Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ish-agjenti i FBI-së, Charles McGonigal sapo ishte kthyer nga një udhëtim në Sri Lanka në janar, kur iu vendosën prangat në aeroportin JFK të Nju Jorkut. Ish-agjenti tani do të gjykohet – dhe akuzat janë të vështira!
GJERMANI- Një agjent i korruptuar i FBI-së në Nju Jork, një oligark rus i sanksionuar dhe një aferë ryshfeti shkaktojnë një tërmet që arrin deri në Gjermani! Një thriller i vërtetë politik dhe agjenturor për fondet e dyshimta, seks, udhëtimet sekrete, miq rusë, licenca nafte dhe politikë.
Në qendër të skandalit është ish-agjenti i FBI-së dhe shefi i kundërzbulimit në policinë federale amerikane, Charles McGonigal (54 vjeç) dhe një lidhje me Shqipërinë që të çon në pallatin e qeverisë në Tiranë – në afërsi të kryeministrit Edi Rama: tek miku dhe këshilltari i ngushtë Dorian Duçka. Thuhet se Duçka thjesht i ka dhënë ryshfet njeriut të FBI-së për llogari të qeverisë shqiptare.
Ish-agjenti i FBI-së, Charles McGonigal sapo ishte kthyer nga një udhëtim në Sri Lanka në janar, kur iu vendosën prangat në aeroportin JFK të Nju Jorkut. Ish-agjenti tani do të gjykohet – dhe akuzat janë të vështira!
Sepse njeriu i FBI-së nuk ishte kushdo: McGonigal dikur ishte përfshirë në hetimin e informatorit të "Wikileaks" Chelsea Manning. Ai ndihmoi në kërkimin e një "çimke" kineze brenda CIA-s dhe nisi hetimet për lidhjet e dyshuara të Rusinë me ekipit të fushatës së Donald Trump në vitin 2016 ("Operacioni Crossfire Hurricane"). Amerikani sihte një nga oficerët më të lartë federalë të zbatimit të ligjit që është paditur ndonjëherë.
Para se të tërhiqej nga detyra në vitin 2018, ai kishte drejtuar kundërzbulimin në zyrën e FBI-së në Nju Jork: ai supozohej se gjurmonte tradhtarët në radhët e tij dhe të rekrutonte vetë spiunë të mundshëm. Por McGonigal, të paktën sipas gjyqësorit amerikan, me sa duket donte punë fitimprurëse me kohë të pjesshme. Dy aktakuza në gjykatat federale - një në Distriktin Jugor në Nju Jork (me 5 akuza), e dyta në Uashington DC ( me 9 akuza) - listojnë aktivitetet e tij të supozuara të paligjshme.
Sipas dosjeve dhe raportimeve në media, ai mori detyra nga Agron Nezën, një ish-agjent gjatë regjimit komunist në Shqipëri, që tani drejton një kompani në Nju Xhersi dhe këshilltari e po ashtu, miku i kryeministrit Edi Rama, Dorian Duçka, por nuk i raportoi. Ai fluturoi në Ballkan disa herë.
Sipas të dhënave të gjykatës, ai është takuar 4 herë me Ramën: në Tiranë dhe Nju Jork. Aktakuza i përshkruan “marrëveshjet” kështu: Dikur një takim me Ramën thuhet se ka qenë për çështjen e licencave të naftës. Si Neza ashtu edhe Duçka thuhet se kanë pasur “interesa financiare” në licencimin e kompanive ruse.
Licencat jepen nga shteti shqiptar.
Një gjë është e sigurt, raportoi gjithashtu Neë York Times menjëherë pasi McGonigal u takua me Ramën; një kompanie e lidhur me njeriun e FBI-së iu dha kontrata për një koncesion nafte. Thuhet se McGonigal është aktivizuar edhe politikisht për Ramën: njeriu i FBI-së jo vetëm ka marrë ryshfet, por ka iniciuar edhe hetime nga FBI kundër kundërshtarëve politikë të Ramës.
Gjatë kohës kur ai ishte aktiv, u vendos edhe "non grata" për ish-presidentin dhe kundërshtarin politik të Ramës, Sali Berisha. Shoku i Ramës, Duçka, i cili nuk u arrit të kontaktohej nga BILD, thuhet se ka ndihmuar në identifikimin e dëshmitarëve në Evropë kur nisi hetimi.
Thuhet se ka pasur lidhje të tjera të dyshimta biznesi edhe në Bosnje-Hercegovinë. Në një moment, i pandehuri u përpoq të organizonte një takim midis një biznesmeni që merrej me farmaceutikë dhe një ish-ministri boshnjak të mbrojtjes, e po ashtu dhe zyrtarëve të lartë nga delegacioni i SHBA në Kombet e Bashkuara.
Bisedimet paraprake u zhvilluan në Gjermani.
Sipas aktakuzës, tarifa ishte 500 mijë dollarë, e cila i paguhej paraprakisht kompanisë së Nezës. Njeriu i FBI-së ka marrë gjithsej 225 mijë dollarë për punën e tij. Nga cilat arkë kanë ardhur paratë në Shqipëri? Deri tani kjo pistë ende nuk është sqaruar.
Pasi McGonigal u largua nga FBI, ai punoi për oligarkun rus Oleg Deripaska, së bashku me ish-diplomatin dhe përkthyesin rus Sergei Shestakov, i cili jeton në SHBA. Të dy shkelën sanksionet ndërkombëtare duke lobuar dhe hetuar një rival të Deripaska-s. Ata thuhet se kanë fshehur pagesat pjesërisht me nënshkrime të falsifikuara nëpërmjet një rrjeti kompanish. Në total, oligarku i pagoi 226,370 dollarë.
Deripaska është tashmë në listën e sanksioneve të SHBA në 2018.
Në të gjitha këto aktivitete, ish-agjenti i FBI-së kishte shkelur ligjet për pastrimin e parave, sanksionet dhe raportimin. Nëse shpallet fajtor, ka një dënim të gjatë me burg,
POr McGonigal kishte bërë një jetë të dyfishtë edhe në kuadrin privat: kur jetonte në Nju Jork, babai i martuar i dy fëmijëve pati një lidhje dashurie me Allison Guerriero (49) për një vit. Agjenti i FBI-së në atë kohë e gënjeu se po planifikonte një divorc me gruan e tij. Pas ndarjes, ajo i shkroi një email të zemëruar kolegut të McGonigal, William Sweeney. Ajo raportoi se McGonigal kishte çanta plot me para. Ai pretendoi se kishte vënë bast për një ndeshje basketbollit dhe e kishte fituar.
BILD u përpoq të kontaktonte adresën e sajnë Morristoën (Nju Xhersi): Sipas kunatit të saj, ajo do të ishte zhvendosur në një hotel.
Shoku i Ramës, Duçka, është kthyer në Tiranë të paktën për një kohë të shkurtër – por thuhet se disa herë ishte fshehur në Gjermani. Ai ka ende miq këtu, duke përfshirë politikanë, të cilët do të donte t'i ftonte për udhëtime me jaht në Shqipëri ose për një schnitzel në restorantin luksoz "Borchardt", në Berlin. Megjithatë, duke pasur parasysh rrethanat, Duçka, si zakonisht edhe këtë vit, do të vijë në Konferencën e Sigurisë së Mynihut së bashku me këshilltarët e Ramës dhe të tjerë politikanë shqiptarë...
Marrë dhe përshtatur në shqip nga BILD.de
E mbijetuara nga tërmeti në Turqi TURQI- Një e mbijetuar në zonën e Antakya, një ndër më të prekurat nga ...
Emine Erdogan TURQI- Presidenti turk Erdogan dërgoi një aeroplan presidencial për 16 foshnjat që u shpëtu...
Enes Melih Akat TURQI- Bilanci i vikimave nga tërmeti i fuqishëm në Turqi dhe Siri sa vjen dhe rritet ndërsa të afërm e famil...
Moldavi Rusi RUSI- Rusia ka vijuar edhe sot me planet për të sulmuar nga ajri Ukrainën. Por duket se sulmi ka devijuar pasi ka kaluar në...
Termet TURQI- Nëse sapo po na bashkoheni ose keni nevojë për një përmbledhje, këtu është një përmbledhje ...
termeti SIRI- Presidenti Bashar al-Assad është shfaqur në televizionin sirian duke takuar punonjësit e shpëtimit në vendin e ...
Aleksandr Novak RUSI- Sipas njoftimeve nga agjencitë ruse të lajmeve, zëvendëskryeministri rus, Aleksandr Novak, njëherësh mi...
Natalia Gavrilita MOLDAVI- Duke i habitur të gjithë, kryeministrja e Moldavisë, Natalia Gavrilita, njoftoi sot dorëheqjen e q...
Arrestimi SHBA- Një korrespondent i 'NewsNation' u arrestua ditën e djeshme pasi po raportonte drejtpërdrejt gjatë një k...
Shkaterrimi i qytetit TURQI- Turqia ka refuzuar ndihmën nga Qipro, të cilën ajo nuk e njeh si shtet, sipas 'Skynews'. Ministria e jashtme qi...
