Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Por çfarë ka ndodhur atë natë të 21 Tetorit me vajzën e cila kishte dalë për të kaluar disa orë me të dashurin e saj dhe kishte përfunduar pa ndjenja në një dhomë hoteli në Vlorë?
VLORË- Historia e 26-vjeçares së përdhunuar nga tre të rinj në qytetin e Vlorës, u kthye në krye-lajmin e këtyre ditëve, jo vetëm për gjestin prej burracakësh ndaj një vajze të pambrojtur, por edhe për tentativën e familjarëve për ta fshehur të vërtetën e këtij krimi.
Por çfarë ka ndodhur atë natë të 21 Tetorit me vajzën e cila kishte dalë për të kaluar disa orë me të dashurin e saj dhe kishte përfunduar pa ndjenja në një dhomë hoteli në Vlorë?
Për këtë do të kërkojmë të rindërtojmë hap pas hapi të gjithë dinamikën e atyre orëve...
Nga lokali ku u konsumua alkool e drogë, e deri në reanimacionin e spitalit të Vlorës, ku vajza u përmend një ditë më pas.
Por gjithashtu, do të kërkojmë të hedhim dritë mbi disa veprime apo mosveprime, që çojnë në dyshime serioze se kjo ngjarje është kërkuar të fshihej.
Dinamika e ngjarjes, bazuar edhe në dëshmitë e dhëna në polici nga protagonistët, na tregon se vajza ka qenë totalisht e pavetëdijshme për shkak të alkoolit dhe drogës së konsumuar. Ajo është marrë në makinë nga Albi Çeno, i cili e ka dërguar në hotel Fjortes, në lagjen 24 maji në Vlorë.
Një distancë prej gati 8 km, me kohë udhëtimi rreth 15 minuta.
Gjatë të cilave, vajza ishte në një gjendje të rënduar fizike dhe e theksojmë, totalisht e pavetëdijshme. Por, megjithatë, shoqëruesi i saj, nuk mendoi aspak që ta dërgonte në spital, por në një dhomë hoteli.
Mund të ngjajë rastësi e çuditshme, por në bllokun e klientëve të hotelit, është grisur një fletë e vetme.
Dëshmia e këtij të riu është vërtetë tronditëse. Ai është personi që në njëfarë mënyre i ka shpëtuar jetën vajzës, e cila është flakur pa ndjenja, pasi është abuzuar për orë të tëra në mënyrën më të tmerrshme.
Ndërkohë, rreth orës 7 të mëngjesit, vajza është shtruar me urgjencë në reanimacionin e spitalit të Vlorës, ku është mbajtur nën kontroll nga mjeku Edmond Breshani.
Pasi është përmendur, ende në gjendje jo të mirë për të komunikuar, vajza nuk ka gjetur aty pranë, asnjë nga të afërmit e saj, edhe pse kishin kaluar orë nga momenti kur ishte dërguar me urgjencë atje. Autoritetet e spitalit të Vlorës, nuk kanë marrë mundimin të bëjnë një telefonatë për të njoftuar familjen e 26-vjeçares.
E ndërsa familja nuk ka qenë aty kur vajza është zgjuar, ajo është vizituar nga nëna e njërit nga të arrestuarit, një person të cilin e shihte për herë të parë...
Siç thotë edhe vajza në dëshminë e saj, gjatë gjithë kësaj bisede, ajo ka qëndruar e mpirë dhe nuk ka pasur forcë të kundërshtojë fjalët me tone të ngritura të kësaj zonje të paftuar në dhomën e saj.
Dhe e gjitha kjo ka ndodhur në prani të mjekut dhe të infermierëve, të cilët kanë qenë prezent gjatë gjithë kohës.
A është kaq e lehtë të hyhet në repartin e reanimacionit të spitalit të Vlorës?
Në fakt, nëse nuk të shoqëron njeri, është krejtësisht e pamundur. Sepse duhen kaluar disa dyer, dhe në pjesën më të madhe të tyre, kalimi bëhet me kartë të cilën e disponojnë mjekët dhe infermierët.
Praninë e saj në dhomën e vajzës, e ka pranuar dy ditë më parë edhe nëna e Albi Çenos. Sipas informacioneve tona të verifikuara nga prokuroria e Vlorës, ajo ka hyrë te vajza dhe e ka marrë gjatë në pyetje, dhe me tone imponuese.
Madje i ka kërkuar vajzës qa ta pranojë se çdo gjë është bërë me konsensus të plotë nga ajo.
A duhet të mbajnë përgjegjësi autoritetet spitalore për këtë skandal?
Ne shkuam ta takojmë zonjën, në hotelin luksoz që zotëron familja e Albi Çenos, për të dëgjuar edhe të vërtetën e saj. Por gjërat nuk shkuan aq mirë.
Një tjetër detaj që lë shumë vend për dyshime, është vonesa prej katër ditësh e ekzaminimit mjekësor të vajzës, që sipas ligjit duhej bërë brenda 48 orësh.
Këtu del në skenë një tjetër personazh. Mjeku ligjor i Vlorës Alban Hazizi.
Pavarësisht se sipas policisë është njoftuar ne mbrëmjen e datës 22 Tetor, ai është paraqitur për të kryer vizitën ekzaminuese, me datën 25 tetor.
Pra, katër ditë më vonë. A ka pasur arsye të neglizhohet ky rast kaq delikat?
Mjeku është zhdukur prej disa ditësh... Por le të kthehemi tek vizita që ka kryer me vajzën.
A është kaq e paqëllimtë që një mjek ekspert të mos ekzaminojë aspak shenjat e dhunës dhe nxirjet në qafë dhe në krahë, të një vajze që ndodhet në spital e dyshuar për përdhunim?
Deklarimet e vajzës, janë akuza tepër të rënda ndaj mjekut, që në rast se vërtetohen, do ta përballin atë me akuzën për fshehje të provave të një krimi.
Pasi kemi dëgjuar dëshminë e vajzës, por edhe kemi renditur informacionet e mbledhura gjatë këtyre ditëve, një ide e kemi krijuar, dhe dyshimet janë të bazuara se kjo ngjarje e rëndë, është kërkuar të fshihet me çdo kusht.
Por, për fat të mirë, brenda zyrave të organeve ligj zbatuese, ka ende njerëz te përgjegjshëm që kërkojnë t’i shkojnë në fund historive të tilla me dhunë e abuzime. Edhe pse të pakët. Dhe kjo vajzë pret nga ata, vetëm drejtësi.
Marrë nga Syri.net
Foto Ilustruese BARI- Një fluturim nga Tirana në Bolonjë i Albawings AWT 229 ka pësuar një defekt në ajër dhe ka b&...
Foto ilustruese KORÇË -Mbrëmjen e sotme në fshatrat e Korçës, veçanërisht në njësinë e Vithkuq...
ARRSH TIRANË- Autoriteti Rrugor Shqiptar ka reaguar pas situatës së krijuar ditën e sotme nga stuhia që përfshiu të...
VLORË- Dëshmi të reja për rastin e përdhunimit në Vlorë! Piranjat rindërtojnë hap pas hapi dinamikën e ...
Pamje nga vendngjarja KORÇË-Pasditen e sotme në qendër të qytetit të Korçës është parë shkë...
Rruga e bllokuar PËRMET- Stuhia e sotme ka bërë që akse të shumta rrugore në të gjithë Shqipërinë t&...
Policia e Vlores TIRANË- Dy punonjës të policisë Vlorë janë pezulluar nga detyra, për shkak të përdhunimi...
Foto ilustruese DURRËSI-Porti i Durrësi ka njoftuar se ka nisur normalisht lëvizja portuale pas përkeqësimit të motit paradi...
IMT DHËRMI- Inspektoriati i Mbrojtjes së Territorit pritet që të vazhdojë aksionin në Dhërmi për të prish...
foto nga rruga e abrit KLOS- Stuhia që përfshiu pak më herët Tiranën, ka prekur edhe Rrugën e Arbrit, aks i cili ësht&e...
