së Parë të Juridiksionit të Përgjithshëm Durrës është kërkuar të vleftësohet si i ligjshëm ndalimi i këtij shtetasi dhe të caktohet ndaj tij masa e sigurimit personal “arrest në burg” parashikuar nga neni 238 i K.Pr.Penale. Lidhur me kallëzimin penal të të ndjerës B. L.,rezulton të jetë regjistruar procedim penal për veprën penale të “Falsifikimit kompjuterik” parashikuar nga neni 186/a i Kodit Penal dhe hetimet për këtë procedim vazhdojnë.
Bedrie Loka nga fshati Vardardhë i Sukthit, nënë e 4 fëmijëve i ka dhënë fund jetës, pas denigrimit në rrjetet sociale. Në emër të saj u hapën profile, kryesisht në Tik-Tok, që denigronin figurën e saj si grua, me etiketime si e pamoralshme. 41-vjeçarja nuk i ka rezistuar presionit shoqëror në një komunitet të vogël dhe më pas edhe në familje. Në kushte të rënduara psikologjike ka pirë fostoksinë, tri ditë më parë, më 2 janar. Familjarët e kanë çuar me urgjencë në spital në Tiranë, por gruaja ndërroi jetë. Nëna e 4 fëmijëve, 3 djemve dhe 1 vajze, përkatësisht 21 vjeç,18 vjeç,16 vjeç dhe 10 vjeç, punonte në një fabrikë fasonerie në zonën e Fllakës.
Bedrie Loka dhe Xhemal Loka DURRËS- Bashkëshorti i i Bedrie Lokës, Xhemal Loka ka deklaruar se është kërcënuar nga njer&...
Foto ilustruese GJIROKASTËR- Një 17-vjeçare ka rënë në prangat e policisë pasi mbante dhe shiste brenda ambientev...
Bedrie Loka DURRËS- Zbardhet dëshmia e djalit të Bedrie Lokës, 41-vjeçares e cila i dha fund jetës pak ditë...
Dhunimi i të rinjve shqiptar MALI I ZI- Kreu i Unionit Demokratik Shqiptar, Meto Zenka ka reaguar në lidhje me dhunimin e 3 të rin...
Xhemal dhe Bedrie Loka DURRËS- Seanca gjyqësore për Xhemal Lokën në Durrës ka nisur mesditën e sotme. Loka doli par...
Vjehrra DURRËS- Nëna e Xhemal Lokës, vjehrra e 41- vjeçares e cila humbi jetën pasi piu fotoksinë ishte sot n&eu...
Bedrie Loka, lajmërim DURRËS- Vëllai i 41-vjeçares, Bedrie Loka, Mahmut Bushi deklaroi sot për emisionin “Me z...
Bedrie dhe Xhemal Loka DURRËS- Vëllai i Xhemal Lokut, i cili dyshohet se ka çuar gruan e tij drejt vetëvrasjes, ka folur e...
Banesa e Bedrie Lokës DURRËS- Detaje te reja kanë dalë në dritë nga ngjarja e rëndë e ndodhur disa ditë më...
Policia TIRANË- Një 19-vjeçar është arrestuar nga policia në Tiranë pasi është kapur duke shpërndar&eum...
