Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
E vazhdova ditën me idenë se do ta telefonoja sa më shpejt këtë zonjë që po na lutej për ta ndihmuar, por dukej se halli i saj i madh nuk po e linte të qetë.
TIRANË- Pak kohë më parë, na inbox më erdhi ky mesazh. E vazhdova ditën me idenë se do ta telefonoja sa më shpejt këtë zonjë që po na lutej për ta ndihmuar, por dukej se halli i saj i madh nuk po e linte të qetë. Prandaj, vetëm pak orë më vonë, më dërgoi një tjetër mesazh audio. Kuptoj që kemi të bëjmë me rastin tipik të një shantazhuesi nga të shumtët që janë çdo ditë prezent në rrjetet sociale.
Me mënyra thuajse të njëjta, ata kërkojnë të përfitojnë nga femrat duke i vënë nën presion me foto dhe video të përvetësuara nga profilet e tyre personale. Nisur nga insistimi i gruas së re, që është nënë e një fëmije të vogël, e kontaktoj menjëherë për të kuptuar më mirë arsyet e këtyre shantazheve, nga një person që sipas saj është fare i panjohur.
Që në nisje të bisedës, vërejmë diçka. Profili falso me emrin dhe fotot e saj, i cili administrohet nga shantazhuesi, ka marrë menjëherë një numër të madh shikimesh. Kjo nisur edhe nga tekstet ngacmuese që bën ai duke u hequr si gruaja e re. Por, më përpara, së bashku me kolegët, na duhet të kuptojmë edhe disa gjëra mbi këtë raport të çuditshëm dhe krejt të njëanshëm mes dy të panjohurve, prandaj vazhdojmë kontaktin me zonjën.
Nga sa shohim, situata është delikate, edhe për shkak të jetës familjare dhe faktit që këtë histori ende nuk e ka ndarë me burrin e saj. Prandaj mendojmë se duhet të ndërhyjmë sa më shpejt, për t’i dhënë fund kësaj maskarade me jetën e një gruaje e cila nuk ka asnjë lidhje me këtë pervers ende të panjohur për ne. Në fakt chat-et nuk lënë shumë vend për të kuptuar nivelin e psikopatisë së këtij individi.
Si hap i parë, kërkojmë akses ne profilin e gruas, e cila gjatë gjithë kësaj kohe, vazhdon të jetë në komunikim intensiv me shantazhuesin maniak, me shpresën se do ta bindë të heqë dorë. Por tashmë, lojën e nisur nga ai, do ta drejtojmë ne. Dhe për këtë duhet të tregohemi shumë të kujdesshëm. Pasi kemi komunikuar për orë të tëra, mendojmë se kemi arritur të fitojmë besimin e këtij maniaku, dhe për një çast.
Na ka nisur një foto.... Problemi është se njëlloj siç mund të përdorë fotot e një gruaje, nënë me fëmijë, ashtu mund të përdorë edhe fotot e një të panjohuri që mund ta ketë vjedhur në rrjetet sociale. E në fakt nuk gabojmë, sepse një ditë më pas na nis një video, ku shfaqet një tjetër person, i cili për herë të parë i prezantohet viktimës së tij, duke e thërritur në emër. Edhe njëherë mendojmë se më në fund e kemi gjetur, por fakti që në nisje të komunikimit na dërgoi foton e dikujt tjetër, na bën të dyshojmë sërish.
Ndoshta personi në këtë video mund të jetë dikush tjetër, i përdorur nga shantazhuesi, thjesht për të na testuar. Për këtë vendosim të vijojmë ende komunikimin në chat, duke u përballur me këmbënguljen e shantazhuesit që të mos identifikohet. Dhe kjo zgjat për disa ditë me radhë.
Deri kur më në fund, kemi arritur ta bindim që të na dërgojë numrin e telefonit. Dhe nga aty, gjërat bëhen më të thjeshta. Në fillim nëpërmjet telefonit, ku për herë të parë, dëgjojmë zërin e maniakut.
Që në nisje duket qartë se ai ka frikë se mos gruaja arrin ta zbulojë dhe t’i bëjë keq... por kjo vetëm për një moment, sepse pak më vonë, rikthehet tek bisedat me sfond erotik.
Dhe pas kësaj që dëgjon, tek ai rishfaqet frika. Është e qartë se ky person nuk është naiv e as i metë. E di mirë se me çfarë situatash mund të përballet. Megjithatë, ky reflektim që sapo dëgjuat, nuk e pengon që të rikthehet në argumentet e mëparshme.
Gruaja ndërhyn duke i kujtuar se ka impenjime të tjera në jetë, por aty, maniaku jo vetëm nuk ndalet, por kalon në kërkesa specifike. Dhe pas refuzimit kategorik të zonjës, ai e bën kërkesën duke e shantazhuar në formën më të ulët të mundshme. Dhe pas këtyre kërcënimeve prej një maniaku të sëmure, biseda mes të dyve mbyllet sërish me kërkesën për video dhe me frikën se mos gruaja i bën.
Por kur kishim menduar se jemi afruar kaq pranë shantazhuesit, gruan e re e tradhtojnë nervat dhe shkarkon ndaj tij të gjithë zemërimin e mbledhur për ditë me radhë. Pas gjithë asaj bisede të tendosur, ajo del nga skenari dhe nis një debat të nxehtë me të. Pas këtij debati plot fyerje dhe kërcënime, duket se jemi kthyer edhe njëherë në pikën e nisjes. Por një as nën mëngë.
Marrë nga Syri.net
Sotiraq Filo KORÇË- Bashkia Korçë, apo e njohur ndryshe si institucioni rekordmen i Shqipërisë, për shkak të sh...
Investigim DURRËS-Denoncimi i radhës na çon në Durrës, në shkollën 9-vjeçare “Qemal Mici”. Një...
Durres DURRËS-Njëri prej banorëve që e ka ngjitur me shtëpinë ankohet për zhurma, aroma dhe zënie të gjith&eu...
SPANJË- Kultivuesit e kanabisit në të ashtuquajturat shtëpi të barit në Spanje, janë në pjesën më të ma...
foto nga zjarri DURRËS-Mbrëmjen e sotme në fshatin Manëz të Durrësit ka rënë një zjarr,ku mësohet se p&eu...
Hamza Aburaja TIRANË- Një palestinez që jeton në Shqipëri Hamza Aburaja ka dalë në protestë ditën e sotme n&eu...
pamje nga aksidenti ITALI- Një 67-vjeçare shqiptare ka humbur jetën mbrëmjen e djeshme në Itali si pasojë e një aksid...
KPK TIRANË- Komisioni i Pavarur i Kualifikimit, KPK shpalli të premten më 20 tetor vendimin për konfirmimin në detyrë të...
Shoqata e te burgosurve dhe te perndjekurve politike TIRANË-Shoqata e të Burgosurve dhe të Përndjekurve Politikë të Shqip&eu...
Protesta TIRANË- Qytetarë të shumtë kanë dalë ditën e sotme në protestë në mbështetje të Palest...
