Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Për këtë ngjarje të rëndë tashmë janë marë të pandehur dy vëllezërit Florjan dhe Shkëlqim Dukaj, (ky i fundit ish-oficer policie pranë Komisariatit Nr.2 në Tiranë), të cilët mbahen në burg si të dyshuar për akuzën e “Vrasjes me paramendim” kryer në bashkëpunim.
Vrasja e Eduart Reçit në 13 nëntor 2024 në Tiranë, për policinë dhe prokurorinë e Tiranës lidhet me konfliktet që viktima ka pasur me komshinjtë e tij në lagjen ku banonte, pranë Fakultetit të Gjuhëve të Huaja.
Për këtë ngjarje të rëndë tashmë janë marë të pandehur dy vëllezërit Florjan dhe Shkëlqim Dukaj, (ky i fundit ish-oficer policie pranë Komisariatit Nr.2 në Tiranë), të cilët mbahen në burg si të dyshuar për akuzën e “Vrasjes me paramendim” kryer në bashkëpunim.
Të dy vëllezërit asnjëherë nuk e kanë pranuar akuzën e ngritur, duke pretenduar se me Eduart Reçin kanë pasur diskutime normale për një pjesë toke, por asnjëherë konflikt.
Thuajse të gjithë komshinjtë e Eduart Reçit janë marë në pyetje, mes tyre dhe polici i zonës Haziz Niçaj, të cilët kanë deklaruar se Eduart Reçi, ishte një banor lagjeje konfliktual.
Në dosjen hetimore të siguruar nga gazetari Elton Qyno, pasqyrohen dëshmitë e komshinjve të viktimës, ku njëri prej tyre I.E, i ka pohuar policisë se:
”…në datën 13 nëntor 2024 kam qënë në lokal “NOA”, që ndodhet rreth 50 metra larg shtëpisë dhe kam qënë në shoqërinë e disa miqve të tij. Eduart Reçin, e njoh shumë mirë pasi e kam pasur komshi. Eduarti, ka qënë njeriu më i zi në botë, më konfliktual dhe më i papërshtatshëm për të jetuar në komunitet. Në çdo 5 veta në lagje, me 2 ka pasur konflikt. Me të kam debatuar shumë herë verbalisht para shumë viteve, për shkak se më vidhte tek faturat e ujit dhe e dritave të një ambienti që kam marrë me qëra për disa kohë…”.
Konfliktet e Eduart Reçit, i ka radhitur dhe bashkëshortja e tij Lindita Reçi, si dhe dy djemtë e viktimës, të cilët kanë treguar një seri konfliktesh që kryefamiljare kishte me banorët e zonës, për çështje prone, çështje qiraje dhe çështje ndërtimi.
Lidhur me këtë ngjarje të rëndë është marrë në pyetje dhe efektivi i policisë SPZ-ja i zonës Haziz Nicaj, i cili ka deklaruar se në fillim të muajit Shtator 2024 ka marrë një mesazh nga Eduart Reçi, i cili e informonte për një takim me dy vëllezërit Florjan dhe Shkëlqim Dukaj.
SPZ-ja i zonës Haziz Nicaj ka treguar në polici se këtë informacion as nuk ja ka kërkuar Eduart Reçit dhe as e ka kuptuar pse biznesmeni ja ka çuar atij.
Përmbajtja e mesazhit të dërguar në 2 Shtator 2024, dy muaj e gjysmë para vrasjes së Eduart Reçit është e tillë si më poshtë vijon:
”…miku im për info. Me djemtë komshinj, me Shkëlqimin dhe Florjanin e kam lënë një takim nga ora 19. Te lokali i tyre, ja thashë ta lëmë diku tjetër po nuk pranuan.....Jua konfirmova se do vijë në orën dhe vendin ku doni. Ta thashë për informacion. Ti ruhemi ndonjë kurthi të pabesë, nëse do të jetë nga ata…."
Në dëshminë e tij polici Haziz Nicaj, është shprehur se, në të njëjtën ditë kur viktima i ka dërguar mesazhin, Nicaj është takuar me Eduart Reçin dhe janë sqaruar midis tyre në lidhje me mesazhin.
Vetë Eduart Reçi, i ishte shprehur në lidhje me takimin midis tij dhe vëllezërve Dukaj duke theksuar se, ai i kishte takuar vëllezërit Dukaj, kishin pirë kafe së bashku në lokalin e tyre qetësisht dhe çdo gjë kishte shkuar shumë mirë.
Ata ishin ndarë midis tyre miqësisht dhe në parim kishin rënë dakord për kufijtë e pronësisë, me qëllim bashkimin e dy parcelave tokë për ndërtimin e një pallati.
Sipas policit Haziz Nicaj, ai e kishte pyetur Eduart Reçi në lidhje me atë mesazh alarmues dhe biznesmeni i është përgjigjur se: "…mu duk e çuditshme arsyeja përse duhej të takoheshim në lokalin e tyre dhe për këtë arsye ai e kishte vënë në dijeni…".
Por, veç këtij mesazhi të dërguar Specialistit të Policisë së Zonës Haziz Nicaj, Eduart Reçi, ka dhe shumë mesazhe komunikimi me dy vëllezërit Shkëlqim dhe Florjan Dukaj, të cilëve u kërkon krejt normalisht takim për diskutim të një sipërfaqe toke.
Fiks 1 muaj e gjysmë, para se Eduart Reçi të vritej në oborrin para biznesit të tij, biznesmeni në datën 2 Tetor 2024, i shkruan Shkëlqim dhe Florjan Dukaj, duke i thënë se:
”… Mirmëngjesi Shkëlqim dhe Flori! Ditë të mbarë. Kemi dakortësuar verbalisht për të koordinuar së bashku për rrugën ligjore të pronës suaj për ta përfituar ligjërisht e më pas për bashkëpunim me mua. Por deri më tani skeni platformë të saktë. E lamë para dy javësh se do të takoheshim të flasim, por nga ana juaj vë re jo impenjim, por zvarritje me justifikimin jemi në punë. (të gjithë punojmë dhe pas pune bëjmë takime për familjen). Të dashur komshinj e miq, me respektin më të madh për ju personalisht dhe për familjen. Të nderuar veprimet e juaja më pengojnë mua për kapjen e afateve ligjore, në përgatitjen përfundimtare të dosjes në institucionin përkatës për të marrë lejen e ndërtimit. Ju lutem gjeni kohën të takohemi të tre së bashku për ti diskutuar e për të ecur para. Ju pres për takim, mua më keni gati në çdo çast nga ky moment. Sinqerisht Eduarti. Nëse mund të takohemi sot ose nesër të tre meqë e lamë për një përgjigje nga ju…."/ Syri.net
Foto ilustruese GREQI- Dyvjeçar shqiptar Leo, i cili humbi jetën si pasojë e një sulmi nga një qen pitbull, kishte festuar vet&e...
Foto ilustruse ITALI- Taulant Toma, një 41-vjeçar shqiptar, është arratisur nga burgu. Kjo është hera e katërt që...
Foto ilustruse MIRDITË- Policia ka arrestuar ditën e sotme një 26-vjeçar, banues në Rrëshen. Ai u arrestua nga forcat blu, ...
Foto ilustruse BULQIZË- Disa të rinjë kanë organizuar një protestë paqësore, pas humbjes së jetës së bash...
Foto ilustruse GREQI- Një 50-vjeçare shqiptare është përndjekur nga ish-bashkëshorti i saj shqiptar 55-vjeçar.&...
Foto ilustruse SHKODËR- Policia ka arrestuar ditën e sotme 17-vjeçarin e shpallur në kërkim, i cili dyshohet se ka bashkëpu...
Foto ilustruse TIRANË- Policia ka arrestuar një 20-vjeçar në Tiranë. Ai u arrestua nga forcat blu, pasi shantazhonte njerëz...
Foto ilustruse DURRËS- Policia ka arrestuar sot dy persona në Durrës. Ata u arrestuan nga forcat blu, pasi nën ndikimin e lën...
Foto ilustruse TIRANË- Policia ka arrestuar ditën e sotme dy persona në Tiranë. Në pranga ka rënë Geraldo Zene...
Foto ilustruse Kthesa e Çakranit- Një aksident rrugor ka ndodhur në vendin e quajtur “Kthesa e Çakranit”. Një...
