Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SHBA– Ish-lideri amerikan, Barack Obama gjatë një fjalimi në Filadelfia para popullit amerikan, ka paralajmëruar se pasardhësi i tij, Donald Trump ishte në prag të shkatërrimit të vetë demokracisë. Dueli i fundit mes Barack Obamës dhe Donald Trump tregoi dy ekstreme të qeverisjes së tyre në krye të Shtëpisë së Bardhë.
Obama, një lider serioz dhe intelektual, mbajti një ligjëratë komplekse gjatë Konventës Kombëtare Demokratike. Ai bëri thirrje për një spastrim historik, duke përfshirë Themeluesit, Lëvizjen për të Drejtat Civile, trashëgiminë e emigrantëve të Amerikës dhe të rinjtë amerikanë, të cilëve sot u ka kërkuar për të shpëtuar liritë e tyre ashtu si e kishin bërë paraardhësit e tyre sa herë që premtimet e politikanëve nuk janë mbajtur.
Pas fjalimit të Obamës, Trump u shqetësua shumë dhe menjëherë mohoi akuzat ndaj tij, duke pretenduar se janë gënjeshtra. Gjithashtu ai shtoi se kishte prova të çuditshme për paraardhësin e tij.
Në 2004, Obama mbajti fjalime të jashtëzakonshme, mbase naive drejtuar DNC, që në thelb jepnin mbështetje ndaj të rinjve amerikanë. Ndërsa gjashtëmbëdhjetë vjet më pas Obama paralajmëroi Amerikën se duhet të presë që një “president të jetë kujdestari i kësaj demokracie”.
“Ne duhet të presim që pavarësisht nga egoja, ambicia apo bindjet politike, presidenti do të ruajë, mbrojë liritë dhe idealet që aq shumë amerikanë marshuan për lirinë dhe përfunduan në burg, ku në fund vdiqën për të.”- tha ai.
Obama, tashmë një qytetar amerikan pa asnjë post të lartë në qeverinë aktuale, nuk ka fuqi zyrtare dhe asnjë mandat për të folur me popullin amerikan ashtu si bëri mbrëmjen e së mërkurës, në një kongres virtual i izoluar në shtëpi si shkak i pandemisë.
Por ai mbart statusin e tij historik, peshën morale të udhëheqësit së Shtëpisë së Bardhë dhe popullaritetin e qëndrueshëm në gjysmën e vendit të revoltuar nga abuzimet Administratës Trump. Ish-Presidenti e paraqiti veten si mbrojtës të demokracisë, të 243 viteve, të normave kushtetuese dhe autoritetit të huazuar nga masat që nuk u imponuan nga një udhëheqës i fortë.
“Mos lejoni që ata t’ju heqin pushtetin tuaj. Mos lejoni që ata të heqin demokracinë tuaj. Bëni një plan tani për mënyrën sesi do të përfshiheni dhe do të votoni. Bëjeni sa më shpejt që të mundeni dhe tregoni familjes dhe miqve tuaj se si ata mund të votojnë. Ajo që ne bëjmë jehonë përmes brezave.”- tha Obama në thirrjen e tij për qytetarët, mesazh i thellë i një lideri politik për politikat e trashëgimisë shkatërruese të paraardhësit të tij.
Demokratët kanë pritur katër vjet që Obama të flasë në një mënyrë të tillë. Por, sikur të kishte bërë një koment të përditshëm për zemërimet e Trump, paralajmërimi i ish-komandantit ditën e djeshme do të kishte mungesë ndikimi.
Ai e qortoi Trumpin në terma ‘mahnitëse’ si anëtar i klubit të presidentëve, një vëllazëri që lideri aktual e përçmon.
“Asnjëherë nuk kam pritur që pasardhësi im të përqafojë vizionin tim ose të vazhdojë politikat e mia. Kam shpresuar, për hir të vendit tonë, që Donald Trump mund të tregojë ndonjë interes për ta marrë seriozisht punën. Që ai të vijë dhe të ndiejë peshën e postit që mbante në zyrën e Presidenit për demokracinë që ishte në duart e tij. Por ai kurrë nuk e bëri. Për gati katër vjet, ai nuk ka treguar interes për ta bërë këtë, nuk ka asnjë interes për të gjetur terren të përbashkët, nuk ka interes për të përdorur fuqinë e jashtëzakonshme të zyrës së tij për të ndihmuar këdo, por ndihmon veten dhe miqtë e tij.”- tha Obama.
Ndërkohë Presidenti Trump ka injoruar dhe sulmuar çdo institucion që mund ta mbajë atë për të dhënë llogari nga Kongresi në gjykata, Departamenti i Drejtësisë si edhe shtypi. Ai vijon me statuset e tij në rrjetet sociale për propagandën e inteligjencës ruse. Çdo ndikim frenues në kabinetin e tij ka kohë që është evituar. Ai mund të ketë shtypur tashmë legjitimitetin e çdo fitoreje të Biden në nëntor duke paralajmëruar se zgjedhjet që ai humb do të jenë “të manipuluara”.
Sekretari i shtypit i Shtëpisë së Bardhë, Kayleigh McEnany refuzoi disa orë më parë të shprehej se Presidenti do të pranonte rezultatin e zgjedhjeve. Në çdo administratë tjetër ky do të ishte një skandal përcaktues.
Në shumë mënyra, e gjithë presidenca e Trump ka shpalosur si një përpjekje për të zhdukur Obamën, të cilin ai e sulmoi pa mëshirë në një komplot racist që ndërtoi lëvizjen e tij politike. Të mërkurën ai bëri një përpjekje tjetër për të shkatërruar marrëveshjen bërthamore të Iranit që është arritja më e rëndësishme e politikës së jashtme të Obamës.
Një betejë që do të përcaktojë një epokë
Fjalimet e së mërkurës nënvizuan se si do të vendosin këto zgjedhje nëse tendosja politike mbizotëruese në Amerikë është demagogjia populiste dhe lëvizja kulturore e ofruar nga Trump apo kryqëzata aspirative multi-kulturore e Demokratëve të Obamës, që tërheqin një komb gjithnjë e më të larmishëm.
Përgjigja e parë e Presidentit në fjalim ishte që të akuzonte në mënyrë të rreme Obamën për spiunim ndaj tij në vitin 2016, pasi një raport i ri nga një komitet i Senatit të udhëhequr nga republikanët konfirmoi kontakte të shumta midis fushatës së tij dhe Rusisë në 2016.
“Ai spiunoi fushatën time dhe u kap!”- ka shkruar Trump, duke shtrembëruar të vërtetën e zgjedhjeve të kaluara.
Trump erdhi në pushtet i vendosur për të shkatërruar status quo-në amerikane. Normat, ligjet, traditat nuk do të thotë asgjë për të, pasi Presidenca është vetëm një fazë tjetër për të ndjekur qëllimet e tij personale.
Sjellja e keqe e tij dhe sjellja jokushtetuese që ata që pajtohen me Obamën e konsiderojnë të turpshme dhe kërcënuese për vetë republikën është arsyeja pse miliona ndjekës të tij, janë të zemëruar nga elitat që ata besojnë se grumbullojnë një sistem politik që i injoron dhe i përçmon ato.
Por Obama ka thënë herë pas here, se paraardhësit e amerikanëve modernë ishin përballur me të njëjtat dyshime, nga fermerët e pluhurit (periudha e stuhive të mëdha pluhuri që dëmtuan shumë ekologjinë dhe bujqësinë e amerikane dhe kanadeze gjatë viteve 1930), deri tek emigrantët italianë dhe irlandezë, por kishin bërë të mundur që sistemi amerikan të funksiononte
“Kjo administratë ka treguar se do ta shkatërrojë demokracinë tonë nëse kjo është ajo që duhet për të fituar.”- u shpreh Obama duke bërë thirrje për një votim të madh mbështetjeje për ‘biletën’ Demokratike të Joe Biden dhe Kamala Harris.
Burimi: CNN
A.C/Dosja.al
1 vit nga zgjedhjet e 25 prillit si e shikoni gjendjen e vendit:
KINË– Kina është vendi i parë në botë ku shpërtheu virusi vdekjeprurës Covid-19, ku epiqendra ishte Wuhani. Ndërsa bota po përballej me një numër të lartë ...
KOSOVË– Një aksident i rëndë ka ndodhur pasditen e sotme në autostradën ‘Ibrahim Rugova’, ku për pasojë kanë mbetur të plagosur shtatë persona.Ky lajm ësh...
TIRANË-Sundimi i sulltanit Sulejman Kanuni, sipas mendimit të historianëve, konsiderohet si epoka e artë e Perandorisë Osmane. Kufijtë e Perandorisë ishin ...
MAQEDONI E VERIUT– Maqedonia e Veriut nuk po gjen qetësi me pandeminë e koronavirusit, teksa ditë pas dite po shënohen shifra të larta të rasteve të reja...
SHBA– Ish- këshilltari i fushatës së Presidentit aktual të SHBA-së, Donald Trump, Steve Bannon dhe tre persona të tjerë janë arrestuar për mashtrim në fushatën ...
LONDËR -Policia ka nisur një hetim urgjent për një makinë të zhdukur, brenda së cilës ndodhej edhe një fëmijë i vogël brenda.Nga Dailymail raportohet se ...
KOSOVË– Në 24 orët e fundit në të gjithë territorin e Kosovës kanë vdekur për shkak të koronavirusit 13 persona dhe janë infektuar 158 të tjerë.Ky lajm ësh...
SLLOVAKI– Bashkëshortja e biznesmeni sllovak, Jozef Chovanec që u vra në qelitë e paraburgimit në vitin 2018 në Belgjikë ka kërkuar një gjykatës të ri për të h...
KOSOVË– Kosova prej muajsh po përballet me një situatë të vështirë të pandemisë së koronavirusit, ku ditë pas dite janë shënuar shifra të larta të të infek...
VENEZUEL-Një ekonomi e rrënuar dhe një sistem i shkatërruar i shëndetësisë e kanë lënë presidentin e Venezuelës Nicolás Maduro të paaftë për të luftuar pandemin...
