Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
RUSI– Presidenti Vladimir Putin ka qenë udhëheqësi i Rusisë që prej viti 2000, kur ishte vetëm 48 vjeç. Një brez i tërë i të rinjve rusë, nuk ka njohur ndonjë udhëheqës tjetër. E megjithatë, një Putin tanimë i plakur, duket i vetëdijshëm për vdekshmërinë e tij, dhe po merr masa për të siguruar stabilitetin që ai solli në Rusi edhe kur të mos jetë më në këtë botë.
Në Perëndim ai perceptohet si një autokrat i pamëshirshëm, qëllimi i vetëm i të cilit është të sigurojë pushtetin e vet personal, ndërsa pasuron veten dhe aleatët e tij.
Qasja më këmbëngulëse që Rusia ka pasur nën sundimin e tij, si në periferinë e saj të menjëhershme, ashtu edhe në skenën ndërkombëtare, është parë si një agresion i hapur, me qëllimin përfundimtar rimarrjen e territoreve të humbura gjatë rënies së Bashkimit Sovjetik.
Tek këto perceptime ka disa të vërteta, por edhe disa shtrembërime. Sigurisht, Putini ka përdorur të gjitha mjetet që ka në dispozicion, përfshirë kërcënimet, ndjekjet penale dhe dhunën për të siguruar qëndrimin e tij në pushtet, ndërsa ka grumbulluar një pasuri të madhe.
Por në nivelin shtetëror, këto veprime janë më shumë një mjet drejt një qëllimi, sesa vetë qëllimi. Para ngjitjes së Putin në pushtet, Rusia e viteve 1990, shihej gjerësisht si një shtet gangsterësh, ku oligarkët që kishin zhdukur kufijtë midis biznesit legjitim dhe ndërmarrjes kriminale, talleshin me shtetin dhe përdornin lidhjet e tyre politike për të plaçkitur ekonominë kombëtare.
Putin nuk i dha fund korrupsionit, por ai pohoi epërsinë e shtetit dhe interesave të tij mbi gjithçka tjetër, përfshirë synimet e oligarkëve dhe vetë ligjit. Tani territori kontrollohet
nga njerëzit e Putinit, dhe lufta midis oligarkëve menaxhohet dhe mbahet kryesisht larg vëmendjes së publikut.
Së bashku me bumin e çmimeve të naftës në vitin 2000, kufizimi i korrupsionit dhe ripërtëritja e biznesit mundësoi një bum ekonomik, që e transformoi jetën e rusëve të zakonshëm pas dëshpërimit të viteve 1990, dhe hodhi bazat e popullaritetit të Putinit.
Por së bashku me këtë erdhën një sërë veprimesh të rrezikshme, të cilat synojnë të sigurojnë ato që Rusia i sheh si interesat e saj kryesore të sigurisë, përfshirë qasjen në Detin e Zi dhe hegjemoninë në rajonin e Kaukazit. Putini nuk është përgjegjës vetëm për hartimin e politikave të jashtme dhe të brendshme të Rusisë.
Ai drejton një grupim të palëve të interesuara, që përfshin udhëheqësit e biznesit, ‘silovikët’ e forcave të armatosura dhe shërbimeve të sigurisë, si dhe manjatët rajonalë. Putin dhe rrjeti i tij përfitojnë drejtpërdrejt nga postet e tyre. Por edhe rrjeti më i gjerë i palëve të interesuara, dëshiron të mbetet në pushtet dhe të ruajë qasjen e tij në burimet e shtetit, pavarësisht nëse Putini do vijojë të jetë apo jo në krye.
Udhëheqja ruse, po synon të vendosë një stabilitet politik afatgjatë, që do t’i pengonte liderët e ardhshëm të prishin ekuilibrin që kanë krijuar ata. Nga perspektiva patriotike e Putinit, kjo do ta shpëtojë Rusinë nga një lider tjetër i dobët si ish-presidenti Boris Jeltsin, që do të lejonte dobësimin nga brena të Rusisë.
Mekanizmi kryesor për sigurimin e kësaj vazhdimësie janë ndryshimet e fundit kushtetuese që janë duke u miratuar, të cilat krijuan një ndryshim elegant por gjithsesi të konsiderueshëm të qeverisjes. Për shembull, sipas kushtetutës së re, Duma (parlamenti rus) ka tashmë kompetencën ekskluzive për të emëruar një seri anëtarësh kabineti të fokusuar në politikën e brendshme dhe politikat ekonomike.
Ndërkohë, presidenca merr kompetenca më të qarta në emërimin e një pjese të kabinetit që merret me politikën dhe sigurinë e jashtme. Me një rëndësi të ngjashme është roli në rritje i të ashtuquajturit Këshilli i Rusisë, përfshirë Këshillin e Sigurimit dhe Këshillin e Federatës që përfaqëson rajonet e Federatës Ruse.
Miratimi i këtyre ndryshimeve, do ta çojë Rusinë drejt një forme udhëheqjeje që mbështetet më shumë mbi një konsensus midis aktorëve kryesorë, sesa tek një politikë e diktuar nga një njeri i vetëm. Ky ndryshim kërkon jo vetëm ndryshimin e ligjeve, por edhe të kulturës politike.
Gjithashtu ky proces ka nevojë për një themel të caktuar të stabilitetit, në vend të një sistemi të ndërtuar rreth lidhjeve dhe karizmës së një njeriu. Kjo ka nënkuptuar një zgjatje të kohës së qëndrimit në detyrë të Putinit, për të lehtësuar tranzicionin dhe reformën drejt një epoke post-Putin.
Duke pasur parasysh historinë e Rusisë dhe realitetin e dinamikës së saj të brendshme, është plotësisht e mundur që largimi i Putinit nga skena, qoftë me një pensioni real apo përmes vdekjes, do të shkaktojë një konkurrencë të ashpër brenda elitave ruse.
Udhëheqësit politikë, oligarkët dhe zyrtarët e shquar të sigurisë, kanë luftuar në heshtje për pushtet nën sundimin e Putinit. Por pa personalitetin e tij të fortë dhe fuqinë e centralizuar që ai mishëron, konfliktet të tilla rrezikojnë që të përçajnë organet qeveritare ruse dhe të sjellin më shumë ngërçe sesa në konsensus.
Duke pasur parasysh kompleksitetin e këtij transformimi politik, mungesa e kuptimit të strukturave udhëheqëse ruse nga administratat perëndimore paraqet disa sfida të rëndësishme.
Perëndimi duhet të nisë të marrë parasysh se si do të duket një Rusi pa Vlaidmir Putin, duke analizuar në detaje sistemin e ri, dhe duke parë mundësitë për të kultivuar dhe mbështetur njerëzit brenda këtyre strukturave të fuqisë, të cilët mund ta drejtojnë Rusinë në një kurs më të favorshëm për interesin e SHBA-së.
Në funksion të këtij qëllimi, Shtetet e Bashkuara duhet të jenë jashtëzakonisht përllogaritëse në zbatimin e sanksioneve kundër anëtarëve të qeverisë ruse, dhe të jenë mjaft fleksibël për të lehtësuar ose eleminuar ato si një shenjë e mirëbesimit.
Zbatimi i sanksioneve është përdorur masivisht vitet e fundit, dhe rrezikon të tjetërsojë një brez të ardhshëm liderësh që e ndiejnë veten si më të afërt me Perëndimin. Shtetet e Bashkuara duhet të jenë të ndërgjegjshme, se ndryshimet e ardhshme mbi mënyrën se si qeveriset Rusia dhe kush e udhëheq, janë më së shumti dy dekada larg. Ndaj Uashingtoni duhet të punojnë jo vetëm për ballafaqimin me Moskën sot, por edhe me udhëheqësit e së ardhmes.
Shkruar nga Jeff Hawn &Sim Tack “Foreign Policy”
1 vit nga zgjedhjet e 25 prillit si e shikoni gjendjen e vendit:
KOSOVË- Kandidati për Kryeministër Albin Kurti dhe kandidatja për Presidente Vjosa Osmani kanë zhvilluar ditën e djeshme fushatë elektorale në Istog. Më an...
RUSI– Pallati misterioz i Putinit që u shfaq në një video virale nga lideri rus i opozitës Alexei Navalny, dukej se ishte plot lukse të dhuruara Presidentit Vl...
BRUKSEL– Komisioni Evropian vendosmërisht thotë se vaksina ruse Sputnik V nuk është pjesë e strategjisë së vaksinimit të BE, dhe as përfshirja e saj në st...
SHBA– Të paktën gjashtë persona u vranë në aksident, i cili përfshiu 133 automjete, njoftoi FOX 4 i Dallas-Fort Worth. Rreth 60 njerëz u transportuan në s...
RUSI- Ministri i Jashtëm rus Sergej Lavrov tha se Rusia është e gatshme që t’i ndërpres marrëdhëniet me Bashkimin Evropian. BBC shkruan se nga ndërprerja e lidh...
KOSOVË– Kandidati për kryeministër nga PDK, Enver Hoxhaj, në tubimin që ka mbajtur sot në Mitovicë, ka falenderuar nipin e Kadri Veselit, që ishte pr...
TURQI- Një tërmet me madhësi 4,5 ballë të shkallës rihter ka lëkundur provincën Kastamonu të Detit të Zi në Turqi mëngjesin e sotëm. Nga tërmeti nuk janë raport...
ZVICËR- Mutacioni brazilian i Covid ka mbërthyer Zvicrën. Albinfo.ch shkruan se deri tani janë zbuluar në 2 kantone rastet e para të mutacionin brazilian n...
HOLLANDË-Amsterdami ka kapërcyer Londrën si qendra më e madhe e tregtisë së aksioneve në Evropë dhe ekspertët thonë se goditja simbolike mund të pasohet ng...
RUSI- Vladimir Putin nuk po ngutet për të marrë vaksinën Sputnik V pavarësisht mburrjes për efektivitetin e goditjes ruse, duke thënë thjesht se ai ‘mund&...
