6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Dua, këngët e saj dhe suksesi që ka arritur është një tregues për të rinjtë e Kosovës se ëndrrat mund të realizohen.
TIRANË- ‘ELLE’, revista prestigjioze i ka kushtuar një artikull këngëtares shqiptare me famë botërore, Dua Lipa. Në artikull, Dua cilësohet si personi që ka arritur të liberalizojë Kosovën, një vend që është në pritje për liberalizimin e vizave. ‘ELLE’ shkruan se Dua, këngët e saj dhe suksesi që ka arritur është një tregues për të rinjtë e Kosovës se ëndrrat mund të realizohen edhe nëse vjen nga një vend i vogël si ai.
Nëse mund ta dallonit tokën nga udhëtimi retro galaktik në kopertinën e albumit ‘Future Nostalgia’ të Dua Lipës dhe do e zmadhonit drejt Evropës, pastaj në jug në Kroaci dhe më tej në zemër të Ballkanit, atje, në Prishtinë, Kosovë, në një natë të ëmbël vere në gusht, do të gjeni Dua Lipën në skenë, në shtëpinë e saj.
Performanca e Lipës nisi rikthimin e Festivalit Sunny Hill, krijuar nga babai i saj, Dukagjin Lipa, në 2018 por që u shty dy vitet në vijim për shkak të COVID. Megjithatë, gëzimi i turmës buronte nga emocionet më të thella se çdo publikim tipik pas pandemisë. Dua Lipa dhe festivali shërbejnë si kujtues për të rinjtë kosovarë se e ardhmja është e tyre dhe se Lipa e bota mund t’i dëgjojë.
Kosova është vendi më i ri në Evropë. Ka gjithashtu një nga popullsitë më të reja, nën 25 vjeç. Si pjesë e ish-Jugosllavisë, vendi pësoi një luftë të përgjakshme nga viti 1998 deri në 1999, duke fituar pavarësinë nga Serbia vetëm në vitin 2008.
“Kam një ndjenjë të fortë për luftën për shkak të prindërve dhe familjes sime,” thotë Diona Ahmetaj, 24 vjeç, e cila jeton në Prishtinë dhe foli me mua në ditët para festivalit. “Ne lexuam libra për masakrat, gjëra që nuk ju dalin kurrë nga koka. Sa herë që televizori jep video luftarake, i shihja prindërit e mi që gjithmonë emocionoheshin.”
Si shumë të tjerë, familja e Lipës u largua nga Kosova para kulmit të luftës, duke u zhvendosur në Londër, ku Dua lindi në vitin 1995. Megjithatë, ajo dhe familja e saj u kthyen në Prishtinë kur Lipa ishte 13 vjeçe dhe ajo jetoi atje për dy vjet para se të kthehej në Londër për të ndjekur karrierën e saj. “Është shumë e rëndësishme që fëmijët të mësojnë trashëgiminë e tyre,” më thotë zoti Lipa, “dhe unë dhe gruaja ime, ne e arritëm këtë.”
Ky fokus te familja dhe historitë që kalojnë brezave nuk i humbet rinisë së Kosovës. Teksa flisja me gjithnjë e më shumë njëzet e ca vjeçarë, vura re se sa shumë nga lidhja që ata ndjejnë me Lipën lidhet me faktin se, ashtu si ata, ajo është e afërt me familjen e saj dhe mësoi për luftën përmes tyre. Shumë e përmendën këtë si një nga arsyet e dhembshurisë së saj, aktivizmit dhe pse kur ajo flet për Kosovën, i vjen natyrshëm dhe nuk e mëson përmendësh nga tekstet që mund t’ia shkruajnë të tjerët. “Ajo e kupton,” thotë Verona Hasangjekaj, 24 vjeç. “Të gjithë kemi prindërit dhe gjyshërit tanë që flasin për të kaluarën. Ata janë të hapur për këtë. Shpresoj të bëjmë të njëjtën gjë, të vazhdojmë të tregojmë histori, përndryshe kështu harrojmë.”
Natyrisht, lidhja që ndiejnë të rinjtë kosovarë me Lipën është edhe për shkak të talentit të saj muzikor, stilit elektrik dhe për shkak se si një vend afërsisht i madhësisë së Delaëare-it, ata kanë qenë gjithmonë të lidhur me të. Secili fans kujton se si e ka njohur Duan: Disa i referohen blogut të saj të fillimit të viteve 2000, cover-ave në YouTube ose kur ajo luajti në një reklamë të X Factor në Mbretërinë e Bashkuar. Të gjithë kujtojnë edhe koncertin e parë të madh të Lipës në Prishtinë në vitin 2016. Disa e njihnin atë personalisht.
Vjosa Zhubi, e cila është disa vite më e madhe se Lipa, u njoh me të përmes kushëririt të saj kur Lipa jetonte në Kosovë. “Ajo ka qenë gjithmonë një fëmijë i pjekur”, thotë Zhubi. “Ajo mund të jepte mendime të pjekura dhe kishte këtë stil artistik. Pastaj edhe kur largohej, ajo mbante gjithmonë lidhje. Edhe tani, ajo pyet për të gjithë.”
Ky respekt i ndërsjellë u ndje plotësisht në Sunny Hill. Teksa Lipa doli në skenë me një set rozë, i cili ishte dizajnuar posaçërisht për festivalin dhe tërhoqi vëmendjen e gjerë mediatike, ajo u tha fansave në gjuhën shqipe, “Është një ëndërr e madhe për mua të jem këtu ëdhe të bëj këtë lloj festivali me familjen time, me miqtë e mi dhe me gjithë këta njerëz që më mbështesin kaq shumë. Faleminderit shumë të gjithëve. Faleminderit për këtë natë të veçantë.”
Sunny Hill është me të vërtetë një rast i veçantë. Është festivali më i madh muzikor në zonë dhe arriti një shitje rekord biletash këtë vit. “Kam pritur për Sunny Hill për dy vjet,” thotë Vesa Mehmeti, 18 vjeçe, me buzëqeshjen e saj të ndritshme sa shkëlqimi i syve të saj. “Ne nuk kemi asgjë tjetër të tillë.”
Mundësia për të marrë pjesë në një festival në shtëpi nderohet edhe më shumë sepse për shkak të çështjeve të jashtme gjeopolitike që rrethojnë statusin e Kosovës si shtet; Kosovarët mund të vizitojnë vetëm gjashtë vende pa aplikuar për vizë. Kjo mungesë e liberalizimit të vizave kufizon mundësitë e udhëtimit dhe arsimimit. Shumë njerëz kanë histori të aplikimeve të dështuara për viza. Ata përshkruajnë ndjenjën e izolimit sikur të jetonin në një ishull.
Familja Lipa e njeh këtë çështje, si dhe faktin që Dua Lipa përfitoi nga pasaporta e saj në Mbretërinë e Bashkuar, dhe po luftojnë për ndryshim. Këtë vit, ata nisën fushatën #SetMeFree krahas festivalit, i cili kërkon mbështetjen e BE-së për t’u dhënë kosovarëve lirinë për të lëvizur. Byzylykët dhe sfondet e fotografive përreth ambienteve të festivalit shfaqnin hashtag, duke shtuar atmosferën dinamike.
Përpjekjet e Dua Lipës në përgjithësi u njohën nga presidentja e Kosovës, Vjosa Osmani, kur ajo i dha Lipës titullin Ambasadore Nderi në fillim të këtij muaji. Osmani falënderoi Lipën që “përdor zërin dhe talentin e saj të jashtëzakonshëm, jo vetëm për t’i ofruar botës këngë që lënë gjurmë, por edhe për të paraqitur imazhin më të mirë të Kosovës në mbarë botën”.
Në një konferencë për media disa orë para performancës së saj në Sunny Hill, Lipa foli për dëshirat e saj për të rinjtë kosovarë. “Dua të dërgoj dashuri për të gjithë rininë e Kosovës dhe dua të them se sado e madhe të jetë ëndrra juaj, ju mund të arrini gjithçka që dëshironi, nëse e keni ndarë mendjen. Unë vërtet besoj se … jam këtu për t’ju mbështetur në çfarëdo mënyre.”
Megjithatë, më kuptimplotë se fjalët e saj është fakti që të rinjtë kosovarë në terren ndjejnë një lidhje me të, një fuqi dhe shpresë që rrezaton prej saj. “Ajo e ka atë zemër të ngrohtë,” thotë 23-vjeçari Edi Demiri, dritat dhe muzika rrotullohen pas saj, ngrohtësia e saj shkëlqen, “Unë mendoj se ajo na përfaqëson të gjithëve.”
Armina Mevlani GREQI- Armina Mevlani është një ndër blogeret më të ndjekura në Shqipëri dhe jashtë saj. A...
Fedez bën shqiponjën TIRANË- Mbrëmjen e djeshme u mbajt nata e parë e festivalit të njohur “Sunny Hill”, i cili d...
Kobe Bryant, Vanessa Bryant and Gianna SHBA- Vanessa Bryant do të dhurojë për bamirësi gjykimin prej 16 milionë dollarës...
wiz khalifa Një ngjarje aspak e pazakontë ka ndodhur në koncertin e reperit Wiz Khalifa. Të gjithë të pranishmit në konc...
Meghan Markle BRITANI- Episodi i parë i serisë së podkasteve të Meghan Markle 'Archetypes' ka kryesuar listat e Spo...
Teuta Selimi KOSOVË- Teuta Selimi ëshë një ndër këngëtaret më të preferuara në Shqipëri dhe jas...
Fedez TIRANË- Mbrëmjen e djeshme u mbajt nata e parë e festivalit të njohur “Sunny Hill”, i cili do të vijojë gja...
Melissa Rauf ANGLI- Tradita e kandidatëve në konkurset e bukurisë që përpiqen të theksojnë bukurinë e tyr...
Beyonce dhe Jay Z KROACI- Beyonce dhe Jay-Z u panë duke biseduar gjatë pushimeve në brigjet e Kroacisë të hënën. K&...
Jennifer Lopez dhe Ben Affleck SHBA- Jennifer Lopez dhe Ben Affleck fundjavën e kaluar kurorëzuan martesën e tyre madhështore, ku ...
