"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHBA-Sipas The Wall Street Journal Serbia dhe Kosova do të marrin pjesë në këtë takim marrëveshje parazgjedhore në Shtëpinë e Bardhë më datë 27 qershor.
Pavarësisht krizës së dyfishtë të revoltave që kanë përfshirë vendin dhe përhapjes së koronavirusit, Trump shpreson që arrijë një traktat paqeje formale jetëgjatë në një rajon që ka qenë një konlfikt i gjatë i superfuqive, për të përmirësuar kredencialet e politikës së tij të jashtme. Por rinisja e dialogut mes Kosovës të përkrahur nga SHBA-ja, dhe Serbisë një aleate e Rusisë, ka hapur menjëherë debate në Europë, ku diplomatët frikësohen se BE-ja po anashkalohet në oborrin e saj të pasmë.
Serbia dhe Kosova kanë konfirmuar se e kanë marrë ftesën për një takim në Uashington më 27 qershor.
Ish-kryeministri i Kosovës, Albin Kurti ka akuzuar të Dërguarin Special të presidentit Trump, Richard Grenell, i cili edhe do të koordinojë takimin në Shtëpinë e Bardhë, për orkestrimin e një “grushti shteti” ndaj tij, akuza që Grenell i mohon.
Disa udhëheqës në Europë thonë se marrëveshja potenciale krijon një precedent të rrezikshëm për shkak se mund të përfshijë shkëmbim të territoreve.
Ndërkohë kryeministri i ri i Kosovës, Avdullah Hoti, i cili u zgjodh në krye të vendit më 3 qershor, tha për WSJ se qeveria e tij mezi po pret të hyjë në negociata nën patronazhin e SHBA-ve.
Lufta përfundoi më 1999, por për dy dekadat e kaluara ka pasur raste sporadike dhune që kanë provokuar viktima në të dyja anët si dhe të paqeruajtësve në vend.
Kujtojmë se Trump u interesua personalisht vitin e kaluar për këtë çështje, pasi liderët nga të dyja vendet iu afruan administratës. Zyrtarët e administratës së Trump besojnë se zgjidhja e kësaj mosmarrëveshjeje të gjatë do ta ndihmonte atë në një kohë që bisedimet me Korenë e Veriut dhe presionet ndaj Iranit deri më tani kanë dhënë rezultate të kufizuara.
Pavarësisht çdo tensioni dhe konflikti mes Evropës dhe Amerikës për presionin e administratës Trump, një rezultat i suksesshëm do të zgjeronte ndikimin e Perëndimit në Ballkan, ku Kina dhe Rusia po konkurrojnë në mënyrë agresive, veçanërisht që nga fillimi i pandemisë.
Grenell thotë se presidentët dhe kryeministrat e dy ish-vendeve Jugosllave janë ftuar të udhëtojnë në Uashington për samitin, i cili mund të njoftojë përparim të rëndësishëm drejt një marrëveshjeje.
“Siç kemi thënë vazhdimisht, ne së pari duhet të bëjmë përparim në rritjen e ekonomive. Ky është fokusi ynë.”- ka shkruar Grenell në Tëitter.
“Administrata Trump po shtyn për një marrëveshje që përfshin “karotën” deri në 200 milionë dollarë në kredi amerikane me kushte preferenciale dhe “shkopin” e tërheqjes së trupave amerikane nga rajoni”, – thonë zyrtarë të lartë të SHBA-ve.
Robert O’Brien, Këshilltari për Sigurinë Kombëtare i Trump, është shprehur se kushti kryesor për mbështetjen e SHBA-së ishte që Kosova të hiqte tarifën e lartë për importet serbe.
Më tëj O’Brien deklaroi se SHBA u kishte thënë të dyja palëve se: Nuk jemi në gjendje të ndihmojmë nëse palët dëmtojnë ekonomitë e tyre përmes zbatimit të barrierave tregtare, përfshirë tarifat.
Lëvizja diplomatike amerikane është mbështetur me entuziazëm në Beograd, kryeqytetin serb dhe Prishtinë, kryeqytetin e Kosovës.
“Unë jam plotësisht i bindur se SHBA-të dhe udhëheqja e presidentit Trump do të na ndihmojnë të arrijmë një marrëveshje.”- është shprehur Presidenti i Kosovës Hashim Thaçi. Ai tha se beson në synimet e homologut të tij serb për të nënshkruar një marrëveshje. Kryeministrja serbe Ana Brnabic tha se Trump kishte injektuar shpresë të re për një zgjidhje.
“Kjo është një çështje me rëndësi thelbësore dhe strategjike dhe ne mezi presim të vazhdojmë dialogun.”-tha znj. Brnabic.
Mosmarrëveshja midis Serbisë dhe Kosovës, dikur një provincë serbe, filloi pas shpërbërjes së Jugosllavisë në 1991. Në 1999, Organizata e Traktatit të Atlantikut të Veriut filloi një fushatë bombardimesh kundër Serbisë për të ndaluar atë që vendet perëndimore e quanin spastrim etnik kundër shqiptarëve kryesisht myslimanë të Kosovës. Kosova njihet nga mbi 100 vende, përfshirë SHBA, por nuk është në gjendje të anëtarësohet në organizata ndërkombëtare, siç janë Kombet e Bashkuara, sepse Serbia, e mbështetur nga Rusia dhe Kina, e kundërshtojnë deklaratën e saj të pavarësisë.
Grenell tha se Serbia, si pjesë e nismës amerikane, ra dakord të ndalonte përpjekjet për të bindur vendet dhe organizatat që të kthejnë vendimet e tyre për të njohur pavarësinë e Kosovës.
Kryeministri i rrëzuar i Kosovës, Albin Kurti, u tha gazetarëve në mars se Grenell i kishte bërë presion që të binte dakord për një marrëveshje me Serbinë që përfshinte shkëmbimin e territoreve. Kurti, qeveria e të cilit mbaroi me një votim mosbesimi në parlamentin e vendit më 25 mars, gjithashtu kërcënoi qeverinë e re të Kosovës me trazira nëse zgjedhjet e reja nuk thirren për të zgjedhur një qeveri të re. Kurti qëndroi si kryeministër i përkohshëm deri më 3 qershor, kur Gjykata Kushtetuese tha që kryeministri i ri ishte emëruar sipas ligjit dhe se zgjedhjet nuk ishin të nevojshme.
Grenell i mohoi pretendimet e Kurtit se ai kishte nxitur një grusht shteti dhe tha se kurrë nuk kishte diskutuar për shkëmbim territoresh me asnjë nga palët. Ai tha se përparësia e administratës Trump është zhvillimi ekonomik.
“Ne mendojmë se çështjet politike do të jenë më të lehta për t’u zgjidhur pasi komuniteti i biznesit të lejohet të rritet në rajon.”- u shpreh tha Grenell.
Teksa Evropa dhe SHBA-të kanë punuar tradicionalisht si partnerë në Ballkan, kjo aleancë gradualisht është shpërbërë vitet e fundit. Gjermania ka udhëhequr kundërshtimin evropian ndaj shkëmbimit të territoreve në Ballkan, nga frika se kjo mund të nxiste një valë pretendimesh territoriale në një rajon të formuar nga lufta përgjatë viteve 1990.
Një muaj më parë Franca dhe Gjermania u bënë thirrje të dyja palëve të rifillojnë bisedimet nën kujdesin e BE-së. Duke iu referuar me elegancë shtysës së administratës Trump, ministrat e jashtëm të dy fuqive më të mëdha të Evropës thanë se një përpjekje e mirëfilltë paqësore kërkonte negociata të strukturuara mirë, të thella, me BE-në si një ndërmjetës të ndershëm. Zyrtarët evropianë janë dyshues se oferta ekonomike e Uashingtonit mund të zgjidhë çështjen kryesore e cila është politike, njohja e Kosovës nga Serbi.
Nuk ka ende asnjë koment të menjëhershëm nga BE për lajmet e fundit. Thaçi tha se Kosova ishte e vendosur për t’u anëtarësuar në BE, por ai shtoi se blloku ka bërë pak për të lehtësuar dialogun me Serbinë ose për të ofruar perspektivat e anëtarësimit në rajon.
“Unë dua që BE të bëjë veprime konkrete dhe të mos bëjë premtime boshe dhe të na japë leksione.”- është shprehur presidenti Thaçi.
Burimi: WSJ
A.C/Dosja.al
1 vit nga zgjedhjet e 25 prillit si e shikoni gjendjen e vendit:
GJERMANI- Para vizitës së Ministrit të Jashtëm gjerman Heiko Maas në Varshavë, kryeministri polak Mateusz Morawiecki theksoi se rritja e shpresuar e numrit të t...
MAQEDONI E VERIUT– Përhapja e virusit në Maqedoninë e Veriut dhe shtimi i rasteve të reja ditët e fundit, ka bërë përkeqësuar shumë situatën në shtetin fqinj. ...
Gjermani- Rrugët tregtare në qendrat e qyteteve gjermane po mbushen përsëri pas heqjes së masave të karantinës, por shumica e njerëzve vetëm sa kalojnë para vit...
BRUKSEL- Bashkimi Evropian nuk ka pranuar që të komentojë njoftimin se më 27 qershor, Kosova dhe Serbia do të takohen në Shtëpinë e Bardhë, me ndërmjetësimin e ...
KINË– Themeluesi i prodhuesve më të mëdhenj të pajisjeve shtëpiake në botë u shpëtua nga policia këtë mëngjes pasi u mbajt peng në rezidencën e tij në jug...
Drejtorja e Zërit të Amerikës, Amanda Bennett dhe zëvendësja e saj kryesore, Sandra Sugawara, dhanë dorëheqjen të hënën, duke thënë se Michael Pack, shefi ekzek...
KOSOVË -IKSHPK ka bërë të ditur se sot janë konfirmuar 129 raste të reja me Covid-19 në Kosovë dhe numri në total i të prekurve që nga fillimi i pandemisë ...
KOSOVË– Kryeministri Avdullah Hoti ka reagar së fundmi në lidhje me dialogon Kosovë Serbi që do të rinis më 27 qershor në Shtëpinë e Bardhë si dhe me...
KOSOVË- Aeroporti Ndërkombëtar i Prishtinës ‘Adem Jashari’ ka njoftuar ditën e sotme se të gjitha fluturimet të cilat ishin vendosur për datën 16 qershor j...
KOSOVË–I emëruari i SHBA për dialogun Kosovë-Serbi, Richard Grenell, ka njoftuar se qeveritë respektive do të takohen më 27 qershor në Ëashington. Men...
