"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Zëvendës Prokurori i Përgjithshëm në detyrë Emil Bove, numri dy i departamentit dhe zyrtarë nga seksioni i integritetit publik dhe divizioni penal paraqitën dokumente duke kërkuar pushimin e çështjes. Ata thonë se rasti ishte komprometuar dhe se vazhdimi i tij do të ndikonte tek gara e kryebashkiakut për t’u rizgjedhur. Gjykatësi nuk e ka miratuar kërkesën.
SHBA - Departamenti i Drejtësisë i kërkoi një gjykate të premten të hedhë poshtë akuzat për korrupsion kundër kryebashkiakut të qytetit të Nju Jorkut, Eric Adams. Një zyrtar i lartë nga Uashingtoni e bëri kërkesën pasi prokurorët federalë në Manhattan nuk pranuan ta pushonin çështjen dhe disa dhanë dorëheqjen në shenjë proteste.
Zëvendës Prokurori i Përgjithshëm në detyrë Emil Bove, numri dy i departamentit dhe zyrtarë nga seksioni i integritetit publik dhe divizioni penal paraqitën dokumente duke kërkuar pushimin e çështjes. Ata thonë se rasti ishte komprometuar dhe se vazhdimi i tij do të ndikonte tek gara e kryebashkiakut për t’u rizgjedhur. Gjykatësi nuk e ka miratuar kërkesën.
Njoftimi erdhi disa orë pasi zoti Bove bëri një telefonatë me prokurorët e seksionit të integritetit publik të Departamentit të Drejtësisë – që trajton rastet e korrupsionit – dhe u dha atyre një orë kohë për të zgjedhur dy persona për të nënshkruar mocionin për shkarkim, duke thënë se ata që e bënin një gjë të tillë do të merrnin një ngritje në detyrë, sipas një personi me dijeni për këtë çështje.
Pasi përfundoi telefonata, prokurorët ranë dakord që të gjithë të jepnin dorëheqjen. Por një prokuror veteran më pas u tërhoq nga shqetësimi për vendet e punës së juristëve më të rinj në atë njësi, tha personi, i cili foli në kushte anonimiteti për të diskutuar detajet e takimit privat.
Asnjë nga prokurorët federalë në Manhattan, e cila ngriti çështjen Adams, nuk e nënshkroi dokumentin. Lëvizja vjen pesë ditë pas përplasjeve mes udhëheqjes së Departamentit të Drejtësisë në Uashington dhe zyrës së tij në Manhattan.
Të paktën shtatë prokurorë në Manhattan dhe Uashington dhanë dorëheqjen në vend që të zbatonin urdhrin e zotit Bove për të ndalur çështjen, përfshirë edhe prokuroren e përkohshme amerikane të Manhattan, Danielle Sassoon dhe shefin në detyrë të seksionit të integritetit publik në Uashington.
Departamenti i Drejtësisë tha në mocionin drejtuar gjyqtarit Dale E. Ho se po kërkonte të hidheshin poshtë akuzat ndaj zotit Adams me një opsion për t’i ringritur ato më vonë.
Zonja Sassoon, një republikane, që ishte emëruar drejtuese e përkohëshme e zyrës federale për Distriktin Jugor të Nju Jorkut, akuzoi Departamentin e Drejtësisë se kërkonte ta pushonte çështjen në këmbim të ndihmës së zotit Adams për agjendën e imigracionit të Presidentit Trump. Prokurorja tha se ajo ishte "e bindur" se kryebashkiaku demokrat i kishte kryer krimet për të cilat ishte akuzuar.
Zonja Sassoon tha se përpara se Departamenti i Drejtësisë të kërkonte rrëzimin e akuzave, prokurorët ishin bërë gati ta akuzonin Kryebashkiakun Adams për shkatërrim provash dhe se kishte udhëzuar të tjerë që të shkatërronin prova dhe t’i jepnin informacione të rreme FBI-së.
"Jam shtangur nga procesi i nxituar dhe sipërfaqësor përmes së cilit u arrit ky vendim," i shkruante të mërkurën zonja Sassoon Prokurores së re të Përgjithshme të zotit Trump, Pam Bondi. Agjencia Associated Press ka siguruar një kopje të letrës.
Zoti i tha prokurores Sassoon, në një letër ku pranonte dorëheqjen e saj se ajo ishte "e paaftë të shqyrtonte në mënyrë të drejtë dhe të paanshme" rrethanat e çështjes së zotit Adams.
Zoti Adams e deklaroi veten të pafajshëm shtatorin e kaluar për akuzat se ka pranuar kontribute të jashtëligjshme për fushatën e tij zgjedhore dhe ryshfete në formë të udhëtimeve falas, apo me kosto të reduktuar në këmbim të ushtrimit të ndikimit të tij.
Zëvendësprokurori Bove përmes një shkrese të hënën tha se rasti ndaj kryebashkiakut demokrat Adams, duhej të pushohej sa më shpejt të ishte e mundur në mënyrë që ai të ndihmonte në fushatën kundër imigracionit të Presidentit Donald Trump dhe të kandidonte për t’u rizgjedhur.
"Është një precedent i papritur dhe i rrezikshëm që të shpërblehen angazhimet oportuniste të (Kryebashkiakut) Adams për emigracionin dhe çështje të tjera të politikës me hedhjen poshtë të një aktakuze penale," shkruante zonja Sassoon.
Avokati i zotit Adams, Alex Spiro, tha të enjten se pretendimi se kërkesa për hedhjen poshtë të akuzave në këmbim të ndihmës në përpjekjet kundër imigrantëve ishte një "gënjeshtër totale". “Ne nuk ofruam asgjë dhe departamenti nuk kërkoi asgjë nga ne,” shkruan zoti Spiro në një email drejtuar agjencisë AP./VOA
Zelensky, Kellog SHBA - Evropa mund të mos jetë në “tryezën”, nëse Shtetet e Bashkuara i ndërmjetësojnë...
Foto ilustruese SHBA - Kompania e teknologjisë Google kohët e fundit ka hequr dorë nga politika e saj e deritanishme kundër prodhimit t...
Foto ilustruese AUSTRI - Një ngjarje e rëndë raportohet të ketë ndodhur në Austri. Një 23-vjeçar ka goditur me th...
Pamje nga sulmi MYNIH - Një vajzë 2-vjeçare dhe nëna e saj kanë vdekur pasi u plagosën në sulmin me makinë n...
Foto ilustruese GREQI - Një tërmet me magnitudë 4.8 ballë i shkallës Rihter është raportuar pasditen e kësaj të...
Zelensky SHBA - Presidenti i Ukrainës, Volodymyr Zelensky, i paralajmëroi aleatët evropianë për sulme të mundshme ruse n...
Foto ilustruese MBRETËRI E BASHKUAR - Dy javë përpara rritjes së tarifës tjetër, miliona pasagjerë hekurudhor ...
Vance SHBA - Nënpresidenti amerikan JD Vance, paralajmëroi udhëheqësit evropianë në Konferencën e Sigurisë në ...
Pamje nga pritja e pengjeve HAMAS - Izraeli liroi 369 të burgosur palestinezë të shtunën, sipas Zyrës për Media të t&eum...
Foto ilustruese HAMAS - Militantët e Hamasit liruan të shtunën tre pengje të tjerë, ndërsa forcat izraelite në këmb...
