Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Rreth 530,000 shtetas nga Kuba, Haiti, Nikaragua dhe Venezuela u lejuan të hynin në Shtetet e Bashkuara nën programin CHNV.
SHBA- Administrata e Presidentit Donald Trump ka pezulluar disa programe të posaçme për disa grupe emigrantësh. Në bazë të vendimit agjencia federale ‘Shërbimet për Shtetësi dhe Emigracion të Shteteve të Bashkuara’ (USCIS) ka ndaluar shqyrtimin e kërkesave për qëndrim të përhershëm të emigrantëve që hynë në Amerikë duke përfituar nga këto programe. Ndalimi ndikon në rastet e atyre që kanë hyrë në Shtetet e Bashkuara përmes programeve si “Uniting for Ukraine” (U4U), programi “Cubans, Haitians, Nicaraguans and Venezuelans (CHNV) dhe programin për bashkim familjar (FRP).
Një zyrtar i tha Zërit të Amerikës përmes postës elektronike se arsyeja e pezullimit ishte rishikimi i programeve për shkak të rreziqeve ndaj sigurisë së vendit.
“Vendimi ka lidhje me përfundimin e hetimeve shtesë për të identifikuar mashtrimet dhe shqetësimet mbi rrezikun ndaj sigurisë publike dhe asaj kombëtare”, tha në kushte anonimiteti për Zërin e Amerikës një zyrtar i Departamentit amerikan për Sigurinë Kombëtare.
Këto programe për emigrantët filluan gjatë administratës së Presidentit Joe Biden si pjesë e një përpjekjeje për të frenuar migrimin e parregullt duke ofruar rrugë ligjore për grupe të caktuara. Degës ekzekutive të pushtetit iu dha ky autoritet nga Kongresi më 1952, duke i lejuar presidentit të pranojë individë në Shtetet e Bashkuara për arsye urgjente humanitare.
Rreth 530,000 shtetas nga Kuba, Haiti, Nikaragua dhe Venezuela u lejuan të hynin në Shtetet e Bashkuara nën programin CHNV. Për më tepër, rreth 350,000 amerikanë ofruan ndihmë për hyrjen në Shtetet e Bashkuara të rreth 240,000 ukrainasve përmes programit ‘U4U’, sipas rrjetit amerikan ‘CBS News’.
Përfituesit e çdo programi humanitar për emigrantët duhej të plotësonin të gjitha kërkesat e programit. Këto përfshinin të siguronin një shtetas amerikan që t’u ofronte mbështetje financiare, të kalonin verifikimin e sigurisë dhe të plotësonin kërkesat për vaksina. Ata gjithashtu duhej të paguanin shpenzimet e tyre të udhëtimit nëse merrnin autorizim udhëtimi nga qeveria amerikane.
Këto programe mundësuan që aplikantët e miratuar të jetonin dhe të punonin ligjërisht në Shtetet e Bashkuara përkohësisht, por kjo nuk çonte deri te një qëndrim i përhershëm.
Administrata Trump tani kërkon verifikim shtesë për të mbrojtur sigurinë kombëtare dhe për të siguruar integritetin e sistemit të imigracionit, sipas zyrtarit të Departamentit të Sigurisë Kombëtare. Administrata Trump nuk ka dhënë detaje se çfarë e nxiti këtë rishikim ose sa kohë mund të zgjasë.
Nuk do të ketë largim të detyrueshëm të këtyre emigrantëve
Kathleen Bush-Joseph, analiste politikash në Institutin e Politikave të Migracionit, shkroi në rrjetin social ‘X’ se pavarësisht këtij pezullimi, njerëzit “nuk mund të dëbohen pa një urdhër largimi”. Ndalimi nuk ndikon mbi të drejtën e kubanezëve të përfitojnë nga një program tjetër që iu mundëson atyre të aplikojnë për qëndrim të përhershëm pas një viti qëndrimi në Shtetet e Bashkuara.
Haitianët gjithashtu mund të kualifikohen për statusin e përkohshëm të mbrojtur, i cili u siguron të drejtë pune. Së bashku me shtetasit e Nikaraguas, ata kanë mundësinë të aplikojnë për azil. Sidoqoftë, duhet të demonstrojnë me fakte se kanë frikë nga persekutimi në vendet e tyre të origjinës bazuar në racë, fe, kombësi, grup shoqëror ose qëndrim politik.
Venezuelianët në Shtetet e Bashkuara ende mund të aplikojnë për azil. Megjithatë, administrata Trump i dha fund një programi që u krijon mundësinë të aplikojnë për rregullimin e statusit të migracionit, krijuar në vitin 2023 për qindra mijëra venezuelas, duke vendosur që ta lërë atë të skadojë më 7 prill 2025.
Ata që zgjedhin të kërkojnë azil duhet të tregojnë me dëshmi se janë të rrezikuar nga persekutimi në vendet e tyre të origjinës mbështetur në racën, fenë, kombësinë, anëtarësimin në një grup të caktuar shoqëror ose qëndrimin politik.
Programi i ndaluar tani për bashkim familjar, i krijuar fillimisht për Haitianët dhe Kubanët, u zgjerua në gusht të vitit 2023 për të përfshirë shtetas nga Kolumbia, El Salvadori, Guatemala dhe Hondurasi.
Programi lejon personat që kanë marrë viza për bashkim familjar të hyjnë dhe të qëndrojnë në Shtetet e Bashkuara ndërsa presin miratimin e kërkesës për kartën e gjelbert, apo qëndrimin e përhershëm.
Aktivistët për çështjet e migrantëve paralajmërojnë se pezullimi i këtyre programeve rrezikon vonesa të shtuara në trajtimin e aplikacioneve të emigrantëve. Iryna Mazur, konsulle nderi e Ukrainës në Pensilvani dhe avokate për çështjet e emigracionit, i tha Zërit të Amerikës se pavarësisht pezullimit të programit, ligjet e emigracionit mbetën në fuqi.
“Ajo që ky pezullim nënkupton është se nga sot ne presim vonesa të gjata në shqyrtimin e të gjitha aplikacioneve”, thotë ajo.
Administrata nuk e thotë se kur do të vazhdojë shqyrtimi i aplikacioneve. Mbetët e paqartë nëse ata që shfrytëzuan programet tanimë të pezulluara duhet të aplikojnë sërish apo nëse rastet e tyre tani të mbajtura pezull do të shqyrtohen në ndonjë kohë tjetër. Ky vendimi i administratës Trump pritet të përballet me padi dhe kundërshtime nga organizatat që mbështesin emigrantët.
“Jam tërësisht e bindur se komuniteti ligjor që merret me emgrantët në Shtetet e Bashkuara do të reagojë si duhet”, shtoi zonja Mazur.
Për këtë artikull kontribuan gazetarja e Zërit të Amerikës Iryna Shynkarenko, nga shërbimi në gjuhën ukrainase dhe Salome Ramirez Vargas nga shërbimi në gjuhën spanjolle./VOA
foto ilustruese SHBA- Këshilltari i sigurisë kombëtare të Shtëpisë së Bardhë, Mike Walz tha se presi...
pamje nga vendngjarja IZRAEL- Policia në Izrael po heton raportet për shpërthimet që përfshinin tre autobusë në Bat Yam,...
foto ilustruese SHBA- Presidenti Donald Trump përsëriti të mërkurën pretendimin se Shtetet e Bashkuara kanë shpenzuar 350 mil...
Vladimir Putinin RUSI- Në atë natë të një jave më parë, kur Donald Trump diskutoi të ardhmen e Ukrainës me Vl...
Trump SHBA- Deklaratat e bëra gjatë kësaj jave nga Presidenti i Shteteve të Bashkuara Donald Trump, se Ukraina ishte përgjegjë...
Foto ilustruese MEKSIKË- SHBA ka shtuar gjashtë kartele meksikane në listën e organizatave të huaja terroriste (FTO), pasi bë...
kash patel SHBA- I zgjedhuri i presidentit Donald Trump, Kash Patel, është konfirmuar nga Senati amerikan si drejtori i ardhshëm i Byro...
foto ilustruese SHBA- Janari shënoi një rritje të inflacionit në Shtetet e Bashkuara, ndërsa çmimi i ushqimeve, karburantit...
Foto ilustruese FRANCË- Analistët thonë se propaganda ruse dhe fushatat dezinformuese kanë qenë faktorët kryesorë që...
Foto ilustruese SHBA- Departamenti amerikan i Shtetit njoftoi sot se ka urdhëruar pezullimin e të gjitha abonimeve të tij në media...
