"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Këto sulme u bënë ndërkohë që Shtetet e Bashkuara thanë se nuk do t’a pakësojnë ndihmën ushtarake për Izraelin edhe pas vlerësimit të organizatave ndërkombëtare se Izraeli nuk ka përmbushur kërkesat amerikane për futjen e ndihmës humanitare në Gazë.
SHBA- Zyrtarët palestinezë të shëndetësisë thonë se sulmet ajrore izraelite vranë të paktën 46 persona në Rripin e Gazës, ndërsa në Liban, aeroplanët izraelitë bombarduan periferitë e Bejrutit duke shkaktuar 33 viktima.
Këto sulme u bënë ndërkohë që Shtetet e Bashkuara thanë se nuk do t’a pakësojnë ndihmën ushtarake për Izraelin edhe pas vlerësimit të organizatave ndërkombëtare se Izraeli nuk ka përmbushur kërkesat amerikane për futjen e ndihmës humanitare në Gazë.
Gjatë 24 orëve të fundit, sulmet ajrore izraelite vranë 46 persona në Rripin e Gazës, përfshirë 11 në një kafeteri të improvizuar në të ashtuquajturën zonë humanitare, sipas mjekëve palestinezë.
Në të njëjtën kohë, aeroplanët izraelitë bombarduan periferitë e Bejrutit dhe vende të tjera, duke shkaktuar vdekjen e 33 personave. Në mesin e viktimave në Gazë dhe Liban kishte gra dhe fëmijë, sipas punonjësve shëndetësorë.
Raketa u hodhën edhe në drejtim të Izraelit nga Libani, duke vrarë dy persona në një depo ndërtimesh në veri të Izraelit. Një dron i Hezbollahut po ashtu goditi një kopësht fëmijësh në Haifa, por fëmijët ishin brenda vendstrehimit nga bombat.
Sulmet ndodhën vetëm pak orë pasi Presidenti izraelit Isaac Herzog takoi Presidentin amerikan Joe Biden në Shtëpinë e Bardhë dhe ndërkohë që Presidenti i zgjedhur amerikan Donald Trump ka zhvilluar biseda të shpeshta telefonike me kryeministri izraelit Benjamin Netanyahu gjatë kësaj jave.
“Përkushtimi im për Izraelin është i çeliktë. Kemi një miqësi të thellë dhe dua t’ju falenderoj që jeni këtu…”, deklaroi Presidenti Biden.
Presidenti Herzog, një figurë ceremoniale në Izrael, akuzoi Iranin për konfliktet në Lindjen e Mesme.
“Fillimisht duhet t’i kthejmë pengjet në shtëpi. Gjithshka fillon në Teheran, aty është perandoria e ligësisë. Teherani dhe grupet e lidhura me të po bëjnë çdo gjë në fuqinë e tyre për të minuar stabilitetin, sigurinë dhe paqen, duke bërë thirrje për shkatërrimin e shtetit të Izraelit dhe duke synuar prodhimin e armëve bërthamore”, deklaroi ai.
Më pas, Presidenti Herzog tha se diskutimet e tij me Presidentin Biden ishin “të hapura dhe të sinqerta”. Një ditë më herët ai përgëzoi Presidentin e zgjedhur Trump, duke e quajtur atë “kampion të paqes” dhe “mik të madh të Izraelit” në një tubim të organizatave hebre në Uashington.
Të martën Departamenti amerikan i Shtetit tha se Izraeli ka bërë përparim në lejimin e futjes së ndihmës humanitare në Gazë dhe se Uashingtoni do të heqë dorë nga kërcënimi për t’ia kufizuar ndihmën ushtarake.
Sekretari amerikan i Shtetit Antony Blinken tha të mërkurën gjatë vizitës në selinë e NATO-s në Bruksel se ka ardhur koha që Izraeli t’i japë fund luftës në Gazë.
“Veç dhënies fund luftës, që ne besojmë se ka ardhur koha, duhet po ashtu të shohim që veprimet humanitare zbatohen plotësisht në vazhdimësi. Duhet të ketë pauza më të gjata humanitare. Izraeli duhet të përmbushë përgjegjësitë që i takojnë. Do ta përcjellim këtë çështje çdo ditë”, deklaroi ai.
Organizatat e ndihmave humanitare thonë se situata në Gazë është shumë e rëndë. Studiuesi Rapahel Cohen nga Korporata Rand, i cili sapo është kthyer nga kufiri që ndan Izraelin dhe Gazën, i tha Zërit të Amerikës se e tërë situata mund të ndryshojë në momentin kur zoti Trump fillon mandatin.
“Trumpi e ka bërë të qartë se ai dëshiron që kjo luftë të përfundojë para se ai ta fillojë mandatin. Ky pretendohet të jetë mesazhi që ai i komunikoi Kryeministrit Netanyahu. Në të njejtën kohë, Presidenti Trump, më shumë se Presidenti Biden, është më i prirë të ndjekë një kurs më agresiv, në veçanti me Iranin”, tha ai.
Rreth 43,000 palestinezë janë vrarë gjatë luftës në Gazë, sipas autoriteteve palestineze të cilët nuk bëjnë dallimin ndërmjet civilëve dhe militantëve, por që thonë se mbi gjysma e të vdekurve janë gra dhe fëmijë./VOA
pete hegseth SHBA- Presidenti i sapozgjedhur i SHBA-së, Donald Trump, ka emëruar Pete Hegseth, një prezantues, autor dhe veteran ushtarak i ...
foto ilustruese BRITANI- The Guardian ka njoftuar se nuk do të postojë më përmbajtje në platformën e mediave sociale të ...
Foto ilustruese SHBA- Që nga Florida e deri në Virxhinia, amerikanët po përpiqen të rimëkëmben nga dëmet e shkaktua...
SPANJË- Spanjollët po përballen me një valë tjetër reshjesh të dendura, vetëm dy javë pas përmbytjeve s...
Foto ilustruese KOSOVË- “Kush del i fundit, le t’i ndalë dritat”... Komente si ky kishin shoqëruar lajmin se kosovarë...
pamje nga permbytjet ITALI- Moti i keq ka përfshirë rajonin e Siçilisë në Itali, duke shkaktuar përmbytje dhe dëme t&e...
matarella, musk ROMË- Presidenti i Italisë, Sergio Mattarella i bëri thirrje Elon Musk sot që të mos ndërhyjë në &c...
fotot ilustruese KINË- Kina ka mbajtur stërvitje detare dhe ajrore më 13 nëntor afër Cekëtinës të kontestuar Skarbo...
Kryeministri i Japonisë JAPONI- Kryeministri i Japonisë dhe kryetari i Partisë Liberale Demokratike, Shigeru Ishiba u pa duke...
Vitia KOSOVË- Ministri i Shëndetësisë në Kosovë, Arben Vitia, tha se pret që në mesin e muajit dhjetor në Qend...
