"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Tate, i cili lindi në SHBA dhe u rrit në Luton, Bedfordshire, pasi nëna e tij britanike dhe babai amerikan u divorcuan, ka grumbulluar një numër të madh ndjekësish mes të rinjve duke u paraqitur si një playboy modern, duhanpirës, i cili nxjerr në pah pasurinë e tij në postimet në internet dhe pretendon të jetë trilioneri i parë në botë.
RUMANI- 18-vjeçarja Omais Hilal, studentja e stomatologjisë nga Libani, qëndron dhe bën ece-jakje jashtë kompleksit të fortifikuar në periferi të Bukureshtit ku Andrew Tate u arrestua javën e kaluar. Omais Hilal ka parë postime që pretendojnë se 36-vjeçari ishte liruar pasi u areestua si pjesë e një hetimi për trafikim njerëzor, krim të organizuar dhe përdhunim. Edhe pse lirimi i tij nuk është i vërtetë, Hilal, me sa duket, tipike adoleshente që mahnitet marka e tij ekstreme e maskulinitetit toksik, tregon se ende pret.
"Erdha t'i them se e dua,"-thotë Halili, si shumë prej miliona ndjekësve të Tate në internet, beson se influenceri britaniko-amerikan dhe mizogjeni i vetëshpallur është arrestuar si pjesë e një komploti për "shpëtimin e suksesshëm nga Matrix".
"Policia nuk kishte asnjë arsye për ta arrestuar atë. Dua të jem muskuloz dhe i pasur si Andrew, por kjo nuk do të thotë se jam një përbindësh,”-thotë një tjetër i fiksuar me të, bodybuilder aspirant. Ai tregon për flotën e makinave luksoze të parkuara brenda kompleksit të sigurisë së lartë të Tate, i cili përfshin një Aston Martin Vanquish prej 300,000 £ dhe një Porsche 911 prej 80,000 £ me targa të personalizuara në Mbretërinë e Bashkuar që fillojnë "T8".
Tate, i cili lindi në SHBA dhe u rrit në Luton, Bedfordshire, pasi nëna e tij britanike dhe babai amerikan u divorcuan, ka grumbulluar një numër të madh ndjekësish mes të rinjve duke u paraqitur si një playboy modern, duhanpirës, i cili nxjerr në pah pasurinë e tij në postimet në internet dhe pretendon të jetë trilioneri i parë në botë.
Ish-kikboksieri profesionist është ndaluar nga platforma të ndryshme të mediave sociale për postimin e deklaratave helmuese për gratë, duke përfshirë pretendimet se gratë duhet të "mbajnë njëfarë përgjegjësie" për përdhunimin. Por, pavarësisht se çfarë thoshte, postimet e tij shpërndaheshin në YouTube dhe TikTok, ku videot me #AndrewTate janë parë më shumë se 12.7 miliardë herë.
Ai u vendos në paraburgim së bashku me vëllain dhe partnerin e tij të biznesit, Tristan, 34 vjeç dhe dy gra rumune, Georgiana Naghel, 28 dhe Luana Radu, 32, më 29 dhjetor, si pjesë e një hetimi për trafikimin e qenieve njerëzore, krimin e organizuar dhe përdhunimin. Dënimi maksimal për dikë që është dënuar për të tre veprat është 17 vjet e gjysmë. Dy vëllezërit Tate mohojnë akuzat dhe javën e ardhshme pritet të apelojnë kundër vendimit për t'i mbajtur ata në paraburgim për 30 ditë ndërsa drejtoria e Rumanisë për hetimin e krimit të organizuar dhe terrorizmit (Diicot) vazhdon hetimet e saj. Avokati i tyre, Eugen Vidineac, tha: Jam shumë i sigurt për pafajësinë e klientëve të mi. Ne vlerësojmë se nuk ka prova të drejtpërdrejta kundër tyre.
Prokurorët kanë akuzuar vëllezërit se kanë përdorur "metodën e dashurisë" për të joshur gratë nga Evropa dhe SHBA në Rumani. Ata pretendojnë se Tates mashtroi gratë me deklarata dashurie dhe premtime martese përpara se t'i detyronte të prodhonin video pornografike për OnlyFans.
Ramona Bolla, një prokurore dhe zëdhënëse e Diicot, tha se ata kishin identifikuar gjashtë viktima.
“Gratë u detyruan të prodhonin materiale çdo ditë. Nuk e dimë sa kanë fituar vëllezërit, por gratë nuk kanë marrë asnjë cent. Ne e dimë se një grua që bën një punë të tillë mund të fitojë 50,000 € [44,259 £] në muaj. Gratë që janë arrestuar po siguroheshin që viktimat të respektonin programin. Çdo vajzë duhej të kishte materiale të postuara, ata kishin objektiva dhe duhej të ndiqnin orarin. Nëse jo, sanksionoheshin."
Të enjten, një transmetues rumun publikoi një transkript të një bisede që besohet të jetë midis Tate dhe një prej viktimave të tij, teksa e fuste në kurth. Thuhet se ai ka joshur një viktimë të supozuar me mesazhe duke thënë: Duhet të kuptosh se sapo të jesh e imja, do të jesh e imja përgjithmonë. Një grua nuk e lë kurrë burrin e saj. Unë do të jem njeriu i fundit në jetën tuaj. A do të jesh gjithmonë pranë meje, kudo që të shkoj? Flisni me burra të tjerë përveç meje? Duhet të vish në Rumani me mua, për të të mbajtur në sy. Ti je e imja. Mos harroni. Së shpejti do të jemi bashkë.
Në një vendim të botuar të enjten, gjykatësi rumun, i cili miratoi paraburgimin 30-ditor të katër të pandehurve, tha se transkriptet vërtetojnë rrëfimin e viktimave. Një nga viktimat tregoi se Tate premtoi se do të jetonin së bashku, por kur ajo mbërriti në Rumani ai ishte jashtë vendit. Ajo u tha se ishte marrë nga aeroporti nga një prej të pandehurve femra që kishte paguar biletën e saj të avionit.
“Ajo [i pandehuri] i tha asaj se do të jetonte me disa vajza që punojnë për të pandehurin dhe vëllain e tij, të cilët kanë llogari në [OnlyFans] dhe ndajnë fitimet do i merrnin dy vëllezërit,”- tha gjykatësi. Hetimi i policisë filloi prillin e kaluar pasi një grua 21-vjeçare amerikane informoi një të afërm në SHBA se po mbahej kundër dëshirës së saj në një pronë afër kompleksit të Tate.
Ambasada amerikane informoi policinë rumune që bastisi shtëpinë dhe identifikoi dy viktima. Kompleksi i Tate u bastis gjithashtu dhe vëllezërit u morën për t'u marrë në pyetje dhe u liruan. Ata i mohuan akuzat. Të dy pronat, dhe tre të tjera, u bastisën sërish javën e kaluar. Një ditë para bastisjes, Tate kishte pushtuar titujt kryesorë pasi u përfshi në një grindje në Twitter me aktivisten për klimën Greta Thunberg.
Nga vilat, prokurorët thanë se Policia sekuestroi 11 supermakina, para të gatshme, armë, orë luksoze, puro dhe pije alkoolike gjatë kontrolleve. Por para nxjerr edhe "Hustler's University", "shkolla" online e Tate me 40 £ në muaj që promovon skemat e pasurimit të shpejtë dhe kurse si psh: "diploma e pimpin' hoe". Në tetor, shkolla kishte 221,000 përdorues, duke gjeneruar të ardhura që përllogariteshin në 9 milion £.
Një fqinj përballë vilës së Tate tha: Para bastisjes në prill, kishte shumë njerëz që hynin e dilnin, veçanërisht gra dhe bënin festa. Por ata ishin fqinjë të mirë, shumë të ndryshëm nga personazhet e tyre në rrjetet sociale. Më pak se 500 metra larg, ishte vendi ku gruaja 21-vjeçare amerikane pretendohej se ishte mbajtur rob prillin e kaluar. Shtëpia aktualisht është e banuar nga një grua 22-vjeçare ukrainase, asistente personale e Tate dhe dy interpretuese femra rumune të TikTok. Gruaja ukrainase i tha "Times" se asnjëri prej tyre nuk ishte i përfshirë në pornografi. Por kur "Guardian" vizitoi pronën të mërkurën, një grua e re rumune me të brendshme mëndafshi rozë iu përgjigj derës, duke thënë: Nuk mund të flas me ty. Unë nuk do të flas me ju.
“Nuk i njohim vajzat apo ta dimë sa janë. Por ka pasur shumë vajza gjatë dy-tre viteve të fundit dhe ato ndryshojnë shumë. Një nga vëllezërit, nuk jam i sigurt se cili, është shfaqur në një Bentley dhe një herë në Lamborghini. Qiraja këtu është 1,700 euro në muaj, kështu që nuk është e lirë. Është një shtëpi e madhe, rreth 240 metra katrorë me të paktën tre dhoma gjumi. Të gjitha vajzat duket se flasin anglisht sepse i dëgjojmë duke folur në telefon në kopsht. Një vajzë dukej se kishte një theks amerikan. Ne pamë Policinë të bastisi pronën në një pasdite prillin e kaluar dhe më pas nuk e pamë më atë vajzë. Është e qartë për të gjithë se çfarë lloj pune po bëjnë. Ata duket se punojnë kryesisht gjatë natës pasi shtëpia bëhet vërtet e 'ngjallet' atëherë. Ata njihen si vajzat e Tate nga ne të lagjes, sepse ne e dimë llojin e punës që kanë,”-tregoi një tjetër fqinj.
Gjykatësi rumun zbuloi se të dy vëllezërit nuk kishin asnjë dënim të mëparshëm, por ishin përballur me hetime policore në Angli. Në fakt, u zbulua këtë javë se Tate u transferua në Rumani ndërsa po hetohej në Mbretërinë e Bashkuar për një përdhunim dhe sulm të dyshuar në vitin 2015. Tate u bë i famshëm si konkurrent në Big Brother të Channel 5 në vitin 2016, por ai u përjashtua nga shfaqja kur producentëve iu tha nga Policia se po hetonin akuzat për abuzim kundër tij.
Tate i mohoi akuzat përmes avokatit të tij, duke thënë: Ato [viktimat e supozuara] donin para sepse unë i pushova. Policia e kuptoi pas hetimeve që unë jam i pafajshëm dhe policia gjeti mesazhe nga telefonat e vajzave ku ato flisnin mes tyre dhe planifikonin të gënjejnë për mua.
Vidineac tha se vëllezërit pretenduan se të dashurat që i kishin lënë ishin ato që kishin orkestruar akuzat në Rumani për inat.
“Gratë besonin se do martoheshin me vëllezërit. Ka të bëjë me xhelozinë kjo. Andrew do të shtojë që me rëndësi është që fakti që numri i ndjekësve po rritet. Nëse kritikët nuk janë një gjë e mirë, fansat, po."
Marrë dhe përkthyer nga TheGuardian
Policia KOSOVË- Njësia Speciale është nisur drejt Shtërpcës, pas plagosjes së dy serbëve. Media 'Indeksonline'...
Zvonimir Stojanviç KOSOVË-Zvonimir Stojanviç, babai i një prej të plagosurve në Shtërpcë ka thënë se ...
Policia ne rruge KOSOVË- Policia e Kosovës gaboi fillimisht me moshën e një prej personave që u plagos në Komunën e Sht&...
Rruga e bllokuar KOSOVË- Pas plagosjes së dy të rinjve në fshatin Drajkovc të Shtërpcës, serbët kanë bllo...
Vjosa Osmani KOSOVË- Presidentja e Kosovës, Vjosa Osmani ka reaguar pas plagosjes së dy të rinjve në Shtërpcë. Përm...
Foto ilustruese BRAZIL- Shkatërrimi i Amazonës nga Jair Bolsonaro e bëri atë një të dëbuar global &ndash...
Ovidio Guzman MEKSIKË- Mediat në Meksikë kanë publikuar pamjet e arrestimit të të shumëkërkuarit të karte...
Oliver Varhelji BRUKSEL- Komisioneri Evropian për Politikë të Fqinjësisë dhe Zgjerim, Oliver Varhelji, ka reaguar në lid...
Ovidio Guzmán MEKSIKË- Kapja e Ovidio Guzmán, "El Ratón", një nga drejtuesit kryesorë të kartelit Sinaloa, la nj&e...
Ovido Guzman MEKSIKË- Momenti i arrestimit të djalit të bosit të drogës “El Chapo”, Ovido Guzman, është b&eu...
