Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nëse pyesni të rinjtë e sotëm se çfarë dëshirojnë të bëjnë si karrierë, shpesh përgjigjja është se duan të bëhen të famshëm në mediat sociale.
SHBA- Shumë njerëz duan të bëhen influencues në mediat sociale. Kjo është e mirë për kompanitë, por e keqe për “krijuesit”, shkruan The Economist. Nëse pyesni të rinjtë e sotëm se çfarë dëshirojnë të bëjnë si karrierë, shpesh përgjigjja është se duan të bëhen të famshëm në mediat sociale. Plot 57% e të rinjve amerikanë të brezit Z (12 deri në 27 vjeç), do të donin të ishin influencues të mediave sociale, sipas firmës Morning Consult. Rreth 53% e përshkruajnë atë si një “zgjedhje karriere me reputacion”.
Këto ëndrra mund të jenë të kuptueshme sepse ka shembuj të shumtë të superyjeve të mediave sociale, që fitojnë dhjetëra mijë dollarë për një postim që reklamon produktin e një marke të caktuar. Ndërsa konsumatorët po shpenzojnë më shumë kohë në mediat sociale, edhe shumat që paguajnë kompanitë, po rriten.
Sidoqoftë, ndërsa kjo industri është zgjeruar, ajo gjithashtu ka ndryshuar. Kompanitë e kanë zhvendosur vëmendjen drejt influencuesve online që shënjestrojnë një grup më të ngushtë ndjekësish, si për shembull, influencuesit që japin këshilla për modën për personat mbi 60 vjeç, ose këshilla kopshtarie për banorët e qytetit, në mënyrë që edhe kompanitë t’i shënjestrojnë më mirë këta konsumatorë.
Tërheqja e një grupi të vogël ndjekësish në një fushë të veçantë, mund t’u sjellë influencuesve disa para shtesë, por zakonisht kjo nuk mjafton që ata të lënë punën e rregullt. Ata që fantazojnë për të siguruar jetesën duke u bërë një yll i mediave sociale, mund të përfundojnë të zhgënjyer.
Kompanitë kanë rritur pjesën e buxheteve të marketingut për influencuesit online. Sipas shoqërisë kërkimore eMarketer, gjatë pesë viteve të fundit, kompanitë amerikane kanë trefishuar shpenzimet për marketing online, në 7 miliardë dollarë. Në një anketë nga grupi kërkimor Influencer Marketing Hub, 86% e markave në botë thanë se kanë në plan të shpenzojnë për marketingun në internet këtë vit, nga 37% në vitin 2017, kur u mbajt sondazhi për herë të parë.
Gati një e katërta e kompanive synojnë të shpenzojnë mbi 40% të buxhetit të marketingut, për t’u reklamuar nga influencuesit online. Kompanitë e kuptojnë se këta influencues, ose “krijues”, siç u pëlqen atyre ta quajnë veten, po ndikojnë gjithnjë e më shumë në sjelljen e konsumatorëve.
Sipas hulumtimit nga Universiteti Northwestern dhe platforma LTK, gati tre të katërtat e të rinjve të brezit Gen Z në Amerikë, kanë ndjekur këshillat e influencuesve online për blerjen e produkteve. Edhe më e habitshme është se një e treta e konsumatorëve që ndjekin këshillat e influencuesve online, janë në moshë të rritur.
Influencuesit online janë pjesë e çdo fushate të madhe në ditët e sotme, thotë Mark Read, drejtuesi i agjencisë së reklamave WPP. Zinxhiri amerikan i supermarketeve, Walmart, ka punuar me yjet e TikTok, si Charli dhe Dixie D’Amelio. Marka e veshjeve BOSS, ka bashkëpunuar me komedianin Khaby Lame, i cili ka më shumë ndjekës se kushdo tjetër në TikTok. Marka e veshjeve luksoze Louis Vuitton ka zhvilluar fushata me figurën e njohur të Youtube-it, Emma Chamberlain.
Gjatë viteve të fundit, influencuesit online kanë luajtur rol edhe në reklamat e kampionatit Super Bowl, së bashku me figurat e njohura të Hollivudit dhe yjet e Pop-it. Influencuesit më të mëdhenj online, tani punësojnë staf për t’i ndihmuar ata të krijojnë postime më tërheqëse, ndërsa agjencitë dhe ndërmjetësit e tjerë i ndihmojnë që të lidhin marrëveshje me markat e ndryshme.
Histori të tilla po joshin gjithnjë e më shumë njerëz të ndryshëm që të provojnë fatin e tyre për t’u bërë të famshëm në internet. Banka Goldman Sachs vlerëson se që nga viti i kaluar, kishte më shumë se 50 milionë influencues online në botë dhe numri i tyre po rritet me nga 10% deri në 20% në vit.
Rritja e numrit të influencuesve online ka qenë një ndihmë për kompanitë që i paguajnë ata për të shitur produktet e tyre. Influencuesit e famshëm mund të jenë të dobishëm për reklamimin e një marke ose për të ndryshuar mënyrën si ajo perceptohet nga blerësit, por kur bëhet fjalë për të bindur njerëzit për të blerë diçka, tregtarët janë më të përqendruar te krijuesit që kanë grupe të vogla por besnike ndjekësish.
Që nga viti 2021, pjesa e shpenzimeve për reklamim nga influencuesit online me më shumë se një milion ndjekës, ka rënë nga 15% në 8%; ndërsa pjesa e paguar për ata që kanë më pak se 20,000 ndjekës, është rritur nga 20% në 45%. Agjencitë e marketingut i ndihmojnë kompanitë që të lidhin kontrata me shumë influencues të tillë, ndonjëherë duke përdorur edhe Inteligjencën Artificiale për të zbuluar ata që përputhen më mirë me nevojat e kompanive.
Ata që shpresojnë të bëjnë një karrierë duke qenë të famshëm në mediat sociale, duhet të jenë të shqetësuar nga fakti se kjo po bëhet një karrierë gjithnjë e më e dëshiruar. Vetëm 4% e krijuesve fitojnë nga kjo punë 100,000 dollarë ose më shumë në vit, sipas Bankës Goldman Sachs.
Inteligjenca Artificiale mund ta bëjë edhe më të vështirë garën, pasi “influencuesit virtualë” po fillojnë të përhapen kudo nëpër mediat soiale. Për shembull, Aitana López, një guru fitnesi me flokë rozë dhe një fytyrë aq simetrike sa mund të ishte krijuar vetëm nga një kompjuter, ka 330,000 ndjekës në Instagram.
Numri i madh i krijuesve online po e bën famën në internet edhe më të paqëndrueshme. Edhe nëse një postim bëhet viral, kjo nuk do të thotë se karriera e një ndikuesi është vendosur një herë e përgjithmonë, thotë Joe Gagliese, bashkëthemelues i agjencisë së reklamave Viral Nation.
“Nëse ata nuk arrijnë ta shfrytëzojnë sa më mirë çastin viral, këtë do ta bëjë një krijues tjetër pas tyre”, thotë ai.
“Kjo industri është jashtëzakonisht e paqëndrueshme”, thekson Vanessa Chen, një blogere e modës e njohur më mirë me emrin e saj në Instagram, Vivacious Honey.
Për të diversifikuar të ardhurat, së fundmi ajo hodhi në treg linjën e vet të veshjeve. Shumë të tjerë kanë bërë diçka të ngjashme. Ka edhe një problem tjetër me vërshimin e influencuesve online: konsumatorët po lodhen nga reklamat e vazhdueshme të maskuara si argëtim. Në një sondazh të vitit të kaluar, firma këshillimore McKinsey zbuloi se 68% e konsumatorëve të modës në mbarë botën, ishin të pakënaqur me sasinë e përmbajtjes së sponsorizuar në mediat sociale.
Influencuesit fillimisht u bënë të famshëm, sepse konsumatorët i shihnin ata si “njerëz të cilëve mund t’u besonin”, thotë Anita Balchandani nga shoqëria McKinsey. Për të mbetur të pëlqyer, ata duhet të vendosin një baraspeshë midis pagesës dhe bindjes së ndjekësve se ata janë ende “autentikë”, një nga fjalët më të parapëlqyera të kësaj industrie. Të jesh popullor, duket se është më e vështirë se kurrë./ Monitor
Foto ilustruese Dashi Bëni ato që do mendoni gjatë kësaj dite, por mos e teproni. Qetësia dhe natyraliteti do ju ndihmojë m&...
foto ilustruese Dashi Nëse nuk keni ndonjë lloj rutine të rregullt fizike, sot patjetër që duhet të filloni një të...
e dashura e Payne LONDËR- Për herë të parë pas funeralit të yllit të "One Direction", e dashura e Liam Payne ësht&e...
Foto ilustruese Dashi Do keni më shumë besim tek vetja gjatë kësaj dite dhe do ndërmerrni projekte të shumta. Kur t’iu...
3 reperet PEJË- Tre reperët e njohur dhe ndër më të komentuarit, Stresi, Noizy dhe Dj Crax, kanë marrë dënimin pas ...
Rita Ora BRITANI- Sot Shqipëria feston 112 vjetorin e Pavarësisë dhe në këtë ditë historike urimet kanë qen&eu...
Dua Lipa BRITANI- Këngëtarja shqiptare me famë ndërkombëtare, Dua Lipa ka uruar bashkëkombasit e saj në ditën e Pav...
libri SHBA- Gati 30 vjet pasi u ble për vetëm 10 paund, një botim i rrallë i parë i Harry Potter and the Philosopher's Stone u shi...
P. Diddy SHBA- Reperit Sean 'Diddy' Combs i është mohuar sërish lirimi me kusht nga një gjykatës, ndërsa ai pret gjykimin p&e...
Foto ilustruese Dashi Dielli do ju ndihmojë t'i kaloni të gjitha vështirësitë që do ju dalin. Përfitoni për të...
