Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Anketimet e bëra menjëherë pas debatit presidencial të martën, sugjerojnë se Nënpresidentja Kamala Harris u paraqit më mirë se ish-Presidenti Donald Trump.
SHBA- Nënpresidentja Kamala Harris dhe ish-Presidenti Donald Trump u përballën të martën në debatin e tyre të parë dhe ndoshta të vetëm presidencial mes tyre. Mendohet se mbi 60 milionë persona e ndoqën transmetimin e debatit. Ndërsa gara mes dy kandidatëve vazhdon të jetë e ngushtë, korrespondentja e Zërit të Amerikës Dora Mekouar shqyrton nëse debati arriti të ndryshojë qëndrimet e votuesve.
Anketimet e bëra menjëherë pas debatit presidencial të martën, sugjerojnë se Nënpresidentja Kamala Harris u paraqit më mirë se ish-Presidenti Donald Trump. Por kjo nuk arrin të ndryshojë qëndrimet e mbështetësve më të fortë të të dy kandidatëve.
“E di se nën drejtimin e Trump-it, ekonomia ishte shumë më mirë se ç’ka qenë me Biden-in. Mendoj se komentet e tij për abortin ishin mjaft të forta”, thotë Bob Jones, mbështetës nga Kalifornia i ish-Presidentit Donald Trump.
“Trump-i i dha vërtet siguri kufirit. Përse duhet t’i kemi këta kriminelë në vendin tonë? Vijnë në rrugë të paligjshme dhe pastaj ndotin, trazojnë dhe shkatërrojnë komunitetet tona”, thotë Daniel Erbe, mbështetës nga Virxhinia i ish-Presidentit Donald Trump.
“Mendoj se ajo pati energji. U tregua konçize, me vetësiguri. Foli për politika. Ishte pozitive, kur ai ishte negativ”, thotë Lisa Cassandra, mbështetëse nga Kalifornia e Nënpresidentes Kamala Harris.
“Jam e gëzuar që u mor me disa nga çështjet e vështira, me ekonominë, abortin, emigracionin. Këto janë gjërat për të cilat duhet të vazhdojmë të shohim përparim”, thotë Maxina Davis, mbështetëse nga shteti Uashington e Nënpresidentes Kamala Harris.
Disa mbështetës të ish-Presidentit Trump mendojnë se drejtuesit e debatit, gazetarët e kanalit televiziv ABC News, u treguan të padrejtë me kandidatin e tyre.
“U duk se verifikonin faktet për ato çfarë thoshte ai, por jo çfarë thoshte ajo. Kështu që nga ato që tha ajo pati shumë gënjeshtra. Jam i zhgënjyer nga kjo”, thotë Jerry Piani, mbështetës nga Kalifornia i ish-Presidentit Trump.
“E dinim se si do të ishte ky debat. Favorizoi një nga kandidatët”, thotë Tyler Pham, mbështes nga Kalifornia i ish-Presidentit Trump.
“Jam disi e zhgënjyer, pasi mendoj se asaj iu lejua shumë hapësirë për gjëra për të cilat demokratët do të jenë shumë të kënaqur”, thotë Sherry Bastian, mbështetëse nga Kalifornia e ish-Presidentit Trump.
Ndërkohë, nga të dy palët ka persona që mendojnë se nënpresidentja u paraqit më mirë.
“Mendoj se Trump-i ra pre e provokimit nja dy herë, me thumbimet e saj personale, si për përmasat e turmave të mbështetësve të tij, për njerëzit që largohen nga tubimet e tij. Mendoj se ajo e ngriti këtë temë në mënyrë shumë strategjike”, thotë Ryan Hughes, mbështetës nga Karolina e Veriut i ish-Presidentit Trump.
“Është shumë e qartë se ajo është në formën e saj më të mirë dhe se ka vullnetin për t’u përballur me të qartazi dhe pa hile”, thotë Adabri Ceo, mbështetëse nga Karolina e Veriut e Nënpresidentes Harris.
Treguesit fillestarë sinjalizojnë se asnjë nga kandidatët nuk arriti të fitojë përqindje të konsiderueshme të votuesve të pavendosur, të cilët mund të jenë vendimtarë për të përcaktuar rezultatin e zgjedhjeve të këtij viti.
“Nuk di se sa mund të ndikojë tek dikush që nuk ka vendosur ende. Mendoj se patën të dy momente të mira dhe të këqija”, thotë Ryan Hughes, mbështetës nga Karolina e Veriut i ish-Presidentit Trump.
“Mendoj se asnjëri nuk është kandidati i duhur për mua, bazuar tek ky debat dhe tek debatet e mëparshme. Pra, jam ende i pavendosur”, thotë Alex Peselj nga Karolina e Veriut.
Mund të mos ketë sidoqoftë një debat të dytë, që do të mund të ndihmonte votuesit e pavendosur. Ndërsa ekipi elektoral i zonjës Harris po kërkon mbajtjen e një debati të dytë, ish-Presidenti Trump thotë se është më pak i prirur për një debat të dytë me Nënpresidenten Harris./VOA
Antony Blinken POLONI- Sekretari i Shtetit Antony Blinken mbërriti në Poloni të enjten dhe u takua me udhëheqësit e vendit pë...
Brigitte Macron FRANCË- Dy gratë që përhapën thashethemet në internet se Brigitte Macron ishte transgjinore, u dënu...
volodymyr zelenskyy UKRAINË -Presidenti ukrainas, Volodymyr Zelensky, e quajti “shkatërrues” propozimin për paqe të paraqit...
Banka FRANKFURT- Banka Qendrore Europiane ka ulur normën bazë të interesit me 0.25 pikë përqindjeje, duke zbritur në 3.5%. Me...
Papa Françesku SIGNAPOR- Papa Françesku paralajmëroi për ndikimet negative të inteligjencës artificiale (AI) në stru...
Olaf Scholz GJERMANIA- Olaf Scholz është një njeri i qetë, të cilin është e vështirë ta nevrikosësh....
GAZA- Së paku 33 vetë mbetën të vrarë si pasojë e sulmeve izraelite në Gazë të mërkurën që godit&e...
Ambasadori i BE-së në Serbi, Emanuele Giaufret, dhe presidenti serb, Aleksandar Vuçiç SERBIA- Presidenti i Serbisë, Aleksandar...
Isaacman SHBA- Dy astronautë kanë përfunduar udhëtimin e parë komercial në hapësirë dhe kanë testuar ko...
Foto ilustruese GAZA- Agjencia e Kombeve të Bashkuara për refugjatët palestinezë, UNRWA, ka thënë se gjashtë punonjë...
