Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Mes mjegullës së luftës, mund të jetë e vështirë të shihet rruga para. Lajmet nga fusha e betejës, zhurmat diplomatike, emocionet e të pikëlluarve dhe të shpërngulurve; e gjithë kjo mund të jetë dërrmuese për të analizuar. Pra, le të tërhiqemi për një moment dhe të shqyrtojmë se si mund të zhvillohet konflikti në Ukrainë. Cilat janë disa nga skenarët e mundshëm që po shqyrtojnë politikanët dhe planifikuesit ushtarakë? Pak mund të parashikojnë të ardhmen me besim, por këtu janë disa rezultate të mundshme. Shumica janë të zymtë.
Luftë e shkurtër
Sipas këtij skenari, Rusia përshkallëzon operacionet e saj ushtarake. Ka më shumë sulme pa dallim artilerie dhe raketash anembanë Ukrainës. Forca ajrore ruse – e cila ka luajtur një rol të vogël deri më tani – fillon sulme ajrore shkatërruese. Sulmet masive kibernetike përfshijnë Ukrainën, duke synuar infrastrukturën kryesore kombëtare. Furnizimi me energji dhe rrjetet e komunikimit janë ndërprerë. Mijëra civilë vdesin. Pavarësisht rezistencës së guximshme, Kievi bie brenda pak ditësh. Qeveria zëvendësohet me një regjim kukull pro Moskës.
Presidenti Zelensky ose vritet ose arratiset, në Ukrainën perëndimore apo edhe jashtë shtetit, për të ngritur një qeveri në mërgim. Putin shpall fitoren dhe tërheq disa forca, duke lënë pas mjaftueshëm për të mbajtur njëfarë kontrolli. Mijëra refugjatë vazhdojnë të ikin në perëndim. Ukraina i bashkohet Bjellorusisë si një shtet i Moskës.
Ky rezultat nuk është aspak i pamundur, por do të varet nga ndryshimi i disa faktorëve. Putin mund të arrijë ndryshimin e regjimit në Kiev dhe fundin e integrimit perëndimor të Ukrainës. Por çdo qeveri pro-ruse do të ishte e paligjshme dhe e ndjeshme ndaj kryengritjes. Një rezultat i tillë do të mbetej i paqëndrueshëm dhe perspektiva për të shpërthyer sërish konflikt do të ishte e madhe.
Luftë e gjatë
Ndoshta ka më shumë gjasa që kjo të zhvillohet në një luftë të zgjatur. Ndoshta forcat ruse ngecin, pengohen nga morali i ulët, logjistika e dobët dhe lidershipi i paaftë. Ndoshta u duhet më shumë kohë për të marrë qytete si Kievi, mbrojtësit e të cilëve luftojnë nga rruga në rrugë. Pason një rrethim i gjatë. Ndoshta Rusia nuk mund të sigurojë trupa të mjaftueshme për të mbuluar një vend kaq të madh. Forcat mbrojtëse të Ukrainës shndërrohen në një kryengritje efektive, të motivuar mirë dhe të mbështetur nga popullsia lokale. Perëndimi vazhdon të sigurojë armë dhe municione. Dhe më pas, ndoshta pas shumë vitesh, me ndoshta udhëheqjen e re në Moskë, forcat ruse përfundimisht largohen nga Ukraina, të përkulura dhe të gjakosura, ashtu si paraardhësit e tyre u larguan nga Afganistani në 1989 pas një dekade duke luftuar kundër kryengritësve islamikë.
Luftë evropiane
A mund të jetë e mundur që kjo luftë të derdhet jashtë kufijve të Ukrainës? Presidenti Putin mund të kërkojë të rimarrë më shumë pjesë të ish-perandorisë ruse duke dërguar trupa në ish-republikat sovjetike si Moldavia dhe Gjeorgjia, që nuk janë pjesë e NATO-s. Ose mund të ketë thjesht llogaritje të gabuara dhe përshkallëzim. Putin mund të deklarojë se furnizimet me armë perëndimore për forcat ukrainase janë një akt agresioni që kërkon hakmarrje. Ai mund të kërcënojë se do të dërgojë trupa në shtetet baltike – që janë anëtarë të NATO-s – si Lituania, për të krijuar një korridor tokësor me enklavën bregdetare ruse të Kaliningradit.
Kjo do të ishte jashtëzakonisht e rrezikshme dhe do të rrezikonte një luftë me NATO-n. Sipas nenit 5 të statutit të aleancës ushtarake, një sulm ndaj një anëtari është një sulm ndaj të gjithëve. Tani e dimë se lideri rus është i gatshëm të thyejë normat ndërkombëtare të vjetra. E njëjta logjikë mund të zbatohet për përdorimin e armëve bërthamore. Këtë javë, Putin vendosi forcat e tij bërthamore në një nivel më të lartë gatishmërie. Shumica e analistëve dyshojnë se kjo do të thotë se përdorimi i tyre është i mundshëm ose i afërt.
Zgjidhje diplomatike
A mund të ekzistojë, pavarësisht gjithçkaje, një zgjidhje e mundshme diplomatike?
“Armët po flasin tani, por rruga e dialogut duhet të mbetet gjithmonë e hapur,”- tha Sekretari i Përgjithshëm i OKB-së, António Guterres. Sigurisht që dialogu vazhdon! Presidenti Macron i Francës ka folur në telefon me presidentin Putin. Dhe, çuditërisht, zyrtarët rusë dhe ukrainas janë takuar për bisedime në kufirin me Bjellorusinë. Ata mund të mos kenë bërë shumë përparim. Por, duke rënë dakord për bisedimet, Putin duket se të paktën ka pranuar mundësinë e një armëpushimi të negociuar.
Pyetja kryesore është nëse Perëndimi mund të ofrojë atë që diplomatët i referohen si “rampa“, një term amerikan për një dalje nga një autostradë kryesore. Diplomatët thonë se është e rëndësishme që udhëheqësi rus të dijë se çfarë do të duhej që sanksionet perëndimore të hiqen, në mënyrë që një marrëveshje për të shpëtuar fytyrën të jetë të paktën e mundur.
Konsideroni këtë skenar. Lufta shkon keq për Rusinë. Sanksionet fillojnë të shqetësojnë Moskën. Kundërshtimi rritet. Putin pyet veten nëse ka kafshuar më shumë se sa mund të përtypë. Ai gjykon se vazhdimi i luftës mund të jetë një kërcënim më i madh për udhëheqjen e tij sesa poshtërimi për t’i dhënë fund. Kina ndërhyn, duke ushtruar presion ndaj Moskës për të bërë kompromis, duke paralajmëruar se nuk do të blejë naftë dhe gaz rus nëse nuk de-përshkallëzohet konflikti. Kështu Putin fillon të kërkojë një rrugëdalje. Ndërkohë, autoritetet ukrainase shohin shkatërrimin e vazhdueshëm të vendit të tyre dhe arrijnë në përfundimin se kompromisi politik mund të jetë më i mirë se një humbje e tillë shkatërruese. Pra, diplomatët angazhohen dhe një marrëveshje arrihet. Ukraina, le të themi, pranon sovranitetin rus mbi Krimenë dhe pjesë të Donbasit. Nga ana tjetër, Putin pranon pavarësinë e Ukrainës dhe të drejtën e saj për të thelluar lidhjet me Evropën.
Kjo mund të mos duket e mundshme. Por nuk është përtej sferës së besueshmërisë që një skenar i tillë mund të dalë nga rrënojat e një konflikti të përgjakshëm.
Putin i rrëzuar
Po vetë Vladimir Putin? Kur nisi pushtimin e tij, ai deklaroi: Ne jemi të gati për çdo rezultat. Por, çka nëse ky rezultat do të ishte që ai të humbiste pushtetin? Mund të duket e paimagjinueshme. Megjithatë bota ka ndryshuar ditët e fundit dhe gjëra të tilla tani mendohen. Profesor Sir Laërence Freedman, profesor emeritus i studimeve të luftës në Kings College, Londër, shkroi këtë javë: Tani ka po aq të ngjarë që të ketë ndryshim regjimi në Moskë po aq sa në Kiev. Pse e thotë këtë? Epo, ndoshta Putin po ndjek një luftë katastrofike. Mijëra ushtarë rusë vdesin. Ka sanksione ekonomike. Putin humbet mbështetjen. Ndoshta ekziston kërcënimi i revolucionit popullor. Ai përdor forcat e brendshme të sigurisë ruse për të shtypur opozitën. Por kjo e bën situatën edhe më keq dhe mjaft anëtarë të elitës ushtarake, politike dhe ekonomike të Rusisë kthehen kundër tij. Perëndimi e bën të qartë se nëse Putini zëvendësohet nga një lider më i moderuar, atëherë Rusisë do i hiqen disa sanksione dhe do rivendosen marrëdhëniet normale diplomatike. Mund të ndodhë një grusht shteti i përgjakshëm në pallat dhe Putini përfundon jashtë. Përsëri, kjo mund të mos duket e mundshme për momentin. Por mund të mos jetë e pabesueshme nëse njerëzit që kanë përfituar nga Putin nuk besojnë më se ai mund të mbrojë interesat e tyre.
Këta skenarë nuk janë të vetmit-mund të kombinohen për të prodhuar rezultate të ndryshme. Por sido që të ndodhë ky konflikt, bota ka ndryshuar. Nuk do të kthehet në status quo ante. Marrëdhëniet e Rusisë me botën e jashtme do të jenë të ndryshme. Qëndrimet evropiane ndaj sigurisë do të ndryshohen. Dhe rendi liberal, i bazuar në rregulla ndërkombëtarë, thjesht mund të kishte rizbuluar se për çfarë ishte krijuar në radhë të parë.
Marrë nga BBC
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
BJELLORUSI- Mbyllen bisedimet! Rusia dhe Ukraina do të vazhdojnë negociatat në raundin e tretë në të ardhmen e afërt, por ende nuk ka një datë të caktuar nga pa...
KIEV- Ukraina dhe Rusia kanë rënë dakord të mbajnë së shpejti një raund të tretë bisedimesh. Reuters citon një negociator ukrainas, i cili ka bërë me dije se Uk...
RUSI– Redaktori i një faqeje lajmesh ruse u kërkoi falje kolegëve të tij ukrainas për luftën, kur u shfaq përkrah një gazetari ukrainas në BBC.Ivan Kolpak...
UKRAINË- Pushtimi i Ukrainës nga forcat ushtarake ruse ka lën shumë viktima pas një ndër to është edhe vajza e një qytetari ukrainas i cili në një video tr...
KISHINAU/ TBILISI – Gjeorgjia dhe Moldavia firmosën sot aplikimin zyrtar për tu anëtarësuar në Bashkimin Europian. Presidentja e Gjeorgjisë Salome Zurabis...
UKRAINË – Sergej, një baba ukrainas nuk e imagjinonte kurrë se do të varroste të birin e tij, Ilia, por lufta e pamëshirshme në Ukrainë i ka shkaktua...
LONDËR – Ditën e djeshme, ambasada e Ukrainës në Londër raportoi se po pëson sulm kibernetik. Sipas medias britanike “Insider” të gjitha ...
UKRAINË– Numri i të vdekurve nga sulmi i sotëm i bombardimeve në qytetin verior të Ukrainës, Chernihiv, ka arritur në 22. Lajmi është bërë me dije ng...
KIEV- Presidenti i Ukrainës, Volodymir Zelenskyy ka dalë në një konferencë shtypi – ku i bëri thirrje Perëndimit që t’i dërgojë avionë luftarakë, po...
UKRAINË- Punëtorë nga një kompani ndërtimi në Ukrainë, janë fotografuar mëngjesin e sotëm duke ndërtuar pengesa antitank, që do vendosen në rrugët e Kievit...
