Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Çfarë është atdheu?
Menjëherë pasi bën këtë pyetje ndër mend të vjen shpjegimi etimologjik i fjalës Atdhe “terram patriam”, toka e etërve, të cilët jo domosdoshmërisht janë të pranishëm në vendin fizik të cilin e quajmë të tillë. Në këtë shkrim nuk do t’i referohem formës perendimore të mendimit, bazuar në institucionin e shtetit modern e cila padyshim që shpreh qartë konceptin politik, territorial, nëse do të donim të shpjegonim kështu çfarë është Atdheu. (në të gjithë tekstin do ta gjeni me shkronjë të madhe këtë fjalë)
Në kontekstin social e kulturor, (pa përmendur këtu atë tradicional që duket se globalizmi dhe filozofia e tij mbështetëse (nëse e ka një të tillë) po e zhduk ngadalë duke dëshiruar që bota të duket e gjitha si një fshat i madh) Atdheu është bërthama e dashurisë dhe mirënjohjes ndaj rrënjëve të gjithsecilit, të shkrira në kuptimin biologjik, gjeografik e shpirtëror.
Enciklopedia “Zingarelli” për shembull, e përkufizon Atdheun si “vendi me të përbashkëtat e shumë përbërësve që formojnë kombin, shtetasit e të cilit ndjejnë se janë të lidhur si individë e si shoqëri si prej lindjes së tyre në këtë territor të caktuar ashtu edhe prej motiveve të shumta psikologjike, historikë, kulturorë e tjerë si këto”.
Teoria është e bukur kur shtjellohet sipas shkollës së mendimit europian e kur i referohesh mendimit progresist të një ideje apo koncepti i cili para së gjithash, si në rastin tim sot, është thellësisht shpirtëror e thellësisht i shpjeguar më së miri në mënyrën “më primitive” të mundshme: Atdheu është shpirti!
Atdheu për mua është toka ku kam mall të vij edhe kur jam aty, sepse unë nuk e kam jetuar dot dashurinë e tij në lirinë që kam dashur. Nuk e kam jetuar dot Atdheun siç jetojnë mijëra europianë të tjerë Atdheun e tyre. Atdheu im më mbështjell e më tërheq në tragjendinë e tij siçiliane e cila kërkon dëshpërimisht të më fundosë në honet e saj pa kthim. Unë nuk e jetova dot Atdheun tim siç do të doja.
Atdheu është nëna e babai im, janë varret e gjyshërve e stërgjyshërve të mi e përpara tyre edhe të shumë të tjerëve. Atdheu janë miqtë, kujtimet, vuajtjet, historia, legjendat, ne e ju të gjithë. Është konfiguracioni gjeografik i vizatuar nga duar të huaja që lanë jashtë hartës politike 60.000 kilometra katror Atdhe që më dhembin edhe më shumë sesa këto 28.000 që ne nuk i duam sa duhet e nuk ia kuptojmë vlerën si duhet.
Atdheu është çdo burrë, cdo grua, fëmi, i moshuar, pemët, bimët, deti, lumenjtë, malet, fushat, kodrat e gjithçka që sheh syri e prek dora. Por është edhe shumë më tepër se kaq. Eshtë vuajtja, dhimbja, kompasioni, dëshira, edukimi e arsimimi i gjithsecilit prej nesh për t`i shërbyer atij e jo e kundërta, është mendimi më i bukur mbi lirinë, pronën, pasurinë, kënaqësinë, dashurinë, jetën.
Atdheu është feja e gjakut, prej së cilës ne marrim formë, është “aparati” i njohjes dhe i të kuptuarit të vetvetes. Eshtë bërthama gjithnjë në zhvillim e filozofisë së ekzistencës së shpirtit të trashëguar. Eshtë pikërisht ky shpirt që është i sigurtë për vetveten, për ekzistencën e tij si një substancë që dallohet nga materia e madje nga i gjithë realiteti material së bashku. Atdheu është ajo pjesa më e thellë e shpirtit të padukshëm që ne marrim me vete kudo shkojmë e kudo jemi e në fund edhe në botën e përtejme.
Ah, ky Atdheu ynë! Ka mbetur jetim mes mijërash që e shkelin çdo ditë por që nuk u dhemb ku shkelin. E kemi lodhur ne Atdheun, e kemi plakur, e kemi vjedhur, e kemi vrarë, e kemi munduar sa s`ka më as lotë të qaj. Disa prej nesh kanë ikur, janë arratisur nga frika se bashkë me Atdheun, ato qindrat e babëzitur do të na shkelnin dhe ne. Shumë të tjerë i falën jetën Atdheun, duke kërkuar një copë bukë për të mbushur barkun e tharë, i vranë, i varrosën me ca lot që shteruan të nesërmen. Dhe historia fillon çdo ditë nga fillimi. Atdheu ynë përjeton veç dhimbje se ne nuk dimë të vdesim për të me mijëra, nuk dimë ta ujisim lirinë e tij me ëndrra të pastra, pa kocka fëmijësh e të rinjsh që janë bërë si kurban themelesh në çdo gropë që hapet rishtas për të ndërtuar kullat e një dorë të pasurish mbi varfërinë e mijërave.
Të morëm më qafë Atdhe! Të braktisëm, të dhunuam, të nxorrëm bojën e ashtu të bojatisur nga gjaku i shoshoqit endemi rrugëve të botës në kërkim të një Atdheu tjetër, me shpresë se do të na dojë ai tjetri më shumë. Harrojmë ne se nënë e babë ka veç një në botë. Harrojmë ne se po nuk të qëndisëm vetë, me duart tona Atdhe, nuk do të vijë askush tjetër të të arnojë gropat e hapura e të të pastrojë plagët. Të duam keq Atdhe, të duam me gjysëm shpirti se gjysmën tjetër ia kemi falur shejtanit.
Çfarë është Atdheu miku im?
Atdheu je ti, jam unë, jemi ne. Jemi Atdheu më i bukur në botë, jemi ne, të gjithë bashkë. Ne e bejmë Atdheun, ne e shpëtojmë dot Atdheun, ne e duam Shqipërinë si askush tjetër. Është e kotë që rrimë në pritje të “anglo-amerikanëve” që i presim që në 45` që të vijnë e të na çlirojnë…. sot më shumë se dje, të na çlirojnë nga vetja e nga frika që kjo vetja ka kur shihet në pasqyrë.
Atdhe, nëse mundesh na e bëj hallall! Të vramë, të vodhëm, të shqyem, të shitëm, të braktisëm, çfarë nuk të bëmë Atdhe, por mundemi e jemi ende në kohë të të shërojmë, të të duam me dashuri biri, të të zbukurojmë e të të pasurojmë si asnjëherë më parë se dreqi e mori një herë në jetë duhet të kemi nxjerrë një mësim nga historia e nëse nuk e kemi nxjerrë as pas 80 vitesh robëri prej antiatdhetarëve, ateherë nuk të meritojmë Atdhe!
Iftar dhe politikë, a u prek Muaji i Ramazanit nga politikanët?
Ai është thjesht MEGALOMAN! ** Me të vetën Ai po i tregon mbarë botës se ajo nuk po sillet mirë dhe se duhet të marrin shembull sjelljen e Tij!!!Ai mendon se ës...
Në Tiranë ka ndodhur një ngjarje e rëndë, me të cilën nuk merret askush. Në një Comedy Club (nuk e kam ditur që ekziston një i tillë), dikush me prirje komike k...
Nuk di ndonjë rast kur opozita dhe çdo zë opozitar të kenë qenë më dakord me Ramën sesa me rastin e vendimit të tij për të pranuar në Shqipëri një numër ...
Kjo pamje është therëse. Kjo pamje tregon lakuriq dështimin dhe nënshtrimin tonë si shoqëri. Shumë thonë; Pse nuk protestojnë studentët?! Në një kronikë televiz...
Nga Agim XhafkaQe viti 1990 kur më ra llotaria. Jo ajo klasikja,që merr një grusht para,por caktimi si gazetar në një festival fëmijësh në Izmir. Deri atë mot,k...
TIRANË– Zhvillimi ekonomik dhe mirëqenia e qytetarëve të një rajoni nuk mund të konsiderohet si tradhti. Nacionalizmi simbolik është karakter tipik i...
Goran Bregoviç njihet njëkohësisht si “Led Zeppelin” i ish-Jugosllavisë dhe si një prej baballarëve të turbofolkut. Shpesh në skenë, në 30 vitet e fundit...
Të martën, 3 gusht, presidenti i ardhshëm i regjimit iranian do të marrë detyrën. Por, përurimi zyrtar i Ebrahim Raisi si president është çdo gjë, përvec...
MONITORVjeshta e vitit 2021, padyshim do të jetë një ndër stinët më sfiduese për vendet dhe popullsinë e të gjithë globit, për një numër arsyesh. Pandemisë ende...
Shiko, për një moment do zgjedh ta shoh ftohtë këtë çështjen e Open-Balkan. Pra larg politikës, patriotizmit, emocionit etj.etj… Thjesht matematikë e pas...
