Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Gazetari Alfred Lela që dikur ka qenë vartës i botuesit Henri Çili, i ka dalë sot në mbrojtje këtij të fundit pasi u vu në pranga në kuadër të një operacioni të gjerë për llogari të Gjykatës së Gjirokastrës. Në një analizë të publikuar në Politiko.al, Lela shkruan se pronari i Universitetit Europian të Tiranës, njëherazi dhe botuesi, Henri Çili duhet të japë llogari për kundravajtjet e tij penale, nëse vërtetohet që ka, por nuk duhet trajtuar si koka e krimit të organizuar në Shqipëri.
Referuar dy reagimeve publike, si nga ana e Drejtorit të Policisë së Shtetit, ashtu edhe nga ana e ministrit të Brendshëm Sandër Lleshaj, të cilët folën për ‘organizatë të strukturuar kriminale’ dhe ‘efekte të reformës në drejtësi’, Lela shkruan se nuk mund të përkufizohet Çili si pjesë e një ‘strukture të krimit të organizuar’ ndërkohë që sipas tij, disa familje dhe disa personazhe famëkëqij të botës së krimit janë liruar nga kjo akuzë e rëndë për njëqind arsye e shumë ‘moskompetenca’. Gazetari u bën thirrje gjithashtu kolegëve të tij, që të mbeten ‘syçelë’ ndaj kundravajtjeve të pushtetit, pasi sipas Lelës, çfarëdo të ketë bërë Henri Çili, ai nuk është koka e krimit të organizuar në Shqipëri dhe as ‘peshku i madh’ i reformës në drejtësi.
Shkrimi i plotë
Ndalimi i Henri Çilit, një personazh i njohur publik, me një varg akuzash, që shkojnë nga ‘mashtrimi’ deri te ‘ndikimi i organeve të drejtësisë’, u bë lajmi i madh i ditës sot në media. Sigurisht, Çili duhet të përgjigjet para ligjit për akuzat e ngritura ndaj tij dhe, sipas një parimi të shenjtë të drejtësisë, ai mbetet i pafajshëm derisa të provohet fajtor. Policia e Shtetit, me anë të drejtuesve më të lartë dhe nëpërmjet operacioneve të shumëfishta, duke kryer kontrolle në UET dhe më pas në shtëpinë e botuesit, ka bërë gjithçka që të përdorë Çilin si ‘poster man’ të një rrjeti të dyshuar kriminal, për të ngritur një shtjellë komunikimi publik të cilën, të paktën ne gazetarët, duhet ta shohim vëngër dhe me dyshim.
Pas Ardi Veliut, drejtorit të Përgjithshëm të Policisë, që doli në një konferencë speciale shtypi, u shpreh publikisht edhe ministri Lleshaj: me një status në rrjetet sociale ai foli për ‘organizatë të strukturuar kriminale’ dhe ‘efekte të reformës në drejtësi’. Të bën të dyshosh një përkufizim i tillë i Henri Çilit si pjesë e një ‘strukture të krimit të organizuar’ ndërkohë që disa familje dhe disa personazhe famëkëqij të botës së krimit janë liruar nga kjo akuzë e rëndë për njëqind arsye e shumë ‘moskompetenca’. Të bën të shkulesh gazit ironik edhe frymëzimi që kërkon të ngjallë ministri Lleshaj te reforma në drejtësi, duke arrestuar një njeri të botës mediatike dhe universitare, një avokat dhe disa kontrabandistë hashashi ‘small time’, në kufirin Shqipëri- Greqi. A pret publiku, megjithë mend, dhe a do të shpërblehet me faktin se ‘peshku i madh’ i parë i reformës në drejtësi është Henri Çili?!
Është i kuptueshëm ngazëllimi dhe nxitimi, si i z. Veliu dhe i z. Lleshaj, si i policëve dhe prokurorëve të thjeshtë me publicitetin që u siguron emri i Henri Çilit. Eshtë shpagimi që ata kërkojnë dhe marrin të paktën për pak kohë (një ditë e ka edhe korbi, thoshte Camaj) nga njerëz që shkrujanë, botojnë, lobojnë, kanë një zë publik. Imagjinoni sa të lumtur do të ishin sikur të mund të arrestonin edhe Fatos Lubonjën, Andi Bushatin dhe kundërshtarë të tjerë të qeverisë apo të establishmentit. Kjo nuk do të thotë se Çili ishte anti-establishment, ai ishte në fakt përfaqësuesi par excellence i establishmentit; mbrojtës për disa vite i qeverisë; i heshtur përballë korrupsionit të saj, të policisë, të prokurorisë dhe gjykatave. Megjithatë, si zë i njohur i agorës publike, dhe jo si përfaqësues puritan i interesit publik, ai dhe të ngjashmit e tij, pjesë e komentariatit politik, zgjojnë mllefe dhe presin shpagime.
Paradoksalisht, heshtja e Çilit nuk funksionoi për të. Siç as piruetat. Askush nuk i doli për zot sot botuesit të disa gazetave, pronarit të një universiteti, individit me shumë lidhje, të hapura dhe okulte. Gazetarët dhe analistët duhet ta bëjnë, ama. Goditja shproporcionale ndaj Henri Çilit është goditje për të gjithë ne. Ndalimi (apo arrestimi) i tij do t’i shërbejë kryeministrit dhe njerëzve të tij për ta përforcuar tezën e tyre të ‘analistëve dhe gazetarëve të lidhur me krimin’. Çili duhet të paguajë për kundravajtjet e veta (nëse ka), por ne duhet të mbetemi syçelë ndaj kundravajtjeve të pushtetit. Çfarëdo të ketë bërë kolegu ynë, ai nuk besoj të jetë koka e krimit të organizuar në Shqipëri dhe as ‘peshku i madh’ i reformës në drejtësi. Kush na shtyn drejt kësaj, ose është idiot vetë, ose na di neve dhe publikun për idiotë.
Dosja.al ka zbuluar ekskluzivisht, se është arrestuar gjatë natës, pronari i UET, Henri Çili, shoferi i tij, avokati Ilir Korbi, biznesmeni Sait Fishta dhe 23 persona të tjerë. Të arrestuarit akuzohen se kanë ndikuar tek gjyqtarët për të liruar bandën e Lazaratit. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Lëvizja Vetëvendosje me qendër në Tiranë ka deklaruar se vazhdon organizimi kundër HEC-it të jashtëligjshëm në Zall Gjoçaj, projekt ky, i ci...
BULQIZË– Sektori minerar është zhytur në një krizë të thellë të mungesës së shitjes për shkak të rënies drastike të çmimit të mineralit të kromit në...
TIRANË- Gjyqtari i Gjykatës së Lartë, njëherësh dhe kryetar i Këshillit të Emërimeve ë Drejtësisë, Ardian Dvorani, ka reaguar pas arrestimit të Henri &Cced...
TIRANË– Del video e operacionit, ku u vu në pranga pronari i Universitetit Europian të Tiranës, Henri Çili, drejtori juridik i UET-së, Ilir Korbi, b...
ITALI– Një ditë qoftë dhe përkohësisht virusi do shuhet, ndoshta dhe jo, por në këtë rast trajtimet për pneumoni do të duhet të përfshijnë edhe Covid-19 në mesi...
TIRANË– Profesorët e Universitetit Europian të Tiranës kanë reaguar pas arrestimit të Henri Çilit, i cili e ka në pronësi këtë universitet. Në reagi...
PUKË- Dëbora e rënë mëngjesin e djeshëm ka zbardhur majat e Pukës. Qyteti verior vjen me një pamje piktoreske dhe peizazhe të mrekullueshme natyrore. ‘Vell...
TIRANË- Operacioni Forca e Ligjit ka vijuar dhe sot dërgimin e formularit për dy persona të tjerë, të cilët janë subjekt të ligjir të ashtuquajtur Anti-K&C...
Shqipëri- Në Shqipëri botuesi i njohur Henri Çili, pronar i Universitetit europian të Tiranës, një prej institucioneve arsimore më të mëdha në vend, u ar...
TIRANË– Gazetari Shpëtim Zinxhiria me anë të një njoftimi në Facebook, ka bërë me dije se ambasada e Greqisë në Shqipëri dhe Ministrja e Shtypit në Greqi n...
